“Klubi nuk ka projekt, s’ka një model që duhet ndjekur. E vetmja strategji i Bartomeut gjatë viteve të fundit ka qenë shpenzojë para që realisht klubi nuk i përballon dot për lojtarë që kanë dështuar krejtësisht. S’po punojmë më me “La Masian”. Në kohën time kjo ishte diçka thelbësore. Na u desh të ishim të duruar dhe t’u jepnim mundësi shumë lojtarëve”.

“Situata financiare e klubit është delikate. Barcelona gjithmonë ka blerë lojtarët më të mirë, por ka pasur gjithmonë një planifikim financiar. Bartomeu po falimenton klubin. Pse mendoni se është shtyrë projekti për rinovimin e Camp Nou”.

REAL MADRID –“Ata po shpenzojnë shumë të mëdha parash. Duan vetëm suksesin në Champions, nuk u interesojnë fare kampionati ose kupa. Nuk është një model që më pëlqen mua, por s’mund ta mohoj se kanë pasur një sukses të pabesueshëm gjatë viteve të fundit”.

https://twitter.com/barcacentre/status/1155604879458615296?s=20

Në video të shpërndara në rrjetet sociale shikohen momentet e panikut që përfshinë futbollistin e famshëm. Menjëherë pas incidentit Mesi o shoqërua jashtë ambienteve të koncertit,

https://twitter.com/barcacentre/status/1155606804811976706?s=20

Zakonisht, me Mesin duke sulmuar dhe me Grizmanin të kthyer në mbrojtje, pasi kjo është filozfia e Simeones te Atletiko. Një driblim i Lionel Mesit ndaj Grizman është bërë viral në rrjet, pasi mënyra si francezi mbetet në vend pasi Mesi “zhduket”, është me të vertetë diçka shumë gazmore.

Drejtori sportiv i kampionëve të Francës dhe njëkohësisht bashkëkombësi i Nejmar, Leonardo, ka vendosur të bëjë çdo gjë publike në lidhje me situatën aktuale që ekziston midis klubit dhe 27-vjeçarit. Në një intervistë për të përditshmen franceze “Le Parisien”, drejtuesi i lartë i PSG-së ka diskutuar për më shumë se një orë në lidhje me këtë çështje të nxehtë.

Cili është problemi midis Nejmarit dhe PSG-së?

Sot (dje), ai nuk ishte i pranishëm në stërvitje. Supozohej që do ishte kthyer nga Brazili, por nuk ka ndodhur kështu. Ai i dinte se duhej të paraqitej. Do shqyrtojmë se çfarë masash do të marrim, ashtu sikurse do kishim bërë për çdo punonjës tjetër të klubit”.

A ka pasur ndonjë shpjegim nga ana e tij për mosparaqitjen?

Ai ka pasur disa angazhime me një projekt të tijin në Brazil dhe një sponsor, por kjo nuk ishte data që ishte rënë dakord me klubin. Gjithsesi, ai ka luajtur lojën e tij të fundit më 6 qershor. Pushimet mbaronin më datë 8 korrik.

Kur do të kthehet Nejmar në stërvitje?

Nuk e di. Nuk e di akoma. E vetmja gjë që unë di është se ai nuk ishte i pranishëm në datën e planifikuar për fillimin e stërvitjes, 8 korrikun.

A ju ka thënë Nejmar se ku dëshiron të vazhdojë?

Kjo është diçka e qartë për të gjithë tani, por në futboll mund të thuash diçka sot e diçka tjetër të nesërmen. Është diçka e pabesueshme, por ky është realiteti i kësaj industrie ku ne punojmë

Keni mbërritur në 14 qershor në Paris, a keni folur me të?

Po kam folur. S’dua t’u tregoj çdo hollësi të bisedës. Kam folur dhe me babanë e tij. Është diçka që dihet nga të gjithë. Pozicioni i secilës palë është qartë. Megjithatë, në këtë moment që po flasim vetëm diçka është konkrete: Nejmar ka dhe tri kontratë me ne. Përderisa nuk kemi marrë një ofertë s’ka gjë për të diskutuar.

Përse mendoni se ka dëshirë të largohet ?

Iu përgjigja njëherë kësaj pyetje. Kur një lojtar kërkon të largohet nga një klub, po flas në përgjithësi, është diçka mëse normale e jetës së një futbollisti. Përse duhet ta përjetojmë këtë situatë si një përdhosje. Klubi ia ka dalë të bindë shumë lojtarë të qëndrojnë në të shkuarën. Në rastin e Nejmar, nuk është paraqitur në stërvitje, pra është faji tij. Kemi politikat tona të brendshme për raste të tilla. T’i themi gjërat siç janë, në shumë klube ndodh që lojtarët të mos paraqiten në ditën e parë të grumbullimit.

Situata e ofertave?

Nuk kemi marrë asnjë ofertë. Megjithatë është e vërtetë që kemi pasur disa kontakte të thjeshta.

Me Barcelonën?

Po.

Çfarë mund të thoni për strategjinë e drejtuesve të  Barcelonës ?

Ata na thanë që ishin të interesuar të blinin kartonin e lojtarit, por ne u thamë që nuk e kemi në shitje. Nuk e mendojmë që Barcelona është në një pozitë ku mund ta blejë lojtarin tonë.

