Vazhdojnë të dalin detaje interesante nga eliminimi i bujshëm i Barcelonës në Champions League, duke u mundur 3-0 në Romë, pas suksesit 4-1 në Barcelonë.
Tani ka dalë në dritë një video e Andres Iniestës, i cili në një farë mënyre bëri Kasandrën, duke parashikuar eliminimin nga Roma.
Kapiteni u kap nga kamerat e ESPN ndërsa fliste me Sergi Roberton dhe Samuel Umtitin në tunelin e dhomave të zhveshjes në “Olimpico” para fillimit të pjesës së dytë.
Barça kishte humbur 1-0 pjesën e parë dhe dukej ende shumë larg eliminimi, sepse Romës i duheshin edhe dy gola, por Iniesta e paralajmëroi tragjedinë.
“Do ta humbasim, duke luajtur ashtu si po luajmë…”, u tha mesfushori shokëve të skuadrës, duke u kthyer në fushë.