“Kemi bërë një fazë shumë të mirë parasezonale dhe kjo fitore ishte si rezultat i kësaj. E përgatitëm mirë këtë ndeshje dhe kishim planifikuar që lojtarët kryesorë të qëndronin rreth 60 minuta në lojë. Ishte një ndeshje shumë e mirë. Lojtarët ishin entuziast dhe po i thithin shpejt idetë e mia.”

”Mendoj se kjo sfidë nuk paraqit aspak kapacitetin e këtyre dy ekipeve. Diferencën e bëri përgatitja e ndeshjes. Ishim shumë të saktë dhe të ftohtë para portës  . Feliks është më mirë në sulm. Me vizionin dhe dinamizmin e tij, ai është i rrezikshëm”, u shpreh Simeone.

Zakonisht, me Mesin duke sulmuar dhe me Grizmanin të kthyer në mbrojtje, pasi kjo është filozfia e Simeones te Atletiko. Një driblim i Lionel Mesit ndaj Grizman është bërë viral në rrjet, pasi mënyra si francezi mbetet në vend pasi Mesi “zhduket”, është me të vertetë diçka shumë gazmore.

Siç raportojnë mediat spanjolle, është arritur akordi me zbulimin e La Ligas, Mario Hermoso. 24-vjeçari bëri një sezon të shkëlqyer me ekipin e Espanjolit, duke tërhequr vëmendjen e Real Madridit, PSG-së, Arsenalit dhe disa skuadrave të tjera, por ka qenë Atletiko ekipi që ka bërë ofertën më bindëse.

“CadenaSer” raporton se bordi drejtues i nënkampionëve të Spanjës është gati të paguajë deri në 30 milionë euro për shërbimet e mbrojtësit, si dhe kanë gati dhe një plan B. Në rast se 30 milionë nuk pranohen, atëherë Atletiko do të shtojë 10 milionë të tjera dhe të paguajë klauzolën e 24-vjeçarit, duke anashkaluar bisedimet me klubin e Espanjolit.

“Simeone është një trajner që përçon shumë energji tek ekipi, është një motivues shumë i mirë,  i tillë ka qenë dhe si lojtarë. Atletiko ka pasur shumë futbollistë të njohur portugez dhe unë dua të ndjek hapat e tyre dhe pse jo t’i kaloj dhe arritjet e atyre”.

“Shpresoj që të kap formën më të mirë dhe më pas gjithçka të mecë mbarë. Jam njeri që mendoj pozitivisht. Dua të punoj në mënyrë që të bëhem një ndër yjet e kësaj skuadre. Shuma për të cilën u pagua për mua, natyrisht që ndikon në disa gjëra, por jam kam pjekurinë e duhur për të përballuar presionin që vjen me këtë situatë. S’besoj se mosha ime e re do të jetë problem”.

“Nuk premtoj numra, ata s’do i premtoj kurrë, por premtoj që do të jap gjithçka për ekipin, e do bëj gjithçka ç’mundem, më pas të shohim si do shkojnë gjërat. Kur ndryshon një vend, duhet të përballesh me situata të reja, disa gjëra besoj se do i kem të thjeshta, por do ketë dhe aspekte të vështira”.

Klubi madrilen ka reaguar me anë të një komunikate për shtyp ku ka akuzuar Barcelonën dhe lojtarin për negociatat e hershme që kishin filluar midis palëve, që në mars, kur nuk lejohej as me rregullore. Në fund të komunikatës Atletiko ka njoftuar se Grizman duhet të paraqitet në fundjavë në ambientet stërvitore të klubit.

DEKLARATA E BËRË NGA ATLETIKO MADRID

Duke marrë shkas nga deklaratat e bëra sot nga presidenti i Barcelonës Zhozep Maria Bartomeu në lidhje me lojtarin tonë Antuan Grizman, Atletiko kërkon të bëjë publike detajet e mëposhtme:

Më datë 14 maj, Antuan Grizman informoi aksionerin Migel Anhel Hil, trajnerin Diego Simeone dhe drejtorin sportiv Andrea Berta mbi vendimin e tij për t’u larguar nga klubi në fund të sezonit. Në ditët e mëvonshme ne mësuam se lojtari kishte arritur një marrëveshje në muajin mars me Barcelonën, vetëm pak ditë pas eliminimit tonë në Champions League ndaj Juventusit, si dhe negociatat për kushtet e kontratës kishin filluar që në mes të muajit shkurt.

Lidhur me një deklaratë të bërë sot nga presidenti Bartomeu, ne duam të informojmë se është e vërtetë që ditën e djeshme ka pasur një takim midis Miguel Anhel Hil dhe drejtorit ekzekutiv të Barcelonës Oskar Grau. Në atë takim Barcelona shprehu dëshirën që të aktivizojë klauzolën e largimit të Antuan Grizman, sapo kjo klauzolë të zbresë nga 200 milionë euro në 120 milionë euro, ndër të tjera u kërkua një shtyrje e pagesës së klauzolës së lartpërmendur.

