Barcelona

Kutinjo do një zgjidhje finale, refuzon anglezët

Sport Ekspres — Mon, 05 Aug 2019 17:50:26 +0000

Marrëdhëniet e mira mes klubeve të Arsenalit dhe Barcelonës, por edhe mungesa e hapësirave në formacion për Kutinjon, e lidhin brazilianin me një huazim 1-vjeçar te klubi londinez. Ai nuk po arrin të përshtatet dhe Dembele e ka treguar në miqësore se është në formë dhe ndikon mjaft në lojën e katalanasve.
Mos harrojmë ardhjen e Grizman. Kështu, Kutonjo rezulton si zgjedhje e tretë në silm te katalanasit. Megjithatë, sipas medieve spanjolle braziliani nuk pranon të largohet në formën e huazimit. Ai ja ka bërë të qartë klubit se do një vendim përfundimtar rreth të ardhmes së tij.

Për momentin në Barcelonë nuk ka asnjë ofertë. E vetmja mundësi për të është një kalim te PSG si pjesë e operacionit për të sjellë Nejmar në Barcelonë. Por edhe kjo pistë mund të bjerë, pasi drejtuesit e dy klubeve po tentojnë një huazim 1-vjeçar me të drejtën e blerjes në fund të sezonit të ardhshëm për sulmuesin e kampionëve të Francës.

Çështja Grizman, Atletiko ka provën e “fundosjes” së Barçës

Sport Ekspres — Mon, 05 Aug 2019 14:54:21 +0000

Edhe pse Grizman është transferuar te Barcelona dhe ka debutuar me katalanasit, duket se lufta mes Atletikos dhe katalanasve nuk ka përufnduar. Mediet vendase raportojnë se drejtuesit e klubit madrilen kanë siguruar një dokument tepër të rëndësishëm për çështjen e transferimit të yllit francez.
Atletiko pretendon se Barcelona ka nisur negociatat me Grizman që në marsin e kaluar pa marrë leje te klubi bardhekuq. Këtë e vërteton dokumenti i siguruar nga presidenti Hil Marin. Materiali është një e-mail, që Sevan Kerian, avokati i Grizman ja ka nisur Barcelonës në muajin mars. Në të janë detajet e marrëveshjes dhe kërkesat e francezit.

Pas kësaj Barcelona rrezikon shumë. Së pasi atyre do u duhet të japin edhe 80 milionë euro, duke qenë se kanë arritur marrëveshje me lojtarin kur klauzola e tij ishte 200 milionë euro. Së dyti ata rrezikojnë dënim shembullor sepse kanë thyer rregullat e FIFA-s mbi transferimet. Një mundësi është bllokimi i merkatos.

Megjithatë, çështja është në shqyrtim dhe duhet vërtetuar origjinaliteti i provës dhe mënyra e sigurimit të saj. Pretendohet se bashkëpunëtorët e avokatit e kanë shitur te drejtuesit e Atletiko Madridit. Pritet edhe fjala e Grizman si dhe provat që ai disponon për të mbrojtur veten e tij dhe Barcelonën.

Zeniti në hall të madh, mendon shitjen e yllit brazilian!

Sport Ekspres — Mon, 05 Aug 2019 13:07:29 +0000

Malkom Oliveira është transferuar vetëm para pak ditësh nga Barcelona në Rusi te Zeniti për 40 milionë euro. Megjithatë, ai nuk është pritur aspak mirë nga tifozët. Një nga tifogrupet kryesorë të ekipit po protestojnë ashpër për afrimin e brazilianit të talentuar.
Arsyeja është skandaloze. Zeniti e ka si traditë të mos firmosë me lojtarë me ngjyrë dhe Malkom e thyen këtë tabu. Por duket se braziliani nuk do të mundet të qëndrojë në Rusi. Kontestimet e shumta mund ta ndërlikojnë edhe më shumë situatën dhe Zeniti po tenton një zgjidhje tepër të dhimbshme.

Sipas “Tuttosport”, drejtuesit e klubit rus po shohin mundësinë e një shitjeje të 22-vjeçarit. Nga kjo situatë del e fituar Barcelona, që ka një përqindje të caktuar në shitjen e sulmuesit. Shumë vështirësi për Malkom, që nga mosaktivizimi në “Camp Nou”, bie pre e racizmit në Rusi.

VIDEO | Shumë klas dhe saktësi, De Jong ndaj Arsenal ishte “zjarr”

Sport Ekspres — Mon, 05 Aug 2019 11:34:38 +0000

Barcelona e ka blerë vetëm këtë verë, por De Jong duket sikur është rritur në “Camp Nou”. Barcelona fitoi me rezultatin 2-1 ndaj Arsenalit, ndeshje e vlefshme për trofeun Gamper. Paraqitje e Frenkit ishte për t’u veçuar.

Rrezaton një qetësi fenomenale. Është shumë i saktë në pasime dhe arrin shumë mirë të ngadalësojë sulmet e kundërshtarit. Për 22-vjeçarin nuk mungon aspak as vizioni në lojën sulmuese. Me këtë lojtar Barcelona e ka të sigurt të tashmen dhe të ardhmen e mesfushës.

Mesi e nis keq, panik te Barcelona

Sport Ekspres — Mon, 05 Aug 2019 10:48:45 +0000

Barcelona në faqen e saj zyrtare raporton se Mesi nuk nuk do të udhëtojë me ekipin në Shtetet e Bashkuara. Kjo për shkak të një dëmtimi që “pleshti” argjentinas ka pësuar në stërvitjen e këtij mëngjesi.
Ai është parë duke mbajtur dorën në këmbën e djathtë. 32-vjeçari ka pësuar një tërheqje të shkallës së parë në pulpën e tij. Kështu nuk do të rrezikohet që ai të marrë pjesë në turneun “International Champions Cup”, por do të qëndrojë në Barcelonë për të punuar në rikuperimin e dëmtimit.

Nuk pritet një mungesë e gjatë, megjithatë akoma s’ka një afat të saktë rreth kohës së nevojshme të shërimit të plotë të lëndimit. Një nisje jo e mbarë kjo për yllin katalanas, i cili stërvitej për herë të parë me Barçën pas kthimit nga pushimet. Ai u bashkua vetëm ditën e djeshme me ekipin.

Reagimet epike të tifozëve katalanas, De Jong ka fituar dashurinë e të gjithëve

Sport Ekspres — Mon, 05 Aug 2019 06:38:55 +0000

Barcelona është prezantuar ditën e djeshme përballë tifozëve të saj. Para ndeshjes për trofeun Joan Gamper ndaj Arsenalit janë thirrur të gjithë emrat e lojtarëve dhe stadiumi ka pasur reagimet e tij mjaft interesante.

Frenki De Jong duket se është blerja më e dashur e Barçës këtë verë. Në momentin e prezantimit të tij stadiumi gumëzhiu nga thirrjet pro tij. E kundërta ndodh me Filipe Kutinjon. Për të nuk ndalojnë vërshëllimat edhe pas kësaj vere.

Çaste të vështira për brazilianin, i cili sapo ishte kthyer nga pushimet pas një muaji. Grizman i ka ndarë tifozët në dy pjesë, ndërkohë që Mesi është personi më i dashur padyshim. Jo shumë entuziazëm për blerjet e tjera si Firpo apo Neto.

