Megjithatë, pas më shumë se shtatë vitesh në akademinë bardheblu, i riu ka vendosur të vazhdojë ta vijojë karrierën e tij jashtë kufijve të Shqipërisë.

Së fundmi mëngjarashi ka kaluar me sukses provën te klubi i superligës daneze Esbjerg. Edhe pse në moshë shumë të re, Stafa ka qenë shpesh pjesë e seance stërvitore të ekipit të parë të bardhebluve, por pa mundur të debutojë në një ndeshje zyrtare.

17-vjeçari ka qenë një ndër lojtarët më të spikatur të kampionatit U17 në dy vitet fundit, si dhe pjesë e rregullt e grumbullimeve të kombëtares së kësaj grupmoshe.

Momentalisht 33-vjeçari ndodhet në Austriali, ku aktivizohet prej një muaji e gjysmë me Adelaide Olimpik. Fillimisht përflitej se Vangjeli do të rikthehej te Skënderbeu për sezonin e ri, por vendimi i “CAS”  për të mbajtur në fuqi e pezullimin e dhënë nga UEFA prishi planet e të dyja palëve.

Afrimi i Vangjelit te skuadra bardheblu krijon një “problem luksi” për trajnerin Mema, i cili do i duhet të zgjedhë midis ish-futbollistit të kombëtares, të riut Albi Doka dhe një lojtari me eksperiencë në Kategorinë Superiore si Dorian Kërçiku.

Në “Story”, Ngo postoi një foto të tij me fanellën e Tiranës dhe me mbishkrimin: “Bëjnë të fortin me personat që kanë karakter, ndërsa kur*at i ushqejnë me ëmbëlsira të dielave. Falënderoj të gjithë tifozët e vërtetë të Tiranës, që më kanë shkruar. Forca Tirana!”

Sezonin e shkuar, Ngo ishte një nga lojtarët më të rëndësishëm te Tirana, duke i ndihmuar kryeqytetasit të shmangnin rënien nga Kategoria. Shtatlarti dhe klubi bardheblu nuk janë ndarë në mënyrën më të mirë të mundshme dhe kjo gjë, po kuptohet qartë nga dita në ditë.

Në takimin miqësore të zhvilluar ditën e djeshme ndaj Renovës, trajneri Ardian Mema hodhi në fushë nga minuta e parë Dionis Çikanin dhe Gerhard Hasën, të dy lojtarët ndodhen në provë dhe do të përpiqen të bindin stafin për të qenë pjesë e skuadrës në sezonin e ardhshëm.

Çikani 20 vjeç dhe Hasa 22 vjeç aktivizohen të dy si sulmues anësorë. Mëngjarashi Çikani është aktivizuar gjatë sezonit të kaluar në ekipin rezervë të Tiranës, ndërsa ka pasur dhe një eksperiencë në kategorinë e katërt spanjolle me skuadrën e Torre Levantes. Hasa ka qenë më parë pjesë e Partizanit B, Dinamos dhe Tiranës B në sezonin 2016/2017.

Osmani ishte një ndër lojtarët kyç në ekipin durrsak gjatë këtij sezoni, ku dhe iu besua shiriti i kapitenit. E ardhmja e 34-vjeçarit pritet të jetë në kryeqytet, ku përflitet se ka gjetur akordin me skuadrën e Tiranës.

NJOFTIMI I KLUBIT DURRSAK

Tefik Osmani largohet nga Teuta. Klubi njofton se nga sot mbrojtësi ka përfunduar aventurën e tij me ekipin e Teutes. KF Teuta falënderon Osmanin për kontributin e dhënë me fanellën e Teutës në rrugën drejt Europes dhe i urojmë futbollistin të ketë shëndet dhe shumë suksese në vazhdim të karrierës së tij.

Ky i fundit nuk i është bashkuar akoma skuadrës në fazën përgatitore në Ohër të Maqedonisë, por nëpërmjet postimeve në rrjetet social ka dhënë një mesazh mbështetës për futbollistin shkodran me të cilin ndan një raport shumë miqësor.

“Edhe të verbrit e panë rëndësinë tënde sezonin e kaluar! Qëndro i qetë. Të vërtetët i njohin të vërtetit! Zoti është me ty”, shkroi anglezi në mbishkrimin e një postimi ku ai shfaqej në foto me Hasanin.

Në këto kushte bashkëpunimi mes trajnerit Ardian Mema dhe Hasanit zor të vijojë në kushte normale. Numrit një të klubit bardheblu i leverdis të qetësojë situatën dhe të kërkojë reflektim. Gjithsesi nga ana tjetër edhe trajneri Mema kërkon disiplinë dhe ka vënë veton: “Ose unë, ose Hasani”.

Mesfushori nga ana tjetër ka disa oferta, por kontrata e mban të lidhur me Tiranën. Presidenti Halili sot pritet të marrë një vendim në lidhje me gjithçka ka ndodhur. Gjasat janë që shkodrani ta mbyllë me 24 herë kampionët e vendit, mbetet vetëm për t’u parë se si do të zgjidhet çështja e kontratës.

Ndërkohë edhe Ngo është kthyer në telenovelë. Sulmuesi anglez pritej në fillim të javës të rikthehej në Shqipëri. Gjithsesi ai është ende në Angli. Vetë Ngo e ka shprehur dëshirën për të vazhduar karrierën me bardheblutë, kurse te Tirana heshtin. Në këto kushte, dyshja që vjet kontribuoi shumë në shmangien e rënies nga Superiorja janë larg bardhebluve.