Natyrisht përgjigja jonë ishte negative, kjo për faktin se sjellja e klubit të Barcelonës dhe lojtarit ka qenë fyese për Atletikon e Madridit dhe fansat tanë.

Si rezultat i gjithë kësaj, sot, Atletiko Madrid, i ka kërkuar lojtarit nëpërmjet motrës së tij që është njëkohësisht agjente e Grizman, që ai të paraqitet të dielën në ambientet e klubit për të qenë pjesë e fazës përgatitore bashkë me pjesën tjetër të shokëve, diçka të cilën e ka të detyruar bazuar në kontratën që ekziston midis palëve.

Me anë të kësaj komunikate për shtyp , Atletiko Madrid dëshiron të shprehë pakënaqësinë e madhe për sjelljen e  Barcelonës, që bindi lojtarin tonë të shkëputej nga ne gjatë zhvillimit të sezonit, në një moment kur klubi ishte në garë në Champions League, por edhe në kampionat ndaj vetë Barcelonës, diçka kjo që mendojmë së është në shkelje të rregullave të vendosura për periudhat e negociatave për lojtarët dhe që cenojnë integritetin e garës.

“E vesh pa asnjë kompleks fanellën e Atletikos. E di se të transferohesh nga Reali këtu është diçka që shumë rrallë ndodh dhe ngrihen disa pyetje rreth teje, por nuk jam aspak i shqetësuar. Jam shumë i lumtur dhe krenar që kam ardhur këtu.

“E di shumë mirë se çfarë do të arrij këtu. Do të punoj fort dhe do të jem i përkushtuar që të ndihmoj sa më shumë skuadrën. Do të luftoj për këtë fanellë.  Do të bëj gjithçka për Simeonen, pasi është ai arsyeja që unë erdha këtu. Kemi krijuar një raport të mirë në javët e fundit dhe dua t’i shpërblej me çdo kusht besimin”, u shpreh talenti spanjoll.

Para 5 vitesh, Zhoao Feliks ishte vetëm 14-vjeç dhe përfaqësuesit e tij menduan ta dergonin te akademia e Portos. Pasi qëndroi rreth 2 javë te akademia e “Dragonjve”, vëzhguesit teknik i thanë të bënte gati valixhet dhe të largohej, pasi fiziku i tij ishte shumë i vogël.

Feliks vendosi që t’i bashkohej akademisë së Benfikës në moshën 15-vjeçare dhe aty e pranuan, duke e rritur si futbollist dhe duke i dhënë mundësinë që të luajë me ekipin B që në moshën 16-vjeçare. Vetëm 1 sezon e gjysmë me Benfikën B dhe Feliks kaloi te ekipi A, ku tregoi paraqitje të shkëlqyera. Sezoni i shkuar, ishte shpërthimi i yllit portugez, i cili shënoi 15 gola dhe siguroi një kalim te Atletiko Madrid… për plot 126 milionë euro. Një tjetër gabim trashanik i Portos.

Një emër që po lakohet shumë këtë merkato është mbrojtësi i djathtë i Totenhemit, Kieran Tripier. Anglezi nuk preferohet më nga Poçetino, i cili i beson verëberisht francezit Serzh Ariuer. Si pasojë, Tripier mund të lëvizë dhe Atletiko ka filluar të lëvizë gurët.

Një ofertë rreth 25 milionë euro mund të pranohet nga “Gjelat” e Londrës dhe në rast se Atletiko arrin të gjejë gjuhën e përbashkët me ekipin londinez, atëherë Tripier do të vishte fanellën e “Los Colchoneros”.

Largimi i Antuan Grizman nga Atletiko ka bërë që drejtuesit e kryeqytetasve spanjolë të vihen në lëvizje për pasuesin e tij dhe Lakazet, shihet si lojtari i duhur për të mbushur hapësirat. Edhe Barcelona, në rast se nuk arrin te firma e Grizman, do të synojë me doemos shërbimet e 27-vjeçarit të Arsenalit.

Lakazet ka shënuar 27 gola me Arsenalin në Premier League në dy sezonet e fundit. Gjithashtu, francezi është shumë i rëndësishëm edhe në krijimin e rasteve të rrezikshme, pasvi vetëm këtë sezon në kampionatin anglez, ka asistuar plot 12 herë.

Sfida nisi mjaft mirë për Levanten që kaloi në avantazh pas vetëm gjashtë minutash lojë me anë të Kabakos, ndërsa në minutën e 33-të ishte sulmuesi Roxher Marti, i cili çoi shifrat në 2-0, duke e mbyllur pjesën e parë në mënyrë perfekte.

Pjesa e dytë nisi përsëri në tatëpjetë për Atletikon, pasi Korrea u ndëshkua me karton të kuq në minutën e 50-të. Gjithsesi, edhe pse me dhjetë lojtarë, ekipi i Simeones nuk u dorëzua.