Me cilat kushte do të pranonte PSG-ja transferimin?

Thjesht na duhet të flasim e të negociojmë. Kjo është e gjitha. Boll me pyetje për Nejmarin, ju lutem.

Një të fundit. A keni vendosur ndonjë afat për këtë çështje?

Kjo është me të vërtetë një çështje shumë e rëndësishme. Janë shumë gjëra në lojë. Së dyti, një rast i këtyre përmasave nuk është vetëm një çështje ndjenjash, është një çështje financiare.

Përfundimisht, a është e mundur që Nejmar të largohet këtë verë?

Nejmar mund të largohet nga PSG-ja, nëse vjen një që gëzon të gjitha palët. Por deri këtë moment, ne nuk e dimë nëse ka ndonjë klub që dëshiron ta blejë atë ose çmimin që mund të ofrojnë. Diçka e tillë nuk mund të kryhet brenda një dite. Kjo është e sigurt.

Pra PSG nuk dëshiron ta mbajë Nejmarin në skuadër me çdo kusht…?

PSG dëshiron të mbështetet në lojtarë që duan të qëndrojnë e të ndërtojnë diçka të veçantë. Nuk duam të kemi lojtarë që i bëjnë ndere klubit me praninë e tyre në skuadër.

PSG duhet të jetë më e pushtetshme se Nejmar, apo jo?

Nuk di ndonjë klub që ka dalë i fituar kur ka pasur një lojtarë të të fuqishëm se vetë klubi. Një klub duhet të ecë përpara, duhet të ketë kontroll mbi gjithçka. Këtu përfshihen edhe lojtarët më të rëndësishëm.

Si do ta punoni në merkato duke pasur parasysh situatën e paqartë me Nejmar?

Nuk ka plan “me Nejmar” dhe plan “pa Nejmar”. Realiteti është që ai ka një kontratë me PSG-në. Për momentin, nuk ka asnjë ofertë konkrete.

“CONMEBOL”, institucioni që qeveris futbollin amerikano-jugor u shpreh shumë i indinjuar me deklaratat e Mesit. Në një komunikatë për shtyp,“CONMEBOL” i cilësoi të papranueshme deklaratat e argjentinasit.

Në ditët në vazhdim pritet që të merret një vendim mbi pezullimin e “pleshtit”. Rregullorja e “CONMEBOL” është e qartë. Lojtarët ose zyrtarët që lëshojnë deklarata fyese ndaj integritetit të garës mund të dënohen deri në dy vite përjashtim nga eventet e “CONMEBOL”.

Mbetet për t’u parë se sa striktë do tregohen zyrtarët e konfederatës amerikano-jugore, megjithëse shumë ekspertë janë të mendimet se për një konflikt i hapur midis “CONMEBOL” dhe Mesit do sillte dëne të mëdha për të dy palët.

“S’ka asgjë për të shqetësuar, e kemi parë dhe herë të tjera këtë gjë. Gjithmonë them të vërtetë pasi kjo më bën të ndihen më i qetë. Mendoj se kjo ndodhi për shkak të atyre qe thashë, ndoshta ky ishte çmimi që duhet të paguaja. Gjithçka mund të mbyllej aty me vetëm një karton të verdhë”.

PËRSE NUK SHKUAT TË MERRNIT MEDALJEN?

“Ndikuan nga pak të gjitha. Nuk kemi përse të jemi pjesë e këtij korrupsioni, e kësaj mungese respekti për të gjithë turneun. Jemi për më shumë se kaq. Korrupsioni, arbitrat dhe të gjitha këto nuk i lënë njerëzit të marrin pjesë në futboll, në spektaklin e këtij sporti, kështu e rrënojmë nga pak”.

AKUZAT NDAJ BRAZILIT –  “Nuk kam asnjë guxim, e gjitha kjo po bëhet për Brazilin. Shpresoj që VAR dhe arbitrat të mos ndikojnë në finale në mënyrë që Peruja të ketë një shans për të konkurruar. Kanë një ekip të mirë, por e shoh të vështirë”.

MEDEL – “Medel i tillë është gjithmonë, bën çdo gjë deri në limite, ka bërë shpesh sherre. Gjithsesi siç e thashë me një të verdhë gjithçka mund të mbyllej aty”.

“Pleshti” nuk e ka përjetuar aspak mirë vendimin e gjyqtarit. Në shenjë proteste 32-vjeçari nuk ka qenë me pjesën tjetër të skuadrës në momentin e dorëzimit të medaljeve të bronzta.

Vendimet e trupës së gjyqatarëve në “Copa America” kanë ndikuar jo pak në eliminimin e Argjentinës në gjysmëfinale ndaj Brazilit, ku vetë Mesi akuzoi publikisht gjyqtarin kryesor të atij takimi.

Luzitani kaloi te Çelsi, ndërsa braziliani zgjodhi kalimin në Itali te Milani i Berluskonit. Lidhur me këto dy largime nga Barcelona, së fundmi ka folur një ish-katalanas si Aleksandër Hleb.

Bjellorusi ka zbuluar diçka interesante, ku ka treguar se Deko dhe Ronaldinjo u shitën nga Barça nga frika se mund të shkatërronin Lionel Mesin.