“Zgjodha Tiranën, pasi Tirana është një klub i madh. Ata kanë shumë histori këtu në Shqipëri dhe në krahasim me klubet e tjera ata m’u dukën si pala më serioze që u interesua për mua. U konsultova dhe me agjentin tim Davidin dhe së bashku vendosëm se ky ishte opsioni më i mirë”, tregon Dunga në një bisedë për SportEkspres.com.

Sulmuesi nuk ka dëshirë ta kthejë kokën prapa, të paktën për momentin: “Për Luftëtarin s’dua të flas tani. Më vonë do flas”. Dunga ka arritur t’i shënojë tre gola Partizanit, skuadër që i është kthyer në makth Tiranës. Bardheblutë kanë pesë vite që nuk ia dalin të fitojnë dot në derbi.

Dëshira e sulmuesit është që t’u shënojë sërish të kuqve, këtë herë me Tiranën. Kjo është detyra e tij, të shënojë gola. “Partizani është një skuadër e madhe dhe është gjithmonë bukur kur shënon kundër skuadrave të mëdha. Kjo është ajo që bëj unë. Një sulmues duhet të shënojë në çdo ndeshje. Kam për detyrë të jap më të mirën e të ndihmoj skuadrën të kapë objektivat”, u shpreh keniani.

Dunga ka shumë besim se do të bëjë një sezon të mirë me bardheblutë, teksa në fund deklaron: “Vij me besim te Tirana dhe në çdo ekip tjetër ku kam shkuar. Kam shumë besim te vetja, prandaj them se do bëj mirë”.

Lika është një nga lojtarët më me eksperiencë në “Selman Stermasi”. Kryeqytetasi ka kaluar një pjesë të madhe të karrierës me këtë klub dhe duket se do të jetë po ai “streha” e fundit para se të mbyllë karrierën. Viti i ardhshëm do të jetë i shtati me 24-herë kampionët e vendit.

Sezonin e shkuar, pjesën më të madhe të kohës e kaloi në stol. Megjithatë, pasiguria e Abibit bëri që ai të rikthehej titullar. Ilioni rezultoi një pikë kyç në luftën për të mbajtur Tiranën në elitën e futbollit shqiptar. Edhe sezonin e ri, me shumë mundësi do e nisë në formacionin e parë të Memës.

Lajmin e bëri të ditur vetë klubi kryeqytetas nëpërmjet rrjeteve sociale. Qirko ka nënshkruar një kontratë afatgjatë. Ai do të jetë i veshur me ngjyrat bardheblu për tre vitet e ardhshme. Edhe këtë sezon porta pritet t’i besohet Ilion Likës, që tregoi një formë spektakolare në fund të sezonit të kaluar.

Megjithatë, Mema ka treguar se edhe porta nuk është një pozicion “fiks” dhe mund të ketë rotacione. Qirko nëse i plotëson pritshmëritë, pritet të marrë frenat e katërkëndëshit të Tiranës, duke parë moshën e Likës. Ai është një fryt i akademisë së Flamurtarit, ekip ku është promovuar edhe si profesionist.

Oferta zyrtare sot duket se ia ka “trullosur” mendjen qendërmbrojtësit shtatlartë, i cili ka folur për SportEkspres.com dhe ka saruar se si është situata në lidhje me të ardhmen e tij.  Shehi duket i dyzuar, pasi edhe pista “Tirana” mbetet e hapur për të.

“Sapo kam biseduar me drejtues të Vllaznisë, të cilët më bënë ofertë të jem pjesë e tyre për sezonin e ri. E mendoj një ofertë serioze dhe nuk e kam refuzuar, por as nuk e kam pranuar ende. Sepse duke qenë në kontakte me Tiranën, më mbetet që me këtë skuadër të madhe ta mbyll pozitivisht. Gjithsesi, asgjë nuk është mbyllur dhe do jem në kontakt me shkodranët”, deklaroi Dajan Shehi.

AGRON KAJA

Kryqytetasit janë dy pikë më lart se krutanët, por një disfatë në ndeshjen e sotme do e komplikonte në maksimum situatën e tyre. Arbitrimi, si gjithnjë në vendin tonë është një çështje më vete dhe pak momente më parë është raportuar se drejtësia në këtë takim do të vendoset nga gjyqtarë të huaj.

“Proçesi Sportiv” raporton se kjo ndeshje  do të gjykohet nga arbitra që vijnë nga Maqedonia e Veriut. Të dyja ekipet presin gjykim të drejtë dhe nga frika e ndërhyrjeve është gjetur kjo zgjidhje nga ana e Federatës Shqiptare të Futbollit.

“Gjatë lojës, kam qenë shumë i pakënaqur me atë që lojtarët dhanë në fushë. Do të bëjmë një analizë të thellë, pasi na presin dy ndeshje shumë të vështira përballë Skënderbeut dhe Kastriotit. Nëse nuk do të lëviz që të bëj siç duhet me lojtarët e mi, problemet do të jenë evidente, siç ishin dhe sot”.

GOLAT E PËSUAR – “Lojtarë gjysmë amatorë! Unë nuk e di, nuk e mendoj se kemi falur ndeshjen, por falje kemi bërë pafund. Na kanë quajtur ekip i brishtë, por nuk është e vërtetë kjo gjë. Neve i krijojmë problemet te vetja jonë. Kam qenë shumë i nervozuar pas ndeshjes. Nuk mund të fal gabime të tilla dhe mezi po pres të vijë dita e nesërme që të analizojmë të gjitha gabimet”.

