Pas ndeshjes një skenë interesante është parë në një nga lokalet pranë stadiumit “Selman Stërmasi”, sepse trajneri i kampionëve të Moldavisë, kroati Zoran Zekiç, u ul në kafe dhe u pa të bisedonte me sulmuesin e kombëtares shqiptare, Kristal Abazaj. Në shoqërinë e tyre ishte edhe mbrojtësi Gëzim Krasniqi, edhe ky pa ekip, si Abazaj.

Natyrisht, është e lehtë të mendohet se Abazaj mund të jetë një ide për Sherifin, aty ku luan edhe Liridon Latifi, i cili ashtu si Abazaj përfaqësohet nga Shkumbin Qormemeti.

Megjithatë, mund të ketë qenë edhe thjesht një kafe mes miqsh, sepse Zekiç ishte trajner i Osijekut deri në mars të këtij viti dhe e pati në dispozicion për pak muaj Abazajn, i cili pikërisht me Zekiç luajti 4 ndeshje si titullar, ndërsa pas ndryshimit në stol nuk e pa më formacionin.

Abazaj e nisi me gol, duke i dhënë tre pikët Osijekut në ndeshjen kundër Istra. Fillimisht luajti rregullisht si titullar, por më pas hapësirat për të u zvogëluan. Sulmuesi luajti 9 takime, 4 si titullar. Duhet thënë që një dëmtim e penalizoi Abazajn, i cili nuk mori minutat që do të donte.

Futbollisti 22-vjeçar ishte i huazuar tek Osijeku deri në muajin dhjetor, por sikurse bën me dije Abazaj për Sportekspres.com, kontrata e huazimit është ndërprerë. Tashmë sulmuesi pret të nisë një aventurë të re.

Kartoni i tij zotërohet nga Anderlehti, që duhet të marrë një vendim për të ardhmen e Abazajt. Lojtari i kombëtares shqiptare do të donte të shkonte diku ku të ketë hapësira dhe të ndihet i rëndësishëm.

Edhe për klubin belg është me interes diçka e tillë, pasi nëse shpërthen, të paktën do arrinte ta shiste Abazajn dhe të kthente pas një pjesë të investimit të bërë për ta blerë nga Skënderbeu. Ose pse jo ta rikthente në ekip për të dhënë kontributin e tij. Abazaj me siguri do të donte t’u tregonte se nuk gabuan me të kur e transferuan.

Në emision, ish-lojtari i Luftëtarit foli në lidhje me eksperiencën e tij në Belgjikë me Anderlehtin dhe me atë që po kalon tani.

EKSPERIENCA TE OSIJEK – “Fillimi ka ecur shumë mirë. Shokët e ekipit më kanë ndihmuar shumë jemi një grup shumë i afërt”.

DIFERENCAT KROACI – SHQIPËRIA: “Këtu mund të përjashtoj vetëm ekipin e Dinamos së Zagrebit që është ekipi i fortë, ndoshta dhe Rijeka e Osijek janë pak më lartë, ndërsa ekipet nuk kanë pothuajse asnjë ndryshim nga ekipet e kampionatit shqiptar”.

KALIMI TEK ANDERLEHT – “Të jem i sinqertë kalimi nga Luftëtari tek Anderlehti ishte një kalim gjigant. E nisa mirë luajta në fazën përgatitore ndaj Ajaksit, shënova gol kundër PSV-së. Është folur se kam pasur probleme në stërvitje, por s’ka qenë E vërtetë. Më ndodhi një dëmtim që më mbajti 6 javë dhe kur u riktheva nuk ishte në nivelin ku ato e prisnin. U mërzita pak nga kjo gjë, ndërsa më pas ndodhën edhe disa probleme të tjera”.

“Unë firmosa dy muaj para se hapej merkato. Para se të firmosja bëra një bisedë me trajnerin e ish-trajnerin e Anderlehtit rreth dy orë në zyrë më të. Më shpjegoi dy orë se si mund të luajë unë tek ekipi i tyre, sesi më përshtateshin skemat e lojës, me pak fjalë ma bëri mendjen rrafsh”.