“Ronaldinjo dhe Deko vinin në stërvitje ndonjëherë të pirë. Kjo është arsyeja që në vitin 2008 u vendos që ata të shiten. Drejtuesit e Barcelonës kishin frikë se mos ata mund të shkatërronin Mesin”, rrëfeu Hleb.

“Ronaldinjo e Deko vinin shpeshherë në stërvitje të dehur. Kjo ishte dhe arsyeja që ata të dy u shitën në 2008-ën. Drejtuesit e Barcelonës kishin frikë se sjelljet e tyre do të transferoheshin te Mesi, pasi ai ishte shumë i ri dhe i shikonte Dekon e Ronaldinjon si shembujt për t’u ndjekur.

Kjo është arsyeja e vërtetë që Ronaldinjo e Deko u larguan, vetëm për të mbrojtur Mesin, jo se kishin probleme me Guardiolën. Pep i ka trajtuar të gjithë njësoj dhe në shumë raste, ka mbyllur njërin sy, vetëm që skuadra të kishte harmoni”, përfundoi ish-futbollisti bjellorus.

As Lionel Mesi dhe as Serxhio Aguero nuk kanë arritur të përzgjidhen. Portën e mbron gardiani i Venezuelës Farinez, ndërsa përpara tij qëndron dyshja e Uruguajit në qendër, Zhimenes-Godin. Nga krahët janë brazilianët Filipe Luis e Dani Alvesh.

Mesi i fushës përbëhet nga dyshja e Kilit në qendër, Aranguiz-Pulgar, ndërsa në krah luajnë Maçis i Venezuelës dhe Hames Rodrigez. Sulmi është pronë e Kavanit dhe Everton, i cili ka mahnitur deri tani me Brazilin.

Megjithatë, pas kaq e kaq shumë kohësh, ka zhgënjyer dhe vetë ai. Në takimin e “Copa America” ndaj Katarit, argjentinasit iu dha një shans i shkëlqyer për të çuar shifrat në 2 – 0, por si rrallëherë e majta e “pleshtit” e fluturoi topin mbi traversë. Fundja, askush nuk është perfekt.

https://twitter.com/AyodejiX2/status/1142901006952517633

Kualifikimi nga faza e grupeve është komplikuar tepër për Argjentinën dhe kritikat kundrejt Mesit nuk kanë munguar. Përveç kritikave, ka pasur dhe nga ata që kanë ironizuar me paraqitjen e Mesit.

Klubi anglez, Njukasëll, ka shfrytëzuar Twitter-in për të ngacmuar yllin e Barcelonës. Krahas një fotoje, ku është në dyluftim Mesi dhe lojtari i tyre, Miguel Almiron, klubi legjendar anglez shkroi: “Një gjeni i futbollit dhe Lionel Mesi.”

Edhe pse në nuancat e shakasë, reagimet kanë qenë nga më të shumtat, madje “cicërima” e klubit anglez u bë virale në rrjet, me mediat nga më të ndryshmet që e raportuan si lajm. Ndoshta do të ketë dhe një reagim nga vetë Mesi.

A football genius and Lionel Messi. #NUFC #CopaAmerica pic.twitter.com/ne28dZqRQX

— Newcastle United FC (@NUFC) June 20, 2019

MESI – “Është lojtari më i mirë në botë, pa asnjë dyshim. Është një mjeshtës në pasim, finalizim, driblim, është tërësisht i kompletuar. Kristiano Ronaldo është më i kompletuar në aspektin e finalizimit, ndërsa Mesi ka shumë pika të forta si futbollist në tërësi. Ai është aq i zoti, sa që besoj se një pjesë e tifozëve brazilian duan që ai ta fitojë trofeun e “Copa America”. Duan më shumë atë se kombëtaren e Brazilit”.

KRAHASIMI ME MARADONËN DHE PELEN – “Në aspektin teknik ai është më i mirë se Maradona. Ka treguar shumë vazhdueshmëri në karrierën e tij. Luan prej më shumë se 10 vitesh në nivele shumë të larta. Pason më shumë se ai. Diego (Maradona) ishte një lojtar që binte në sy, do e krahasoje me Ronaldinjon, por pak më i mirë se ai.

“Pele ka pasur diçka që Mesi nuk e ka: Forcën fizike. Ishte si një dem. Shtynte mbrojtësit me forcë dhe i godiste. Kishte aftësi teknike të mëdha, dinte të driblonte mirë dhe ishte po aq kreativ se Mesi, por shumë herë më i fortë. Kur gjërat nuk po shkoni mirë, Pelja kthehej në një bishë, nuk mund ta them të njëjtën gjë për Mesin. Peleje nuk ishte një lider, por në aspektin psikologjik ishte shumë i fortë. Sa më e vështirë bëhej loja, aq më agresiv bëhej ai. Mendoj se kjo e diferencon me Mesin”.

Pjesa  e parë foli e gjitha për Kolumbinë. Djemtë e drejtuar nga Karlos Keiroz dominuan në mënyrë të frikshme pjesën e parë, por zotërim i topit nuk u pasua me raste për shënim.

Në fillim të pjesës së dytë Argjentina u duk se u zgjua me Paredes dhe Mesin që i afrohen golit, por në momentin më të mirë të argjentinasve, kolumbianët shënojnë me anë të Roxher Martinez.

