La Liga

Kutinjo do një zgjidhje finale, refuzon anglezët

Sport Ekspres — Mon, 05 Aug 2019 17:50:26 +0000

Marrëdhëniet e mira mes klubeve të Arsenalit dhe Barcelonës, por edhe mungesa e hapësirave në formacion për Kutinjon, e lidhin brazilianin me një huazim 1-vjeçar te klubi londinez. Ai nuk po arrin të përshtatet dhe Dembele e ka treguar në miqësore se është në formë dhe ndikon mjaft në lojën e katalanasve.
Mos harrojmë ardhjen e Grizman. Kështu, Kutonjo rezulton si zgjedhje e tretë në silm te katalanasit. Megjithatë, sipas medieve spanjolle braziliani nuk pranon të largohet në formën e huazimit. Ai ja ka bërë të qartë klubit se do një vendim përfundimtar rreth të ardhmes së tij.

Për momentin në Barcelonë nuk ka asnjë ofertë. E vetmja mundësi për të është një kalim te PSG si pjesë e operacionit për të sjellë Nejmar në Barcelonë. Por edhe kjo pistë mund të bjerë, pasi drejtuesit e dy klubeve po tentojnë një huazim 1-vjeçar me të drejtën e blerjes në fund të sezonit të ardhshëm për sulmuesin e kampionëve të Francës.

Çështja Grizman, Atletiko ka provën e “fundosjes” së Barçës

Sport Ekspres — Mon, 05 Aug 2019 14:54:21 +0000

Edhe pse Grizman është transferuar te Barcelona dhe ka debutuar me katalanasit, duket se lufta mes Atletikos dhe katalanasve nuk ka përufnduar. Mediet vendase raportojnë se drejtuesit e klubit madrilen kanë siguruar një dokument tepër të rëndësishëm për çështjen e transferimit të yllit francez.
Atletiko pretendon se Barcelona ka nisur negociatat me Grizman që në marsin e kaluar pa marrë leje te klubi bardhekuq. Këtë e vërteton dokumenti i siguruar nga presidenti Hil Marin. Materiali është një e-mail, që Sevan Kerian, avokati i Grizman ja ka nisur Barcelonës në muajin mars. Në të janë detajet e marrëveshjes dhe kërkesat e francezit.

Pas kësaj Barcelona rrezikon shumë. Së pasi atyre do u duhet të japin edhe 80 milionë euro, duke qenë se kanë arritur marrëveshje me lojtarin kur klauzola e tij ishte 200 milionë euro. Së dyti ata rrezikojnë dënim shembullor sepse kanë thyer rregullat e FIFA-s mbi transferimet. Një mundësi është bllokimi i merkatos.

Megjithatë, çështja është në shqyrtim dhe duhet vërtetuar origjinaliteti i provës dhe mënyra e sigurimit të saj. Pretendohet se bashkëpunëtorët e avokatit e kanë shitur te drejtuesit e Atletiko Madridit. Pritet edhe fjala e Grizman si dhe provat që ai disponon për të mbrojtur veten e tij dhe Barcelonën.

Mesi e nis keq, panik te Barcelona

Sport Ekspres — Mon, 05 Aug 2019 10:48:45 +0000

Barcelona në faqen e saj zyrtare raporton se Mesi nuk nuk do të udhëtojë me ekipin në Shtetet e Bashkuara. Kjo për shkak të një dëmtimi që “pleshti” argjentinas ka pësuar në stërvitjen e këtij mëngjesi.
Ai është parë duke mbajtur dorën në këmbën e djathtë. 32-vjeçari ka pësuar një tërheqje të shkallës së parë në pulpën e tij. Kështu nuk do të rrezikohet që ai të marrë pjesë në turneun “International Champions Cup”, por do të qëndrojë në Barcelonë për të punuar në rikuperimin e dëmtimit.

Nuk pritet një mungesë e gjatë, megjithatë akoma s’ka një afat të saktë rreth kohës së nevojshme të shërimit të plotë të lëndimit. Një nisje jo e mbarë kjo për yllin katalanas, i cili stërvitej për herë të parë me Barçën pas kthimit nga pushimet. Ai u bashkua vetëm ditën e djeshme me ekipin.

Reagimet epike të tifozëve katalanas, De Jong ka fituar dashurinë e të gjithëve

Sport Ekspres — Mon, 05 Aug 2019 06:38:55 +0000

Barcelona është prezantuar ditën e djeshme përballë tifozëve të saj. Para ndeshjes për trofeun Joan Gamper ndaj Arsenalit janë thirrur të gjithë emrat e lojtarëve dhe stadiumi ka pasur reagimet e tij mjaft interesante.

Frenki De Jong duket se është blerja më e dashur e Barçës këtë verë. Në momentin e prezantimit të tij stadiumi gumëzhiu nga thirrjet pro tij. E kundërta ndodh me Filipe Kutinjon. Për të nuk ndalojnë vërshëllimat edhe pas kësaj vere.

Çaste të vështira për brazilianin, i cili sapo ishte kthyer nga pushimet pas një muaji. Grizman i ka ndarë tifozët në dy pjesë, ndërkohë që Mesi është personi më i dashur padyshim. Jo shumë entuziazëm për blerjet e tjera si Firpo apo Neto.

Siç dihet, në Spanjë tifozët kanë reagime mjaft drastike. Atje duhet të jesh perfekt. Nëse nuk ndodh kjo ti nuk je më një kampion edhe nëse ke fituar gjithçka. Tifozët e Barçës apo Realit nuk ngopen me sukses.

? @AntoGriezmann ?
? Camp Nou pic.twitter.com/2ZFXvn9bGY

— FC Barcelona (@FCBarcelona) August 4, 2019

? Messi is in da house
? Camp Nou pic.twitter.com/FOFHTShLG7

— FC Barcelona (@FCBarcelona) August 4, 2019

Akord paraprak mes klubeve, Nejmar shumë pranë transferimit

Sport Ekspres — Sun, 04 Aug 2019 20:54:12 +0000

Nejmar duket se e ka mbyllur me PSG. Braziliani me gjestet e tij lë të kuptohet se çdo marrëdhënie është thyer dhe pritet vetëm largimi. Katalanasja “Sport” raporton se Barcelona dhe PSG kanë arritur një marrëveshje paraprake për zbarkimin e 27-vjeçarit në Barcelonë.

Bëhet fjalë për një huazim njëvjeçar me detyrim blerje verën e ardhshme nga spanjollët. Barça e ka gati të pamundur të ofrojë para në dorë këtë verë sepse ka një bilanc shumë negativ. PSG nuk e mban dot më Nejmar në ekip dhe është e detyruar të negociojë me Barçën për të transferuar yllin seleçao.

Nejmar do e lërë PSG pas vetëm dy vitesh të kaluara mes kalvarit të dëmtimeve e polemikave të panumërta. Që me arritjen në Paris, ai nuk ka gjetur asnjë fije lumturie dhe tani duket se është mbushur kupa.