DUELI I MBIJETESËS LUFTËTARI – TIRANA “Më keni kapur pak ngushtë. Unë e dua Luftëtarin, por jam tifoz i Tiranës”.

Abazaj u aktivizua me të filluar pjesa e dytë kur rezultati ishte 1-1. Kjo ishte ndeshje e parë e Osijekut nën drejtimin e trajnerit Dino Skender, i cili u gradua në këtë rol tri ditë më parë, duke lënë detyrën si trajneri i ekipit rezervë.

Qëndrojmë te shqiptarët e futbollit kroat, por kësaj radhe me një lajm jashtë fushës së blertë. Myrto Uzuni ka firmosur një marrëveshje sponsorizimi me kompaninë e veshjeve sportive “NIKE”. Lajmë është bërë i ditur nga menaxheri i tij Franci Bode me anë të një postimi në rrjetet sociale.

https://www.instagram.com/p/BvzTvudnFTm/?utm_source=ig_web_copy_link

Këtë herë shifrat bëjnë të spikasë ky i fundit, pasi së bashku me Maikon Morerira janë futbollistët që kanë regjistruar më shumë driblime. Ish-futbollisti i Luftëtarit e ka një nga pikat më të forta këtë, madje edhe vetë trajneri Kristian Panuçi kur vendosi ta thërriste në kombëtarë deklaroi se në lojën një kundër një Abazaj është shumë i fortë.

Sulmuesi anësor në ndeshjen e fundit kundër Slaven Belupo luajti për 90 minuta dhe në 13 tentativa për të dribluar kundërshtarët, ia doli nëntë herë. Një javë më parë Ardian Ismajli ishte lojtari që numëronte më shumë pasime, kurse Lirim Kastrati spikati për krosimet e sakta për shokët e skuadrës.

U duk se tre pikët ishte siguruar, por festën e Osijekut e ndërpreu ish-sulmuesi i Kukësit Mateus Lima, që me golin e tij që çoi shifrat përfundimtare në 1 – 1.

Pavarësisht, zhgënjimit që vjen nga mungesa e fitores, Abazaj spikati me lojën e tij nga krahu i majtë,  ku arriti t’i afrohej dy herë golit, por në të dyja rastet shtylla u bë dy herë pengesë.

https://www.youtube.com/watch?v=X_3x61aZp58

Tanimë Abazaj mendon të bëjë mirë me Osijekun në Kroaci. Fillimi ishte i mbarë, pasi sulmuesi anësor e nisi me gol dhe i dha fitoren skuadrës së tij kundër Istras. Në një prononcim të shkurtër për “A2 News CNN”, ai tregon emocionet e përjetuara te goli dhe pas ndeshjes.

“Ishte një emocion shumë i veçantë, kishte kohë që nuk e përjetoja një ndjesi të tillë dhe jam shumë i lumtur. Dua të falënderoj trajneri, për besimin e dhënë dhe shokët e ekipit që po më ndihmojnë për ambientimin tim”, tregon Abazaj, i cili zbulon edhe mesazhet e veçanta.

“Mesazhe nga drejtuesit e Anderlehtit kam marrë dhe të gjitha ishin pozitive. Gjithashtu më uruan edhe ish-shokët e skuadrës. Nga dikush e prisja dhe nga dikush jo. Kjo është diçka pozitive, sepse tregon respekt dhe ndihem i vlerësuar”, përfundon Abazaj.

“Më pa me mosbesim kur e thirra të ngrihej në nxehje, sikur të mos e priste të merrte një shans. Gjithsesi ai nuk ishte konfuz, edhe pse nuk është e lehtë të luash kur ke vetëm tre seanca stërvitore me ekipin”, është shprehur mes të tjerash tekniku Zekiç.

Më tej ai shtoi: “Unë vetëm mund të uroj që ai të vazhdojë në këtë mënyrë dhe do të përmirësohet edhe më shumë me kalimin e kohës”. Abazaj ka kaluar në huazim nga Anderlehti tek Osijeku, që do të ketë mundësinë ta blejë në janarin e vitit 2020.

