Tashmë mund të thuhet me plotë kuptimin e fjalës se Teuta është “macja e zezë” e Tiranës. Durrsakët kanë arritur që të mundin sërish bardheblutë duke fituar në shifrat 0-1. Goli i vetëm i takimit ka ardhur nga ana e Lorenzo Vilës pas goditjes me kokë falë krosimit fantastik të Bregut. Pavarësisht sulmeve të kampionëve aktualë të Superiores, nuk kanë arritur që të tundin rrjetën e kundërshtarëve.
Kjo ishte humbja e katër në katër ndeshjet e fundit direkte mes këtyre dy ekipeve. Martini ia ka gjetur çelsin ekipit të bardhebluve për mënyrën sesi mund të mposhtën, pavarësisht se Tirana vinte me një moral më të lartë pasi mundën Kukësin në shifrat 2-0. /Sport Ekspres/
Tirana: Bekaj, Toli, Vangjeli, Hoxhallari, Vrapi, Batha, Najdovski, Danso, Muçi, Kobinah, Sasraku
Teuta: Frashëri, Kuros, Arapi, Hoxha,Todorovski, Aleksi, E.Vila, Avdyli, L.Vila, Bregu, Hebaj