Mesi: Nuk pendohem për asgjë, ja çdo bëjmë këtë sezon

Sport Ekspres — Sun, 04 Aug 2019 19:33:04 +0000

Ndoshta Leo Mesi e urren këtë gjë, por ditën e sotme i është dashur të flasë para tifozëve rreth objektivave të sezonit të ri si kapiten i ekipit. Vitin e kaluar premtoi Championsin, por u eliminua në mënyrë tragjike nga Liverpuli.
Pas kësaj vërshuan talljet kundrejt Leos. Megjithatë, 32-vjeçari deklaron se nuk pendohet për asgjë dhe premton se edhe këtë vit do të luftojnë për gjthçka, ashti siç është filozofia e këtij klubi prej vitesh. Beson se më vonë do i vlerësojnë arritjet e Barçës.

”Nuk pendohem për asgjë. Është e vështirë të them diçka rreth sezonit të kaluar, por unë e përsëris atë që kam thënë. I besoj këtij ekipi, lojtarëve, stafit trajnues dhe nuk kam asnjë dyshim se së bashku do të luftojmë për gjithçka. Sezoni përfundoi pak i hidhur për mënyrën se si ndodhi, por unë mendoj se ju duhet t’i japim vlerë kampionatit që fituam. Tetë në 11 vjet. Kkjo do të ishte arritje e jashtëzakoshme për çdo klub. Ishte shumë e rëndësishme ajo që u bë. Ndoshta sot ne nuk i japim asaj vlerën që meriton, por disa vite më vonë do ta kuptojmë se sa e vështirë është”, u shpreh Mesi, që është kthyer pas pushimeve me skuadrën dhe është në stol në ndeshjen ndaj Arsenalit.

Para dhe njohje, Pike ngjit klubin e tij një kategori më lart

Sport Ekspres — Mon, 29 Jul 2019 13:56:54 +0000

Zherard Pike bleu disa muaj më parë klubin e tij të parë. “FC Andorra” një klub amator që militonte në nivelin e katërt të piramidës së futbollit spanjoll. Futbollisti i njohur ka përdorur njohjet dhe resurset financiare për të kaluar skuadrën e tij nga divizioni i katërt në të tretin.

FC Andorra është përzgjedhur nga federata spanjolle si skuadra që do të zëvendësojë klubin e falimentuar SD Reus në Grupin B të Segunda Division (divizioni i tretë).

Federata ka argumentuar këtë vendim me faktin se skuadra e Pike plotësonte më së miri kriteret e vendosura, por arsyeja kryesore ishte fakti që klubi pagoi një shumë prej 450 mijë eurosh për të siguruar ngjitjen e menjëhershme në këtë kategori, procedurë kjo e gjitha ligjore.

Pike synon ta ngjisë ekipin e tij në Segunda Division dhe për këtë ka mbledhur në ekip një grup lojtarësh cilësorë dhe me eksperiencë.

Simeone gjen zëvendësuesin e Rodrit, është në Premier Ligë

Sport Ekspres — Sun, 28 Jul 2019 20:13:59 +0000

Simeone ka një detyrë shumë të vështirë këtë verë. Argjentinasit i duhet të rindërtojë një skuadër të tërë pas ikjes të më shumë se gjysmës së ekipit. Ikja e Rodrit te Siti ka krijuar një boshllëk të madh në mesfushë. Atletikos i duhet me patjetër të gjejë një mesfushor difensiv.
Roberto Pereira është lojtari që kanë pikasur drejtuesit e madrilenëve. Mesfushori ka gjetur përsëri veten te Uatford, duke u shndërruar në një prej më të mirëve të ekipit të tij. Ashpërsia dhe grinta e argjentinasit janë pikërisht ato karakteristika, që i nevojiten Simeones.

Ardhja e tij do të ishte një hall më pak në “Wanda Metropolitano”. Ish-juventini ka arritur të shënojë 6 gola në 33 ndeshje në Premier Ligë, duke shfaqur edhe aftësi shumë të mira finalizuese. Atletiko është gati të ofrojë 20 milionë euro për të. Dëshira e 28-vjeçarit pritet të jetë e rëndësishme në këtë operacion.

Valverde: Merkato s’është mbyllur, kemi rezervuar një surprizë

Sport Ekspres — Sat, 27 Jul 2019 20:23:59 +0000

Trajneri i Barcelonës, Ernesto Valverde, ka folur për “Marca” sot, ku është ndalur më shumë te merkatoja e katalanasve. Deri më tani, Barcelona ka ofruar Frenki De Jong, Mark Kukurela, Antuan Grizman, portierin Neto dhe talentin brazilian, Emerson.

Edhe pse ekipi duket i kompletuar, Valverde ka piketuar një pozicion në formacionin e tij që ka probleme dhe është pikërisht krahu i majtë i mbrojtjes. I vetmi që e mbulon këtë rol është Zhordi Alba dhe duhet me patjetër një afrim i ri.

“Merkato nuk është mbyllur, është e mundur që të sjellim ndonjë emër surprizë. Të gjithë e dimë se kemi pasur probleme në krahun e majtë të mbrojtjes, po shqyrtojmë alternativën më të mirë”, tha shkurtimisht Valverde. David Alaba dhe Junior Firpo janë emrat që janë lidhur me një kalim te Barcelona këtë verë.

Sergej drejt Junajtid, Pogba-Real është “autostradë”

Sport Ekspres — Sat, 27 Jul 2019 19:37:33 +0000

Pogba ja ka bërë të qartë klubit të Junajtid përmes agjentit të tij se dëshiron të largohet. Anglezët nuk kanë ndërmend të lëvizin në lidhje me ikjen e tij, pa sjellë një tjetër lojtar që i afrohet cilësive të francezit. Mediet evropiane raportojnë se është arritur marrëveshje me Lacion për të transferuar Sergej Milinkoviç-Saviç.

Junajtid do të derdhin 80 milionë euro në arkat e klubit ku drejton Igli Tare. Kjo lëvizje i hap rrugën largimit të Pogba. Juventus dhe Real Madridi janë dy klubet që kanë treguar interes për të. “Zonja” për momentin e ka shumë të vështirë të hyjë në garë për kampionin e botës, duke parë se ka plot 12 mesfushorë në organikën e saj.

Reali ka nevojë urgjente për një mesfushor të madh. Pas humbjeve të njëpasnjëshme dhe dëmtimeve të shumta, me shumë mundësi Perez do të bindet të hapë thesin përsëri për një yll. Do të hasen vështirësi për të bindur Junajtid. Anglezët nuk e kanë aspak me ngut dhe nuk ulen në bisedime nëse nuk vjen një ofertë, që i afrohet 150 milionë eurove.