Në minutën e 81-të Keiroz heq nga fusha Falkaon për t’i dhënë pak minuta Duvan Zapatës. Sulmuesit të Atalantës i mjaftojnë vetëm 5 minuta për të vënë emrin në listën e shënuesve dhe për të konfirmuar momentin e mirë. Triumf dhe tre pikë për Kolumbinë, kurse Argjentina duhet të reagojë ndeshjen e ardhshme.

Argjentinë 0 – 2 Kolumbi
Shënues:  Martinez 71’, Zapata 86’

https://youtu.be/_JRSDpj4ygY

Më shumë nga të gjithë këtë e vuan Leo Mesi. Prej më shumë se një dekade “pleshti” akuzohet nga bashkëkombësit për lojë me dy standarde. Në një intervistë të dhënë së fundmi, Serxho Aguero foli në lidhje me këtë presion që shoqëron Mesin prej vitesh.

“Dua më shumë të fitoj një trofe për Mesin se sa për veten. E them për këtë pasi ai po e vuan këtë prej shumë kohësh. Shpresoj që një ditë të ndodhë. Ai e ëndërron këtë, ashtu si të gjithë ne tek Argjentina”.

“Guardiola tha pak kohë më parë se Barcelona qëndron besnike filozofisë së lojës së tij, por unë nuk mendoj kështu. Me të në krye po kalonim një moment akoma më të mirë se tani. Është e vërtetë se Barcelona nuk largoi asnjë prej lojtarëve të boshtit të skuadrës, por sot kënaqemi vetëm me golat e Mesit, atëherë ishte ndryshe”.

GRIZMAN – Laporta nuk la pa përmendur dhe bisedimet për Antuan Grizman. Sipas ish-presidentit refuzimi i verës së kaluar nga francezi është një veprim i pafalshëm për të.“Nëse një lojtar do të bënte mua atë çfarë Grizman i bëri vjet Barcelonës, unë kurrë s’do tentoja të merrja përsëri në ekip.”

Për këtë arsye, largimi i Ernesto Valverdes, duket diçka thuajse e sigurt. Sipas raportimeve të “Diario Gol”, drejtuesit katalanas e kanë gjetur zëvendësuesin dhe ai është Masimiliano Alegri, ish-trajneri i Juventusit.

Gjithsesi, pavarësisht këtyre raportimeve, ai që nuk është dakord me një situatë të tillë është kapiteni Lionel Mesi. Ky i fundit duket se ka një raport të shkëlqyer me trajnerin Valverde dhe kërkon që t’i jepet dhe një mundësi e fundit. Gjithçka mbetet për t’u parë…

Barcelona u tregua më e rrezikshme në minutat e para të takimit, por në ndryshim nga Valencia, efikasiteti nuk ishte pika e fortë e Barcelonës në mbrëmjen e sotme.

Kjo është Kupa e tetë që Valencia fiton në historinë e saj më shumë se 100-vjeçare. Humbja e sotme mund t’i kushtojë shtrenjtë trajnerit Ernesto Valverde, i cili pavarësisht se fitoi kampionatin ka zhgënjyer në Champions dhe tanimë në Kupë.

FINALJA E KUPËS SË MBRETIT  

BARCELONA 1 –  2 VALENCIA
Shënues: Mesi 73’/ Gameiro 21, Rodrigo 33’

Emri Leo ka kaluar nga i panjohur në më të zgjedhurin për fëmijët e sapolindur. Në vitin 2000, kur Mesi ishte ende i panjohur, vetëm 4 fëmijë u emërtuan Leo në Katalunjë. Në vitin 2017 ishin 443 dhe tani ka më shumë fëmijë me emrin ‘Leo’ sesa ‘Jordi’, që historikisht ka qenë një ndër emrat më të dashur në Katalunjë.

Sipas raportimeve që jepen nga mediat, Lionel Mesi është sulmuar nga një grup tifozësh katalanas në momentin që ka mbërritur në aeroport.

? Leo Messi vivió un momento de tensión en el aeropuerto de Liverpool
? se habría encarado con aficionados azulgranas y Pepe Costa se lo llevó para que el incidente no fuese a mayoreshttps://t.co/xZYckplaG6

— AS (@diarioas) May 8, 2019

Ishte Pepe Costa, një pjesëtar i stafit të Barçës, i cili e largoi argjentinasin, duke evituar një incident që mund të kishte përmasa akoma më të mëdha. Një gjë është e sigurt, në kampin blaugrana gjërat nuk janë aspak mirë…

Champions-i i pestë mbetet ende në sirtar për Leo Mesin, i cili duket qartazi i rrënuar teksa po dilte nga ambientet e stadiumit “Anfield” .

Leo Messi, el último en abandonar Anfield pic.twitter.com/tj5K0IUdAA

— Edu Polo (@EduPolo) May 7, 2019

Tekniku gjerman ka bërë ndryshime në çdo repart. Në mbrojtje Gomez është zëvendësuar me Alekandër-Arnold, ndërsa mesfusha nuk është me katër lojtarë, por me tre: Milner, Fabinjo dhe Henderson.

Mbi treshen e mesfushës vendoset një “trinom” i improvizuar për shkak të dëmtimeve të Firminos dhe Salah. Brazilianin e zëvendëson sulmuesi belg Origi, ndërsa Shaqiri i është besuar vendi i lënë bosh nga Salah.

