Brighton ka arritur të fitojë ndeshjen e fundit për këtë vit kundër Bournemouth me rezultatin 2-0. Goli i parë i takimit ka ardhur shumë herët, teksa sulmuesi Jahanbakhsh ka arritur të zhbllokojë shifrat që në minutën e 3-të. Një gol tejet i veçantë ky për iranianin, që përpo rezultatit më në fund zhbllokoi edhe ngërçin e tij përpara porte.
Ky ishte goli i tij i parë në Premier League, teksa ka që momentin kur firmosi për Brighton në vitin 2018 që nuk e ka provuar shijen e golit, megjithëse hapësirat në fushën e lojës nuk i kanë munguar. Pikërisht kjo ka qenë edhe arsyeja që ka sjellë lot në sytë e Jahanbakhsh, që pas këtij realizimi duhet të ketë rritur më tepër besimin te vetja./Sport Ekspres/