Në 2012-ën e quajti bir k****, tani është shok skuadre me Mesin

Sport Ekspres — Sat, 27 Jul 2019 17:12:41 +0000

Junior Firpo është një nga lojtarët që po kërkohet me ngulm nga Barcelona. Mbrojtësi i talentuar bëri një sezon të shkëlqyer me Real Betisin dhe konsiderohet si një nga spanjollët më premtues. Barcelona e sheh si pasuesin ideal te Zhordi Alba, që është në perëndim të karrierës.

Por, në vitin 2012, kur Firpo ishte vetëm 15-vjeç, ka thënë disa gjëra aspak të mira për Lionel Mesin, që me shumë gjasa do e ketë shok skuadre. Mëngjarashi shkroi asaj kohe në rrjetet e tij sociale: “Bir k****. Po të isha në një fushë me ty, do të t’i thyeja këmbët!”

Sot, mbrojtësi i Betis ka shfrytëzuar “Mundo Deportivo” për të pastruar imazhin e tij: “Kam qenë thjesht një fëmijë. Po tallesha me një shokun tim që është fans i madh i Mesit. Nuk kam asnjë dyshim që Leo është lojtari më i mirë në botë”, tha mes të tjerash Firpo.

“Nejmar? Kam respekt për PSG-në”, Bartomeu i habit të gjithë

Sport Ekspres — Sat, 27 Jul 2019 11:53:34 +0000

Nejmar është objektivi i radhës te Barcelona, por operacioni i tij është një labirint me të papritura. Problemet mes klubeve dhe situata e vështirë e brazilianit me drejtuesit e bën Barçën të qëndrojë disi e mënjanuar në këtë situatë.
Kampionët e Spanjës presin zgjidhjen mes klubit francez dhe lojtarit, në mënyrë që PSG të japë dritën jeshile të nxjerrjes së Nejmar në treg. Bartomeu në çdo dalje në shtyp pyetet për brazilianin.

Megjithatë, është gati e pamundur të nxjerrësh diçka nga presidenti. Ai mundohet vazhdimisht të tregohet i kujdesshëm. Çudit kur thotë se ka shumë respekt për klubin e PSG.

“Këtë verë kam lexuar shumë gazeta dhe ata thonë shumë gjëra. Këtu e vetmja gjë e qartë është se Nejmar është një lojtar i PSG dhe ne e respektojmë shumë atë klub. Në këtë rast nuk ka shumë për të thënë”, shprehet Bartomeu.

Reali i pafat, dëmtohet blerja tjetër e verës

Sport Ekspres — Sat, 27 Jul 2019 08:48:10 +0000

Amerika duket se paska qenë tokë e mallkuar për djemtë e Zidan. Përveç disfatave të njëpasnjëshme, një problem edhe më i madh ka lindur në shtëpinë e bardhë. Dëmtimet kanë nisur të shfaqen me shumicë akoma pa nisur sezoni.
Në kapitullimin 3-7 ndaj Atletikos, një tjetër lajm i keq është dëmtimi i Luka Joviç. Sulmuesi ka dëmtuar kyçin e këmbës së majtë dhe nuk duket aspak si një dëmtim i lehtë. Ne minutën e 30-të është dashur që serbi të lërë fushën për t’i lënë vend Karim Benzemas.

Dëmtimi i Joviç është i katërti brenda pak ditësh për Realin. Asensio e ka mbyllur sezonin akoma pa nisur. Ferland Mendi ka shfaqur probleme gjithashtu. Ndërkohë, edhe Brahim Diaz ka pësuar një lëndim në stërvitje.

Miqësore “të mallkuara” për Zidan, pas Asensios e pëson mbrojtësi

Sport Ekspres — Fri, 26 Jul 2019 17:57:36 +0000

Reali i Madridit duket se po kalon një fazë parapërgatitore aspak të mirë. “Los Blancos” kanë pësuar dy dëmtime në dy ndeshjet e fundit miqësore dhe nuk janë aspak dëmtime të lehta. Në takimin kundër Arsenalit, u dëmtua Marko Asensio, i cili mendohet se e ka mbyllur sezonin e ri ende pa filluar.

Ndërsa sot, është dëmtuar dhe Ferland Mendi. Mbrojtësi i ardhur me bujë në këtë merkato vere, është dëmtuar para takimit kundër Atletiko Madrid, i vlefshëm për International Champions Cup. Mëngjarashi francez ka pësuar një dëmtim muskular, për të cilin Zidan tha:

“Nuk është aq i rëndë sa dëmtimi i Asensios, por këto dëmtime po më bëjnë nervoz. Duket se jemi të mallkuar, situata nuk është aspak e mirë. Do të mbarojmë këto ndeshje miqësore dhe do të rikthehemi në Madrid, aty ku do të studiojmë lojtarët që kemi në dispozicion dhe merkaton në vazhdim”, tha mes të tjerash tekniku francez.

Zyrtare | Barça rikthen legjendën holandeze

Sport Ekspres — Fri, 26 Jul 2019 09:37:20 +0000

Barcelona duket se ka një strategji të qartë. Katalanasit duan ta lënë klubin në duart e atyre, që dikur i kanë kushtuar karrierën blaugranave. Patrik Klajvert është legjenda e radhës që afrohet në direktivat e klubit spanjoll.

Barcelona ka zyrtarizuar holandezin si drejtorin e ri i akademisë së klubit. Ai do të jetë përgjegjësi i gjithë kupolës drejtuese të “La Masia”. Kjo akademi kohët e fundit ka hasur probleme me menaxhimin e talenteve dhe Klajvert është personi, që i është besuar ristrukturimi i saj.

Wonderful news! https://t.co/7bErYuafXg

— FC Barcelona – Masia (@FCBmasia) July 25, 2019

PSG ul kërkesat, ja sa kushton kartoni i Nejmar

Sport Ekspres — Fri, 26 Jul 2019 08:22:44 +0000

PSG dhe Nejmar duken se janë pajtuar midis tyre, por dëshira e brazilianit për t’u larguar nga kampionët e Francës është e qartë. Fillimisht mediet spanjolle raportuan se klubi francez kërkonte 300 milionë euro për kartonin e sulmuesit, por së fundmi kërkesat e tyre kanë ndryshuar ndjeshëm.
Sipas së përditshmes prestigjioze “Le Parisien”, PSG kërkon 220 milionë euro për të lënë të lirë brazilianin. Kjo është e njëjta shumë që PSG pagoi dy vite më parë për të aktivizuar klauzolën e largimit, që gjendej në kontratën e Nejmar me Barcelonën.

Ardhja e Leonardos si drejtor sportiv, ka sjellë një ulje të ashpërsisë së politikave të klubit ndaj lojtarëve që duan të largohen. Sigurisht, kjo është në interes të PSG, pasi në rast të kundërt çdo lojtar do e mendonte dy herë transferimin në një klub, ku nuk i respektohet mendimi. Pas kësaj, Barcelona është gati të përfitojë për të risjellë yllin brazilian në “Camp Nou”.