PRESIONI – “Mendoj që nuk po i bej presion futbollistëve, por jam i drejtë. Të vjen keq nga e vërteta, por lojtarët nuk duhet të bëjnë më gabime siç kanë bërë. Pjesë e imja është analiza me video. Shpeshherë i lejoj të flasin vetë, pasi unë nuk merrem me gabime që ndoshta dhe fëmijët nuk mund të bëjnë ato gabime. Unë më mirë jam i ashpër, sesa të gënjej. Me futbollistët duhet një komunikim shumë i mirë dhe sa më realist. Në moment që tolerohet, do na kthehen hallet mbrapsht”.

SHERRI TE PENALLTIA – “Një nga gjërat që cakton një trajner para ndeshjes, është kush do të godasë penalltinë. Në momentin që e vënë të gjithë dorën te topi, unë nuk mendoj gjë tjetër veç amatorizmit. Kjo është ajo që më ka acaruar më shumë. Futbollistët që shkojnë e marrin topin për të gjuajtur, janë fëmijë dhe amatora. Ndoshta në të ardhmen, do t’i lej të caktojnë vetë, pasi mesa duket qenkam i tepërt”.

GABIMET – “Kur vjen mesfushori para mbrojtjes thjesht për të tërhequr kundërshtarin, portieri duhet ta dijë mirë se ku duhet të pasojë, majtas ose djathtas. Por të falësh topa, si portieri, ashtu dhe Maveje, është e pafalshme! Sepse aty mund të kishte mbaruar loja 1-1 dhe nëse nuk do të ishim me fat, do të eliminoheshim”.

DERBI – “Jo jo, nuk i kemi harxhuar golat sot. Në derbi do e përgatisim ndeshjen ndryshe dhe shpresoj me një rezultat pozitiv”, tha Mema.

KAMPIONATI –  “Emocionet tani janë të mëdha. Vetë personalisht kam qenë vetë shumë të qetësuar. Duhet të qëndrojmë të qetë dhe të punojmë. S’kemi më kohë për të gabuar. Duhet të punojmë shumë me skuadrën në të ardhmen. S’duhet që ekip të vuajë deri në momentet të fundit. Duhet që skuadra të rikthehet aty ku i takon”.

DERBI – “Mendjen e kemi te ndeshja e radhës në Kupë. Përsa i përket derbit, nuk është nevoja që t’u themi futbollistëve për rëndësinë e kësaj ndeshjeje. Në derbi futbollistët janë 10-fish të impenjuar. Mendoj se skuadra do të ketë një mobilizim akoma dhe më të madh për vetë fakt të pozitës jo të mirë që kemi në klasifikim”.

BAKAJ – “ (Ishte në lidhje direkte në emision) Elisit i uroj të jetë mirë. Gëzohem që e dëgjoj. Nuk kemi kontakte të shpeshta, por kemi mall. Kam kaluar mirë me Elisin. Negociatat për kontratë me të nuk kanë zgjatur më shumë se 10 minuta, si rrallëherë me futbollistët”.

BORXHET – “Avash avash po shkojmë drejt pastrimit të klubit përsa i përket situatës së borxheve. Tani mund të them në aspektin e borxheve sportive. Nuk më thuajse asnjë detyrim ndaj lojtarëve. Mendoj se deri në 31 dhjetor të këtij viti, klubi do të jetë krejtësisht i pastruar nga borxhet. Të gjitha gjërat janë të dokumentuara”.

BILANCET  DHE EUROPA – “Kemi ndërtuar gjithmonë një skuadër me emra të mirë lojtarësh, por fakti është që kemi pësuar rezultate të dobëta. Kjo paraqitje ka sjellë humbje të mëdha financiare, thuajse 800 mijë euro në vit që nga viti 2014. Shpresojmë që këtë vit të marrim pjesë Kupat e Europës. Për këtë kemi bërë një marrëveshje, ku kemi shlyer një pjesë të madhe të detyrimeve tatimore. Kemi një strukturë të mirëorganizuar dhe akademi me lojtarë të dalluar që janë pjesë e kombëtares së moshave”.

MARRËDHËNIA ME BASHKINË – “Marrëdhënia ka qenë e mirë. Kam folur shpesh me punonjës të bashkisë, kanë qenë afër klubit. E kanë parë se në futboll nuk ka fitime dhe kanë menduar që të nxjerrin në shitje pjesën e tyre të aksioneve. Kanë bërë një vlerësim, ditën e hënë do të marr më shumë të dhëna. Më duhet të presim vendimin e Këshillit Bashkiak. Aksionet kur të dalin në shitje, do të kenë me vete dhe pjesën e borxhit. Borxhi është rreth 900 milionë lekë të vjetra. Ai që do të blejë aksionet do të blejë edhe pjesën e borxhit. Në momentin e daljes në shitje do të shikoj çfarë kërkesash do të ketë. Mua nuk më kanë kontaktuar njeri për të marrë mendim si zotërues i 66% të aksioneve. Kushdo që të jetë unë garantoj që do të ketë një raport të shkëlqyer me mua. Do jem bashkëpunues i sinqertë”.