Fillimisht ishte Rodri që shënoi golin që shkurtoi diferencën, ndërsa në minutën e 79-të ishte një debutues heroi i Atletikos. Kamejo shënoi në ndeshjen e tij të parë me fanellën bardhekuqe, duke barazuar shifrat.

? 79′ | 2-2 | ? ¡??????????????!
? ¡¡??????????????!!
? ¡¡??????????????!!
? ?????????????? de Camelloooo???#AúpaAtleti #LevanteAtleti pic.twitter.com/W3AnvwUMDD

— Atlético de Madrid (@Atleti) May 18, 2019

Pikërisht kjo gjë është pasqyruar dhe në takimin e sotëm ndaj Levantes, teksa kur janë luajtur diçka më shumë se 50 minuta, vendasit udhëheqin pastër 2-0, ndërsa Atletiko luan me një lojtar më pak, pas kartonit të kuq të Korreas.

Golat për Levanten janë shënuar nga Kabako fillimisht në minutën e 6-të, ndërsa në të 33-tën ishte Roxher, i cili dyfishoi shifrat.

Tashmë, bordi drejtues i Atletikos dhe stafi teknik kanë filluar të lëvizin për të gjetur pasuesin e tij. Një francez për një tjetër, pasi tashmë “Los Colchoneros”, synojnë të arrijnë te firma e sulmuesit të Arsenalit, Aleksandër Lakazet.

Ky i fundit u shpall dhe lojtari më i mirë i sezonit për “Topçinjtë” e Londrës dhe vlerësohet 70 milionë euro në treg, shumë e përballueshme për Atletikon e Madridit pas shitjes së Grizman, që sipas raportimeve, do të shitet për 120 milionë euro.

“Më shumë se i acaruar, jam i zhgënjyer, pasi realisht mendoja se Grizman do të kishte një të ardhme të madhe këtu me ne. Do të fitonim tituj të rëndësishëm dhe shumë trofe së bashku. Problemi është se çdo njeri e shikon ndryshe një situatë të caktuar. Ne e respektojmë vendimin e tij.

Ishte diçka e befasishme, jam i zhgënjyer. Nëse do të isha këshilltari i tij, do t’i sugjeroja të qëndronte këtu, jeta është e mirë këtu dhe të gjithë e konsideronin Grizmanin si një njeri të rëndësishëm”, përfundoi Serezo.

. @AntoGriezmann: “These five years have been incredible. Thank you very much for everything, I carry you in my heart.” pic.twitter.com/uz1jwQj1Sg

— Atlético de Madrid (@atletienglish) May 14, 2019

Menjëherë pas zyrtarizimit të largimit, kanë nisur zërat për destinacionin e radhës dhe siç thuhet nëpër media është gjithçka e kryer. Grizman do të transferohet te Barcelona, me operacionin që do të kapë vlerën e 125 milionë eurove.

Gjithmonë referuar mediave spanjolle, thuhet se francezi ka një parakontratë me klubin blaugrana dhe kalimi i tij në “Camp Nou”, duket se është vetëm një formalitet tashmë.

Atletikos do i duhet të ndërhyjë shpejt për të plotësuar mbrojtjen. Objektivat për të zëvendësuar dyshen e krahut vijnë nga Portugalia. Felipe dhe Aleks Tejes të Portos do të synohen në merkato. Blerja e tyre pritet t’i kushtojë Atletikos rreth 50 milionë euro.

Dy mbrojtësit do e pëlqenin një transferim në Madrid, duke parë që nuk do ta kenë shumë të vështirë të zënë vendin e titullarit. Të dy lojtarët janë brazilianë. Felipe është 29 vjeç dhe Tejes mban 26 vite mbi supe.

“Situata e Diego Kostës? Për momentin është në shtëpi. E zgjidhëm dje problemin që kishim dhe ai ka dalë në stërvitje sot, është stërvitur normalisht. Nuk ka kaluar një sezon të mirë deri më tani, për shkak të dëmtimeve të shumta që ka pasur.

Ne kemi ende shpresën se aftësitë e tij do të na shërbejnë edhe sezonin e ardhshëm, por nëse do të largohet, nuk mbajmë lojtar me forcë. Zgjedhja është e tij”, u shpreh Simeone.

Sulmuesi do të mungojë disa javë, për shkak se ofendoi rëndë arbitrin, ndërsa Atletiko bën llogaritë dhe e ka kuptuar se sezoni i ardhshëm nuk mund të bazohet te braziliano-spanjolli.

Futbollist i fuqishëm, por me probleme të mëdha në sjellje, Diego Kosta ka luajtur vetëm 30% të minutave këtë sezon dhe kontributi i tij ka qenë modest.

Diego Simeone ka konfirmuar për sezonin e ardhshëm Alvaro Moratën, ndërkohë që klubi këmbëngul se Antuan Grizman nuk do largohet. Për të zëvendësuar Diego Kostën emri i preferuar është ai i Mauro Ikardit. I ri, me mesatare të shkëlqyer goli dhe “i uritur” për trofe, argjentinasi ka probleme me Interin dhe Atletiko mund të paguajë klauzolën e prishjes së kontratës së tij.