Liverpul – Barcelona  4-0 (0-3)
Origi 7’ 80′, Vijnaldum 54’ 56’

EPISODET – 

80’ – Gooool Liverpuli, përmbysje e çmendur në “Anfield”. Origi shënon të dytin personal dhe të katërtin për Liverpulin. Fantastikë të kuqtë e Jurgen Klop

56’ – Goool Liverpuli, Vijnaldum shënon sërish. Pas një krosimi perfekt nga e majta, mesfushori kërcen më lart se të gjithë dhe shënon me kokë. Baraspeshë totale!

54’ – Goool Liverpuli, përmbysja shumë pranë. Vijnaldum, i futur në pjesën e dytë, shfrytëzon mjaft mirë krosimin e Arnold dhe ndëshkon Ter Shtegen. Rihapen fatet e kualifikimit

7’ – Goool Liverpuli! Divok Origi arrin të gjejë rrjetën që në minutën e 7’ të takimit, duke mposhtur Ter Shtegen. Gjuajtja e Henderson pritet nga portieri gjerman, por Origi është në vendin e duhur për të shënuar me portën e boshatisur.

Formacionet e takimit:

Liverpul – Alison, Aleksander-Arnold, Matip, Van Dijk, Robertson, Fabinjo, Milner, Henderson, Shaqiri, Mane, Origi. Trajner: Jurgen Klop

Barcelona – Ter Shtegen, Roberto, Pike, Longle, Alba, Rakitiç, Buskets, Vidal, Kutinjo, Suarez ,Mesi. Trajner: Ernesto Valverde

Një intervistë e ish-futbollistit kolumbian Fabian Vargas ka nxjerrë në dritë një veprim të admirueshëm të bërë nga pleshti.

Duhet të kthehemi pas në kohë, në vitin 2010. Vargas luante me Almerian dhe Kolumbia po merrte veten nga një fatkeqësi natyror. Një sezon shirash i pazakontë rezultoi fatal për jetën e 300 kolumbianë. Përmbytjet që gllabëruan gjithë vendin lanë 1.5 milionë vetë të pastrehë dhe sollën një dëm kolosal prej 6 miliardë dollarësh.

Vargas mendoi një ide gjeniale për të mbledhur fonde në ndihmë të bashkatdhetarëve të tij. Në një intervistë për “El Pais”, ish-futbollisti tregoi bisedën që ai dhe “pleshti” patën në tunelet e “Camp Nou” para zhvillimit të një ndeshje.

“Po përgatisja një fushatë për mbledhje fondesh për të prekurit nga përmbytjet në Kolumbi. Përfitova nga fakti që luanim kundër Barcelonës dhe i shkova t’i flisja Mesit para ndeshjes. I kërkova nëse mund të më jepte fanellën e tij, por edhe atë të Ksavit dhe Iniestës, i shpjegova që të tre bluzat do vendoseshin në ankand dhe të ardhurat do shkonin për të prekurit nga tragjedia. Ai më tha: Po patjetër, do të jap dhe të tjera”.

“Megjithatë, u futëm në lojë dhe u turpëruam. Barcelona na mundi  8 – 0. Isha aq i nevrikos pas ndeshjes saqë harrova bisedën për fanellat. Shkova më pas në dhomat e zhveshjes kur pak minuta më vonë, përgjegjësi  i bazës materiale, më thotë me një zë të hutuar: Hej Mesi është jashtë derës dhe të kërkon ty.

“Dola jashtë dhe ai kishte kishte një çantë me vete. Më tha: Kaq mund të të sjell. Brenda secilës ishte fanella e tij sëbashku me atë të Ksavit, Iniestës, Dani Alvesh, Pike dhe Pyjol. S’do ja harroj kurrë këtë veprim. Prandaj shpresoj që të vazhdojë të thyejë çdo rekord të mundshëm”, përfundoi kolumbiani.

Ditën e sotme bëhen plot katër vite nga ai moment. Një ndër mediet më të njohura sportive në botë “Bleacher Report”, ka përkujtuar këtë moment me një fotomontazh në Instagram, ku Boateng shihet të ketë veshur patina, ndërsa fusha e blertë është zëvendësuar me një shtresë akulli.

Në shkrimin që shoqëron foto, shkruhet: Në këtë ditë në 2015-ën, Leo Mesi vuri Zherom Boateng në patina.

Nuk ka munguar përgjigja e Boateng, i cili ka kthyer përgjigjen perfekte: Fatmirësisht nuk i vesha patinat në 2014-ën! Shkroi gjermani duke i kujtuar të gjithëve triumfin në Botërorin e 2014-ës, ku Gjermania mundi Argjentinën në finale.

https://www.youtube.com/watch?v=rIaeGsnHWnA

Numri 10 i Barcelonës dhe mesfushori i Liverpulit u përplasën pak metra jashtë zonës dhe për gjyqtarin ishte faull për katalanasit dhe më pas u shndërrua në gol nga “Pleshti”. Tifozët e Liverpulit jo vetëm që ndihen të dënuar nga ky vendim i arbitrit, por kërkojnë që të ketë rishikime të pamjeve filmike, pasi Mesi e ka goditur me grusht Fabinjon dhe duhet të dënohet për ndeshjen e kthimit.