KONTAKTE NGA BIZNESMENË TË TJERË – “Kam pasur kontakte me biznesmenë që janë shumë të njohur në Shqipëri. I kam shpjeguar bilancet, të ardhurat dhe borxhin e klubit. Më kanë kontaktuar dy kompani të fuqishme, por ndoshta janë konsultuar dhe me bashkinë”.

ASETET – “Lodhja dhe mundi ka qenë shumë i madh.  Blerësit janë paksa të trembur për shkak se situata e borxheve është fryrë nga media të ndryshme. Unë jam i bindur se ne mund të gjenerojmë të ardhura të shumta nëse Tiranës do t’i jepen asetet si fusha e aneksit, parkingu përballë stadiumit”.

TENSIONI NË NDESHJEN E SKËNDERBEUT – “Në Shqipëri kur shënohet gol ndodh që të thuhet ndonjë llaf. Me Skënderbeut ndodhi kjo gjë dhe më pas pati një debat. Për një gjë kaq të vogël u bë sikur ndodhi diçka tragjike”.

DËNIMET ME DYER TË MBYLLURA – “Përsa i përket dënimeve kemi qenë klubi më i persekutuar ndër vite. Ndër vite dënimet e tifozëve na kanë kushtuar rreth 240 milionë lek të vjetra. Janë përdorur dy standarde, klube të tjera janë dënuar me vetëm një ndeshje. Kam folur me presidentin Armando Duka, por ai më ka thënë se vendimet merren nga komisione te pavarura. Këto komisione përdorin dy standarde, duhet që duke filluar nga tani në këto komisione të vendosen njerëz që e njohin ligjin”.

Në Vlorë Flamurtari është ai i zakonshmi, kurse te Partizani ka shumë lëvizje. Mungon Jurgen Bardhi, ndërkohë që luan titullar Jaiteh, i afruar në merkaton e janarit. Kalari luan sërish në qendër të mbrojtjes dhe e ka pësuar Lum Rexhepi, i cili e nis nga stoli edhe pse mungon Belica për shkak të vdekjes së babait.

Kategoria Superiore – Java 32
E shtunë, më 4 maj 2019, ora 15:00

TIRANA-SKËNDERBEU
Tirana: Abibi, Daja, Turtulli, Goxha, Hoxhallari, Mauexhe, Kobina, Hasani, Oduamadi, Halili, Sentamu. Trajner: Ardian Mema
Skënderbeu: Dajsinani, Vangjeli, Kaba Sambou, Pëllumbi, Abazi, Taipi, Sibo, Muzaka, Bregu, Oto Xhon, Krasniqi. Trajner: Orges Shehi

FLAMURTARI-PARTIZANI
Flamurtari: Koliçi, Deliaj, Pollozhani, Veliu, Kotobelli, Batha, Musta, Rrapaj, Ribaj, Kale, Sukaj. Trajner: Ilir Daja.
Partizani: Hoxha, Ibrahimi, Atanda, Kalari, Trashi, Hila, Jaiteh, Duka, Mala, Asani, Mensah. Trajner: Dritan Mehmeti

Në kampin bardheblu i gëzohen rikthimit të Eni Imamit, i cili është stërvitur ditën e sotme me pjesën tjetër të grupit, ndërsa Dorian Kërçiku vazhdon rikuperimin nga dëmtimi në gju duke u stërvitur i diferencuar.

Ajo çka shqetëson trajnerin më së shumti trajnerin Mema është gjendja e mesfushorit Karabeci, i cili pësoi një dëmtim në gju në takimin e fundjavës ndaj Luftëtarit. Gjasat që kapiteni i Tiranës të jetë gati për ndeshjen e së shtunës janë të pakta.

KONKURRENCA ME TEQEN  – “Të them të drejtën konkurrenca të bën mirë, pasi të përmirëson. Raporti im është shumë i mirë. Njësoj siç ishte përpara kur isha në stol dhe ai në formacion”

PËRBALLJA ME TIRANËN – “Shpresojmë që dalim me tri pikët në atë takim. Besim kemi, pasi dhe Tirana nuk po kalon një moment të mirë”.

Ngjarja ka ndodhur në afërsi të rrethrrotullimit Shqiponja. Në një njoftim të nxjerrë së fundmi nga Drejtoria Vendore të Policisë së Tiranës është bërë e ditur se të dy presidentët e të dy klubeve janë proceduar penalisht në gjendje të lirë për veprën penale “Dëmtime të tjera me dashje” .

NJOFTIMI I POLICISË

Tiranë

Shërbimet e Policisë të Komisariatit Nr.6, proceduan penalisht në gjëndje të lirë shtetasit R. H., dhe P. L.

Procedimi ndaj këtyre shtetasve filloi pasi, në zonën e ish-doganës së vjetër, pranë sheshit “Shqiponja” janë konfliktuar fizikisht me njëri-tjetrin.

Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasve të lartpërmendur për veprën penale “Dëmtime të tjera me dashje”, parashikuar nga neni 90 i Kodit Penal.

NDESHJA – “Fakti është që kemi fituar 3-0. Duhet të menaxhojmë rezultatin, të ruajmë ekuilibrat e të jemi të kujdesshëm dhe ta mbarojmë ndeshjen në favorin tonë”.

SHERRI – “E para unë uroj që mos të ketë më kështu lloj ngjarjesh. Përsa i përket përkeqësimit të situatës, kjo është diçka që duhet të shuhet. Ne jemi për fushën lojës, nuk jemi as për grushte apo kërcënime dhe gjëra të kësaj natyre. Shpresojmë që atje të luajmë futboll si duhet e te mos kemi presion. Besoj se do të ndodh kështu. Ekipi është i qetë. Në Laç do të shkojmë për të fituar”.

