Në përballje nuk mungoi një gol shqiptar, pasi goli i vetëm i Luganos u shënua nga ish-sulmuesi i Dritës së Gjilanit, Leotrim Kryeziu. Futbollisti 20-vjeçar është prej një viti pjesë e skuadrës zvicerane, ku është aktivizuar më së shumti me skuadrën e rezervë të Luganos.

Kryeziu ka luajtur për disa vite me grupmoshat e  shkollës së mjeshtërisë Loro Boriçi, ndërsa më pas u rikthye në Kosovë, ku spikati më së shumti në grumbullimet me përfaqësueset e grupmoshave të “dardanëve”.

Inter 2 – 1 Lugano
Sensi 25’, Brozoviç 45’/ Kryeziu 87’

Në minutën 25-të futbollisti shtatshkurtër kreu një goditje fantastike me të djathtën që nuk i la asnjë mundësi portierit kundërshtar.

First #Inter 2019/20 Line-Up

Handanovic (c)
D'Ambrosio
de Vrij
Skriniar
Candreva
Sensi
Brozovic
Gagliardini
Perisic
Esposito
Longo#LuganoInter

— Alessandro Rimi (@Ale_Rimi) July 14, 2019

Barazimi 3 – 3 i Luganos së Armando Sadikut siguroi vendin e tretë të renditjes, që e çon skuadrën nga jugu i Zvicrës direkt në fazën e grupeve të “Europa League”, një sukses i jashtëzakonshëm po të marrim parasysh faktin se katër muaj më parë objektivi i vetëm i skuadrës ishte largimi nga fundi i tabelës.

Vendi i katërt i takon Tunit, që arriti të mposhte në transfertë Sionin me rezultatin minimal 1 – 0. Ekipi surprizë i këtij sezoni në Zvicër do të marrë pjesë në raundin  e tretë kualifikues të “Europa League”.

Biletën e fundit për në raundet kualifikuese e merr Lucerna e vendit të pestë. Ekipi i Bastien Tomës nuk arriti të merrte një fitore në përballjen me kampionët e Jang Bojs duke u mundur me rezultatin e thellë 4 – 0.

Ky është goli i tretë i tretë i Sadikut në Superligën Zvicerane, kampionat ku u rikthye gjatë merkatos së janarit, pas një eksperience jo dhe aq të mirë te Levante në Spanjë.

https://twitter.com/granotero1909/status/1132341764772311040

Lojtari i kombëtares ishte ai që hapi serinë e golave në pjesën e parë me një godite me kokë. Ky ishte goli i parë i Sadikut që pas rikthimit të tij në kampionatin zviceran gjatë merkatos së janarit.

Paraqitja e mirë e 27-vjeçarit u vlerësua dhe nga prestigjiozja zvicerane “Blick” që e ka vendosur Sadikun në formacionin e javës, ku së bashku me portierin Bauman janë të vetmit përfaqësues të Luganos.

Bomberi ka startuar sfidën e sotme përballë Lucernës si titullar, madje edhe i ka shpërblyer besimin trajnerit, pasi i ka dhënë avantazhin skuadrës së tij. 26-vjeçari shënoi golin e parë në minutën e 32’ të takimit, duke kaluar në epërsi Luganon në një sfidë shumë të vështirë.

Lucerna – Lugano  0-1
Shënues: Sadiku 32’

Në kampionatin polak, Sadiku shënoi vetëm 2 gola në 17 sfida, duke treguar një formë aspak të mirë. Për pasojë, klubi polak e shiti në muajin janar te Levantes.

Edhe pse kanë kaluar më shumë se dy vite, mediat polake e mbajnë ende mendjen te Sadiku dhe sipas tyre, sulmuesi kuqezi nuk i ka përmbushur asnjëherë pritshmëritë. Për më tepër, kanë rikujtuar edhe deklaratën që 27-vjeçari pati dhënë kur u largua nga Legia: “Te Legia nuk luajta, pasi ata mbanin një ‘Ferrari’ në garazh, në vend që ta ngisnin!” Kjo deklaratë e Sadikut krijoi shumë polemika asaj kohe, polemika që vazhdojnë edhe sot.

Media polake, “TVP Sport”, ka bërë këtë artikull për sulmuesin e kombëtares, që tashmë aktivizohet në radhët e Luganos në kampionatin zviceran të futbollit.

