Janë përcaktuar dhe skuadrat që kalojnë më tej në grupin H. Surprizën e ka bërë Polonia e cila ka mundur Japoninë me rezultatin minimal. Në anën tjetër Kolumbia ka thyer Senegalin, duke rrëmbyer kështu vendin e parë. Skuadra e dytë që kualifikohet është Japonia, e cila e sheh veten në raund tjetër vetëm në sajë të kartonëve të verdhë. Si Japonia dhe Senegali kanë nga 4 pikë dhe nga 4 gola të shënuar si dhe po 4 të pësuar.
JAPONI – POLONI 0-1
Shënues: Bednarek 60?
60 ‘ – GOL POLONIA – Përfaqësuesja polake ka realizuar golin e parë të takimit ndaj Japonisë, me anë të Bednarek, i cili u tregua i saktë në goditjen e tij në brendësi të zonës kundërshtare. Mjaft e ndërlikuar pozita e japonezëve që tani rrezikojnë shumë.
SENEGAL – KOLUMBI 0-1
Shënues:Mina 75?
75’ –KOLUMBIA Pas harkimit nga këndi, Mina është treguar i saktë me kokë, duke i dhënë avantazhin kolumbianëve. Tani gjithçka bëhet akoma dhe më interesante sa i përket skuadrës së dytë që do të kualifikohet. Senegali ka reaguar mjaft mirë dhe është hedhur në sulm për të gjetur golin e barazimit, që do të ishte dhe i kualifikimit për në raundin tjetër.