Siç dihet, në Spanjë tifozët kanë reagime mjaft drastike. Atje duhet të jesh perfekt. Nëse nuk ndodh kjo ti nuk je më një kampion edhe nëse ke fituar gjithçka. Tifozët e Barçës apo Realit nuk ngopen me sukses.

? @AntoGriezmann ?
? Camp Nou pic.twitter.com/2ZFXvn9bGY

— FC Barcelona (@FCBarcelona) August 4, 2019

? Messi is in da house
? Camp Nou pic.twitter.com/FOFHTShLG7

— FC Barcelona (@FCBarcelona) August 4, 2019

Akord paraprak mes klubeve, Nejmar shumë pranë transferimit

Sport Ekspres — Sun, 04 Aug 2019 20:54:12 +0000

Nejmar duket se e ka mbyllur me PSG. Braziliani me gjestet e tij lë të kuptohet se çdo marrëdhënie është thyer dhe pritet vetëm largimi. Katalanasja “Sport” raporton se Barcelona dhe PSG kanë arritur një marrëveshje paraprake për zbarkimin e 27-vjeçarit në Barcelonë.

Bëhet fjalë për një huazim njëvjeçar me detyrim blerje verën e ardhshme nga spanjollët. Barça e ka gati të pamundur të ofrojë para në dorë këtë verë sepse ka një bilanc shumë negativ. PSG nuk e mban dot më Nejmar në ekip dhe është e detyruar të negociojë me Barçën për të transferuar yllin seleçao.

Nejmar do e lërë PSG pas vetëm dy vitesh të kaluara mes kalvarit të dëmtimeve e polemikave të panumërta. Që me arritjen në Paris, ai nuk ka gjetur asnjë fije lumturie dhe tani duket se është mbushur kupa.

Mesi: Nuk pendohem për asgjë, ja çdo bëjmë këtë sezon

Sport Ekspres — Sun, 04 Aug 2019 19:33:04 +0000

Ndoshta Leo Mesi e urren këtë gjë, por ditën e sotme i është dashur të flasë para tifozëve rreth objektivave të sezonit të ri si kapiten i ekipit. Vitin e kaluar premtoi Championsin, por u eliminua në mënyrë tragjike nga Liverpuli.
Pas kësaj vërshuan talljet kundrejt Leos. Megjithatë, 32-vjeçari deklaron se nuk pendohet për asgjë dhe premton se edhe këtë vit do të luftojnë për gjthçka, ashti siç është filozofia e këtij klubi prej vitesh. Beson se më vonë do i vlerësojnë arritjet e Barçës.

”Nuk pendohem për asgjë. Është e vështirë të them diçka rreth sezonit të kaluar, por unë e përsëris atë që kam thënë. I besoj këtij ekipi, lojtarëve, stafit trajnues dhe nuk kam asnjë dyshim se së bashku do të luftojmë për gjithçka. Sezoni përfundoi pak i hidhur për mënyrën se si ndodhi, por unë mendoj se ju duhet t’i japim vlerë kampionatit që fituam. Tetë në 11 vjet. Kkjo do të ishte arritje e jashtëzakoshme për çdo klub. Ishte shumë e rëndësishme ajo që u bë. Ndoshta sot ne nuk i japim asaj vlerën që meriton, por disa vite më vonë do ta kuptojmë se sa e vështirë është”, u shpreh Mesi, që është kthyer pas pushimeve me skuadrën dhe është në stol në ndeshjen ndaj Arsenalit.

Goditja e radhës, Barcelona zyrtarizon mbrojtësin dominikan

Sport Ekspres — Sun, 04 Aug 2019 12:35:53 +0000

Barcelona ka zyrtarizuar blerjen e mbrojtësit Hektor Zhunior Firpo. Lojtari vjen nga Real Betis dhe për kartonin e tij janë shpenzuar 18 milionë euro. Mëngjarashi është i aftë të luajë si mbrojtës ose mesfushor i majtë.

Largimi i Lukas Dinj një vit më parë la Barcelonën pa një mbrojtës rezervë në rast dëmtimi të Zhordi Albës, i cili sezonin e kaluar u detyrua të luante një numër rekord prej 54 ndeshjesh në të gjitha kompeticionet. Me ardhjen e Firpos kjo problematikë ka marrë një zgjidhje përfundimtare.

? All the details about @@JuniorFirpo03, new Barça player
?? #ReadyToColor

— FC Barcelona (@FCBarcelona) August 4, 2019

Firpo ka lindur në Republikën Dominikane, por familja e tij emigroi në Spanjë vite më parë. 22-vjeçari është aktivizuar rregullisht me grupmoshat e kombëtareve spanjolle dhe ishte një ndër lojtarët kyç të suksesit të Spanjës në Europianin e 21-vjeçarëve.

Deri në moshën 21-vjeçare, Firpo u aktivizua me ekipin B të Real Betis, por një shans i dhëna nga trajneri Kike Setien u shfrytëzua më së miri nga futbollisti i ri. Një ndër golat e pakët të karrierës së tij është pikërisht ndaj Barcelonës. Firpo shënoi golin e parë në fitoren shokuese 4 – 3 të Real Betis në “Camp Nou”.

Barça “ekzekuton” blerjen e radhës, Alba ka një zëvendësues klasi

Sport Ekspres — Sun, 04 Aug 2019 09:37:23 +0000

Barcelona duket se është në mbyllje të operacionit për të sjellë Zhunior Firpo në “Camp Nou”. 22-vjeçari ka treguar cilësi të larta me Real Betis dhe Barça e dëshiron në gjirin e saj për të pasur një zëvendësues dhe pasardhës të denjë për Zhordi Albën.
Marrëveshja me lojtarin është mbyllur dhe finalizimin e këtij transferimi e ndajnë vetëm pak milionë. Real Betis dëshiron 25 milionë bashkë me bonuset. Barça këmbëngul se nuk jep më shumë se 21 milionë. Një diferencë shumë e ulët, që mund të rregullohet nëpërmjet një zgjidhje alternative.

“Sport.es” raporton se në orët e ardhshme gjithçka do të mbyllet. Firpo është një prej më të mirëve të krahut të majtë në La Liga. Titullar i padiskutueshëm dhe lojtar mjaft krijues. Sezonin e fundit të La Ligas e mbylli me 3 gola dhe 4 asiste. Ishte pjesë e rëndësishme e kombëtares U21 të Spanjës në kampionatin evropian.

“Çmendet” Barcelona, 27 milionë euro për një huazim!

Sport Ekspres — Sat, 03 Aug 2019 14:04:46 +0000

Filip Kutinjo dëshiron të largohet nga Barcelona dhe shpreson të rikthehet në Premier Ligë. Ardhja e Antuan Grizman i ka zëruar shanset për të qenë titullar dhe braziliani po shqyrton ofertën më të mirë.

27-vjeçari nuk arriti të tregonte kurrë potencialin e madh që zotëron gjatë një viti e gjysmë te Barcelona dhe Radio Catalunya raporton se lojtari ofensiv do të largohet këtë muaj.

PSG, Arsenal, Mançester Junajtid dhe Liverpul interesohen për Kutinjon, por ka një problem. Barça kërkon 27 milionë euro për huazimin një-vjeçar të lojtarit dhe minimalisht 110 milionë euro për shitjen e tij të plotë.