“Fillimisht isha shumë i lumtur, pasi është e rrallë që një lojtar nga Superliga shqiptare të transferohet në një klub të famshëm si Anderlehti. U ndjeva i kënaqur dhe e dija që duhet të luftoja shumë për një vend në ekip. Pata fatin e keq që isha i dëmtuar në fillim. Gjithsesi, jam i lumtur që pata mundësinë të isha në një mjedis të tillë, të njohur dhe të vlerësuar në Europë. Ishte një eksperiencë pozitive për mua dhe mësova shumë atje”.

“Tek Anderlehti kishte shumë konkurrencë për çdo pozicion në ekip, po ashtu edhe në sulm. Anderlehti gjithnjë ka qenë kështu, pasi është një ekip që synon titullin ose të paktën renditjen në pjesën e sipërme të tabelës. Gjithsesi konkurrenca të bën të punosh më fortë, që të sigurosh një shans për të treguar veten”.

“Të them të drejtën nuk dija shumë për Osijekun. Gjithsesi kur doli si opsion fillova të pyes për këtë klub që po shfaqte interes për mua. Fola me kolegun tim te Anderlehti, Ivan Santini, i cili më informoi për shumë gjëra. Fola dhe me Eros Grezdën. Ai më tha gjithçka rreth Osijekin. Këto ndikuan në vendimin tim për të pranuar këtë ofertë nga Kroacia”.

“Ndihem mirë. Me aq sa kam parë në stërvitje skuadra është shumë e mirë. Muzafer Ejupi më ka ndihmuar që të përshtatem sa më shpejt dhe të njoh lojtarët. Dua që të luaj sa më shpejt që të jetë mundur. Besoj se kjo do të jetë një lëvizje pozitive për mua dhe për klubin”, përfundoi Abazaj.

Gjithçka ishte e qartë dhe menaxheri i tij, Shkumbin Qormemeti u vu në lëvizje për ta sistemuar diku tjetër. Ishin dy pista në Belgjikë, Lokereni dhe St. Truiden, por Osijeku u pa si zgjidhja më e mirë. Edhe më parë kroatët kishin qenë në kontakt për ta blerë sulmuesin anësor, ndaj edhe bisedimet kanë qenë më të lehtë.

Drejtori sportiv, Alen Petroviç, tregon për tratativat në verë dhe pranon se ishte e pamundur të rivalizoje me Anderlehtin. |Ne e kemi ndjekur Kristalin për një kohë të gjatë dhe kemi dashur ta sjellim këtu verën e shkuar, kur edhe ishte e sigurt që do të largohej nga Shqipëria. Pastaj ishte Anderlehti që e kontaktoi dhe është e vështirë ta rivalizosh financiarisht dhe ta bësh një lojtar që të ndryshojë mendje. Më vjen mirë që tani kemi arritur ta bëjmë tonin në këtë mënyrë”.

Petroviç zbulon se për Abazajn ka folur fjalë të mira edhe Ivan Santini, sulmuesi i Kroacisë dhe Anderlehtit. Besimi është i madhe që tek Osijeku sulmuesi do të rikthehet në formën më të mirë dhe do të tregojë ato që shfaqi në Superiore me Luftëtarin.

“Besoj se ai do të na shfaqë ne ato lojëra që ka bërë kur ishte te Luftëtari. Në Shqipëri ai ishte lojtari më i mirë në ligë, çka i dha mundësi të shkojë në Belgjikë, ku kampionati është shumë i fortë. Fjalë të mira na ka thënë për të dhe cilësitë e tij edhe sulmuesi i kombëtares sonë Ivan Santini, vëllai i Kërshevan (portier aktual i Osijek). Ai ka luajtur dhe është stërvitur me të tek Anderlehti. Marrëveshja është për huazim dhe kemi edhe opsion për blerje përfundimtare. Është mundësia më e mirë për Abazajn për të shkëlqyer dhe për të dhënë më të mirën e vet”, përfundon drejtorit sportiv i Osijekut, Alen Petroviç.