Messi pega un puñetazo al rival merecedor de roja, por su contra el árbitro pita falta y llega el tercero.
VARcelona pic.twitter.com/9LWRPUdD2p

— Xisco (@xisco_manjon) May 1, 2019

Gjithashtu, Van Dijk shtoi se nuk është turp të pranosh humbjen kundër një lojtari të tillë. Sipas tij, Liverpuli humbi ndaj Mesit dhe jo ndaj Barcelonës, duke theksuar faktin që “The Reds” bënë një lojë mjaft të mirë në krahasim me katalanasit.

Virgil van Dijk: “Liverpool didn’t lose to Barcelona. Liverpool lost to Lionel Messi. There’s no shame in admitting that we lost to the best player in the world. He’s a special talent.” pic.twitter.com/HHrS7JEaga

— 360Sources (@360Sources) May 2, 2019

“Liverpuli nuk humbi ndaj Barcelonës. Liverpuli humbi ndaj Lionel Mesit. Nuk është turp të pranosh humbjen kundër lojtarit më të mirë në botë. Është një talent unik. Kur Mesi është në formën e tij më të mirë dhe ti je përballë, nuk mund të bësh absolutisht asgjë. Jam i lumtur që nuk luaj në Spanjë, pasi do të më duhej të përballesha çdo sezon kundër tij. Shënoi dy gola dhe jam totalisht i zhgënjyer.”

?[SPORT] | Van Dijk: “I’m glad I do not have to face Messi every season”

? “When you face Messi and he’s at his best, you cannot do anything. I’m glad I’m not in Spain and have to face him every season. He scored two goals and I’m very disappointed,” he said. pic.twitter.com/ssXTo9l2rH

— BarçaTimes (@BarcaTimes) May 2, 2019

Ylli argjentinas shënoi dy gola në fitoren 3-0, pasi Suarez zhbllokoi shifrat në pjesën e parë. Goli i dytë i Mesit ishte magjik. Për të komentuar një kryevepër të tillë nevojitet komenti dhe ndjesia e një prej atyre që e njohin në perfeksion mjeshtërinë e goditjeve të dënimit.

Aleks Del Piero ka realizuar plot eurogola të tillë, por ai i mbrëmjes së kaluar është special. Italiani i famshëm ka folur për “Sky Sport” për golat e Mesit dhe paraqitjen e tij fantastike në ndeshjen e parë gjysmëfinale.

Thellësisht i mrekulluar me çfarë ka shijuar, ish-kapiteni legjendar i Juventusit gjen kohë të bëjë shaka për numrin 10 të Barcelonës, ndërsa nuk i kursen elozhet për të.

“Çfarë mund të thuash? Mendoj se Mesi ishte i pushtuar nga djalli në këtë ndeshje. Edhe goli i parë i Leos nuk ishte i lehtë. Shikoni me çfarë ëmbëlsie e kontrollon topin që kthehet nga traversa. Sa i përket golit të dytë nga 27 metra, të godasësh me atë preçizion dhe forcë (91 km/h shpejtësia e topit) është çmenduri. Kur ke në ekip lojtarë të këtij niveli, në një mbrëmje Championsi ata ta fitojnë ndeshjen të vetëm. Alison? Nuk u vendos mirë, por sinqerisht mendoj se edhe me një lojtar më shumë në mur, asgjë nuk do të kishte ndryshuar. Mesi analizoi situatën dhe gjeti zgjidhjen. Sërish do të kishte shënuar”, përfundon Aleks Del Piero.

Trajneri i Liverpulit e cilësoi të jashtëzakonshme mënyrën se si luajti skuadra e tij, megjithatë gjermani e pranon se në këtë sport luhet për të shënuar gola.

“Futbolli i tillë është. Në këtë sport duhet të shënosh gola dhe ata e bënë tri herë këtë gjë, ndërsa ne asnjëherë. Paraqitje e skuadrës ishte e mirë, djemtë bënë një ndeshje të mirë. Më pëlqeu paraqitja, por nuk më pëlqeu rezultati. Në këtë lojë nuk merren nota, e vetmja gjë që vlen është rezultati”.

RASTET E HUMBURA – “Çfarë mund të them. Është e lehtë të flasësh për golat. Mënyrë se si i krijuam ato raste për shënim ishte e jashtëzakonshme. Mënyra se si u hapëm probleme ishte e jashtëzakonshme. Nuk e di a jemi në gjendje të luajmë më mirë se kaq”.

“Ndeshjen tjetër e luajmë nën disavantazhin e tre golave, gjithsesi le të riaftësohemi e të shkojmë të luajmë kundër Njukasëll. Loja ka mbaruar, çfarëdo që të them unë nuk e ndryshon rezultatin. Do të ndeshemi sërish, të shohim ç’do të ndodhë. Ia kemi bërë shumë të vështirë vetes”, përfundoi Klop.

Natyrisht, elozhet nuk kanë fund, edhe nga legjenda të futbollit, por Mario Baloteli gjen mënyrën si të krijojë sërish debat, me një foto në rrjetet sociale.

Duke parë ndeshjen, SuperMario postoi një mesazh në Instagram: “Për të mirën e futbollit, mos e krahasoni më Mesin me numrin 7 të Juventusit”.