Arsenali ka nisur negociatat dhe duket klubi më i interesuar, por kërkesa e lartë e huazimit ka shtangur edhe topçinjtë.

Barça në vështirësi për Nejmar, Perez hyn në garë me një ofertë tunduese

Sport Ekspres — Sat, 03 Aug 2019 07:46:30 +0000

Barcelona e do përsëri Nejmrin në skuadër, por akoma nuk po tregon interes konkret drejt PSG. Katalanasit ofrojnë vetëm mundësinë e përfshirjes së një prej Dembele dhe Kutinjo, plus para. Francezët deri tani bëjnë rezistencë dhe kërkojnë vetëm para në dorë. Barcelona e ka të pamundur ta bëjë këtë, duke parë se ka një bilanc tepër negativ në raportin blerje-shitje.
E gjithë kjo situatë fut Real Madridin në “valle”. Madrilenët kanë një simpati të veçantë për Nejmar dhe nuk mund ta refuzojnë nëse i ofrohet mundësia. PSG është gati t’ja japë madrilenëve me një çmim të arsyeshëm, sesa ta dërgojë përsëri në Barcelonë. Sipas “Sky Sport”, Perez dëshiron të fusë në këtë operacion Luka Modriç.

Mesfusha është “thembra e Akilit” te kampionët francezë dhe eksperienca e Modriç do shëronte gjithçka. Megjithatë, ky transferim mbetet tepër i ndërlikuar, pasi janë të përfshira shumë palë. Modriç për momentin nuk preferon të shkojë në Paris. Nejmar nuk e dimë nëse dëshiron t’i bëjë një tjetër tradhti Barçës. Kështu, për momentin gjithçka mbetet e pamaterializuar.

Transferimi i Malkom hedh xixa në rrjet, Roma dhe Zeniti në “luftë”

Sport Ekspres — Fri, 02 Aug 2019 16:27:37 +0000

Malkom është larguar nga Barcelona drejt Zenitit. Klubi rus ka njoftuar firmën me talentin brazilian për 45 milionë euro. Këtë e ka bërë nëpërmjet postimit të një video në rrjetet sociale. Video përveç rolit inforamues përmban edhe një tallje me klubin e Romës.

Verdhekuqtë kishin mbylur gjithckka me Bordonë sezonin e kaluar dhe tifozët kishin dalë për të pritur lojtarin në aeroport. Një ndërhyrje e Barcelonës bëri që lojtari të anullonte kalimin në Itali dhe të nisej menjeherë drejt Spanjës.

It’s official! #DavaiMalcom pic.twitter.com/98VzpjQmhk

— FC Zenit in English? (@fczenit_en) August 2, 2019

Zenit në video tregon të gjitha skuadrat ku është aktivizuar Malkom dhe në kuadrin e një provokimi ndaj Romës, i vendos edhe ata si një prej ish-klubeve të 22-vjeçarit. Direkt pas këtij postimi të rusëve ka ardhur edhe përgjigja e Romës.

Ata me “kunj” shkruajnë: “Ultra krenr të të kishim në ekip Malkom. Tani trego gjithë madhështinë ne kampionatin rus”. Nuk ka nguruar as Zeniti të përgjigjet:”Posedoni ndonjë video me momentet më të mira në klubin tuaj që ta përdorim?”.

Ultra proud to have had you with us Malcom. Now go bring all that greatness to the Russian league ? Good luck at @fczenit_en ? https://t.co/5lCyHAQ0zx

— AS Roma English (@ASRomaEN) August 2, 2019

Got any of his highlights we can use??

— FC Zenit in English? (@fczenit_en) August 2, 2019

40 milionë euro për Barçën, braziliani prezantohet në Rusi

Sport Ekspres — Fri, 02 Aug 2019 13:54:30 +0000

Futbollisti brazilian Malkom është zyrtarizuar si blerja më e fundit e Zenitit. Kampionët e Rusisë kanë derdhur plot 40 milionë euro në arkat e Barcelonës për të bërë të tyrin 22-vjeçarin. Kontrata e Malkon me “gjigantin” rus është e vlefshme për pesë sezonet e ardhshme.

Eksperienca e brazilianit te Barcelona ka rezultuar tepër zhgënjyese. Malkom është aktivizuar më së shumti si zëvendësues duke marrë vetëm 610 minuta në total gjatë sezonit të kaluar të kampionatit spanjoll, ku shënoi vetëm një gol.

Malkom pati oferta dhe nga dy klube angleze, por në fund zgjedhja e tij ishin kampionët e Rusisë, ku do të jetë blerja rekord në historinë e klubit.

?????? — ? «??????»! ??

????-????-??????? ? ?????????? ???? «?????????» ???????? ?????????? ? ???????? ???????????? ?????????????. ??? ???????????: https://t.co/eUVjBLAPux #??????????? pic.twitter.com/bh56ZJ74LO

— ?? «?????»? (@zenit_spb) August 2, 2019

“Bartomeu po na falimenton”, ish-presidenti i Barçës jep alarmin

Sport Ekspres — Fri, 02 Aug 2019 09:24:01 +0000

Ish-presidenti i njohur i Barcelonës, Joan Laporta, ka ngritur akuza ndaj pasuesit të tij Zhosef Bartomeu në lidhej me strategjinë që ky i fundit ka ndjekur në vitet e fundit. Sipas Laportës, Barcelona është pranë kolapsit financiar, kjo për shkak të shpenzimeve pa kriter të bëra nga drejtuesit aktual të klubit.

“Klubi nuk ka projekt, s’ka një model që duhet ndjekur. E vetmja strategji i Bartomeut gjatë viteve të fundit ka qenë shpenzojë para që realisht klubi nuk i përballon dot për lojtarë që kanë dështuar krejtësisht. S’po punojmë më me “La Masian”. Në kohën time kjo ishte diçka thelbësore. Na u desh të ishim të duruar dhe t’u jepnim mundësi shumë lojtarëve”.

Bartomeu (m) dhe Laporta

“Situata financiare e klubit është delikate. Barcelona gjithmonë ka blerë lojtarët më të mirë, por ka pasur gjithmonë një planifikim financiar. Bartomeu po falimenton klubin. Pse mendoni se është shtyrë projekti për rinovimin e Camp Nou”.

REAL MADRID –“Ata po shpenzojnë shumë të mëdha parash. Duan vetëm suksesin në Champions, nuk u interesojnë fare kampionati ose kupa. Nuk është një model që më pëlqen mua, por s’mund ta mohoj se kanë pasur një sukses të pabesueshëm gjatë viteve të fundit”.

PSG ul armët, marrëveshje personale me Nejmar

Sport Ekspres — Thu, 01 Aug 2019 08:37:38 +0000

Drejtori sportiv i PSG, Leonardo ditën e djeshme ka udhëtuar drejt Kinës për të takuar personalisht Nejmar. Braziliani, siç dihet botërisht tashmë, dëshiron të largohet dhe këtë ja ka bërë të qartë edhe klubit. Drejtuesit deri tani janë treguar kokëfortë dhe nuk kanë negociuar aspak.
Megjithatë, në këtë “grindje” dikush duhet të ulë kokë dhe këtë herë duket se është dorëzuar Leonardo. Drejtori ka zbarkuar në Kinë, ku ekipi ndodhet për fazën pregatitore për t’i ofruar sulmuesit një pakt. PSG do e pranojë largimin e Nejmar, por jo këtë verë.