Karles Alenja shpërthen ndaj klubit, arsyeja është De Jong

Sport Ekspres — Thu, 25 Jul 2019 19:39:08 +0000

Frenki De Jond erdhi me një ide të qartë në Barcelonë. Ai donte të mbante numrin 21 në fanellë sepse në atë mënyrë kujtonte gjyshin e tij. Këtë ja tha gjithë botës në ditën e prezantimit. Dilema ishte nëse Karles Alenja, mbajtësi i atij numri, do ishte dakort t’ia linte holandezit.
Pas një bisede mes të dyve në stërvitje, u ra dakort që Frenki do merrte numrin 21 dhe mesfushori katalanas do mbante 19-ën mbi shpinë. Megjithatë, kjo çështje nuk mbyllet me kaq. Në një intervistë, Alenja shkarkon mllefin ndaj klubit.

Ai zbulon se drejtuesit ja kishin premtuar më parë numrin De Jongut dhe për këtë nuk ndihej aspak mirë. Megjithatë, holandezi u tregua i drejtë edhe pse klubi ja kishte premtuar. Ai bisedoi personalisht me shokun e tij dhe gjithçka e zgjidhën mes tyre.

“E dija se Frenki donte atë numër. Por kjo ishte një çëshjte që më përkiste vetëm mua. Do të doja që klubi të më kishte njoftuar përpara se t’i premtonin 21-shin atij. Ai ishte i përlulur, më pyeti dhe ja dhashë sepse kishte një lidhje personale me atë numër. Me veprimin e drejtuesve nuk ndihem mirë, ne kemi folur gjithmone hapur”, përfundoi Alenja.

Dortmund nuk ndalet, dërgon ofertën e parë për yllin e Barçës

Sport Ekspres — Thu, 25 Jul 2019 19:06:11 +0000

Barcelonës i duhen para, ndërsa Malkom Oliveirës i duhen minuta në këmbë. Katalanasit e kanë nxjerrë prej kohësh në shitje brazilianin. Së fundmi, “Goal” raporton se Borusia Dortmund interesohet për shërbimet e yllit 22-vjeçar.
Verdhezinjtë kanë ndërtuar një skuadër mjaft simpatike dhe Malkom mund të jetë i vetmi “ingranazh” që i mungon makinerisë verdhezezë. Gjermanët kanë nisur nagociatat me Barcelonën për të. Ata ofrojnë 42 milionë euro për të bindur Bartomeun të heqë dorë nga shërbimet e të riut.

Ardhja e Grizman e bën të pamundur qëndrimin e Malkom në Barcelonë. Është gati e sigurt se do largohet, pasi Barçës do i duhet të rikuperojë humbjet e mëdha financiare të blerjëve të Grizman, Dembele, Kutinjo e Frenki De Jong. Gjithashtu duhet të mbledhë fonde për të risjellë Nejmar në “Camp Nou”.

PSG bën çmenduri, ja paga faraonike për 16-vjeçarin

Sport Ekspres — Thu, 25 Jul 2019 14:37:33 +0000

Çmenduritë me pagat e futbollistëve duket se e kanë kaluar futbollin profesionist, duke kapërcyer edhe në talentet e moshave. Këtë risi e ka sjellë klubi i PSG. Francezët “rrëmbyen” Ksavi Simons nga Barcelona. Holandezi vlerësohet si një nga talentet më të mirë të gjeneratës së tij dhe ka një impakt mjaft të madh edhe në mediet sociale.
Parisi dhe Barcelona prej vitesh janë në një luftë të ashpër dhe këtë herë ka qenë radha e francezëve për të sulmuar. Barcelona pati ofruar një pagë që arrinte 200 mijë euro në sezon për 16-vjeçarin. Babai i tij e kishte refuzuar atë ofertë, me Barçen që nuk kishte pranuar ta rriste shifrën.

Agjenti i Simons, Mino Raiola ia ka propozuar atë Al Kelaifit. Ky i fundit me shumë kënaqësi ka dhënë ofertën e tij. Sa ishte kjo ofertë? 1 milionë euro në vit për një minoren. Duhet të themi se paratë do të shkojnë në xhepat e babait, pasi Simons nuk mund të firmosë kontratë si profesionis, pa mbushur 18 vite.

Zyrtare | Arsenal prezanton ardhjen e yllit spanjoll

Sport Ekspres — Thu, 25 Jul 2019 13:50:22 +0000

Arsenali, në mungesë të fondeve të duhura për të blerë një lojtar klasi, ka zgjedhur ta huazojë atë. Dani Sebajos do të jetë futbollist i “Topçinjve” për gjithë sezonin e ardhshëm. Mesfushori vjen nga Reali i Madridit, ku nuk arriti të gjejë hapësirat e duhura.

Zidan dëshiron një mesfushë vetëm më lojtarë të mëdhenj të afirmuar në arenën botërore. Arsenal ka nevojë për një fantazist si 22-vjeçari. Ai pritet të marrë frenat e mesfushës londineze. Sebajos tregoi potencialin e tij të madh në Europianin e U21, ku “Furia e Kuqe” u shpall kampion.

?? #HolaDani ?

Welcome to The Arsenal, @DaniCeballos46 ? pic.twitter.com/8gZLggahJZ

— Arsenal FC (@Arsenal) July 25, 2019

Francë-Spanjë-Meksikë, Real Betis “torturon” fantazistin Fekir

Sport Ekspres — Thu, 25 Jul 2019 11:36:59 +0000

Nabil Fekir ishte shumë pranë Liverpulit verën e shkuar, por marrëveshja mes dy palëve u prish në momentin e fundit, për shkak të disa problemeve të Fekir pas vizitave mjekësore. Këtë verë, fantazisti francez zgjodhi Real Betisin për të vazhduar karrierën e tij.

Mëngjarashi u transferua vetëm 72 orë më parë nga Lioni te Betis, ndërsa sot në orët e para të mëngjesit, ka debutuar për skuadrën spanjolle, në Meksikë. Betis luajti një miqësore kundër Queretaos, ndeshje që e fitoi 0-2.

Fekir u aktivizua në minutën e 74’ dhe luajti rreth 20 minuta. Në 72 orët e fundit, francezi ka bërë mijëra kilometra rrugëtim, por trajneri nuk e kurseu për këtë sfidë.

E kryer | Vendoset e ardhmja e Hames, zyrtarizimi varet nga Milani

Sport Ekspres — Wed, 24 Jul 2019 20:31:49 +0000

Napoli i thotë lamtumirë Hames Rodrigesit. Mediet spanjolle raportojnë se Atletiko ka arritur marrëveshjen me Realin dhe shumë shpejt 28-vjeçari do të zyrtarizohet si ylli më i ri në “Wanda Metropolitano”.
Lançimi i tij nga klubi varet nga lëvizja e Korreas në Milano. Me kalimin e argjentinasit në Itali, menjëherë do të pasojë ardhja e Hames në Madrid. Agjentët e Korreas dhe përfaqësuesit e Atletikos janë në Milano dhe marrëveshja mes palëve është shumë pranë. Po diskutohen detajet e fundit.