Osijeku e ka marrë në huazim me të drejtë blerjeje. Abazaj tanimë duhet të tregojë vlerat e tij me ekipin e tij të ri. I gjithë qëllimi i këtij transferimi është që sulmuesi të ketë minutat e duhura, çka do i mundësonin edhe praninë në kombëtare.

Kristal Abazaj je novi igra? @nkosijek! ????? pic.twitter.com/G9vvqI2dAp

— NK Osijek (@nkosijek) February 12, 2019

Në Kroaci merkato mbyllet më 15 shkurt në mbrëmje. Në të shkuarën tek Osijeku ka shkëlqyer Eros Grezda, i shitur këtë verë te Rejnxhërsh për rreth 2 milionë euro. Kjo lëvizje është kryer nga menaxheri Shkumbin Qormemeti, i cili ka marrëdhënie të mira me drejtuesit e Osijekut.

Abazaj në verë kaloi tek Anderlehti për shumën e 750 mijë eurove, pasi u ble nga Skënderbeu. Korçarët e shitën atë pa luajtur asnjë minutë për ta. Bardhekuqtë e kishin blerë nga Luftëtari, por e lanë në huazim në pjesën e dytë të sezonit të shkuar. Nuk dihet se për çfarë shume do të kalojë Abazaj tek Osijeku, nëse kroatët binden dhe duan ta blejnë në verë.

U prit me interes të mësohej ndonjë e re mbi transferimin e Abazaj, por deri në orët e vona të mbrëmjes nuk erdhi njoftimi i shumëpritur. Sulmuesi do të mbetet pjesë e Anderlehtit dhe sikurse raportojnë mediat në Belgjikë, ai dhe disa lojtarë të tjerë të cilët nuk u sistemuan dot do të aktivizohen me ekipin e dytë.

Kjo ka të mirat dhe të këqijat e saj. Për shembull Abazaj do të jetë në klub dhe nëse bën progres, atëherë stafi teknik mund ta katapultojë në ekipin e parë. Ish-futbollisti i Luftëtarit sigurisht që do të punojë shumë për t’i bindur belgët se pse paguan për të plot 750 mijë.

Mbi të gjitha ai do tentojë të bindë veten se mund t’ia dalë të luajë edhe në një kampionat të fortë. Për momentin deri në verë do të mbrojë ngjyrat e Anderlehtit, më pas të ardhmes nuk i dihet.

Së fundmi për Abazajn ka interes Sint-Truidense VV, klub që renditet në vendin e shtatë në elitën e futbollit belg. Sikurse raporton Het Belang van Limburg, Abazaj kërkohet në huazim deri në fund të sezonit.

Largimi nga Anderlehti është zgjidhja e vetme për sulmuesin anësor të kombëtares shqiptare. Ai dëshiron të luajë dhe të thirret sërish nga Panuçi, ndërkohë që sot pritet të vendoset përfundimisht e ardhmja e tij. Anderlehti nuk e ka në plane për momentin dhe duhet ta ndajë mendjen se ku do ta huazojë. Sigurisht do t’i kërkohet mendim edhe vetë lojtarit.

Abazaj ka qenë titullar në takimin që Anderlehti ka zhvilluar Tubize dhe ka përfunduar me rezultatin 3-3.  Luka Axhic dje Mohamed Daud, që gjithashtu sikurse Abazaj nuk janë grumbulluar në fazë, nuk u aktivizuan.

Sulmuesit shqiptar i vjen në ndihmë përgatitja dhe ndeshjet në këtë periudhë, pasi për të ka një interesim nga Lokereni. Dëshira e tij është që të mbetet në elitën e futbollit belg dhe diçka të tillë ia ka kërkuar edhe Anderlehtit. Shumë shpejt do të mësohet e ardhmja e ish-lojtarit të Luftëtarit

Ajo që më së shumti do futbollisti i kombëtares janë minutat dhe ato ia mundëson Lokereni i vendit të fundit, që sipas Het Nieuwsblad po monitoron Abazajn dhe është gati të bëjë një ofertë për të.