Francezët duan ta mbajnë edhe një vit atë për ta lënë më pas të largohet kundrejt një çmimi ta arsyeshëm verën e ardhshme. Arsyeja e këtij vendimi është se për brazilianin tregu nuk ofron zëvendësues dhe deri sezonin e ardhshëm do të shqyrtojnë mundësitë që shfaqen në merkato.

Siç raportohet, Nejmar nuk ka kërkuar aspak kohë të mendohet. Ai është shprehur se është shumë vonë për këtë. Kjo marrëveshje duhet të kishte ardhur më herët dhe të ishte më e arsyetuar. Tani ngjarjet kanë arritur kulmin dhe marrëdhënia e tij me bashkëlojtarët dhe me trajnerin Tuhel është ftohur. Radha është e Barcelonës. Atyre do u duhet të bëjnë një ofertë si blerësit e vetëm që janë ofruar.

Junajtid me mbrojtje “të vobektë”, nis ofensivën për një katalanas

Sport Ekspres — Wed, 31 Jul 2019 07:27:21 +0000

Mançester Junajtid po ushtron të gjithë fuqinë financiare për të kompletuar një repart “të plagosur” si mbrojtja. Në vend të parë qëndron Herri Meguajer, por në listën e Solskjaer ekziston edhe Samuel Umtiti. Francezi nuk e ka shumë të sigurt qëndrimin në Barcelonë.

Sezonin e kaluar ai vuajti konkurrencën e fortë të bashkëkombasit të tij, Lengle. Ky fakt e dëmtoi jo pak atë në formën e tij. Junajtid prej kohësh ka treguar interes. Barça nuk e ka nxjerrë në shitje, por nëse vjen një ofertë mbi 60 milionë euro mund të ndryshojë mendjen e Bartomeut.

Junajtid ofron 50 milionë euro, por pritet të ngrejë ofertën. Megjithatë, Barça duhet t’i paraprijë ikjes së tij. Ikja e Umtiti varet nga ardhja e Alaba. Ylli austriak as nuk e ka pohuar dhe as nuk e ka mohuar kalimin te katalanasit. Një klub si Barça ja ndërron mendjen çdokujt, edhe nëse luan në Bavari.

“Kur stërvitesh me Mesin, fillon e dyshon tek aftësitë e tua…”

Sport Ekspres — Mon, 29 Jul 2019 17:14:37 +0000

Leo Mesi është simbol i perfeksionit në futboll. Të stërvitesh me një lojtar të tillë mund të të ndihmojë shumë në rritjen e aftësive të tua. Sidomos nëse je portier. Të gjithë e dimë për goditjet “kirurgjikale” që “pleshti” ka dhe nëse një portier praktikohet për të pritur ato gjuajtje, në pamje të parë mund të përmirësohet.
Megjithatë, nuk është i sigurt për këtë Xhasper Cilesen. Holandezi duket se nuk është ndjerë mirë kur pleshti ja tundte shpesh rrjetën. E gjithë kjo ka sjellë edhe diçka negative te gardiani i Valencias. Leo e ka bërë të dyshojë te aftësitë e tij.

“A të ndihmon stërvitja me Mesin? Ndonjëherë po, e ndonjëherë jo. Mesi është Mesi. Ai mund të të shndërrojë në një portier shumë të mirë, por edhe mund të të bëjë të dyshosh në aftësitë e tua”, u shpreh Cilesen, që këtë verë u transferua nga Barça te Valencia, pas një shkëmbimi me Neton.

60 milionë euro në lojë, Barcelona ka një plan për dy brazilianët

Sport Ekspres — Mon, 29 Jul 2019 13:10:59 +0000

Ardhja e Antuan Grizman te Barcelona ka krijuar një ngjeshje në repartin e sulmit. Lojtarë si brazilianët Malkom dhe Rafinja nuk shikohen më së si lojtarë thelbësorë në projektin e klubit katalanas dhe janë vënë në shitje.

Malkom është lojtari me vlerën me të shtrenjtë. Në Barcelonë shpresojnë që të fitojnë të paktën 40 milionë euro nga shitje e mëngjarashit, shumë kjo e njëjtë me atë që u shpenzua një vit më parë për të blerë kartonin e tij nga francezët e Bordosë.

Rafinja, i cili vjen nga një dëmtim synohet që të shitet për 20 milionë euro. Valencia dhe Fiorentina janë dy klubet më të të interesuara për brazilianin.

VIDEO | Panik për Mesin në Ibiza, sulmohet gjatë koncertit

Sport Ekspres — Sun, 28 Jul 2019 21:28:56 +0000

Lionel Mesi dhe partnerja e tij Antonela kanë përjetuar disa momente ankthi gjatë një koncerti në Ibiza. Një person i paidentifikuar tentoi të sulmonte yllin argjentinas, por forcat e shumta të sigurisë neutralizuan rrezikun.

https://twitter.com/barcacentre/status/1155604879458615296?s=20

Në video të shpërndara në rrjetet sociale shikohen momentet e panikut që përfshinë futbollistin e famshëm. Menjëherë pas incidentit Mesi o shoqërua jashtë ambienteve të koncertit,

https://twitter.com/barcacentre/status/1155606804811976706?s=20

Zyrtare | Zherard Pike bëhet me klub të ri

Sport Ekspres — Sun, 28 Jul 2019 10:08:25 +0000

Zherard Pike nuk është vetëm një lojtar i zoti, por edhe një biznesmen që guxon dhe fiton. Spanjolli është aktualisht pronar i Andorra CF, klub që aktivizohet në Segunda Divizion. Por Pike nuk ndalet me kaq.

Ai, nëpërmjet kompanisë së tij “Kosmos”, është bërë pronar i një tjetër klubi. Gimnàstic Manresa do të ketë president katalanasin që nga tani e tutje. Ai ka fituar garën mes disa biznesmenëve të tjerë.

Pike ka premtuar se brenda pesë viteve do e pajisë klubin me ambiente të përshtatshme. Gimnàstic Manresa do të ketë rolin e “fabrikës” së talenteve, që më pas do të integrohen në klubin e Andorra CF.

VIDEO | Barcelona gjen fitoren, ja dhuron një talent i akademisë

Sport Ekspres — Sat, 27 Jul 2019 10:53:40 +0000

Barcelona ka arritur fitoren e parë në miqësoret e kësaj vere. Katalanasit kanë mundur me rezultatin 0-2 japonezët e Visel Kobe, që i kanë bërë ballë kundërshtarit vetëm një pjesë. 45 minutat e para kanë qenë shumë të qeta në një ndeshje pa shumë stres e presion.

Sfidë e veçantë për të dy kampet, duke parë se në fushë kishte “ish-ë” si Iniesta, Vija apo Samper. Me daljen e tyre pas pjesës së parë dhe me ndërrimet e shumta, Barça është treguar më serioze, duke e mbajtur kundërshtarin nën presion.