Atletiko është një nga klubet që ka bërë më shumë merkato në Evropë. Përtej shumë largimeve, Simeone nuk pritet të ndiejë mungesën e askujt me gjithë ata yje që po zbarkojnë në klubin bardhekuq. Hames do të jetë një nga udhëheqësit e ekipit. Kolumbiani pritet të lëvizë si një elektron i lirë nëpër mesfushën e “Los Colchoneros”.

“Reali më ndoqi nga afër, Zidan është arsyeja pse firmosa”

Sport Ekspres — Tue, 23 Jul 2019 17:28:08 +0000

Real Madridi e mori vetëm 16 vjeç si një prej talenteve më të mëdhenj të gjeneratës së re. Martin Odegard po rritet me shumë kujdes si një “diamant i çmuar” i madrilenëve dhe po vëzhgohet me shumë vëmendje përparimi i tij.
20-vjeçari nuk është zgjedhur të qëndrojë me ekipin e dytë madrilen, por është huazuar në Holandë e tani në Spanjë te Real Sociedad. Te baskët do qëndrojë dy vite dhe zbulon se ka rinovuar kontratën me Realin. Shton se Reali e sheh me vëmendje situatën e tij dhe shpesh dërgonin skautë për ta parë nga afër yllin norvegjez. Zidan është i rëndësishëm për të.

“Qëllimi është rritem me Real Sociedad dhe të arrij të luaj më pas me Realin. Më janë ofruar skuadra që luajnë në Champions apo Europa League, por e rëndësishme për mua ishte të luaja dhe të ndihesha rehat. Real nuk ndikoi në zgjedhjen time. Vitet në Holandë ishin shumë të mira. Real shumë shpesh i pa nga afër ndeshjet e mia. Ideja është të qëndroj në Sociedad për 2 vjet. Kam një kontratë me Real Madridin, e kisha zgjatur atë para se të vija në ‘San Sebastian’. Zidane është një trajner i madh. Puna e tij trajner i skuadrës së parë, duke fituar 3 Champions League, është e jashtëzakonshme. Edhe në ekipin B, mësova shumë prej tij. Kjo është një nga arsyet pse zgjata bashkëpunimin me Real Madridin”, përfundoi Odegard.

VIDEO | Debutim magjik, fenomeni De Jong çmend katalanasit

Sport Ekspres — Tue, 23 Jul 2019 15:41:16 +0000

Frenkie De Jong debutoi sot me Barcelonën në takimin kundër Çelsit. 22-vjeçari u aktivizua në fillim të pjesës së dytë dhe bëri 45 minuta të shkëlqyera, duke dominuar mesfushën. Pasime të sakta, driblime, kombinime me shokët e skuadrës, De Jong ishte lojtari më i mirë në fushën e lojës për Barcelonën.

Në 45 minuta lojë, De Jong bëri 42 pasime, me një saktësi prej fenomeni, 100%. Një mesfushor me një të ardhme të ndritur, i cili edhe pse në një moshë të re, ka pjekurinë e një veterani në qendër të mesfushës…

Frenkie de Jong highlights vs. Chelsea, 23/07/2019.

Frenkie makes his debut for FC Barcelona, and he looked like he was the only player who knew what he was doing in the second half. A brilliant midfielder, hopefully he starts for all of our games this season. pic.twitter.com/khkEerJdc0

— Frenkie Chief ?? (@FrenkieStats) July 23, 2019

Një vit pasi u largua, Iniesta mirëpret Barçën me një letër ku tregon gjithçka

Sport Ekspres — Tue, 23 Jul 2019 13:39:10 +0000

Të gjithë ne para një viti përjetuam një moment që do donim të mos ndodhte kurrë, largimin e Andres Iniestës nga Barcelona. Mesfushori prej një sezoni është pjesë e Visel Kobe në Japoni. Tani është pikërisht momenti për t’u ndeshur kundër skuadrës që ai i kushtoi karrierën dhe ajo i dha gjithçka, Barçës.
Barcelona po udhëton për në Azi, ku do të zhvillojë dy ndeshje mes Visel Kobe dhe Celsit. Iniesta i mirëpret katalanasit në Kobe, qytetin që është shtëpia e tij dhe po qëndron bashkë me familjen. Iniesta ka zgjedhur të shkruajë një letër, ku i shpjegon të gjitha. Jetën në Japoni, situatën e futbollit atje dhe emocionet e ribashkimit me Barçën:

“Më 22 korrik mbushet një vit që nga debutimi im me fanellën e Visel Kobe. Tashmë një vit, dhe një vit shumë intensiv në të gjitha aspektet. Viti im i parë si ish-lojtar i Barçës dhe viti im i parë në një vend si Japonia, që është kaq i ndryshëm nga Spanja.

“E kam thënë kaq shumë herë, dëshiroja të vazhdoja të luaja në Barcelonë për gjithë karrierën time, bashkë me të gjithë miqtë që kam në dhomën e veshjes, në një stadium madhështorSi ‘Camp Nou’, duke përjetuar dashurinë tifozëve dhe luajtur në gara të mëdha si La Liga dhe Champions League. Por ka momente në jetë, ku duhet të marrësh vendime. E kam bërë këtë dy herë, një në kur isha 12-vjeç, me mbështetjen e familjes sime, kur u largova nga Fuentealbilla për të shkuar në La Masia. E bëra përsëri një vit më parë, me mbështetjen e familjes sime të zgjeruar edhe një herë. Kam ardhur në Japoni për të vazhduar të shijoj futbollin dhe kjo është ajo që po bëj sepse është po më pëlqen më së shumti.”
“Sa i përket rezultateve, ata nuk janë aq të mira, por përvoja është shumë interesante. Futbolli japonez është shumë konkurrues dhe, megjithëse nuk duket ashtu, tifozët janë shumë të pasionuar. Atmosfera në stadiume është me të vërtetë e mahnitshme. Ju do ta shihni kur të luajmë kundër Barçës më 27 korrik në Kobe, sepse stadiumi ‘Noevir’ me siguri do të jetë i mbushur. Jam gjithmonë i befasuar nga dashuria që të gjithë tifozët më japin kudo që shkojmë, pasi ata janë shumë mirënjohës dhe të respektueshëm.”

“Sa për jetën në Kobe, familja ime dhe unë jemi të kënaqur. Në fillim është gjithmonë e vështirë, për shkak të gjuhës, zakoneve dhe ushqimit, por fëmijët u përshtatën shpejt, dhe gruaja dhe gjithashtu. Prova është se ne e kemi zgjeruar familjen me Romeon, i cili do të jetojë vitet e para të jetës së tij në Japoni. Jemi shumë të lumtur që jemi një familje prej gjashtë vetash.”