Gjithçka është në fazat fillestare dhe mbetet për t’u mësuar se çfarë do të ndodhë. Formula e transferimit sigurisht që është huazimi, pasi Anderlehti nuk mund ta humbasë me parametro zero sulmuesin që shkëlqeu në Superiore te Luftëtari.

Gjithsesi Abazaj, nga ajo që raportojnë mediat në Belgjikë, ka kërkuar nga Anderlehti që ta mbajë në të njëjtin kampionat. Kjo do i shërbente atij për t’u rritur dhe për t;u përshtatur. Kjo do i jepte mundësinë drejtuesve ta shihnin zhvillimin e tij, ndërkohë që edhe dyert e kombëtares për Abazajn do të hapeshin sërish nëse do të luajë.

Në ditët në vijim mbetet për t’u mësuar se çfarë do të ndodhë me sulmuesin anësor, i cili spikati në Shqipëri me Luftëtarin dhe më pas u shit në Belgjikë për rreth 750 mijë euro. Abazaj dëshiron shumë që të tregojë vlerat e tij dhe këtë mund ta bëjë vetëm në një ekip ku do i besohet dhe do të ketë minuta. Huazimi është zgjidhja e vetme për momentin.

Anderlehti do ta zhvillojë fazën përgatitore në Spanjë dhe Abazaj nuk do të jetë atje me pjesën tjetër të ekipit, sikurse raportojnë mediat në Belgjikë. Kjo pak a shumë vulos të ardhmen e ish-lojtarit të Luftëtarit.

Trajneri i ri, Fred Ruten, duket se nuk e ka në plane Abazajn. Mbetet për t’u parë çfarë zgjidhje do të gjejë Anderlehti. Për sulmuesin e kombëtares janë shpenzuar plot 750 mijë euro. 

Prishja e kontratës nuk është idealja. Huazimi dhe me pas shitjes, të paktën për të kthyer diçka pas nga ajo që kanë shpenzuar, do ishte zgjidhja më e mirë. Abazaj sigurisht që ka vlera dhe i duhet dhënë mundësia. Tek Anderlehti zor se ka të ardhme për të dhe mbetet për t’u parë se ku do ta vijojë karrierën.

Ish-trajneri nuk e kishte me sy të mirë dhe Abazaj kishte nisur të mendonte transferimin në janar. Nga emërimi i teknikut të ri varen shumë gjëra, por mediat në Belgjikë raportojnë se janë plot 11 lojtarë të cilët Anderlehti po mendon t’i transferojë.

Lista është si më poshtë: Ivan Obradovic, Antonio Milic, Ognjen Vranjes, Dennis Appiah, Emmanuel Sowah, Luka Adzic, Kristal Abazaj, Mohammed Dauda, Knowledge Musona, Ryota Morioka dhe Hannes Delcroix.

Sikurse shihet, edhe Abazaj është në listën e largimeve. Të gjithë lojtarët e mësipërm kapin  vlerën e 15 milionë eurove. Për sulmuesin anësor të kombëtares, Anderlehti pagoi të Skënderbeu shumën e 750 mijë eurove. Sikurse kuptohet, e ardhmja e tij është ende e pacaktuar dhe Abazaj do të donte që në vazhdim të kishte më shumë hapësira, ndaj një huazim do e mirëpriste.

ANËT POZITIV – “Dihej që nuk ka qenë një situatë shumë e mirë nga ana futbollistike, pasi nuk jam aktivizuar për një kohë relativisht të gjatë. Nuk besoj se ka qenë vetëm për shkakun tim, për faktin se kam qenë disi edhe i pafat në disa raste, për shkak të dëmtimeve që më kanë lënë disi pas. Do ta quaja një eksperiencë të bukur sepse kam mësuar shumë gjëra që nuk i dija dhe them se kam bërë para”.