Zëvendësimet e kanë dhënë menjëherë efekt, me Dembele që dhuronte spektakël në krahun e tij. Por golat kanë ardhur nga dikush që shumë pak e prisnin. Ka qenë Karles Perez që ka vulosur ndeshjen me dy golat e tij. I pari ishte një aksion manual me Malkom, ndërsa i dyti erdhi pas një goditje “të idhët” në cepin e djathtë të portës nga ana e 21-vjeçarit.

I përfundoi kontrata, Barcelona dërgon një tjetër lojtar në Japoni

Sport Ekspres — Sat, 27 Jul 2019 08:33:26 +0000

Barcelona dhe Visel Kobe kanë krijuar një marrëdhënie shumë të ngushtë gjatë dy sezoneve të fundit, me shumë lojtarë blaugrana që kanë zbarkuar në klubin japonez. Pas Iniestës, Serxhi Samper dhe David Vija, është Tomas Vermalen “katalanasi” i radhës që i bashkohet kësaj skuadre.
Belgu për dy vitet e ardhshme do të jetë pjesë e klubit nga Kobe. Ai ka firmosur marrëveshje dyvjeçare shifrat e së cilës nuk bëhen akoma të ditura. Vermalen ishte i lidhur me një kalim ne Katar te Al-Arabi, por cilësia më e lartë e futbollit japonez e shtyu të zbarkonte në Azi.

Më parë atë e kishte kërkuar edhe Vinsent Kompani te Anderlehti, por oferta e ulët financiare nuk e bindi 33-vjeçarin. Vermalen me Barcelonën regjistron 53 ndeshje zyrtare dhe një gol të shënuar. Mbrojtësi gjatë katër sezoneve në “Camp Nou” fitoi nëntë trofe.

Refuzim, refuzim, refuzim! Barça nuk ndryshon mendje për portugezin

Sport Ekspres — Fri, 26 Jul 2019 18:43:18 +0000

Barcelona nuk ka në plan të heqë dorë nga një prej mbrojtësve më të mirë në qarkullim. Nelson Semedo vlerësohet shumë nga klubi blaugran dhe drejtuesit nuk kanë në plan ta lënë të largohet. Megjithëse nuk ka arritur akoma të zërë një vend të sigurt në formacion, portugezi cilësohet shumë i rëndësishëm për ekipin.
Semedo është në duel të vazhdueshëm me Serxhi Roberton në krahun e djathtë të mbrojtjes. Ka shpejtësi mjaft të lartë dhe të ofron shumë garanci në mbrojtje. Mosaktivizimi i tij në dy ndeshjet ndaj Liverpulit ishte ndoshta gabimi më i madh që Valverde bëri në ato përballje.

“AS” raporton se Barça ka refuzuar disa oferta konkrete për yllin e tyre edhe pse ai ka shprehur dëshirën të largohet. Katalanasit janë të gatshëm ta lënë të lirë vetëm nëse paguhet klauzola e largimit prej 100 milionë eurosh. Atletiko dhe Mançester Siti janë në kërkim të një mbrojtësi të profilit të tij. Raportohet se propozimet e ardhura nuk i kanë arritur 50 milionë eurot.

“Asist” për Juven, ja pse Barcelona u tërhoq nga De Ligt

Sport Ekspres — Fri, 26 Jul 2019 12:38:12 +0000

Matijs De Ligt ishte telenovela e kësaj vere në merkato. 19-vjeçari shkëlqeu me Ajaksin dhe gjysma e Europës iu vu pas. Në fund pati një garë të fortë midis Barcelonës dhe Juventusit.

Bardhezinjtë i plotësuan çdo dëshirë, por ndikoi edhe tërheqja e klubit katalanas. “Zonja e vjetër” pagoi 75 milionë euro te kampionët e Holandës, ndërsa mbrojtësi i talentuar firmosi një kontratë 5-vjeçare me një rrogë prej 12 milionë eurosh me gjithë bonuse.

El Mundo Deportivo shpjegon edhe shkakun e tërheqjes së Barçës nga gara. Kërkesat e De Ligt për rrogën i befasuan kampionët e Spanjës. Ylli holandez kërkonte shumë, madje edhe më tepër se Pike dhe kolegët e tjerë të mbrojtjes, por jo vetëm.

Barcelona nuk pranoi dhe De Ligt fluturoi drejt Torinos. Ai është lojtari më i paguar te Juventusi pas Kristiano Ronaldos, i cili përfiton 31 milionë euro në sezon.

Zyrtare | Barça rikthen legjendën holandeze

Sport Ekspres — Fri, 26 Jul 2019 09:37:20 +0000

Barcelona duket se ka një strategji të qartë. Katalanasit duan ta lënë klubin në duart e atyre, që dikur i kanë kushtuar karrierën blaugranave. Patrik Klajvert është legjenda e radhës që afrohet në direktivat e klubit spanjoll.

Barcelona ka zyrtarizuar holandezin si drejtorin e ri i akademisë së klubit. Ai do të jetë përgjegjësi i gjithë kupolës drejtuese të “La Masia”. Kjo akademi kohët e fundit ka hasur probleme me menaxhimin e talenteve dhe Klajvert është personi, që i është besuar ristrukturimi i saj.

Wonderful news! https://t.co/7bErYuafXg

— FC Barcelona – Masia (@FCBmasia) July 25, 2019

PSG ul kërkesat, ja sa kushton kartoni i Nejmar

Sport Ekspres — Fri, 26 Jul 2019 08:22:44 +0000

PSG dhe Nejmar duken se janë pajtuar midis tyre, por dëshira e brazilianit për t’u larguar nga kampionët e Francës është e qartë. Fillimisht mediet spanjolle raportuan se klubi francez kërkonte 300 milionë euro për kartonin e sulmuesit, por së fundmi kërkesat e tyre kanë ndryshuar ndjeshëm.
Sipas së përditshmes prestigjioze “Le Parisien”, PSG kërkon 220 milionë euro për të lënë të lirë brazilianin. Kjo është e njëjta shumë që PSG pagoi dy vite më parë për të aktivizuar klauzolën e largimit, që gjendej në kontratën e Nejmar me Barcelonën.

Ardhja e Leonardos si drejtor sportiv, ka sjellë një ulje të ashpërsisë së politikave të klubit ndaj lojtarëve që duan të largohen. Sigurisht, kjo është në interes të PSG, pasi në rast të kundërt çdo lojtar do e mendonte dy herë transferimin në një klub, ku nuk i respektohet mendimi. Pas kësaj, Barcelona është gati të përfitojë për të risjellë yllin brazilian në “Camp Nou”.

Karles Alenja shpërthen ndaj klubit, arsyeja është De Jong

Sport Ekspres — Thu, 25 Jul 2019 19:39:08 +0000

Frenki De Jond erdhi me një ide të qartë në Barcelonë. Ai donte të mbante numrin 21 në fanellë sepse në atë mënyrë kujtonte gjyshin e tij. Këtë ja tha gjithë botës në ditën e prezantimit. Dilema ishte nëse Karles Alenja, mbajtësi i atij numri, do ishte dakort t’ia linte holandezit.
Pas një bisede mes të dyve në stërvitje, u ra dakort që Frenki do merrte numrin 21 dhe mesfushori katalanas do mbante 19-ën mbi shpinë. Megjithatë, kjo çështje nuk mbyllet me kaq. Në një intervistë, Alenja shkarkon mllefin ndaj klubit.