Në minutën e 75’, argjentinasi shënoi golin e parë, ndërsa në minutën e 83’, realizoi dhe golin e dytë personal, një kryevepër. Ky gol, ishte i 600-ti për 32-vjeçarin, i cili për koeçidencë, golin e parë e ka shënuar pikërisht me datën 1 maj të vitit 2005, përballë Albasetes në kampionët. Magjistar…

Pas ndeshjes, Mesi foli shkurtimisht, duke thënë se ndeshja e sotme përballë Liverpulit ishte e shkëlqyer: “Një rezultat shumë i mirë, bëmë një ndeshje të madhe. Krijuam shumë raste dhe e gjithë skuadra luajti në maksimum. Asgjë nuk ka mbaruar, por sot ia dolëm të merrnim atë që dëshironim.

“Jemi në një moment të bukur, por duhet të qëndrojmë të bashkuar. Lojtarët dhe tifozët, duhet unitet. Është diçka e shëmtuar të shohësh Kutinjon të bombardohet ashtu. Duhet unitet dhe të mbështetim njëri-tjetrin”, u shpreh argjentinasi.

600 – Lionel Messi ha marcado su gol nº 600 con el @FCBarcelona en todas las competiciones, justo 14 años después de lograr el primero ante el Albacete el 1 de mayo de 2005. Genio. pic.twitter.com/nWSlYygQ1C

— OptaJose (@OptaJose) May 1, 2019

Një alien hyn në dhomat e zhveshjes së Barcelonës dhe i drejtohet lojtarëve me një gazetë në dorë, e cila shkruante se katalanasit janë nga një planet tjetër. “Udhëtova 300 vite dritë për të mbërritur në Tokë dhe tani na del se ju jeni alienët? Me sa di, i vetmi alien këtu jam unë, e kuptuat?”

Në këtë moment shfaqet Luis Suarez, i cili fsheh fanellën e Mesit, si për të treguar se argjentinasi është një alien. Një spot me të vërtetë i veçantë dhe mjaft i arritur.

There are aliens who play at Barça, and others who visit their locker room ? ? ?#Audietron ?
? @audispain pic.twitter.com/Sle0HdNapM

— FC Barcelona (@FCBarcelona) April 29, 2019

Pas ndeshjes Valverde foli në mikrofonët e Movistar Partidazo.

Ndeshja e vuajtur ndaj Levantes: “Ata luajtën një ndeshje të shkëlqyer, na sulmuan, kërkuan pikë dhe ishin agresivë si pak ekipe në Camp Nou. Patën edhe raste të mira, por më i pabesueshmi ishte momenti kur topi goditi shtyllën (Bardhi). Ne nuk e mbyllëm ndeshjen dhe në fund na pushtoi nervozizmi, por për fat ia dolëm të merrnim fitoren”.

Një titull iku, mbeten edhe dy: “E vërtetë, është një lumturi e madhe të fitosh titullin kaq herët me rivalët që kemi në Spanjë. Kemi fituar titullin e dytë rresht dhe është diçka fantastike të festosh në Camp Nou, me njerëzit tanë“.

Mesi u desh të futej për të zgjidhur ndeshjen: “Kemi një ndeshje të mërkurën, ndaj kisha në plan ta aktivizoja më pak sot. Natyrisht, nëse shkonim në avantazh të një apo më shumë golave Mesi nuk do futej aq shpejt, por Levante po luante shumë mirë. U desh ta futja, na dha titullin. Është tjetër planet”.

Për momentin Mesi është në krye me 33 gola, ndërsa 20-vjeçari i PSG-së ka shënuar 30 gola. Të dy lojtarët kanë edhe pesë ndeshje në kampionatet përkatëse. Në rast se “pleshti” do mbetet në krye kjo do të jetë këpuca e tij e gjashtë, ndërsa Kristiano Ronaldo e ka fituar katër herë këtë trofe.

Interesante është dhe diferenca e madhe e Mesit dhe Mbapesë me pjesën tjetër të sulmueseve të Europës. Sulmuesi i tretë për nga numri i golave është 36-vjeçari Fabio Kualjarela, i cili ka shënuar tetë gola më pak se Mbape.

Pa u sforcuar shumë, Barcelona kontrolli ndeshjen dhe në minutën e fundit të pjesës së parë Dembele krijoi golin e shënuar nga qendërmbrojtësi Lengle.

Në minutën e 62-të Sociedadi shtangu Camp Noun, duke barazuar me Huanmi, por vetëm dy minuta më vonë Zhordi Alba riktheu Barcelonën në avantazh, pas pasimit final nga Leo Mesi.

Në minutën e 72-të u fut Filipe Kutinjo dhe menjëherë për brazilianin nisën fishkëllimat, nga pjesa më e madhe e tifozëve, për shkak të festimit polemik të fantazistit javën e shkuar. Kuotinjo është nervoz për kritikat, por ka zgjedhur rrugën e gabuar për të shprehur indinjatën e tij.

JUVENTUSI – “Juventusi e lejoi Ajaksin të dalë te loja e tyre më e mirë. Te futbolli holandez, të rinj, me kualitet. Para fitores në Torino, Ajaksi nuk merrte respektin e duhur, por ata janë gjysmëfinalistë të Ligës së Kampionëve. De Ligt? Duket se ka një eksperiencë të jashtëzakoshme dhe na bën të harrojmë moshën e tij. Mbrojtës fantastik, shumë i fortë.