“Nëse do të thosha se jam i surprizuar nga ardhjet në këtë muaj janar, do të gënjeja. Sadiku dhe Lavashi janë dy lojtarë që i prisja dhe janë shumë të rëndësishëm për projektin që ka klubi. Armando është rikthyet nga dëmtimi më i fortë se kurrë dhe jam i bindur se do të shpërthejë.

Ardhja e tij është si oksigjen për skuadrën, pasi na duhej diçka e re. Kam shumë besim te Sadiku, por dhe te Lavash, të cilin e kam drejtuar edhe kur ishim së bashku te Lozana”,- u shpreh Celestini.

Në fjalën e tij për “RSI.cv”, Sadiku tha: “Këtu i njoh djemtë, ka gjithmonë atmosferë pozitive. Ende nuk jam në 100% të formës time, por kemi dhe dy javë kohë para ndeshjes ndaj Tunit.”

Për mua është e rëndësishme të stërvitem mirë dhe të jem gati. Çdokush që më njeh, e di se sa ambicioz jam. Gjithmonë jap 100% tim në fushën e lojës.”

Dy vjet më parë, kur unë luaja këtu, kemi bërë histori duke u kualifikuar për në “Europa League”. Unë besoj sërish te ky objektiv, pasi kemi mundësi dhe nga kampionati, por dhe nga Kupa e Zvicrës”,- u shpreh Sadiku.

PARAQITJET NË LIGA – “Nuk kam pasur fat në Spanjë. Sa shkova pësova një frakturë në hundë e më pas pësova një ulje të formës”.

GJENDJA PSIKOLOGJIKE PAS DËMTIMIT NË GJU – “Nuk jam i frikësuar prej dëmtimit në gju. E kam pësuar dhe më parë e jam rikthyer më i fortë. Askush te Levante nuk e priste që të kthehesha në stërvitje me grupin pas vetëm katër muajsh. Kam pasur mbështetjen e plotë të familjarëve dhe shokëve”.

“Kam pasur një sërë ofertash: Nga Liga e dytë e spanjolle dhe Turqia. Por, duke qenë se të dyja këto kampionate kanë filluar, mua do të duhej të rrija 1 muaj sa të merrja vetes, ndërsa në Zvicër kampionati fillon më vonë dhe kjo gjë i shkon për shtat situatës sime. Kam edhe dy vite kontratë me Levanten, ndërsa te Lugano jam i huazuar deri në gjashtë muaj”.

KRIZA E GOLAVE NË KOMBËTARE – “Jemi një kombëtare e vogël. Ne krijojmë 2 ose tre raste për ndeshje. Unë kam pasur fatin që t’i shfrytëzoj në maksimum rastet që më janë dhënë. Për çdo sulmues nuk është e lehtë. Gjatë viti të kaluar patëm një ulje, por shpresoj që gjatë 2019-ës të kthehemi si më parë”.

Megjithatë, sulmuesi i kombëtares sonë ia bëri të qartë Levantes: nëse iki, e bëj për Luganon!

U tha, u bë: pa shumë probleme u arrit marrëveshja, me klubin zviceran që për kkoincidencë e ka çuar ekipin për fazë përgatitore në Spanjë, ndaj nuk duhej shumë punë e udhëtime për të gjetur marrëveshjen që e kthen Sadikun në shtëpinë e tij të dytë.

Për RSI (Radiotelevizioni zviceran), Sadiku foli për herë të parë që pas firmës për kthimin te Lugano, ku do të mundohet të rigjejë shkëlqimin e kohëve të arta.

“Jam shumë mirë, jam i kënaqur që kthehem në Lugano. Pas disa muajsh të vështirë, tani jam mirë edhe fizikisht, dua të jap gjithçka për skuadrën.

“Janë 5 muaj e gjysmë që po bëj terapi për dëmtimin në gju. Jam mirë, po stërvitem prej një muaji me Levanten, jam gati për të luajtur.

“Shpresoj të jap gjithçka dhe të kthehem të luaj në nivelin e dy viteve më parë. Sapo pashë lojtarët dhe ambienti është fantastik si më parë. Do bëj të pamundurën, shpresoj që gjithçka të shkojë mirë. Ja i sigurt se do shkojë mbarë, uroj që të kemi edhe fatin me vete”.

