“Premier League” ka nisur me shumë surpriza në këtë sezon të ri, atje ku ekipet kryesore për të fituar titullin kanë lënë shumë pikë në këto ndeshje dhe shihen shumë larg vendeve të para. Ndërkohë nuk po mungojnë edhe surprizat, ndërsa vendin e parë të Evertonit e ka marrë Southampton.
Kjo është hera e parë që Southampton sheh kryesimin në elitën e futbollit anglez. Për këtë arsye nuk mund të qëndronte kurrsesi pa një reagim vetë faqja zyrtare e klubit. E shtyrë edhe nga gjendja politike në SHBA, atje ku po vazhdon ende numërimi i votave për zgjedhjen e presidentit, shkrimi që vjen nga Southampton është brilant.
Nëpërmjet kërkesës së Donald Trump mbi një tjetër çështje në Amerikë, Southampton “kërkon” nga Federata që të mbyllet numërimi që e shpall si kampione të “Premier League”. /Sport Ekspres/
STOP THE COUNT pic.twitter.com/rS94knWEhO
— Southampton FC (@SouthamptonFC) November 6, 2020