Në rast se Ikardi preferon alternativa të tjera, Atletiko ka piketuar sulmuesin serb Jovic, i cili po mahnit me Aintrahtin e Frankfurtit.

Ndërsa shoku i tij i skuadrës te Franca, Samuel Umtiti tha: “E njoh shumë mirë dhe është i lumtur në Madrid. Gjërat po shkojnë mirë për të, ndodhet në një skuadër ku lojtarët luajnë për të. Gjatë karrierës si futbollist, bën ca zgjedhje për të cilat pendohesh, prandaj Grizman duhet të mendohet mirë.

Ai mund të luajë për çdo klub të botës, pasi është një lojtr shumë cilësor. Mund të luajë dhe te Barcelona dhe të jetë i rëndësishëm, por kryesorja është që të jetë i lumtur dhe i suksesshëm kudo që të shkojë”, tha mbrojtësi i Barcelonës.

Humbja, duke i shtuar edhe mënyrën se si luajti Atletiko, ka bërë që të gjithë tifozët të drejtojnë gishtin nga Diego Simeone. Trajneri shihet si fajtori kryesor dhe është më i kritikuari nga të gjithë tifozët. Nëpër rrjete sociale, argjentinasi padyshim është personi më i sulmuar.

¿Sin atacar? ¿Sin pensar en marcar otro gol?

Muy pobre planteamiento del Chole Simeone ????? pic.twitter.com/iyxqsJgrVK

— Fútbol (@Futbool_Fotos) March 12, 2019

Deklarata e tij që në rast se Juventusi shënon dy gola, do dal të shes pjepra në rrugët e Madridit, ka bërë që në rrjete sociale të plasë ironia, ku postimet janë të pafundme.

“Uè cholito, quanto fanno quelle 3 angurie lì?”#Simeone #JuveAtleti #JuventusAtleticoMadrid #JuventusAtletico pic.twitter.com/lFWtc2MdN5

— Scarso Nueve (@ScarsoNueve9) March 12, 2019

Diego Simeone s est reconverti en vendeur de melons. #juveatleti pic.twitter.com/tAEwsnn365

— Drissa (@drissaniono) March 12, 2019

El tcholo simeone ? @Diegosimeone_1 pic.twitter.com/6SVfrbDG7Q

— desy jOrdy ????? (@JordyDesy) March 12, 2019

Ciao #Simeone! #JuveAtletico pic.twitter.com/4uUOLxqbdh

— Enrico ( Billy ? Aifon ) (@ILSOB1LL4) March 12, 2019

“Nuk mundëm të gjenim një mënyrë për t’i bërë keq. U mbrojtëm, por pësuam. Nuk arritëm të krijonim për të shënuar një gol. Nuk u surprizuam nga Juve, pasi e dinim që do të ishte një ndeshje shumë e vështirë, ndaj një kundërshtari të fortë që luan mirë.

Ata u mbrojtën mirë dhe sulmuan mirë. Ishin të kujdesshëm dhe të zgjuar, ndërkohë që ne nuk arritëm të gjenim golin që na duhej. Do të vazhdojmë të punojmë deri në fund të sezonit, të japim gjithçka si gjithmonë. Jemi ata që e vuajmë më së shumti këtë rezultat. Donim të kalonim më tej. Tani na duhet të çohemi dhe të luftojmë deri në fund.”

Bëhet fjalë për dy mbrojtës: Matias De Ligt dhe Stevan Saviç. De Ligt konsiderohet si mbrojtësi më premtues dhe nga Juventusi shihej si pasuesi ideal i Kielinit, por Barcelona ka nisur kontaktin me agjentin e talentit holandez, Mino Raiola. Me shumë gjasa, kapiteni i Ajaksit do të zgjedhë katalanasit.

Sa i takon Saviç, Juventusi ishte shumë pranë firmës së tij, por Atletiko ka ndërprerë çdo bisedim. Klubi spanjoll është acaruar me mënyrën se si Juventusi ka tentuar të marrë shërbimet e Saviç, me “Zonjën” që e ka konsideruar mbrojtësin e Atletikos si zgjedhje të dytë pas De Ligt. Me sa duket, kampionët e Italisë duhet të shohin alternativa tjera sa i takon prapavijës.

“Vështirësitë përballë Bolonjës? Ishin normale, pasi vinim nga një humbje. Por skuadra reagoi mirë dhe morëm tri pikët, që është gjëja më e rëndësishme. Pjaniç? Ka qenë sëmurë gjatë gjithë javës. Para se ta aktivizoja, e pyeta nëse mund të marrë frymë lirshëm. Bonuçi ka pasur problem në kavilje dhe duhet të rikthehet sa më parë në formë optimale. Kielini është rikuperuar plotësisht.

Sfida kundër Napolit? Për mua është e duhura. Do të jetë një test shumë i rëndësishëm për ne para sfidës së kthimit kundër Atletikos”,- përfundoi Alegri.