FAKTORËT – “Nuk mund të them se jam penduar. Përkundrazi, jam shumë i lumtur sepse kam mësuar shumë gjëra dhe është një hap shumë i madh kalimi nga Luftëtari te Anderlehti, është diçka që nuk i ndodh kujtdo dhe nuk jemi mësuar ta shohim në kampionatin shqiptar. Klima është e ndryshme, ambientimi për ne nuk ka qenë shumë i thjeshtë, por tani e kam lënë gjithçka pas krahëve, pasi kam afro 6 muaj aty dhe besoj se ka qenë një eksperiencë e bukur dhe ambientimi ka shkuar mirë. Tani duhet të shohim”.

LËVIZJA E MUNDSHME – “Me ardhjen e trajnerit të ri do të vijoj të punoj fort, që të jem në syrin e atij, të vijoj të punoj fort dhe të më aktivizojë. Duhet të jap më të mirën gjatë fazës përgatitore në janar dhe të shpresojmë më pas. Mund të mendoj edhe për një ekip tjetër, për t’u larguar në formë huazimi, pasi siç dihet unë kam kontratë edhe 3 vite të tjera me Anderlehtin. Duhet të flas me drejtuesit, por duhet që t’ia lëmë kohës”.

DEBATI ME TRAJNERIN – “Shpesh herë trajnerët kanë të drejtë, por unë nuk është se thash diçka apo bëra ndonjë gabim. Unë thjeshtë thash mendimin tim kur u pyeta nëse jam ndihmuar apo jo. Unë nuk jam ndihmuar kurrë nga asnjë njeri nga ana sportive. Çdo gjë e kam arritur vetë, pasi kam luftuar dhe kam këmbëngulur për çdo gjë. Normalisht se çdo futbollist ka temperament dhe mund ta kem ekzagjeruar pak me atë çka kam thënë. Besoj se ka qenë një periudhë e keqe për Kombëtaren, por ne jemi Shqipëria dhe kam besim se do luftojmë dhe do e lëmë pas krahëve këtë moment”.

SUPERIORJA – “Situatën te Luftëtari e shikoj akoma dhe më të vështirë, pasi është larguar Rroca, edhe Shkurtaj besoj se do të largohet. Them se do jetë e vështirë që të përsëritet ajo që ka kaluar vitet e shkuara. Më pëlqen loja që bën Teuta, pasi më ngjason me lojën që bënte Luftëtari sezonin e kaluar, pasi ka lojtarë të rinj, me dëshirë për sukses dhe janë të bashkuar. Partizani ka bërë mirë deri diku, por edhe Skënderbeu dhe Kukësi janë gjithnjë aty dhe ka kohë. Distancat janë të vogla. E shoh më të egër luftën për mbijetesë”.

SKUADRA E ZEMRËS – “Unë jam tifoz i Tiranës, si unë ashtu dhe e gjithë familja ime. Kur kam qenë i vogël e ndiqja në stadium Tiranën. A mund të jem pjesë e bardhebluve në të ardhmen? Pse jo, ka tifozë të mrekullueshëm edhe është një klub shumë i madh dhe më pëlqen vërtetë”.

Ditën e sotme gazeta belge “Nieuwsblad” ka bërë një analizë të situatës në klubin e Anderlehtit pas shkarkimit të trajnerit. Në artikullin e kësaj medie shkruhet se në ambientet e klubit po qarkullojnë disa thashetheme në lidhje me aktivizimin e sulmuesit shqiptar.

Sipas shkrimit të medies belge, lojtarët besojnë se Abazaj ishte grumbulluar për ndeshjen ndaj Cercles pas ndërhyrjes së pronarit dhe administratorit të klubit, Mark Kuke, i cili ka detyruar trajnerin tashmë të larguar të aktivizojë lojtarin e blerë nga kampionati shqiptar.

Nis me humbje aventura e tropojanit në kampionatin belg, pasi ekipi i tij u mund me rezultatin 2-1. Abazaj zbriti në fushë në minutën e 69-të, por pa mundur që ta ndihmojë skuadrën e tij që të evitojë humbjen.