Ai zbulon se drejtuesit ja kishin premtuar më parë numrin De Jongut dhe për këtë nuk ndihej aspak mirë. Megjithatë, holandezi u tregua i drejtë edhe pse klubi ja kishte premtuar. Ai bisedoi personalisht me shokun e tij dhe gjithçka e zgjidhën mes tyre.

“E dija se Frenki donte atë numër. Por kjo ishte një çëshjte që më përkiste vetëm mua. Do të doja që klubi të më kishte njoftuar përpara se t’i premtonin 21-shin atij. Ai ishte i përlulur, më pyeti dhe ja dhashë sepse kishte një lidhje personale me atë numër. Me veprimin e drejtuesve nuk ndihem mirë, ne kemi folur gjithmone hapur”, përfundoi Alenja.

Dortmund nuk ndalet, dërgon ofertën e parë për yllin e Barçës

Sport Ekspres — Thu, 25 Jul 2019 19:06:11 +0000

Barcelonës i duhen para, ndërsa Malkom Oliveirës i duhen minuta në këmbë. Katalanasit e kanë nxjerrë prej kohësh në shitje brazilianin. Së fundmi, “Goal” raporton se Borusia Dortmund interesohet për shërbimet e yllit 22-vjeçar.
Verdhezinjtë kanë ndërtuar një skuadër mjaft simpatike dhe Malkom mund të jetë i vetmi “ingranazh” që i mungon makinerisë verdhezezë. Gjermanët kanë nisur nagociatat me Barcelonën për të. Ata ofrojnë 42 milionë euro për të bindur Bartomeun të heqë dorë nga shërbimet e të riut.

Ardhja e Grizman e bën të pamundur qëndrimin e Malkom në Barcelonë. Është gati e sigurt se do largohet, pasi Barçës do i duhet të rikuperojë humbjet e mëdha financiare të blerjëve të Grizman, Dembele, Kutinjo e Frenki De Jong. Gjithashtu duhet të mbledhë fonde për të risjellë Nejmar në “Camp Nou”.

PSG bën çmenduri, ja paga faraonike për 16-vjeçarin

Sport Ekspres — Thu, 25 Jul 2019 14:37:33 +0000

Çmenduritë me pagat e futbollistëve duket se e kanë kaluar futbollin profesionist, duke kapërcyer edhe në talentet e moshave. Këtë risi e ka sjellë klubi i PSG. Francezët “rrëmbyen” Ksavi Simons nga Barcelona. Holandezi vlerësohet si një nga talentet më të mirë të gjeneratës së tij dhe ka një impakt mjaft të madh edhe në mediet sociale.
Parisi dhe Barcelona prej vitesh janë në një luftë të ashpër dhe këtë herë ka qenë radha e francezëve për të sulmuar. Barcelona pati ofruar një pagë që arrinte 200 mijë euro në sezon për 16-vjeçarin. Babai i tij e kishte refuzuar atë ofertë, me Barçen që nuk kishte pranuar ta rriste shifrën.

Agjenti i Simons, Mino Raiola ia ka propozuar atë Al Kelaifit. Ky i fundit me shumë kënaqësi ka dhënë ofertën e tij. Sa ishte kjo ofertë? 1 milionë euro në vit për një minoren. Duhet të themi se paratë do të shkojnë në xhepat e babait, pasi Simons nuk mund të firmosë kontratë si profesionis, pa mbushur 18 vite.

Rakitiç dëshiron transferimin në Serie A, dy janë shkaqet kryesore

Sport Ekspres — Thu, 25 Jul 2019 12:07:24 +0000

Ivan Rakitiç e di shumë mirë se sezonin e ardhshëm nuk do ta ketë aspak të thjeshtë të sigurojë formacionin e Barcelonës. Ardhja e Frenki De Jong e kthen kroatin në të zëvendësueshëm dhe ky i fundit po kërkon të nisë një aventurë të re.

Katalanasja Sport raporton se agjenti i tij, Arturo Kanales ka nisur negociatat me Interin. Fakti që zikaltrit kanë një koloni kroatësh dhe sllavësh (Brozoviç, Rakitiç, Rakitiç, Handanoviç) dhe lehtësirat fiskale për lojtarët e huaj në Itali e shtyjnë nënkampionin e botës të transferohet në Serie A.

Një pëlqim i dyfishtë pasi edhe Antonio Konte e dëshiron 31-vjeçarin në ekip. Trajneri i ka kërkuar drejtuesve të nisin negociatat me lojtarin dhe klubin spanjoll dhe diçka e tillë ka ndodhur. Tifozët zikaltër shpresojnë që akordi të arrihet sa më shpejt dhe të shijojnë nga afër kualitetin e Rakitiç.

#FCB ?? | Alerta ?

?? Rakitic apunta a Italia

?? El Inter de Conte es el equipo más interesado en el croata

?? https://t.co/nATX7NUWKt pic.twitter.com/SYtY3TzxAO

— Diario SPORT (@sport) July 25, 2019

Njihuni me Ksavi Simons, fenomenin 16-vjeçar që PSG i “rrëmbeu” Barçës

Sport Ekspres — Thu, 25 Jul 2019 10:36:47 +0000

Lufta midis Barcelonës dhe PSG-së vazhdon në çdo front, madje edhe te lojtarët e rinj. Pagimi i klauzolës së Nejmar nga kampionët e Francës para dy vitesh solli acarimin e klubit katalanas dhe raportet pozitive nuk ishin më të tilla, përkundrazi.

PSG ka “rrëmbyer” talentin Ksavi Simons nga Barça. Vetëm 16 vjeç, holandez, mesfushor organizator dhe super i talentuar. Djaloshi me flokë si David Luiz ka rreth 2 milionë ndjekës dhe firmosi kontratën e parë në karrierë.

Nuk e bëri tek ekipi spanjoll, aty ku është pjesë prej 9 vitesh, por zgjodhi të transferohej te PSG me ndihmën e Mino Raiolas, agjentit të tij. Ai firmosi një kontratë 3-vjeçare. Francezët afruan më shumë para, ndërsa Ksavi, i cili e ka marrë këtë emër prej mesfushorit legjendar spanjoll, zgjodhi të shkruante këto rreshta ndarje.

“Sot është një ditë e komplikuar për mua, sepse askujt nuk i pëlqen të ndahet. Aq më pak kur duhet t’i thuash lamtumirë shtëpisë tënde, familjes tënde dhe jetës më të cilën je mësuar. Nuk do e harroj kurrë momentin kur vesha bluzën e Barcelonës për herë të parë: ishte realizimi i një ëndrre”, shkruan adoleshenti në rrjetet sociale.

Dy klubet e njohura garuan për shërbimet e anglezo-irlandezit Louie Berri, sulmuesit 16-vjeçar. Në këtë rast triumfuan katalanasit, ndërsa PSG “mori hak” dhe firmosi me Simons, i cili cilësohet si një nga talentët më të mëdhenj të futbollit europian.

9 anni nella cantera del #Barcellona, adesso il passaggio al #PSG???