Sfida nisi e ekuilibruar, ku fillimisht kërcënuan miqtë me Ekambi, i cili pati një mundësi të artë, por nuk arriti të konkretizonte. Më pas, në minutën e 31-të, pas një krosimi nga Felipe Luis, ishte Alvaro Morata, i cili shënoi golin e avantazhit për ekipin e tij.

Fraksioni i dytë, ishte më shumë i përqendruar në administrimin e sfidës nga ekipi i Simeones. Në fundin e takimit, konkretisht dy minuta përpara fundit të kohës së rregullt, ishte Saul Nigez, i cili shënoi golin e dytë, që hipotekoi gjithçka për Atletikon, duke mbyllur sfidën 2-0.

Atletiko Madrid – Vijareal 2-0
Shënues: Morata 31’, Saul 88’

GJESTI I SIMEONES – “Nuk i kushtova shumë rëndësi gjestit të tij. Ndodhi në një moment tensioni. E kuptoj reagimin e tij. Vazhdoj ta theksoj që “cholizmi” (i referohet mënyrës së lojës së Simeones), është gjithçka për Atletikon.”

RONALDO – “Diçka tjetër që dua ta sqaroj. Kristiano Ronaldo nuk ka fituar pesë Champions, vetëm tre. Nuk i fitoi ai dy Championsat përballë Atletikos. Tifozët tanë tashmë i kanë dhënë përgjigje Kristianos për gjestin e tij. Është një lojtar fantastik, por ka një karakter të çuditshëm.”

OBJEKTIVAT – “Atletiko ka entuziazmin dhe ëndërron për të arritur në finale, edhe pse do të jetë e vështirë. Do të punojmë fort për ta arritur objektivin tonë.”

SISTEMI VAR – “Varet se për cilën skuadër aplikohet. Personalisht kam thënë që nuk më pëlqen dhe do vazhdoj ta them diçka të tillë.”

GODIN – “Është një lojtar i Atletikos dhe do të shohim se çfarë do të ndodhë deri në fund të sezonit.”

BONUÇI – “Çdo lojtar ka mënyrën e tij se si luan futboll dhe sipas mendimit tim, Bonuçi ka mënyrën e tij. Zakonisht nuk janë mbrojtësit ata që hidhen në tokë, por sulmuesit. Mbrëmë ndodhi e kundërta.”

Kur Godin i shënoi Juves, trajneri i Atletikos u kthye nga tribuna dhe festoi duke treguar organet gjenitale, si për të thënë se ekipi i tij ka “k*qe”, edhe pse arbitrat i mohuan një gol me VAR.

“Këta janë lojtarët e mi. Në futboll mund të fitosh shumë gjëra, por në mendjen e gjithsecilit prej nesh do të ngelen kujtimet e të luajturit në një skuadër që jep gjithçka. Jemi një grup që di si të fitojë dhe të luftojë si një vëllazëri”, tha Simeone pas ndeshjes.

VAR – “Le të shpresojmë që ky sistem punojë siç duhet dhe të jetë i mirë për ne. Një futbollist 1.87 metra i gjatë nuk mund të bjerë nga një kontakt aq i lehtë. Nuk është se bëri një krim të pafalshëm. Kielinit i jap notën 10, bëri një rënie shumë të bukur”.

FESTA GJATË GOLIT TË HIMENEZ – Ne kemi k*qe. E kemi treguar dhe më parë, unë thjesht u tregova i sinqertë. Nuk e kisha me Juventusin, në atë tribunë nuk kishte fare tifozë italianë, ishte thjesht një gjest spontan, më ka ndodhur edhe më parë. Kërkojë falje nëse kam ofenduar ndokënd”.

KUALIFIKIMI – “Beteja jonë vazhdon. Nuk kemi arritur asgjë. Kemi përballë një skuadër të madhe”.

Pjesa e parë mes Atletikos dhe Juventusit ishte e qetë, me të dyja skuadrat që menduan të mos pësonin gol. Juventusi e nisi disi më mirë sfidën dhe Kristiano Ronaldo tronditi portën e spanjollëve me një goditje dënimi. Gjithsesi, Oblak bëri gjithçka mirë dhe shmangu rrezikun.

Atletiko u rrit me kalimin e minutave dhe mori frenat e lojës. Diego Kosta ishte një rrezik konstant për mbrojtjen juventine gjatë gjithë fraksionit të parë të lojës, madje fitoi dhe një 11-metërsh, por me rishikimin e VAR-it, u shndërrua në goditje dënimi. Pjesa e parë mes dy gjigantëve europianë u mbyll e bardhë pa gola.

Në minutën e 70-të Atletiko arriti të zhbllokojë shifrat me anë të Alvaro Moratës, i cili shënoi me kokë pas pasimit të Filipe Luis, por festimet e spanjollëve u ndalën pas konsultimit me sistemin VAR, ku dukej qartë, që sulmuesi shkakton një faull ndaj Kielinit.