Gëzon Taulant Seferi në Zvicër, me Vinterturin e tij, duke fituar në transfertë me rezultatin 3-1. Lojtari kuqezi luajti për 86 minuta, por vetëm 3 minuta para se të linte fushën e lojës është ndëshkuar me karton të verdhë. Ekipi i tij mban vendin e dytë dhe shpreson që ta ruajë këtë pozicion deri në fund.

Ish-sulmuesi i Luftëtarit do të jetë në stol dhe do të presë që të debutojë në kampionatin belg. Deri më tani Abazaj është aktivizuar me ekipin e dytë dhe ka arritur edhe të shënojë e asistojë. Tanimë do të donte të ishte vendimtar me ekipin e parë.

Anderlehti ka paguar jo pak për lojtarin e kombëtares sonë. Skënderbeu ka arkëtuar plot 750 mijë euro nga shitja e Abazajt, i cili ka spikatur në Superiore me fanellën e Luftëtarit. Korccarët e blenë atë nga gjirokastritët dhe e shitën në Belgjikë pa luajtur asnjë ndeshje me bardhekuqtë.

https://www.facebook.com/rsca.be/photos/a.128639008910/10156758476088911/?type=3&theater

Gjithsesi duhet gjetur një zgjidhje, jo vetëm për Abazajn. Janë disa lojtarët që tek Anderlehti nuk po gjejnë hapësira për arsye të ndryshme. Në analizat që bëhen në mediat belge, zgjidhja e vetme dhe më e mirë shihet huazimi.

Për Abazajn dhe të tjerët do të ishte mundësia më e mirë për t’u rritur si lojtar. Futbollisti i kombëtares sigurisht që kërkon që sa më parë të tregojë vlerat e tij dhe një huazim në një klub ku do të kishte më shumë hapësira do të ishte një zgjidhje e mirë.

Në fakt sulmuesi e kishte kërkuar pa nisur sezoni diçka të tillë. Ai e ka parë vështirësinë e futbollit belg dhe ia pat bërë të qartë trajnerit, që nëse nuk e shikon gati t’i japë mundësinë të shkojë në një tjetër ekip. Asokohe u mendua që Abazaj të qëndronte, por tashmë situata është krejt tjetër.

“Jam bërë pjesë e Anderlehtit në merkaton e verës dhe nuk kam arritur të debutoj akoma në fushën e lojës. Kjo ka krijuar shumë polemika në media dhe gjithandej. Mund të them se kam qenë i pafat, pasi në fillim të kampionatit u dëmtova. Situata do të ishte komplet ndryshe nëse unë nuk do të isha dëmtuar. Këtë gjë e kisha demonstruar gjatë fazës përgatitore, por futbolli kështu është, herë është me fat dhe herë është pa fat. Shpresoj të rikthehem sa më shpejt”.

Abazajt do të duhet të presë edhe dy javë të rikuperohet, sikurse edhe është shprehur për “Telesport”. Gjithashtu ai ka folur edhe për debatet e ditëve të fundit dhe për deklaratën e tij dhënë në “Panorama Sport”.

“Unë nëse kam dhënë një deklaratë, e kam bërë sepse kam qenë në nerva e sipër. Është dëshira e çdo futbollisti të luajë me ekipin kombëtar. Besoj se kombëtarja këtu është dhe do të jetë e hapur për çdo lojtar. Kush jep maksimumin në ekipin e vet, mund të vijë të japë maksimumin dhe në kombëtare. Kombëtarja është e shqiptarëve”, është shprehur sulmuesi i Anderlehti dhe kombëtares, Kristal Abazaj.

I transferuar nga Skënderbeu tek Anderlehti për shumën e 750 mijë eurove, sulmuesi ende nuk ka mundur të debutojë. Një dëmtim gjatë fazës përgatitore e ka penalizuar, ndërkohë që më pas nuk mundur të gjejë hapësira.

“Anderlehti kërkoi talente të rinj dhe të lirë, si investim për të ardhmen, por Axhiç e Abazaj nuk kanë gjetur vend as tek te rinjtë e klubit”, shkruhet për dyshen e afruar nga belgët.