“Është interesante që, një vit pasi kam ardhur këtu, Barça po viziton qytetin tim. Pa dyshim, kjo do të jetë një ndeshje shumë e veçantë për të gjithë. Do të jetë e çuditshme që të kem Busin, Zhordi Albën dhe Rakitiç si kundërshtarë, do të jetë e çuditshme të luaj kundër ekipit të jetës sime dhe do të jetë një ditë shumë emocionuese për mua. Shpresoj që të gjithë të kënaqemi dhe se tifozët e Visel Kobe të argëtohen, duke parë një ndeshje të mrekullueshme”, shkruan Iniesta.

Driblimi fenomenal, si Mesi e bëri Grizmanin të flasë me vete

Sport Ekspres — Mon, 22 Jul 2019 16:14:03 +0000

Lionel Mesi dhe Antuan Grizman do të jenë shokë skuadre te Barcelona duke filluar nga sezoni i ardhshëm, por deri më tani, janë ndeshur përballë njëri-tjetrit në shumë raste. Edhe pse kanë thuajse një rol të njëjtë në fushë, nuk kanë munguar duelet 1 kundra 1 mes tyre.

Zakonisht, me Mesin duke sulmuar dhe me Grizmanin të kthyer në mbrojtje, pasi kjo është filozfia e Simeones te Atletiko. Një driblim i Lionel Mesit ndaj Grizman është bërë viral në rrjet, pasi mënyra si francezi mbetet në vend pasi Mesi “zhduket”, është me të vertetë diçka shumë gazmore.

Largimi i Grizman dhe kombëtarja e Argjentinës, rrëfehet Simeone

Sport Ekspres — Mon, 22 Jul 2019 13:41:12 +0000

Diego Simeone në një intervistë të gjatë ka folur rreth çështjes “Grizman”. Francezi u largua te Barça një vit pasi kishte rinovuar me Atletikon dhe ky veprim ka shkaktuar një sërë reagimesh negative ndaj tij.
Tekniku argjentinas nuk shpreh aspak mllef në lidhje me largimin e francezit. por tregon mirënjohje për kohën e kaluar në Madrid. Në fund flet pak për kombëtaren bardhekaltër. Tekniku shprehet se nuk ka në plan të drejtojë përfaqësuesen.

“E vlerësoj Grizman për pesë vitet që ishte me ne, ishte perfekt. Punoi shumë mirë dhe u rrit mjaft si futbollist. Kam folur shumë me të. Tani është një moment kyç për karrierën e tij. Ka shkuar në një klub gjigant si Barcelona. Disa e vlerësojnë atë për veprimin e fundit, por unë jo.”

“Shumë të afërm më kërkojnë të marr drejtimin e Argjentinës. Nuk do e bëj, pasi jam shumë mirë këtu. Kam folur me drejtuesit e federatës dhe gëzojmë marrëdhënie të mira. Nuk kam pasur asnjëherë një propozim të tillë”, deklaroi Simeone.

VIDEO | Debutim dhe spektakël, Zhoao Feliks çmend tifozët

Sport Ekspres — Sat, 20 Jul 2019 19:54:32 +0000

Zhoao Feliks, ky djalosh ka një talent të jashtëzakonshëm. Sot, adoleshenti i dytë më i shtrenjtë në botë, debutoi me fanellën e Atletikos. Me numrin 7 mbi shpinë dhe me një klas të lartë, Feliks bëri një ndeshje të shkëlqyer përballë Numansias.

Një ruletë brenda zonës që na kujtoi Zidanin e dikurshëm dhe një pasim ekzemplar për Lemar ishin vetëm 2 nga momentet e shumta brilante të mega-talentit portugez, i cili duket se ka një të ardhmne të ndritur përpara dhe së bashku me Mbape, mund të vendosin diktatin në botën e futbollit në vitet e ardhshme…

VIDEO | Bind Atletiko, debutojnë me gol dy blerje

Sport Ekspres — Sat, 20 Jul 2019 19:25:57 +0000

Atletiko e Madridit duket se do vazhdojë të jetë e njëjta edhe pas gjithë atyre largimeve. Skuadra e Simeones ditën e sotmë ka provuar veten ndaj Numanças, skuadër që aktivizohet në La Liga 2. Bardhekuqtë kanë bindur në provën e tyre të parë të kësaj vere, duke fituar pastër me rezultatin 3-0. Të tre golat u shënuan në fund të takimit.

E sotmja ka qenë dita e blerjeve të reja. Mbrojtësi Felipe, i ardhur nga Porto dhe sulmuesi Saponjiç, që zbarkoi në Madrid nga Benfika kanë qenë autorë të dy golave. Një debutim që me shumë mundësi e kishin ëndërruar ditën pas prezantimit. Golin tjetër e shënoi Vitolo. Miqësorja e radhës për madrilenët është më datë 24 ndaj meksikanëve të Guadalajara.

Bajern “i marrosur” me yjet e La Ligas, synon një argjentinas

Sport Ekspres — Fri, 19 Jul 2019 20:21:14 +0000

Bajerni i Mynihut kërkon shërbimet e Xhovani Lo Çelso. 23-vjeçari aktivizohet me Betisin. Në klubin andaluzian ai ka bërë shumë mirë dhe e ka vendosur veten në qendër të vëmendjes së klubeve të mëdha evropiane.

Totenhem ka bërë ofensivën më të madhe për të. Betis kërkon 60 milionë paund, por dëshira e lojtarit për t’u larguar mund ta ulë këtë vlerë. Londinezët ishin dëshira e tij, megjithatë interesi i Bajernit me shumë mundësi do e bëjë të shohë vetëm nga Mynihu.

Betis bëri një biznes mjaft të mirë, duke e blerë për vetëm 22 milionë euro nga PSG. Tani mund të fitojë të paktën 50 milionë paund nga shitja e tij. Pritet për t’u parë reagimi i klubit spanjoll. Nëse nuk binden, Bajernit do i duhet të paguajë 98 milionë euro, sa është klauzola e tij e largimit.

Lo Celso me fanellën e Argjentinës

Bajern piketon një spanjoll, do i paguajë klauzolën

Sport Ekspres — Thu, 18 Jul 2019 16:40:24 +0000

Bajernit i duhet dy lojtarë cilësorë krahu, ndërkohë që ka fuqi financiare të marrë vetëm një emër të madh dhe një talent të ri. Këtë të fundit e ka gjetur dhe po pregatit planin e “rrëmbimit”. Brais Mendez është i riu që ka rrëmbyer zemrat e drejtuesve bavarezë.
22-vjeçari aktivizohet me Selta Vigon në La Liga. Titullar i padiskutueshëm te spanjollët dhe autor i 6 golave dhe 7 asisteve në La Liga sezonin e shkuar. Kaq mjaftojnë për të bindur Bajernin ta marrë pa lejen e skuadrës së tij.