Gjithsesi, ekipi i Simeones nuk u dorëzua dhe në minutën e 78-të, përpjekjet dhe rastet e tyre u shpërblyen, kur Hose Maria Himenez shënoi golin e avantazhit në zhvillimet e një goditje nga këndi. Festë e çmendur e “El Cholos” dhe e gjithë stadiumit.

Katër minuta më vonë, ishte përsëri një mbrojtës, i cili u tregua vendimtar për vendasit. Diego Godin, shënoi në minutën e 83-të golin e dytë, duke tronditur Juven. Në zhvillimet e një goditje dënimi, kapiteni i Alteikos u tregua këmbëngulës dhe shënoi golin e dytë.

UEFA Champions League
Faza e 1/8-ave
 Atletiko Madrid – Juventus  2-0
Shënues: Himenez 78′, Godin 83′

Sipas luzitanit, Juventusi sa mundësi ka për të fituar Championsin, ka dhe për t’u eliminuar nga përballja me Atetlikon. Pra, me pak fjalë, Murinjo e sheh si një përballjë mjaft delikate, teksa ekipi i Simeones, sipas “Special One” është mjaft ambicioz.

“Mendoj se Juventusi mund të fitojë Champions League, sidomos tani që kanë një lojtar si Kristiano Ronaldo. Janë shumë të uritur për atë trofe, por nuk do të ishte ndonjë surprizë e madhe në rast se eleminohen nga Atletiko Madrid, sepse janë një ekip ambicioz.

Atletiko ka investuar shumë për të arritur në finalen që do të luhet në stadiumin e tyre. Ata ndoshta nuk lozin futboll të bukur, por të gjithë e dimë mënyrën e lojës së Simeones.

Ka sulmues të talentuar, të cilët mund të bëjnë diferencën dhe për këtë arsye mendoj që Juventusi sa mundësi ka të fitojë Championsin aq edhe ka mundësi të eleminohet nga Atletiko.”

Në konferencën e sotme një ditë përpara sfidës, trajneri Alegri, ka pranuar se Sami Kedira nuk do të jetë pjesë e ekipit, për arsye shëndetësore. Gjermani ka qëndruar në Torino ku është nën vëzhgimin e mjekëve. Numri një i pankinës bardhezi u shpreh:

“Ai është një lojtar i rëndësishëm. Humbëm  një futbollist të nivelit ndërkombëtar dhe mbetemi me katër mesfushorë të tjerë, të cilët do të na ndihmojnë në ndeshjen e nesërme. Për rastin e tij do të dalim me një komunikatë”.

Sot, klubi bardhekuq ka zyrtarizuar rinovimin me teknikun 48-vjeçar. Kontrata e Simeones skadonte në fund të këtij sezoni, por pas rinovimit, do të jetë në krye të Atletikos deri në vitin 2022. Një kontratë e re dhe e përmirësuar nga ana financiare ka bindur strategun argjentinas të qëndrojë dhe zërat që e çonin te Interi dhe te ndonjë skuadër tjetër, janë shuar.

#Simeone2022 #EnamoradoDelAtleti #14 pic.twitter.com/rRYiVQOEjQ

— Atlético de Madrid (@Atleti) February 14, 2019

Qendërmbrojtësi uruguaian ka hyrë në 6 muajt e fundit të kontratës dhe ka kohë që i ka komunikuar Atletiko së Madridit se nuk dëshiron të vijojë në Spanjë.

Në moshën 32-vjeçare, futbollisti i huaj me më shumë ndeshje në historinë e Atletikos i ka dhënë fjalën Interit dhe brenda pak javësh priten vizitat mjekësore në Milano, para firmës në parakontratë.

Edhe pse 32 vjeç, Godin është në formë perfekte dhe për Interin është një goditje me shumë peshë, e para që kur Bepe Marotta është bërë administrator i deleguar.

Pjesa e parë u karakterizua me një lojë pasive nga të dyja skuadrat. Barcelona ishte e kënaqur me mbajtjen e topit, ndërsa Atletiko ishte e tëra e vendosur mbrapa duke pritur të shfrytëzonte ndonjë gabim të katalanasve.

Takimi u zhbllokua në minutën e 77-të, teksa Diego Kosta u gjend i pamarkuar gjatë një goditje këndi. Valverde vepron dhe fut francezin Dembele, i cili ia shpërblen besimin, duke shfrytëzuar më së miri pasimin e përhershmit Lionel Mesi.

Epërsi absolute, territoriale dhe në zotërim topi, me Barcelonën që gjeti golin në minutën e 34-t me “ish”-in Rafinja, pikërisht ai që Interi nuk mendoi se ia vlente të shpenzonte shumë. Pikërisht Rafinja zëvendësoi Mesin dhe shënoi golin e parë të sfidës dhe Zhordi Alba mbylli gjithçka pak minuta para përfundimit, me Interin që pak nga pak e kuptoi se Barcelona është tjetër nivel, të paktën në Camp Nou, sepse javën e ardhshme në San Siro gjërat mund të ndryshojnë.