TENDENCË ANTI-TIRANA ? – “Me sa kam marrë vesh në aspektin e gjobave jemi klubi më i penalizuar. Nuk mund ta mendoj këtë. Të sulmosh Tiranën është sikur të sulmosh djepin e futbollit shqiptar, janë disa skuadra si Tirana, Vllaznia, Dinamo e Partizani që kanë vënë fillesat e futbollit shqiptar. E kam dëgjuar shpeshherë këtë. Mendoj se kushdo që ka ndërmend ta sulmojë Tiranën do të ketë pasojë nga mbrapa. E përsëris nuk besoj se do të ndodhë, por kushdo që e ka ndërmend do të bëjë një gabim fatal”.

DËNIMI PËR TIFOZËT – “Ne kemi luajtur goxha pa tifozë, edhe kjo nuk na ka bërë mirë të them të drejtën. Tifozeria e Tiranës është pjesë përbërëse dhe një ndihmë që na garanton sukses. Tani do t’i bëjmë llogaritë pa tifozët, por të shohim si do të shkojnë gjërat”.

DËMTIMET – “Ndikojnë disi pasi ekipi ka marrë atë fizionominë e vet, por i kemi marrë masat me futbollistët e tjerë. Kemi rreth 25 futbollistë, të cilët janë të gatshëm për Tiranën”.

PENALIZIME NGA ARBITRAT ? –“Në memorien time është një ndeshje që kemi pasur me Teutën në Shijak dhe ndeshja ndaj Kastriotit në Fushë-Krujë. Të them të drejtën nuk na kanë bërë gjë arbitrat dhe në ndeshjen e fundit ndaj Laçit më shumë u mora me ekipin, pasi shtesa nuk ishte justifikim. Ishim superiorë në çdo aspekt, nuk kishim pse ta vendosnim në diskutim atë ndeshje. Përsa i përket shtesës, shpeshherë bisedoj me shokët e mi dhe them: ‘A do ta bënte këtë gjë në Laç? Kurrë!’ Gjithsesi unë merrem me ekipin jo me arbitrin, pasi kjo është puna ime”.

“Ky ka qenë rasti i vetëm që klubi ka reaguar për një vendim të arbitrit. Arbitrat kanë punën e tyre dhe në vitet e fundit kanë ndikuar shumë. Ata mund të ndikojnë te karriera e një trajneri dhe investimi i një presidenti. Gjithsesi unë konstatoj vetëm këto dy ndeshje, ndërsa pjesa tjetër ka qenë krejt normale”.

REAGIMI I NGO –  “Ngo ka atë karakter që ka. Kur shkon nga një shtet tjetër mëson fillimisht fjalët e këqija, siç duket atij ia kanë vrarë veshin shumë ato fjalë dhe ka reaguar, por nuk është diçka e mirë pasi është futboll. Megjithatë nuk mund t’i flitet me ato fjalë. Unë di që edhe ai gjyqtari në Fushë-Krujë e ka ironizuar me fjalë, duke i përmendur dhe ngjyrën e lëkurës. Nuk mund të cenosh dinjitetin e ndokujt”.

FORMA E EKIPIT – “Ne kemi bërë një fazë të tretë të shkëlqyer. Ekipi ka luajtur ndeshje shumë të mira dhe ka marrë rezultate, kjo më jep garanci për të ardhmen. Gjithsesi, patëm një frenim me dashje në Fushë-Krujë dhe kjo më ka bezdisur, pasi ekipi ndodhej në goxha ritëm”.

“Me presidentin Laska njihemi prej vitesh nuk ka përse të ndodhin këto gjëra, sidomos në Tiranë ku ka qetësi. Duhet të jemi kujdesshëm. Është e thjeshtë nuk duhet të merremi fare me kundërshtarin. Njerëzit duhet të tregohen më të përgjegjshëm për gjërat që bëjnë, duke filluar nga sharjet që ndodhin më shpesh në stadiumet e qyteteve të vogla dhe nga hedhja e shisheve, që ne na bëri dëm, na la katër javë pa tifozë. Duhet të merremi me futboll jo me akte rrugaçërie”, përfundoi Mema.

“Flitet që stadiumi jonë nuk i përmbush kriteret. Stadiumi jonë ka një rrethim 3 metra, ndërsa fushën po e rregullojmë duke ndërhyrë në pjesët ku bari ka probleme, për këtë na vjen në ndihmë dhe pauza e kombëtares. Terreni po na penalizoi dhe ne, por këto janë kushtet. Kastriotin po e paragjykojnë, për ne po flitet një vorbull thashethemesh e trillimesh. Gjithmonë na paragjykojnë. Kemi një ekip simpatik dhe me moshë të re, kemi fituar në Gjirokastër dhe kemi marrë pikë ndaj Flamurtarit”.

TENSIONI – “Pamjet flasin vetë. Ardian Mema u nxor nga arbitri dhe më pas u fut në fushë dhe kjo është e palejueshme. Futbollistët e Tiranës në vend që futen në dhomat zhveshjes përleshen me policët të cilët më pas nuk reagojnë. Në video shihet dhe Albi Doka që gjuan policin bashkiak nga dritarja e dhomës së zhveshjes”.