LISTA ME TRANSFERIMET MË TË KËQIJA
Zinho Gano (KRC Genk)
Sofian Amrabat (Club Brugge)
Bubacar Sanneh (Anderlecht)
Luka Axhic dhe Kristal Abazaj (Anderlecht)
Orlando Sa (Standard)
Mohamed Buja Turay (STVV)
Ezekiel Imoh (KV Kortrijk)
Mamadou Sylla (Zulte Waregem)
Taivo Aioniyi (AA Gent)
David Pollet (Eupen)

Këtë verë ka pasur disa transferime, flasim për ato që janë shoqëruar me blerjen e kartonit. Kristal Abazaj është ai për të cilin është paguar më së shumti, ndërkohë që Skënderbeu është klubi që ka përfituar më shumë.

Veç Abazajt, ata kanë shitur edhe nigerianin Xhejms Adeniji. Listës së lojtarëve të transferuar u bashkohen edhe Sindrit Guri e Myrto Uzuni. Në total në arkat e klubeve shqiptare kanë shkuar 2 milionë e 60 mijë euro.

Një shifër e konsiderueshme, që vit pas viti do të vijë duke u rritur nëse vazhdohet të punohet me të rinjtë. Me siguri edhe verën e ardhshme do të ketë të tjerë lojtarë që do të shiten. Sfida tjetër e klubeve tona është t’i zëvendësojnë ata.

[Best_Wordpress_Gallery id=”141″ gal_title=”4 transferimet e superiores”]

Së fundmi ai ka luajtur ditën e djeshme me ekipin e dytë, që ka mundur Gentin me rezultatin e ngushtë 2-1. Abazaj, së bashku me disa lojtarë të tjerë të ekipit të parë, janë aktivizuar, në mënyrë që të kenë ritmin e duhur.

Veç kësaj, Anderlehti ka përzgjedhur sulmuesin anësor për të qenë i pranishëm në “Fan Shop” për të dhënë autografe dhe për të bërë fotografi me fansat. Abazaj nga pra 13:00 deri në orën 14:00 do të jetë së bashku me Sebastian Bornauv dhe Noulixh Musona.

Ramadani, si zakonisht e nisi nga minuta  e parë dhe e mbylli takimin në fushën e blertë. Titullar ishte edhe Arbnor Muçolli, i cili është pjesë e Shqipërisë U21. Mesfushori qendror luajti vetëm 56 minuta. Ndryshe nga dy lojtarët e mësipërm, Kristal Abazaj tek Anderlehti akoma nuk ka debutuar në një ndeshje zyrtare.

Sulmuesi anësor nuk ishte përfshirë në 18-she nga ekipi belg për transfertën me klub Bryzh. Anderlehti u mposht me rezultatin 2-1. Humbje edhe për Arbër Zenelin. Herenveni i tij u mposht me rezultatin 3-5 nga Fejnordi, ndërkohë që sulmuesi anësor luajti deri në minutën e 72-të.

Për këtë ai ka pasur një bisedë me trajnerin Hein Vanhezebrouk. “Sportekspres.com” mëson se Abazaj ka kërkuar nga trajneri garanci për minuta, ose ta huazojnë në ndonjë ekip tjetër ku mund të luajë me shumë.

Momentalisht i është thënë se do të ketë minutat e tij në vazhdim, ndaj deri në janar nuk ka asnjë shans që të huazohet në ndonjë ekip tjetër. Kështu që Abazajt i duhet të punojë fort dhe të kapë momentin e tij.

VLADIMIR PRENGA

Kështu ai e ka humbur derbin me Sindrit Gurin, sulmuesin shkodran që është përzgjedhur sërish të jetë titullar. E pritshme diçka të tillë, pasi Ostende e bleu lojtarin e kombëtares te Kukësi për ta pasur sulmuesin kryesor. Një javë më parë ai arrit të jepte asist, ndërsa këtë herë do mundohet të gjejë rrugën e rrjetës.