Jasir Asani do të veshë për të parën herë në karrierën e tij fanellën e Kombëtares shqiptare. Ish-futbollisti i Partizanit e ka pritur prej kohësh këtë moment, teksa nuk e ka fshehur asnjëherë dëshirën për të qenë pjesë e ekipit kombëtar.
Silvinjo i ka bërë ëndrrën realitet 27-vjeçarit, që do të jetë i gatshëm për sfidën kundër Polonisë. Asani ka shpërndarë një postim në llogarinë e tij zyrtare në “Instagram”, ku ka shfaqur gjithë lumturinë që ndjen për ftesën e parë të Shqipërisë.
“Ëndërr e bërë realitet. Faleminderit Zot që po më jep mundësi të vesh fanellën e Kombit tim”, ka shkruar Jasir Asani bashkëngjitur një fotoje të tij me fanellën e Kombëtares shqiptare. Një moment që lojtari nga Shkupi do e mbajë mend gjatë./Halit Delibashi-Sport Ekspres/
View this post on Instagram