ARBITRIMI – “Në të gjitha studiot është pranuar se penalltia është e saktë, por po flitet për faull te portieri që për mua nuk ekziston.”.

“Nga ana e ekipit tonë nuk patën incidente. Organizimi ka qenë perfekt nga ana jonë e kemi pritur Tiranën si zotërinj e kanë ikur si zotërinj”.

“Është thënë dhe stërthënë që është goditur lojtari Halili. Krejtësisht e pavërtetë. Tirana si rival i joni duhet të dilte më një deklaratë në këtë rast”,

MBIJETESA – “Ne e shohim çdo ndeshje si finale. Kemi shpresa për mbijetesë. Trajneri, ekipi dhe drejtuesit kanë qenë mjaft korrekt. Kemi diferencë katër pikë diferencë nga Luftëtari dhe pesë pikë diferencë nga Tirana”, tha Vogli.

Në pamjet video të “Dosja.al”, dallohet kaosi i krijuar në terrenin pranë dhomës së zhveshjes së Tiranës. Situata në pamje të parë është krejtësisht kaotike. Një pjesë e lojtarëve të Tiranës janë brenda dhomës së zhveshjes, ndërsa pjesa tjetër jashtë së bashku me stafin e trajnerëve dhe drejtuesit e klubit.

Episodet –

Sekonda 60-të –  Debat i ashpër me fjalë midis futbollistit Grent Halili dhe një personi të veshur me kapelë, që mban të veshur një bluzë me mbishkrimin “KS Kastrioti”. Personi në fjalë u kërkon me ton të lartë futbollistëve të futen në dhomat e zhveshjes.

Sekonda e 83-të – Këtu është pjesa më e tensionuar e videos. Fakti që të bën më shumë çudi është se në duket sikur ka konflikt midis policisë. Disa policë përmbajnë kolegët e tyre duke i larguar nga vendi ku janë grumbulluar lojtarët e Tiranës. Disa futbollistë të bardhebluve shfaqin irritim të madh, si kapiteni Karabeci, i cili shikohet teksa bën debat verbal me një person jashtë rrezes së kamerës”.

Sekonda e 95-të – “Një ndër policët debaton nga dritarja pas hekurave me lojtarët e Tiranës që janë brenda dhomës së zhveshjes”.

“Së pari, dua të sqaroj ngjarjen në fund të ndeshjes. Shkova te gjyqtari për ta pyetur pse më largoi nga stoli gjatë ndeshjes. Në atë moment ndërhyri një polic i veshur me të bardha, duke më goditur së bashku me dy policë të tjerë. Unë shkova thjesht të pyesja atë arbitër skandaloz pse më nxori me karton të kuq, kaq, nuk kisha asnjë qëllim tjetër dhe nuk e kuptoj reagimin e policisë. Mora të shtyra e goditje, nuk pata mundësi as të flas me arbitrin më pas. Duket qartë nga pamjet që unë nuk shkoj për konfrontim tek arbitri, doja një komunikim normal me një arbitër që në fakt kishte tendencë për të na dëmtuar gjatë ndeshjes. Nuk shkova t’i jepja dorën, sepse ai njeri është skandaloz, nuk meriton asgjë, por nuk kisha ndonjë plan për konfrontim.

“Pasojat? Ky është problemi, nëse të vidhet ndeshja do ketë pasojë. Nëse do vazhdojmë kështu, me arbitra të tillë, të prishet gjithçka, sezoni, investimi, karriera. Duhet parë mirë kjo pjesa e arbitrimit, sepse përndryshe nuk do ketë mbarëvajtje në futbollin shqiptar. Ishalla nuk ndodh gjë, sepse mund të ndodhin gjëra edhe më të rënda se ajo në Fushë-Krujë”.

FUSHA – “Fusha nuk ishte në cilësinë e duhur, aty nuk mund të luhej më futboll, ndërsa arbitrimi ishte skandaloz. Dy lojtarë tanët morën dy kartonë të verdhë dhe s’do të jenë në ndeshjen kundër Laçit. Ky arbitër m’u duk i kalkuluar mirë.. Nuk di sa ta kuptoj këtë arbitër, duke marrë parasysh rastet nuk di çfarë të them”.

ZËVENDËSIMI I NGO – “Ai është provokuar 4-5 herë nga lojtarët e Kastriotit, ndoshta ka qenë edhe strategji e tyre. Ngo është lojtar gjaknxehtë, kalon shpejt në konfrontim. Unë doja që të mos kishte acarime, doja që lojtarët të qëndronin të qetë, por e pashë të arsyeshme ta ndërroja, sepse Ngo më duhej për të ardhmen dhe vura re që arbitri ishte tendencioz ndaj tij”.

NDESHJA – “Nuk mendoj se e kisha përgatitur ndeshjen për të pritur Tiranën. Nuk është problemi te taktikat, por kemi kohë që nuk luajmë futboll. Deri më sot nuk kemi pësuar humbje të tilla, pasi kemi bërë diçka, kemi luftuar për topin e parë. Sot nuk bëmë asgjë. Dua të uroj Tiranën dhe shpresoj që ta fitoje Kupën. Nuk duhet të gënjejmë veten, pasi luajtëm kundër një ekipi shumë më të mirë te në. Ka 4-5 javë që po shpëtojmë kot. Fituam kundër Partizanit, që as unë vetë nuk e di si fituam. Ndeshja u fitua nga Tirana me shumë meritë”.

