Burnley bëri një përmbysje të pabesueshme ndaj Crystal Palace në ditën e djeshme. Burnley fitoi në shifrat 2-3 dhe mban gjallë ende shpresat për mbijetesë, pavarësisht se misioni është ende i pamundur në dukje.
Ajo që i habiti të gjithë ishte lënia jashtë e Armando Brojës. Shqiptari nuk ishte as në stol, ndërsa vendin e tij e zuri Barnes, një sulmues 38 vjeçar që e ka mbyllur futbollin prej kohësh me Burnley.
Ky ishte një sinjal i qartë i trajnerit Foster, i cili në deklaratë ka nënkuptuar një mungesë të impenjimit të Brojës në stërvitje. Ai ka thënë se shqiptari ka pasur një problem të vogël, por se nuk ishte kjo arsyeja se pse e la jashtë ekipit.
“Ishte thjesht një vendim i skuadrës dhe padyshim ndihesha më mirë kështu për të vepruar. Broja ka pasur një problem të vogël, por vendimi im ishte pikërisht ky. Në këtë moment, mund të emëroj vetëm një numër të caktuar lojtarësh dhe kjo ishte mënyra se si vepruam”, tha Foster. /Sport Ekspres/