Rumenige është gati të paguajë klauzolën e largimit të Mendez. 25 milionë euro është vlera që ka vendosur klubi i tij aktual për ta lënë të lirë pa kushte. Shumë që nuk e kanë aspak problem në “Allianz Arena” dhe në ditët në vijim pritet që lojtari të vijë në Mynih.

Mbyllet transferimi surprizë, Betis rrëmben yllin francez

Sport Ekspres — Thu, 18 Jul 2019 16:13:44 +0000

Nabil Fekir një vit më parë, por edhe këtë merkato kishte kërkesa të shumta nga klube gjigante të Evropës. Liverpul ishte një prej të interesuarve për të. Por zgjedhja e francezit është shumë surprizë për të gjithë. Ai do të transferohet te Real Betis. Klubi andaluzian ka gjetur akordin me Lionin, që nuk ka shumë krah të ngrejë çmimin e lojtarit sepse kontrata e tij skadon verën e ardhshme.
Sipas medieve franceze, Fekir do të transferohet ne Sevilje për 25 milionë euro. Një çmim “monstruoz”, duke parë që vlera e tij në merkato është plot 65 milionë euro. 26-vjeçari është një nga yjet e mëdhenj të këtij brezi të artë francez.

Është rritur te Lioni dhe largohet pas gjashtë vitesh nga ndeshja e parë si profesionist në klubin francez. Dilemë është se ku e kishin mendjen klubet e mëdha këtë merkato. Interi po jep 80 milionë për Lukakun, ndërkohë që mund të kapte një “okazion” të madh me Fekir. E çuditshme!

Anglezi i parë në 95 vite, Atletiko zyrtarizon blerjen e radhës

Sport Ekspres — Wed, 17 Jul 2019 16:29:58 +0000

Atletiko Madrid nuk di të ndalet. Pasi ka siguruar firma shumë të rëndësishmë këtë merkato vere, “Colchoneros” kanë siguruar edhe shërbimet e mbrojtësi anglez, Kieran Tripier. Anësori i djathtë luante prej shumë vitesh te Totenhem, skuadër tek e cila u transferua nga Bërnli.

Një karrierë me një ngjitje shumë të shpejtë ajo e Tripier, e cila arriti pikun vitin e kaluar, ku bëri shumë mirë për “Gjelat” e Londrës dhe për kombëtaren angleze të futbollit në Botërorin “Rusi 2018”. Një përforcim shumë i rëndësishëm për Atletikon, që zgjodhi Tripier para mbrojtësit kuqezi, Elseid Hysaj.

? | Acuerdo con el @Spurs_ES para el traspaso de @trippier2.

??????? El internacional inglés ha firmado su contrato para las 3 próximas temporadas ?

? ¡Bienvenido a la familia atlética! ???
? https://t.co/ToPG7Tb7JC #BienvenidoTrippier #AúpaAtleti pic.twitter.com/mpgTuXAeq1

— Atlético de Madrid (@Atleti) July 17, 2019

“Burg” për tre vite, PSG kërcënon ashpër Nejmarin

Sport Ekspres — Wed, 17 Jul 2019 11:04:09 +0000

Nejmar po tenton gjithnjë e më tepër të afrojë veten me Barcelonën, duke i kërkuar drejtuesve të pranojnë ofertat e katalanasve. Ai nuk ka ardhur në stërvitje për plot dy javë dhe me kthimin e tij, veprimi i parë që ka bërë ka qenë një bisedë me Leonardon.
Gjatë diskutimit, braziliani ka kërkuar me ngulm largimin. E gjithë kjo ka mërzitur familjen mbretërore të Katarit, që janë edhe pronarët e PSG. Siç raportojnë mediet evropiane, ata i kanë kërkuar Al Kelaifit të zgjidhë këtë çështje dhe të sjellë nderin e klubit në vend. Presidenti nga ana e tij njihet për kokfortësinë, dhe ka në mendje një zgjidhje aspak të hijshme për karrierën e Nejmar.

Ai mund ta mbajë me pahir brazilianin deri në vitin 2022, që është edhe përfundimi i kontratës. Mbetet për t’u parë reagimi i Leonardos, që është përgjegjësi më i madh i kësaj çështje. Gjithashtu babai i brazilianit do të ndërhyjë për të gjetur një rrugë të mesme.

Mesi është magjik, njihuni me rekordin unikal të “Pleshtit”

Sport Ekspres — Wed, 17 Jul 2019 08:19:40 +0000

Magjia dhe e mahnitshmja gjatë dekadës së fundit identifikohen vetëm me një emër, Leo Mesi. Kjo fjalë duhet të shkruhet me gërma të florinjta e t’i “përulet” çdo admirues i futbollit, qoftë kundërshtar i tij apo jo. Në fushën e lojës lëviz si “plesht” ama në të vërtetë është një “perandor” që flet me shifra.
Leo Mesi me statiskikën e fundit na tregon se është një nga lojtarët më vendimtarë të historisë. Kush shpallet lojtari i ndeshjes është automatikisht edhe ai që e ka vulosur fatin e asaj përballje. Leo e ka bërë këtë plot 225 herë që nga sezoni 2010-2011.

Në vendin e dytë si lojtari me më shumë çmime “Lojtari i Ndeshjes” është Kristiano Ronaldo me 125. Disi e madhe diferenca mes tyre, duke parë që arritjet e portugezit nuk kanë qenë aspak të vogla.

Dy legjendat janë të vetmit që e kalojnë numrin 100. Në vendin e tretë është Eden Hazard. Ish-ylli i Çelsit numëron 93 herë të ketë qenë lojtari i ndeshjes. Më pas vjen Zlatan Ibrahimoviç e Nejmar. Më poshtë ju njohim me listën e 10 më të mirëve në këtë aspekt:

Lionel Mesi – 225
Kristiano Ronaldo – 125
Eden Hazard – 93
Zlatan Ibrahimoviç – 89
Nejmar – 65
Luis Suarez – 65
Garet Bejl – 62
Antuan Grizman – 58
Arturo Vidal – 53
Marko Roish – 50

Zyrtare | Barcelona bëhet “pishman”, riblen mbrojtësin spanjoll

Sport Ekspres — Tue, 16 Jul 2019 19:43:50 +0000

Barcelona ka aktivizuar klauzolën e riblerjes së një prej talenteve të saj. Mark Kukurela do të jetë përsëri i Barçës. 20-vjeçari u ble vetëm pak ditë më parë nga Eibar pas një periudhe huazimi, megjithatë Barça nuk ka lejuar që t’i ikë nga duart spanjolli.
Kukurela aktivizohet si mbrojtës i majtë, një pozicion ku nuk ka alternativa përveç Zhordi Albës. Katalanasit e kanë risjellë atë për 4 milionë euro në “Camp Nou”. Një veprim i drejtë i tyre, duke parë se vlera e lojtarit në merkato është të paktën 10 milionë euro.