KUALIFIKIMI – “Unë me sportivitet nuk dorëzohem, ne jemi sportistë. Megjithatë, nëse nuk luajmë, nëse nuk vrapojmë, jemi shumë larg. Sot u dukëm si një ekip veteranësh, nuk e kuptoja. Sot nuk bëhej fjalë as për taktikë, as për hapje, lëvizje, organizim. Ne thjesht presim që minutat të kalojnë”.

SITUATA – “Unë kam një kohë të gjatë këtu dhe ndeshjet e dobëta që kemi bërë nuk janë vënë shumë re, pasi kanë gabuar dhe kundërshtarët. Ne kemi bërë vetëm 2-3 ndeshje të mira, ndeshjet tjera janë “luftë” dhe jo ndeshje futbolli. Nuk e dimë çfarë duhet të bëjmë dhe pas ndeshjes nuk e dimë çfarë kemi bërë. Përgjegjësia është e imja, pasi po punoj prej një kohe shumë të gjatë. Në janar, duhet të bënim zgjedhja më të mira. Jo vetëm që nuk e kemi përforcuar ekipin, por e kemi dobësuar. Këtë humbje e meritonim me kohë”.

LOJTARËT – “Siç jam kritik sa i takon ndeshjes, ashtu jam dhe në stërvitje. Këta janë çuna të mrekullueshëm që të dëgjojnë, por tjetër gjë është stërvitja, tjetër gjë është ndeshja. Dikush duhet të bëjë diçka më shumë se të tjerët dhe ne jemi munduar të gjejmë kush është ai, por momentalisht ne nuk jemi ekip që të luajmë në sulm. Kjo është gjendja jonë, ndaj është shumë e rëndësishme që të gjithë ne ta kuptojmë që duhet të nxjerrim jo vetëm djersë, por dhe gjak që të jemi të suksesshëm”.

VAZHDIMËSIA – “Unë jo më kot i kam rënë këmbanave para shtatë javëve. Duhet të bëjmë të pamundurën që të bëjmë diçka. Kemi që nga janari që po përpiqemi që të ndryshojmë diçka, por nuk ia kam arritur qëllimit. Edhe ndeshjet që i kemi fituar, nuk kanë qenë ndeshje që na kanë kënaqur. I pari që kam dështuar kam qenë unë. Kupa ishte diçka që mund të na kënaqte, por dhe këtu dështuam. Nesër duhet të mblidhemi të gjithë bashkë dhe të vihemi në shërbim të klubit”, u shpreh Prenga.

Është votuar përmes 1136 profileve dhe 53% (602 vota) e votuesve mendojnë se Tirana do të fitojë dhe në këtë mënyrë do të rikthehet te triumfi pas plot pesë vitesh. Pjesa tjetër  mendon se të kuqtë do triumfojnë dhe do vazhdojnë rrugën drejt titullit kampion. Janë 534 vetë që kanë votuar për triumfin e skuadrës së drejtuar nga Skënder Gega.

Mesfushorit me tipare sulmuese i kanë mjaftuar vetëm dy ndeshje për të gjetur golin e parë me fanellën “blaugrana”. Futbollisti 20-vjeçar shënoi golin për katalanasit në barazimin 1 – 1 kundër Olot.

? [HIGHLIGHTS] ? Així ha estat l’empat del Barça B al camp de l’Olot amb gol de Merveil (1-1) / ? Así ha sido el empate del Barça B en el campo del Olot con gol de Merveil (1-1)#OlotBarçaB #ForçaBarça?? pic.twitter.com/zTMpbxpbJf

— Barça Atlètic (@FCBarcelonaB) February 17, 2019

Në klubin e Tiranës po e shikojnë me vëmendje paraqitjet e ish-futbollistit, pasi bardheblutë zotërojnë një përqindje të kartonit të tij dhe në rast se Barcelona bie dakord ta blejë lojtarin në fund të sezonit, të adhurat për klubin kryeqytetas do të jenë të konsiderueshme, madje do të kalojnë shumën prej rreth 500 mijë eurosh që Tirana përfitoi nga shitja e kartonit te Getafe në verën e 2017-ës.

Lojtari i bardhebluve kreu një gjest antisportiv ndaj brazilianit të Flamurtarit Elton Kale, çka detyroi gjyqtarin e takimit për t’i treguar kartonin e kuq. Normalisht pritej që Komisioni i Disiplinës ta dënonte lojtarin me të paktën dy ndeshje pezullim, por kjo gjë nuk ka ndodhur.

Halili do të mungojë vetëm në takimin e parë të çerekfinales së Kupës së Shqipërisë ndaj Laçit, ndërsa të dielën sulmuesi pritet të jetë në formacion titullar të Tiranës, siç ka qenë gjatë shumicës së takimeve të fundit.

KLASIFIKIMI – “Pikët na mbajnë në fund. Nuk më pëlqen fare kur jemi në këto pozita. Sigurisht kjo për fajin tonë. Fitorja e Luftëtarit sot e komplikon disi më tepër për fakti që ato u afruan. Megjithatë, kam një bindje timen të verbër, që ne nuk do merremi me mbijetesën. Jam i bindur që shumë shpejt do të shohim për më lart, sepse kemi kontingjent tjetër, objektiva të tjera dhe emër tjetër dhe besoj që nuk na shkon të qëndrojmë në këto pozita. Besoj se do ta lëmë treshen e fundit të luftojnë midis tyre dhe besoj se do merremi me një treshe më sipër”.

