Shiu ndali gjithcka dje pas pushimit, me Egnatian në avantazh ndaj Kastriotit, por ai gol i Agbodikes mbeti në fuqi edhe sot, kur u luajtën 45 minutat e dyta, me mot shumë më të mirë.
Në Rrogozhinë fusha u kthye në gjendje të mirë, por nuk ndryshoi asgjë, sepse Egnatia mbrojti mjaft mirë avantazhin.
Lojë e hapur, herë-herë nervoze, por pak raste për shënim dhe shumë lojë mesfushe.
Në fund festa është për Egnatian, që tashmë është e dyta dhe rihap kampionatin, sepse Kastrioti nuk duket i pathyeshëm dhe kampionati është i ndërlikuar, duke qenë se në play-off pikët përgjysmohen.