Kukurela do të udhëtojë me skuadrën drejt Kinës për të marrë pjesë në turin aziatik. Ai ka qenë një nga më të mirët e Eibar sezonin e kaluar. Mbetet për t’u parë nëse Barça do zgjedhë ta shesë për të fituar më shumë, apo ta mbajë dhe t’i besojë vendin e zëvendësuesit të Albës.

[BREAKING NEWS] ? @cucurella3 https://t.co/QiMZPqnKPI

— FC Barcelona (@FCBarcelona) July 16, 2019

Spastrimet te Reali, një “Galaktik” përfundon në Premier

Sport Ekspres — Tue, 16 Jul 2019 16:26:40 +0000

Real Madridit i duhet të gjejë një skuadër për Sebajos, ku mesfushori ta aktivizohet rregullisht dhe të gjejë formën e tij më të mirë. Për yllin spanjoll interesohet dy londineze, Arsenal dhe Totenhem. Këto të fundit janë të interesuar në blerjen përfundimtare të Sebajos, me Realin që nuk e dëshiron këtë opsion.

Kështu është Arsenali që përfiton nga kjo situatë. Siç raportojnë mediet angleze, “Topçinjtë” janë shumë pranë arritjes së një marrëveshje me Realin për huazimin e 22-vjeçarit. Real pranon këtë mundsi vetëm nëse Arsenal nuk e dëshiron opsionin e blerjes përfundimtare të fantazistit.

Vështirësitë për të nënshkruar me yje të tjerë e bëjnë Emeri të pranojë këtë propozim dhe të sjellë në “Emirates Stadium” Sebajos, edhe pse përkohësisht. Anglezët kanë rënë dakort për të paguar të gjithë pagën e lojtarit prej 3 milionë eurosh. Marrëveshja është shumë pranë mbylljes dhe Sebajos do të vishet bardhekuq.

Merkato e Atletikos për notën 10, akord dhe me zbulimin e La Ligas

Sport Ekspres — Tue, 16 Jul 2019 15:44:54 +0000

Atletiko Madridi ka siguaruar shërbimet e Zhoao Feliks, Markos Jorente, Alvaro Morata dhe Kieran Tripier, por duket se “Colchoneros” nuk do të ndalen me kaq. Simeone ka humbur shërbimet e Diego Godin dhe synon me doemos të sjellë në “Metropolitano” një qendërmbrojtës të ri dhe me aftësitë e duhura për t’u aktivizuar menjëherë në formacion, në krah të Himenez.

Siç raportojnë mediat spanjolle, është arritur akordi me zbulimin e La Ligas, Mario Hermoso. 24-vjeçari bëri një sezon të shkëlqyer me ekipin e Espanjolit, duke tërhequr vëmendjen e Real Madridit, PSG-së, Arsenalit dhe disa skuadrave të tjera, por ka qenë Atletiko ekipi që ka bërë ofertën më bindëse.

“CadenaSer” raporton se bordi drejtues i nënkampionëve të Spanjës është gati të paguajë deri në 30 milionë euro për shërbimet e mbrojtësit, si dhe kanë gati dhe një plan B. Në rast se 30 milionë nuk pranohen, atëherë Atletiko do të shtojë 10 milionë të tjera dhe të paguajë klauzolën e 24-vjeçarit, duke anashkaluar bisedimet me klubin e Espanjolit.

E kryer | Hysaj – Atletiko “Game Over”, firmos mbrojtësi anglez

Sport Ekspres — Tue, 16 Jul 2019 14:43:23 +0000

Atletiko Madrid i ka dhënë fund kërkimit për një mbrojtës të djathtë. Mediet angleze po raportojnë bashkërisht se futbollisti i Totenhem, Kieran Tripiër, ndodhet në Madrid në këto momente. 28-vjeçari po zhvillon vizitat mjekësore dhe në orët në vazhdim pritet zyrtarizimi.

Atletiko ka paguar 30 milionë euro për transferimin e anglezit. Kjo marrëveshja mbyll dhe mundësinë e kalimit të futbollistit shqiptar Elseid Hysaj te skuadra e drejtuar nga Diego Simone. Tekniku argjentinas ka tani në dispozicion të tij dy mbrojtës të djathtë të një niveli të lartë si Santiago Arias dhe i porsaardhuri Tripiër.

Historia e dhimbshme e Joviç, kjo deklaratë tregon shumë për serbin

Sport Ekspres — Mon, 15 Jul 2019 20:45:47 +0000

Njeriu gjatë jetës përballet me shumë beteja, por ajo me jetën është më e vështira. Luka Joviç na tregon një të tillë, e cila ka motivuar atë dhe mund të na japë forcë edhe ne të luftojmë me çdo gjë që na del para.

Kur ishte rreth 10 vjeç dhe stërvitej me Partizanin e Beogradit, motra e tij e madhe u diagnostikua me leuçemi. Një sëmundje e vështirë, që do regjim tepër të madh dhe kujdes rigoroz nga të afërmit dhe mjekët.
Pikërisht kjo periudhë është një prej shkaqeve që Luka Joviç është ky person sot. Ishte një kohë e gjatë, kur mamaja jetonte dhe kujdesej për motren dhe babai me gjyshin për Lukën. Ai ka lindur në një qytezë të quajtur Batar.

Pas disa kohësh djaloshit i vjen lajmi se motra është shëruar. Triumfi i saj ndaj sëmundjes e motivoi 21-vjeçarin dhe e bëri të besojë se edhe ai mund t’ja dalë. Prej atje u tranferua te Benfika e më pas në Ajntraht e sot në majë, te Reali i Madridit.

“Kur isha 10 vjeç, motra e madhe u sëmur. Ky ishte momenti që shënjoi jetën tonë. Mjekët zbuluan se ajo kishte leuçemi. Rendi spitaleve për një kohë të gjatë. Nënës sime iu desh të linte menaxhimin e supermarketit për t’u kujdesur për të. Për një vit të tërë familja jonë u nda. Unë jetoja me babin dhe gjyshin, ku mu desh të trajnohesha me Partizanin e Beogradit. Mamaja qëndroi me motrën. Ishte një kohë shumë e vështirë. Më kujtohet momenti kur po shkoja në shtëpi pas një ndeshje. Babai im u ndal të bisedonte me kushuririn dhe xhaxhain. Arrita të kuptoj se do të organizohej një festë e madhe. Shkuam në shtëpi dhe kujtoj se motra kishte veshur një kapele letre si të ishte ditëlindja e saj. Na thanë se ishte shëruar. Ishte një ndjenjë e jashtëzakonshme. Kur motra mundi sëmundjen e saj, me ‘ndezi’ edhe mua për të pasur sukses. Doja të triumfoja si ajo”, u shpreh Joviç.