La storia di #XaviSimons, il classe 2003 assistito da #Raiola che ha infuocato il #calciomercato ? https://t.co/HEHnDdYmz6

— Gianluca Di Marzio (@DiMarzio) July 25, 2019

Udhëtim në të panjohurën, Flamurtari-Barcelona në sytë e spanjollëve

Sport Ekspres — Thu, 25 Jul 2019 10:36:39 +0000

Ishte sezoni 1986-87 kur Flamurtari ndeshej me gjigantët spanjollë të Barcelonës, takime të vlefshme për kualifikueset e UEFA Cup. Edhe pse kanë kaluar më shumë se 30 vite, dy sfidat kundër katalanasve mbeten ende në memorien e të gjithë futbolldashësve shqiptarë. Gjithashtu, këto sfida nuk janë harruar as nga spanjollët, me “DiaroSport”, që ka rikthyer në fokus historinë e Barcelonës kur udhëtoi drejt Vlorës.

Artikulli i shkruar nga DiaroSport:

Barça, në fund të botës…

“Në futboll, në kohën para globalizimit, të udhëtoje në Shqipëri ishte një udhëtim drejt të panjohurës. Sezoni 1986-87, sezon kur Barcelona do të ndeshej kundër Flamurtarit së Vlorës, në raundin e parë të UEFA Cup.

“Nuk di asgjë për Flamurtarin”, tha asaj kohe futbollisti katalanas, Migueli. “Terri Venables mund të na informojë për ndonjë gjë”.

Pasi zbritën në Tiranë, futbollistëve të Barcelonës iu deshën plot katër orë që të arrinin në Vlorë, 140 kilometra larg. “Pamë shumë pak makina rrugës. Kishte një dominim të çiklistëve dhe njerëzve që ecnin në këmbë”, thoshte një gazetar i ‘DiaroSport’, i cili kishte udhëtuar së bashku me ekipin katalanas.

Barcelona mori me vete dy arka të mëdha me ushqime me vete, pasi nuk ishin aspak në dijeni se si mund të ishin kushtet në Shqipëri. Katalanasit nuk morën dot më shumë se një barazim 1-1 në Vlorë, për t’u kualifikuar më pas në Spanjë pas një barazimi 0-0.

View this post on Instagram

? En el fin del Mundo con #LasJoyasdeSPORT ?? En el fútbol previo a la globalización, viajar a Albania era una aventura hacia lo desconocido. ‘El Barça, en el fin del mundo’, titulaba en portada SPORT dos días antes del partido que enfrentaría a un desconocido equipo albanés, el Flamurtari de Vlora, con el Barça, en la primera ronda de la Copa de la UEFA de la temporada 1986-87. “No sé nada de este equipo”, confesaba Migueli, “ya nos comentará algo Terry [Venables]”. Tras aterrizar en Tirana, el Barça tardó cuatro horas en llegar a Vlora, a 140 kilómetros. “Vimos muy pocos vehículos, siendo los peatones y los ciclistas la nota predominante”, explicaban los enviados especiales de SPORT. El Barça, que se llevó su propio cocinero y dos enormes cajas de comida, solo pudo empatar a un gol en Albania. Y superó la eliminatoria de milagro gracias al 0-0 en el partido de vuelta. ?? ?? @javi.giraldo ? I. Paredes

A post shared by Diario SPORT (@diariosport) on Jul 24, 2019 at 1:46am PDT

Mes dashurisë dhe prestigjit, Alaba duhet të zgjedhë

Sport Ekspres — Tue, 23 Jul 2019 20:15:00 +0000

E ardhmja e David Alaba të Bajerni prej ditësh është vënë në dyshim. Mbrojtësi kërkohet nga Barcelona. Ai spikat me aftësinë e tij për të luajtur në disa pozicione dhe katalanasit kanë nevojë për një “kameleon” si 27-vjeçari.

“Daily Mirror” raporton se austriaku është fans i thekur i Arsenalit. Londinezët kërkojnë me patjetër mbrojtës dhe bavarezi është një emër i frikshëm. Kështu, Alaba është në një dilemë të madhe. Të shkojë te klubi që është tifoz, apo të një nga gjigantët e Evropës. Përtej kësaj, duhet të shtojmë se Bajerni do bëjë maksimumin ta mbajë.

Në një intervistë në SHBA, ku kampionwt e Gjermanisw ndodhen për “International Champions Cup”, ai u pyet në lidhje me një transferim në Barcelonë. Nuk e përjashtoi aspak këtë opsion. “Është nder që Barça interesohet për mua. Tani jam i fokusuar në fazën parasezonale. Mendoj vetëm për Bajernin. Në përgjithësi nuk jam person që mendoj shumë për të ardhmen, kështu që nuk përjashtoj asgjë”, tha Alaba.

VIDEO | Debutim magjik, fenomeni De Jong çmend katalanasit

Sport Ekspres — Tue, 23 Jul 2019 15:41:16 +0000

Frenkie De Jong debutoi sot me Barcelonën në takimin kundër Çelsit. 22-vjeçari u aktivizua në fillim të pjesës së dytë dhe bëri 45 minuta të shkëlqyera, duke dominuar mesfushën. Pasime të sakta, driblime, kombinime me shokët e skuadrës, De Jong ishte lojtari më i mirë në fushën e lojës për Barcelonën.

Në 45 minuta lojë, De Jong bëri 42 pasime, me një saktësi prej fenomeni, 100%. Një mesfushor me një të ardhme të ndritur, i cili edhe pse në një moshë të re, ka pjekurinë e një veterani në qendër të mesfushës…

Frenkie de Jong highlights vs. Chelsea, 23/07/2019.

Frenkie makes his debut for FC Barcelona, and he looked like he was the only player who knew what he was doing in the second half. A brilliant midfielder, hopefully he starts for all of our games this season. pic.twitter.com/khkEerJdc0

— Frenkie Chief ?? (@FrenkieStats) July 23, 2019

Një vit pasi u largua, Iniesta mirëpret Barçën me një letër ku tregon gjithçka

Sport Ekspres — Tue, 23 Jul 2019 13:39:10 +0000

Të gjithë ne para një viti përjetuam një moment që do donim të mos ndodhte kurrë, largimin e Andres Iniestës nga Barcelona. Mesfushori prej një sezoni është pjesë e Visel Kobe në Japoni. Tani është pikërisht momenti për t’u ndeshur kundër skuadrës që ai i kushtoi karrierën dhe ajo i dha gjithçka, Barçës.
Barcelona po udhëton për në Azi, ku do të zhvillojë dy ndeshje mes Visel Kobe dhe Celsit. Iniesta i mirëpret katalanasit në Kobe, qytetin që është shtëpia e tij dhe po qëndron bashkë me familjen. Iniesta ka zgjedhur të shkruajë një letër, ku i shpjegon të gjitha. Jetën në Japoni, situatën e futbollit atje dhe emocionet e ribashkimit me Barçën:

“Më 22 korrik mbushet një vit që nga debutimi im me fanellën e Visel Kobe. Tashmë një vit, dhe një vit shumë intensiv në të gjitha aspektet. Viti im i parë si ish-lojtar i Barçës dhe viti im i parë në një vend si Japonia, që është kaq i ndryshëm nga Spanja.

