Ky i fundit nuk i është bashkuar akoma skuadrës në fazën përgatitore në Ohër të Maqedonisë, por nëpërmjet postimeve në rrjetet social ka dhënë një mesazh mbështetës për futbollistin shkodran me të cilin ndan një raport shumë miqësor.

“Edhe të verbrit e panë rëndësinë tënde sezonin e kaluar! Qëndro i qetë. Të vërtetët i njohin të vërtetit! Zoti është me ty”, shkroi anglezi në mbishkrimin e një postimi ku ai shfaqej në foto me Hasanin.

Në përfundim të takimit, Ngo foli për mediet e pranishme në “Selman Stërmasi”. Futbollisti i Tiranës vlerësoi paraqitjen e të gjithë skuadrës duke bërë komplimente për të gjithë shokët e skuadrës.

“Ndihem shumë i gëzuar. Fituam 3-0 dhe Laçi do ta ketë shumë të vështirë në ndeshjen e kthimit, megjithëse në fushën e tyre na kanë hapur shumë probleme, por e shoh të vështirë që ta përmbysin. Pra e kemi këtë avantazh.”

“Jam ende i mërzitur që dy golat që shënuam në pjesën e parë na u anuluan, pasi nuk ishin në pozicion jashtë loje dhe rezultati do të ishte 5-0 . Gjithsesi jam i gëzuar dhe me 3-0”.

“Sot patëm lojtarë që bënë ndeshje të jashtëzakonshme, si për shembull Imami, Turtulli, Hoxhallari, Kërçiku mund të përmend të gjithë skuadrën. Edon Hasani ishte gjithashtu i mahnitshëm. Erando (Karabeci), bëri një paraqitje kapiteni, vrapoi bëri presing, kontrolloi mirë topin. Ishte e mrekullueshme”.

“Këtë vit ndryshimi ka të bëjë me mendjen. Futem në ndeshje me besimin që do të luaj mirë dhe do të shkatërroj kundërshtarët e do të fitojmë. Trajneri Mema ka qenë brilant, pasi jemi një grup i bashkuar, që ia bëjmë të vështirë kujtdo. Kjo është një fitore e madhe për Tiranën”, përfundon gjiganti i repartit ofensiv të bardhebluve.

26-vjeçari ka dhënë një intervistë për “Supersport”, ku ka folur për disa tema. Gjiganti i sulmit ka folur për marrëdhënien me trajnerin Ardian Mema, formën që po kalon, por edhe objektivat e Tiranës si dhe ndeshjen e ardhshme ndaj Teutës.

FORMA – “Kur psikologjikisht ndihesh mirë, atëherë këtë gjë e reflekton edhe në fushë. Jam i përqendruar për të ndihmuar skuadrën. Këto janë gjërat që kanë ndryshuar te unë kohët e fundit, pasi ndihem mirë dhe po mundohem të bëj më të mirën”.

TRAJNERI MEMA – “Kur takon dikë për herë të parë, të nevojitet pak kohë për t’u njohur me të. Mema është një trajner i zoti dhe jep më të mirën për skuadrën, siç edhe unë dua të jap më të mirën time për Tiranën. Ndonjëherë në karrierën e një futbollisti ndodh që të merren vendime të gabuara, këto janë gjëra që i kam lënë pas dhe tani situata po ecin mirë. Tirana gjithashtu po arrin të fitojë dhe kjo është diçka pozitive”.

TIRANA – “Tirana është një qytet i bukur, gjithashtu dhe kjo skuadër është me histori dhe traditë. Për momentin nuk e di se çfarë do të ndodhë në të ardhmen, por mund t’ju them se tani jam totalisht i fokusuar për të bërë maksimumin për këtë skuadër në çdo ndeshje. Nëse bën e mirë e di se çfarë do të ndodhë edhe në të ardhmen”.

OBJEKTIVAT ME EKIPIN – “Teuta është një skuadër e fortë dhe ka një sulm të rrezikshëm. Gjithsesi unë jam gati të luaj kundër tyre dhe sigurisht t’u shënoj. Ne duam të fitojmë çdo kompeticion ku marrim pjesë. Dy fazat e para nuk shkuan mirë për ne, por tani kemi rikuperuar disi dhe shpresojmë të vazhdojmë kështu. Në Kupë, nëse vazhdojmë të fitojmë çdo ndeshje, dihet fundi”.