Derbi i kryeqytetit nisi me imazhin e Panajot Panos të shpalosur në “Air Albania” nga ultrasit e Partizanit. Një legjendë e të kuqve, por edhe e Kombëtares shqiptar, që nesër do të festonte 84-vjetorin e tij. Djali i ikonës së Partizanit, Ledio Pano, ka folur për emisionin “Ti Bo Gol” në “Oversport” pas derbit të kryeqytetit dhe ka përgëzuar “Ultras Guerrils”-at për nderimin e figurës së babait të tij.
“Ai futbollisti më i mirë i Partizanit dhe i Shqipërisë, nesër ka ditëlindjen. Kjo ishte dhurata më e mirë që Partizani i bëri. Dua të përgëzoj të gjithë “Guerrilsat”, sepse është e vështirë të harrosh një figurë të tillë. Kjo fitore është për atë“, ka thënë Ledio Pano./Halit Delibashi-Sport Ekspres/