Solomon është duke vazhduar përgatitjet për derbin mes Tiranës dhe Partizanit, duke kërkuar që të lërë gjurmë në këtë sfidë. Lojtari i Partizanit festoi të martën datëlindjen e 25, ndërsa përpara se t’i frynte qirinjve, po mendonte dëshirën për t’i shënuar bardhebluve. Në intervistën për Supersport, Solomon ka folur më tepër mbi rëndësinë e derbit.
“Është një ndeshje e madhe, nuk është si ndeshjet e tjera, është një takim shumë i rëndësishëm për lojtarët, trajnerin dhe tifozët. Nëse fitojmë do të jetë një hap i rëndësishëm përpara për ne, do të jetë një dozë e madhe morali.
Uroj dhe shpresoj të shënoj, një nga dëshirat që shpreha për ditëlindje ishte pikërisht kjo, të shënoj në derbi. Do të bëj maksimumin për ta kthyer dëshirën në realitet”, ka thënë Solomon. /Sport Ekspres/