“E kam thënë kaq shumë herë, dëshiroja të vazhdoja të luaja në Barcelonë për gjithë karrierën time, bashkë me të gjithë miqtë që kam në dhomën e veshjes, në një stadium madhështorSi ‘Camp Nou’, duke përjetuar dashurinë tifozëve dhe luajtur në gara të mëdha si La Liga dhe Champions League. Por ka momente në jetë, ku duhet të marrësh vendime. E kam bërë këtë dy herë, një në kur isha 12-vjeç, me mbështetjen e familjes sime, kur u largova nga Fuentealbilla për të shkuar në La Masia. E bëra përsëri një vit më parë, me mbështetjen e familjes sime të zgjeruar edhe një herë. Kam ardhur në Japoni për të vazhduar të shijoj futbollin dhe kjo është ajo që po bëj sepse është po më pëlqen më së shumti.”
“Sa i përket rezultateve, ata nuk janë aq të mira, por përvoja është shumë interesante. Futbolli japonez është shumë konkurrues dhe, megjithëse nuk duket ashtu, tifozët janë shumë të pasionuar. Atmosfera në stadiume është me të vërtetë e mahnitshme. Ju do ta shihni kur të luajmë kundër Barçës më 27 korrik në Kobe, sepse stadiumi ‘Noevir’ me siguri do të jetë i mbushur. Jam gjithmonë i befasuar nga dashuria që të gjithë tifozët më japin kudo që shkojmë, pasi ata janë shumë mirënjohës dhe të respektueshëm.”

“Sa për jetën në Kobe, familja ime dhe unë jemi të kënaqur. Në fillim është gjithmonë e vështirë, për shkak të gjuhës, zakoneve dhe ushqimit, por fëmijët u përshtatën shpejt, dhe gruaja dhe gjithashtu. Prova është se ne e kemi zgjeruar familjen me Romeon, i cili do të jetojë vitet e para të jetës së tij në Japoni. Jemi shumë të lumtur që jemi një familje prej gjashtë vetash.”

“Është interesante që, një vit pasi kam ardhur këtu, Barça po viziton qytetin tim. Pa dyshim, kjo do të jetë një ndeshje shumë e veçantë për të gjithë. Do të jetë e çuditshme që të kem Busin, Zhordi Albën dhe Rakitiç si kundërshtarë, do të jetë e çuditshme të luaj kundër ekipit të jetës sime dhe do të jetë një ditë shumë emocionuese për mua. Shpresoj që të gjithë të kënaqemi dhe se tifozët e Visel Kobe të argëtohen, duke parë një ndeshje të mrekullueshme”, shkruan Iniesta.

VIDEO | Debutim pa zhurmë për Grizman, Çelsi mund katalanasit

Sport Ekspres — Tue, 23 Jul 2019 12:25:10 +0000

Barcelona dhe Çelsi kanë kanë zhvilluar në Japoni një miqësore në kuadër të turneut “Rakuten Cup”. Skuadra e Frenk Lampard i ka ndaluar festën në debutim francezit Antuan Grizman, duke mundur katalanasit me rezultatin 2 – 1.

Golat e Temi Abraham dhe Ros Barkli i dhanë fitoren Çelsit. që shfaqi një formë shumë të mirë se katalanasit, diçka që pritej për shkak se grumbullimi i Barcelonës filloi më pak se një javë më parë në ndryshim nga londinezët që kanë më shumë se dy javë në fazë përgatitore. Golin e vetëm për katalanasit e shënoi Rakitiç me një goditje të fuqishme që përfundoi në trekëndëshin e portës së skuadrës angleze.

MIQËSORE

Barcelona 1– 2 Çelsi
Shënues: Rakitiç 90+1’ / Abraham 34’, Barkli 81’

Akademia në krizë, Barça emëron drejtor ish-sulmuesin e njohur

Sport Ekspres — Tue, 23 Jul 2019 07:52:10 +0000

Barcelona vazhdon të ruajë traditën, duke i besuar poste drejtuese të rëndësishme ish-futbollistëve që kanë lënë shenjë me fanellën “blaugrana”. Erik Abidal është emëruar prej një viti si sekretar teknik i klubit dhe luan një rol të rëndësishëm në çdo transfertë, ndërsa Viktor Valdez u emërua pak ditë më parë trajneri i ekipit U19.

Së shpejti një tjetër emër i njohur do t’i bashkohet strukturave të kampionëve të Spanjës. Bëhet fjalë për holandezin Patrik Klajvert. Ish-sulmuesi i Barcelonës në vitet 1998 – 2004, do rikthehet në klubin katalanas në rolin e drejtorit të akademisë së klubit, ose siç e thërrasin në katalanasit, “La Masia”.

Klajvert ka një karrierë të pasur si trajner moshash. “CV”-ja 43-vjeçarit është e pasur me posti si asistent në ekipe të ndryshme si AZ Alkmar, NEC, Tvente, kombëtarja holandeze dhe ekipi rezervë i Ajaksit, ndërsa kulmi karrierës ka qenë si drejtor sportiv i PSG-së për një vit në sezonin 2016/17.

Driblimi fenomenal, si Mesi e bëri Grizmanin të flasë me vete

Sport Ekspres — Mon, 22 Jul 2019 16:14:03 +0000

Lionel Mesi dhe Antuan Grizman do të jenë shokë skuadre te Barcelona duke filluar nga sezoni i ardhshëm, por deri më tani, janë ndeshur përballë njëri-tjetrit në shumë raste. Edhe pse kanë thuajse një rol të njëjtë në fushë, nuk kanë munguar duelet 1 kundra 1 mes tyre.

Zakonisht, me Mesin duke sulmuar dhe me Grizmanin të kthyer në mbrojtje, pasi kjo është filozfia e Simeones te Atletiko. Një driblim i Lionel Mesit ndaj Grizman është bërë viral në rrjet, pasi mënyra si francezi mbetet në vend pasi Mesi “zhduket”, është me të vertetë diçka shumë gazmore.

Largimi i Grizman dhe kombëtarja e Argjentinës, rrëfehet Simeone

Sport Ekspres — Mon, 22 Jul 2019 13:41:12 +0000

Diego Simeone në një intervistë të gjatë ka folur rreth çështjes “Grizman”. Francezi u largua te Barça një vit pasi kishte rinovuar me Atletikon dhe ky veprim ka shkaktuar një sërë reagimesh negative ndaj tij.
Tekniku argjentinas nuk shpreh aspak mllef në lidhje me largimin e francezit. por tregon mirënjohje për kohën e kaluar në Madrid. Në fund flet pak për kombëtaren bardhekaltër. Tekniku shprehet se nuk ka në plan të drejtojë përfaqësuesen.

“E vlerësoj Grizman për pesë vitet që ishte me ne, ishte perfekt. Punoi shumë mirë dhe u rrit mjaft si futbollist. Kam folur shumë me të. Tani është një moment kyç për karrierën e tij. Ka shkuar në një klub gjigant si Barcelona. Disa e vlerësojnë atë për veprimin e fundit, por unë jo.”

“Shumë të afërm më kërkojnë të marr drejtimin e Argjentinës. Nuk do e bëj, pasi jam shumë mirë këtu. Kam folur me drejtuesit e federatës dhe gëzojmë marrëdhënie të mira. Nuk kam pasur asnjëherë një propozim të tillë”, deklaroi Simeone.