Ndërkaq, spektaklin më të madh të mbrëmjes Champions e dhuroi Borusia e Dortmundit, një skuadër e çmendur, që ka gjetur një ritëm spektakolar dhe shpartalloi Atletikon e Madridit 4-0, duke treguar se starti fenomenal në Bundesligë nuk është rastësi.

Uitsel është një blerje e mrekullueshme dhe belgu shënoi golin e parë në minutën e 38-të, ndërsa Guerreiro 2 herë e Sanço në fund mbytën Atletikon, që rrallë në epokën Simeone është parë kaq keq. Bajerni duhet të ketë kujdes, ky Dortmund e ka seriozisht këtë sezon.

Barcelona – Inter                      2 – 0

Shënues: Rafinja  32’, Alba 83’

Dortmund – Atletiko M.           4 – 0

Shënues: Vitsel 38’, Guerreiro 73’ 89’, Sanço 84’

Sipas traditës, shorti është festuar, sepse natyrisht vjen një gjigant në qytet, por Sant Andreu ka pasur një mesazh interesant për Atletikon e Diego Simeones, duke e marrë me humor sfidën ndaj madrilenëve, sepse fundja nuk kanë arsye pse të bëhen shumë seriozë, në një sfidë të pamundur.

Els jugadors de la @uesantandreu han celebrat el desenllaç del sorteig de Copa. Tornaran a enfrontar-se a l'Atlètic de Madrid.https://t.co/2PFS2yW2JA pic.twitter.com/CWTQyDhc8D

— btv esports (@btvesports) October 19, 2018

Para shortit, duke e ditur se do të përballeshin me një ekip nga La Liga, Sant Andreu kishte përgatitur një mesazh me një mozaik kartonësh për rivalin e radhës: “Jemi nga Tercera, por mos na zini besë: ejani me formacionin titullar”.

Në Katalunjë jo të gjitha klubet janë si Barcelona, por humori nuk u mungon.

Els jugadors del @uesantandreu ja estan al Narcís Sala per seguir el sorteig de Copa del Rei. Ho fan amb missatge reivindicatiu.
? EN DIRECTE https://t.co/AuJj4sgGBc pic.twitter.com/k09byC1EVI

— Jordi Montalbo (@JordiMontalbo) October 19, 2018

Të shumtë shohin Luka Modriç si pretendent serioz, por ndërkohë Franca fitoi Botërorin dhe lojtarë si Grizman e Mbape mahnitën, ashtu si në klubet përkatëse këtë vit.

Pikërisht sulmuesi i Atletikos, Antuan Grizman, është më i hapuri nga të gjithë kur bëhet fjalë për Topin e Artë, sepse nuk mundohet të tregohet diplomat, duke e thënë hapur se ka bërë gjithçka për të merituar trofeun.

Ndërkohë , France Football ka kryer një intervistë me kampionin e botës, duke e vendosur në faqen e parë të revistës, me titullin domethënës: “Topi i Artë duhet t’i shkojë një francezi!”.

Grizman i ka idetë e qarta, por në votimin final do të shihet sa vlejnë mesazhet e tij.

Sot Reali barazoi pa gola me Atletikon në Bernabeu, duke u ndalur sërish te muri i ngritur nga mjeshtri Diego Simeone, në një ndeshje ku protagonistë të mëdhenj ishin portierët.

Në fakt, në pjesën e parë Atletiko pati raste të shkëlqyera në kundërsulm dhe në një rast Grizman u ndal në mënyrë fantastike nga Kurtua, perfekt edhe ndaj Diego Kostës pak më vonë. Në krahun tjetër, Geret Bejl ishte rreziku kryesor për Atletikon, por uellsiani u ndërrua në pushim, për dëmtim.

BIG save from @thibautcourtois to deny @AntoGriezmann 1-on-1! ?#RealMadridAtleti pic.twitter.com/DAtTLQidpL

— LaLiga (@LaLigaEN) September 29, 2018

Në pjesën e dytë asnjë ndryshim, shumë vrap e përplasje, pak raste për shënim, por ishte portieri Oblak heroi i Atletikos, me një pritje shpëtimtare ndaj Asensios.

Sezoni i gjashtë rresht që Atletiko merr rezultat në Bernabeu, çka ka më shumë rëndësi, edhe pse derbi i sotëm nuk ishte i bukur, por pati plot tension e emocione.

Skuadra e Atletikos po ashtu ka mbajtur një përqindje të kartonin në rast se mesfushori do të shitet në të ardhmen. Duhet theksuar se për Baren ka pasur interesim konkret nga Greqia, Danimarka, Angli dhe jo vetëm.

Një mundësi e mirë për lojtarin që të rritet dhe të ketë më shumë hapësira, pasi nuk po gjente dot minuta në ekipin e parë të Diego Simeones. Bare ka qenë i grumbulluar dhe nga skuadra e parë e Kombëtares. Për pak minuta pritet që të vijë dhe prezantimi zyrtar. Një hap i madh për Baren që tashmë do ta shohim më shpesh në fushën e blertë.