FINALJA ME AJAKSIN – “Kur e kisha përballë Ajaksin në finalen e Europa League në 2016-ën, ndoqa një plan që Ajaksi nuk e kishte dëshirë: Topa të gjatë te Fellaini. Ata nuk kishin përgjigje. Ne nuk kishim kualitetin e Ajaksit, prandaj zgjodhëm të ndiqnim këtë strategji. Por në këtë sezon, ata lojtarë janë shumë më të pjekur dhe jam i bindur se do të arrijnë në finale, pse jo, dhe ta fitojnë Champions-in.

TOPI I ARTË – “Mesi po kalon një sezon fantastik. Juventusi i Ronaldos u eliminua, prandaj Topi i Artë po pret vetëm duart e Mesit”, përfundoi Murinjo.

Në një prej emisioneve të fundit, ai analizoi humbjen 3 – 0 të Mançester Junajtid ndaj Barcelonës në “Camp Nou”.

“Mendoj se në takimin e parë Junajtid u mundua të bllokonin me sa më shumë lojtarë pjesën qendrore të fushës. Të gjithë e dimë se si luanin Mesi dhe ku pëlqen të qëndrojë, por është e pamundur ta neutralizosh atë. Siç e thashë në takimin e parë, sa herë që Mesi futej brenda në zonë ai kishte përpara vetes mesfushorë si Fred e Mektominej për të mos përmendur mbrojtësit. Në ndeshjen e dytë strategjia e Junajtid ishte ndryshe”.

“Vetëm Fred ishte i vendosur para mbrojtjes. Ai është vendi ku Mesi merr shpesh topin. Nëse topi përfundon në këmbët e tij në situata një kundër një, je i vdekur. Për këtë arsye nuk kam preferuar kurrë ta markoj Mesin një për një. Për atë të duhet të ndërtosh një kafaz. Në fund Barcelona është një skuadër më e mirë se Mançester Junajtid dhe është normale që fituan”, përfundoi Murinjo.

Gafa te goli i dytë ishte thuajse e pabesueshme për një portier si De Gea. Megjithatë, ajo që mori më shumë vëmendjen nuk ishte gabimi i spanjollit të Junajtid, por reagimi i kolegut të tij te Barcelona. Ter Shtegen refuzoi të festojë këtë gol dhe për këtë gjë, u shpjegua dhe pas ndeshjes:

Goli i dytë? Nuk festova të jem i sinqertë. Ai është kolegu im dhe këto gjëra mund të na ndodhin të gjithëve. I thashë dhe pas ndeshjes se të gjithë jemi njerëz dhe bëjmë gabime, mund të më kishte ndodhur dhe mua”, tha Ter Shtegen pas ndeshjes mes dy skuadrave.

Ter Stegen about De Gea’s mistake: I didn’t celebrate that much the second goal, to be honest. He’s my colleague, and this can happen to everyone. I told him after the game that we are all humans, this could happen to me as well”.

pic.twitter.com/YH5qSWgBYF

— Nina ? (@ninellecule) April 18, 2019

Në Champions League, ai është i pari për lojtarin me mesataren më të mirë për gola në minuta, në fazën me eliminim direkt, duke lënë pas Kristiano Ronaldon dhe Lionel Mesin. Senegalezi ka një mesatare të frikshme, një gol çdo 95 minuta, më mirë se Ronaldo (një gol çdo 107 minuta) dhe Mesi (një gol çdo 129 minuta).

I pyetur nëse ka menduar ndonjë mënyrë për ta ndalur yllin argjentinas, Van Dajk tha: “Nuk e di, do e shohim. Do të jetë një sfidë që do të na pëlqejë të gjithëve. Nëse ne jemi të bashkuar si skuadër, nuk kemi pse të vihemi përballë një kundra një me asnjë kundërshtar.

Së bashku, mund të ndalim këdo. Kjo është mënyra e vetme që mund të qëndrojmë të fortë në prapavijë, duke ndihmuar njëri-tjetrin. Futbolli është sport kolektiv dhe vetëm forca e grupit të çon te trofetë”, tha holandezi.

Trajneri norvegjez tha se Barcelona është një klub disa nivele më lart se Junajtid, ndërsa vëmendja tani fokusohet e gjitha te kampionati ku vendi i katërt është një objektiv i vështirë për t’u realizuar.

“Më duhet të them se Mesi është maja e futbollit dhe sigurisht që ai bëri diferencën. Kur rezultati shkoi 2 – 0 gjithçka mori fund. Ai është i një niveli tjetër. Ai dhe Ronaldo janë lojtarët më të mirë të dekadës së fundit dhe këtë, të gjithë bien dakord për këtë gjë. Mesi sot tregoi kualitetin e tij.

“Na duhet të aspirojmë që të shkojmë në nivelin e Barcelonës. Mund ta arrijmë këtë, por kemi shumë punë për të bërë që ta rikthejmë Mançester Junajtid aty ku e meriton. Ata ishin disa nivele mbi ne në të dyja ndeshjet. Duam që të luajmë sërish në Champions vitin tjetër, kështu që duhet të përveshim mëngët këto javë në kampionat”, tha Solskjaer.