“Eksperiencat jo edhe aq të suksesshme në Poloni dhe Spanjë më japin më shumë forcë dhe më shtyjnë që të kthehem në nivelet e mëparshme. Do jap më të mirën time dhe falënderoj klubin që ka bërë këtë sforco që të më kthente këtu, sidomos presidentin, që kreu një sforcim të madh financiar. Jam i lumtur që jam këtu dhe do të bëj gjithçka që të kthehem në nivelet ku kam qenë.

“Shpresojmë që të bëj ato gola që kanë munguar por sidomos e rëndësishme është që si skuadër të shkojmë sa më larg në kampionat e kupë se ekzistojnë mundësitë. Unë do të bëj gjithçka për të shënuar, por edhe për të ndihmuar skuadrën që të bëjë rezultate të mira”.

Bomberi kuqezi u dëmtua që në fillim të sezonit, në një miqësore të fituar 3-1 përballë Herenvenit. Ai dëmtim i gjatë bëri që gjysma e parë e sezonit të humbej nga Sadiku, i cili tashmë nuk e ka të qartë as se ku do ta vazhdojë karrierën.

Ofertat për të nuk mungojnë, me Luganon që është në “pole” për shërbimet e tij. Por me zhvillimet e fundit, ka dalë një problem në këtë transferim.

Sipas mediave zvicerane, skuadra e Luganos e ka plotësuar numrin e lojtarëve të lejuar gjatë një sezoni dhe ardhja e Sadikut mund të realizohet vetëm nëse ka ndonjë largim gjatë kësaj merkatoje, ose ka ndonjë dëmtim afatgjatë te lojtarët e grupit.

Ende një mister e ardhmja e Sadikut, të cilit i duhet të gjejë skuadër sa më parë, në mënyrë që të rikthehet në formën e duhur dhe të lërë pas atë dëmtim shumë të vështirë.

Në klubin zviceran e njohin mirë dhe vetë presidenti është shprehur qartazi: “Është i pari në listën tonë, por duhet marrë në konsideratë aspekti ekonomik dhe ai teknik”. Këto ishin pak a shumë fjalët e presidenti Renzeti.

https://www.facebook.com/sadikuarmando/videos/784675405213803/

Së fundmi Sadiku ka postuar një video ku tregon gradualisht se dëmtimi është lënë pas dhe kapja e formës po ecën në rrugën e duhur, një sinjal ky për klubin zviceran që sulmuesi mund t;i ndihmojë në arritjen e objektivave.

Te Lugano ia dinë mirë cilësitë golashënuesit të kombëtares sonë, por sigurisht që do të duhet të bindin Levanten. Spanjollët do dëshironin ta shisnin, por në kushtet aktuale huazimi do të ishte një zgjedhje e mirë.

https://www.facebook.com/sadikuarmando/videos/273002276741303/

“Corriere del Citino” shkruan se Sadiku është një ide për Luganon, klub që kërkon të mbijetojë në elitën e futbollit zviceran. Huazimi është mënyra e vetme, pasi zor zviceranët do të paguanin për kartonin e sulmuesit, i cili ka qenë pjesë e tyre edhe në të shkuarën.

Levante për të ka paguar rreth 1 milion euro te Legia e Varshavës. Gjashtë muajt e parë në Spanjë nuk ishin të mira për Sadikun dhe “Ferrari” i sulmit ishte nxjerrë në shitje. Klubi spanjoll mund ta marrë në kosnideratë huazimin e sulmuesit, pasi në Zvicër ai do kishte mundësinë të luante dhe të gjente formën. Sadiku mund të jetë gati për lojë në mars dhe deri në fund të sezonit do të kishte një tjetër vlerësim për të. Zërat e parë të merkatos kanë nisur për të.

Ende pa i mbushur 20 vjeç, sulmuesi do të transferohet në Superligën e Zvicrës. Vjet u shpall kampion me Dritën në Kosovë dhe gjërat gradualisht po i marrin për mirë të riut. Kryeziu ka spikatur me Kosovën U19 në Elitë Round, teksa ka shënuar pesë gola në tre ndeshje, çka bëri që për të ofertat të ishin të shumta.