Bëhet fjalë për Filipe Luisin dhe Huan Bernatin. Për mbrojtësin brazilian interesohet PSG-ja, akordi për pagën e lojtarit është arritur, por mungon mirëkuptimi me klubin e Atletikos. Bernat hyn në lojë, si zëvendësuesi i Luisit tek Atletiko.

Bajerni nuk e konsideron të pashitshëm spanjollin, kontrata e të cilit mbaron në fund të këtij sezoni. Sipas medieve spanjolle Bernat mund të vishet “rojiblanco” për 15 milionë euro, ndërsa Luis mund të kalojë në Francë për të njëjtën shumë.

Mbrojtësi 33-vjeçar ka luajtur për 7 sezone me Atletikon, duke pasur vetëm një ndërprerje në sezonin 2014/15, kur shkoi te Çelsi dhe luajti fare pak.

Një idhull në Madrid, Filipe Luis pësoi një dëmtim që për pak i dogji pjesëmarrjen në Kupën e Botës, por ia doli mbanë të riaftësohej dhe luajti në Rusi, duke treguar se është në formë perfekte fizikisht.

Në Superkupë Filipe Luis ishte në stol dhe kjo ishte një arsye më shumë për të kërkuar largimin, që në një farë mënyre e zyrtarizoi portieri Oblak pas barazimit 1-1 në Valencia: “Është e trishtueshme, por kështu funksionon. Filipe ka një mundësi të mirë dhe duhet respektuar vendimi i lojtarit. Të shohim”.

Megjithatë, trajneri Diego Simeone nuk e mendon ashtu: “Mendoj se do qëndrojë. Ai është një lojtar që e di sa shumë e duam dhe sa i rëndësishëm është për ne”. Fjalë sa për sy e faqe, apo Simeone do ta bindë brazilianin të ndryshojë mendim?

Para sfidës kundër Atletikos Lopetegi është shfaqur i qetë dhe plot besim: “Atletiko është skuadër e shkëlqyer dhe do na detyrojë të japim gjithçka. Pres një ndeshje mjaft të ekuilibruar dhe me tension, por jemi të vendosur për të luajtur një ndeshje të madhe. Ndjesitë janë pozitive dhe jemi gati”.

Barra e të qenit pasues i Zidan nuk e shqetëson Lopetegin: “Ai ka bërë një punë të jashtëzakonshme, nuk ka dyshime. Megjithatë, e shkuara nuk ka rëndësi dhe duhet të shohim përpara”.

Pa Ronaldon: “Por është Geret Bejl, lojtar i shkëlqyer dhe plot entuziazëm, jam i sigurt që do luajë një sezon të madh. Diskutimi vlen edhe për Benzemanë”.

SIMEONE – Nëse Lopetegi do debutim me trofe, Simeone synon një tjetër hap përpara për Atletikon e tij: “Tifozët presin gjithnjë e më shumë dhe është e drejtë, sepse procesi i rritjes kalon nga trofetë. Shumë lojtarë janë të lodhur nga Botërori, por jemi plot entuziazëm dhe gati, duam ta nisim me trofe”.

Si zakonisht, Simeone nuk ka frikë nga askush dhe beson te filozofia e Atletikos: “Nuk dua të flas për buxhete apo aftësi shpenzimesh në merkato. Them vetëm që nuk ndihemi inferiorë ndaj askujt dhe kundër Realit do të vlejë dëshira për të fituar dhe luftuar. Me Lopetegin Reali do jetë një Real më i shpejtë dhe do të ushtrojë me shumë presing, por ne kemi besim te armët dhe loja jonë. Edhe Franca doli kampione bote me një sistem loje të ngjashëm me tonin”.p

Në fakt, është një PSG që nuk ka lidhje me atë të vërtetin, që do të shohim sezonin e ardhshëm, sepse edhe sot luajtën të rinj pa fund, aq sa nuk kuptohet realisht qëllimi i këtyre miqësoreve, përveç anës financiare natyrisht.

Trap në portë, apo Kurzaua, Verrati e Di Maria, ishin emrat e njohur që iu shtuan skuadrës, por në 23 lojtarë që provuan fushën, mbi 70% ishin nën 21 vjeç dhe thuajse asnjëherë pjesë e ekipit të parë.

Në krahun tjetër, Atletico ishte në të njëjtën situatë, por kishte vetëm 9 lojtarë në stol. Sulmi ishte shumë cilësor në letër, me Korrea, Gameiro e Vieto, por sa për meritë të portierit Trap, ashtu edhe për paqartësi të tyre, goli nuk doli deri në minutën e 75-të, kur Viktor Mojeho gjeti golin e parë madrilen.

Më herët PSG kishte shënuar me Nkunku në pjesën e parë dhe Diabi në mesin e pjesës së dytë, para se në 11 minuta Atletiko të shënonte dy golat e saj, i dyti me autogol nga Bernede.

Gjithsesi, më minutën e 92-të sulmuesi 18-vjeçar Postolaçi siguroi fitoren e parë të PSG-së këtë verë.