Trajneri i Brazilit tha se lojtari ofensiv i Santos nuk do të kthehet në ekipin kombëtar, gjë që praktikisht mbylli një nga ciklet më të mëdha në historinë e ekipit kombëtar brazilian. Ancelotti shpjegoi në një intervistë me CNN Esportes se vendimi erdhi nga vetë Neymar dhe jo si rezultat i thjesht përjashtimit të tij nga trajneri.
“Neymar e ka konfirmuar tashmë, ai nuk dëshiron të kthehet në ekipin kombëtar. Neymar nuk mund të zëvendësohet sepse ai ishte një talent i jashtëzakonshëm dhe unik”, tha eksperti italian. Ky është fundi i historisë së lojtarit që ishte figura qendrore e Brazilit për më shumë se një dekadë. Neymar është golashënuesi më i mirë në historinë e ekipit kombëtar me 80 gola në 130 paraqitje.
Neymar është një nga mungesat më të mëdha, por nuk është i vetmi. Casemiro, Alisson, Ederson, Alex Sandro dhe Lucas Paquetá janë ndër lojtarët e lënë jashtë listës, gjë që tregon se sa serioze janë ndryshimet që Ancelotti dëshiron të bëjë. /Elio Hajdari-Sport Ekspres/