Në fund Drita ka pranuar ofertën e Luganos, gjë që konfirmohet për “Sport Ekspres” edhe nga burime pranë klubit gjilanas. Sulmuesi u aktivizua titullar në tre nga ndeshjet e kupave të Europës që kanë zhvilluar në Champions kampionët e Kosovës. Për Kryeziun tanimë do të nisë një eksperiencë e re në Zvicër. Prezantimi do të bëhet në ditët e fundit të muajit korrik.

De Biazi – “Ai ishte trajneri i parë që sapo erdhi, më grumbulloi direkt në Kombëtare nën drejtimin e tij dhe më pas jam shumë i lumtur që edhe në ndeshjen e fundit isha bashkë me të. Ishte një njeri shumë i rëndësishëm në karrierën time në këto 5 vite e gjysmë në drejtimin e Shqipërisë”,

Ka qenë dhe është një motivues shumë i mirë, deri më sot nuk kam parë një trajner t’i motivojë lojtarët si ai dhe kjo është parë edhe në fushë. Ky ka qenë edhe shkaku që e falënderoj dhe do ta falënderoj gjatë karrierës time, për atë që ka bërë për mua, për shpirtin që më ka transmetuar, e falënderoj dhe i jam shumë mirënjohës, më ka marrë që 20 vjeç dhe kam luajtur në Kombëtare”.

“Dje u takova me Paolon dhe dëgjova arsyet e tij. Vendimi i përbashkët është prishja e marrëveshjes, duke zbatuar dëshirën e tij. Dua të kem një marrëdhënie të mirë me të. Shpresoja ta mbaja, nuk dua të hedh atë që është bërë. Trajneri i ri duhet të ketë karakteristikat e Paolos, të jetë i zoti t’i motivojë në maksimum lojtarët. Bëra një mrekulli duke e marrë Tramexanin, por ka ardhur koha që të hedhë një hap më tej, sepse ai do shkojë në një klub më të madh, me pagë më të lartë. Nëse ndonjë lojtar do të dëshirojë të largohet me trajnerin, do të bisedojmë”, e nisi në konferencën për shtyp mbajtur sot në Lugano presidenti Anxhelo Renxeti.

Më pas, fjalën e mori Tramexani: “Falënderoj presidentin. Përtej gjithçka ndodhi, forca jonë ka qenë ajo e të folurit dhe të përballurit me njëri-tjetrin. Marrëdhënia jonë ka qenë e rëndësishme që në fillim. Ai më lejoi të nisja karrierën si trajner i parë. E lë Luganon në Europa League dhe ky është një rezultat i bukur, por edhe më i bukur është raporti që kam pasur me gjithë klubin. Diferencën e bënë djemtë, që kanë ndryshuar lëkurë pa asnjë problem.

“Arsyet e largimit? Në dy vite e gjysmë kontratë që kisha, plani ishte mbijetesa dhe vitin pasardhës diçka më shumë. Kemi arritur gjithçka me një shpejtësi marramendëse, ndaj mendoj se e arrita objektivin afatgjatë, edhe pse për presidentin kam menduar vërtet të qëndroj. Kam marrë shumë oferta dhe dua ta nis nga zero. Ka qenë një projekt rritjeje i pabesueshëm. Brenda meje do të ruaj përgjithmonë atë që kam marrë nga këta djem. I falënderoj të gjithë, sepse ka qenë një eksperiencë shumë e bukur. Ma bëri zemrën mal përqafimi i marrë nga qyteti. Është e vërtetë, kam bërë edhe gabime, por kam dhënë gjithçka dhe jam krenar për eksperiencën e përjetuar. Tani dua ta nis nga zero, nuk kam frikë nga eksperiencat e reja, do të jap gjithçka, si zakonisht”.

Tramexani ka kritikuar gazetarët: “Nuk kam folur sepse nuk më keni kuptuar, më keni kritikuar shpesh dhe nuk keni dhënë gjithçka për të kuptuar situatën. Uroj që të gjeni një trajner më të mirë se unë, që të bëjë gjithçka për ju, t’u japë formacionin dhe të pijë kafe me ju”.

Sot “Sport Ekspres” raportoi se Tramexani ka kontakte me Hamburgun dhe oferta është serioze https://sportekspres.com/tramexani-ribashkohet-me-mavrajn/, por ndërkohë në garë janë edhe klube të tjerë, nga Superliga e Zvicrës dhe nga Italia, ku Novara ka bërë një tentativë zyrtare.