Kristjan Asllani po fiton vendin e titullarit në radhët e Empolit. Klubi italian beson në aftësitë e 19-vjeçarit shqiptar, i cili ia ka shpërblyer trajnerit me paraqitjet e tij në fushën e lojës. Një motorr i vërtetë në mesfushë dhe këtë e vërtetojnë edhe shifrat.
Në statistikat e njerra për ndeshjet e javës së shkuar në Serie A, Asllani gjendet në krye të renditjes. Plot 14‘446 metra janë përshkuar nga lojtari shqiptar, më shumë se çdo futbollist tjetër në Serie A. Në podium së bashku me të janë edhe Coulibaly i Salernitanës me 13‘906 metra, si dhe Brozoviç i Interit me 13‘231 metra në fushën e lojës./Halit Delibashi-Sport Ekspres/