Jasir Asani është transferuar te AIK me zyrtarizimin që ka ardhur edhe nga vetë Partizani. Një pritshmëri të lartë ka në klubin suedez për këtë lojtar, ndërsa presin që t’i sjellë sa më shumë kualitete pjesës së sulmit.
Me optimizëm të madh ka folur edhe drejtori sportiv i AIK, Bjorn Ëestrom, sa i përket këtij afrimi që është me formulën huazim me të drejtë blerje. “Ne dëshirojmë që Jasiri të ndihmojë sulmin tonë në disa mënyra të ndryshme dhe kështu të zhvillojmë ofensivën e ekipit, që të jemi sa më kërcënues për rivalët. Mezi presim të punojmë me të që nga fillimi në janar”, ka thënë Ëestrom. /Sport Ekspres/