Përpara ndeshjes mes Tiranës dhe Kukësit ka folur edhe trajneri i bardhebluve, Egbo. Ky i fundit ka vendosur theksin se kryeqytetasit janë kampionët në fuqi dhe në këtë mënyrë kërkon që të motivojë edhe lojtarët e rinjë. Ndërkohë kur flitet për ndeshjet direkte me verilindorët, atje ku Kukësi e ka mundur Tiranën në pjesën më të madhe të rasteve gjatë sezonit të shkuar, Egbo kujton se në fund ajo që mbahet mend është fituesi i kampionatit.
“Të gjitha skuadrat janë njësoj dhe nuk dihet saktësisht gjendja e tyre. Tirana-Kukësi mund të jetë një tjetër derbi i Superiores. Ndeshjet direkte me Kukësin? Me rëndësi në fund është kush ka fituar kampionatin dhe jo kush ka fituar në përballjet direkte. Formacionet e kundërshtarëve nuk dihen ende, do të kuptohen pas 2-3 ndeshjeve. Ne jemi kampionët në fuqi, ekipi për t’u mundur. Këtë presim që ta mësojnë edhe lojtarët e rinjë”, ka thënë Egbo. /Sport Ekspres/