TEUTA – “Do ta konsideroja rezultat pozitiv barazimin me Teutën për mënyrën se si rrodhën ngjarjet, megjithëse  u futëm në fushë për tre pikët. Pësuam një gol në fillim në një moment përgjumjeje, e më pas barazuam e krijuam më shumë volum loje. Besoj se ishim më mirë se kundërshtari, por besoj se barazimi ishte rezultati më i drejtë”.

LARGIMI I POLICISË – “Unë personalisht jam pro largimit të policisë në stadiume. Ky është qëndrimi im. Unë  besoj se policia duhet të dilta nga perimetri i brendshëm i stadiumeve. E para për arsyen se nuk janë të kualifikuar për mbarëvajtjen e një aktiviteti sportiv. Punojnë mbas punë në orë shtesë. E për më tepër eksperienca ka treguar se nuk kanë ditur të menaxhojnë siç duhet, apo në raste të veçantë ka qenë deri diku provokues në mënyrën se janë sjellë me fitozë të ndryshëm. Unë personalisht gjykoj se duhet të përdoret i njëjti standard si në ndeshjet e kombëtarëve, për momentin policia nuk e pranon këtë. Policia duhet të jetë e pranishme në korridoret e brendshme dhe perimetrin jashtë stadiumit Kaq është  e mjaftueshme. Ashtu siç ndodh në futbollin perëndimor, mbarëvajtja dhe sigurua brenda në stadiume duhet të organizohet nga stjuartët”.

Madje për trajnerin Ardian Mema edhe ka probleme para ndeshjes dhe kjo për shkak të dëmtimeve që ka në skuadër. Me Dorian Kërçikun nuk mund të rrezikohet. Mbrojtësi i djathtë ka pësuar një tërheqje para takimit me Kamzën dhe duke pasur edhe Dokën në dispozicion, edhe këtë ndeshje mund të kursehet.

Me shumë mundësi edhe me Turtullin do të ndodhë e njëjta gjë. Në fundjavë Tiranën e pret një ndeshje e vështirë dhe do të duhet që Mema ta ketë sa më të plotë skuadrën. Stafi mjekësor po bën maksimumin që ndaj verilindorëve të rikuperojë Edon Hasanin.

Mesfushori shkodran u dëmtua me Kamzën dhe goditja e marrë nuk ka qenë e lehtë. Stafi mjekësor i dha 10 ditë pushim dhe gjatë këtyre ditëve do të shihet me kujdes gjendja e tij. Dëshira e mesfushorit është e madhe që të jetë në fushë të dielën kundër Kukësit.

TRAJNERI MEMA – “Trajneri ka bërë një punë të mrekullueshme. I heq kapelen, pasi ka ndryshuar mentalitetin e skuadrës. në fillim patëm një keqkuptim. Nuk e njihja atëherë. Njerëzit s’duhen gjykuar”.

BARAZIMI – “Jam i gëzuar që morëm një pikë sot. Vazhdojmë të mbajmë ritmin dhe tani mendojmë për ndeshjen tjetër, më e rëndësishmja është që nuk humbëm”.

GOLAT – “Sigurisht unë futem në çdo ndeshje për të shënuar, këtë kam në mendje. Gjithsesi më e rëndësishme është që skuadra të fitojë të dhe ngushtojmë diferencën me skuadrat e kreut. Nëse nuk shënoj mundohem të shërbej shokët e ekipit”

TEUTA – “Ata kanë mbrojtës të mirë. Luajtën me pesë mbrojtës dhe tre qendërmbrojtësit po më markonin, ishte një mbrëmje e vështirë, por më e rëndësishme është që shënova, sigurisht nuk pata as kolegun tim në sulm Hasanin”.

KOMUNIKIMI – “Natyrisht unë kam luajtur në ekipe të mira, që të luash në këtë lloj niveli duhet të kesh mentalitetin e duhur. Komunikimi është shumë i rëndësishëm në çdo moment shkëmbejmë informacione me njeri-tjetrin”.

Edon Hasani gjithashtu është i dëmtuar, si dhe i pezulluar me kartonë të verdhë për këtë javë. Shqetësimi i radhë për Memën është Marvin Turtulli. Shpresohej që shtatlarti të ishte gati, por burime të Sportekspres.com pranë klubit bardheblu bëjnë me dije se qendërmbrojtësi nuk mund të jetë i gatshëm.

Me shumë mundësi do të debutojë në Superiore Jurgen Goxha, afrimi i vetëm i Tiranës në merkaton e janarit. Ndërkohë ka lajme edhe nga Sentamu.

Sulmuesi ka pasur probleme me dokumentacionin dhe nuk ishte bashkuar ende me skuadrën. Ai ndodhet në Ugandë, ndërkohë që gjatë javë së ardhshme pritet të bashkohet me skuadrën. Një lajm i mirë për Memën, i cili momentalisht po mendon të kalojë me sukses Teutën.

Mbrojtësi 26-vjeçar vjen nga skuadra e Erzenit, ku këtë sezon spikati me efikasitetin para porte, duke shënuar shtatë gola në 12 aktivizime. Në të shkuarën Goxha ka qenë pjesë e Shënkollit, Besëlidhjes dhe Ilirisë.

“Minutat e mbetura KF Tirana – Flamurtari FC do të luhen të Enjten në orën 13:00. Hyrja e lirë”, thuhet në njoftimin e klubit të Tiranës. Një thirrje e hapur për tifozët bardheblu, që duhet të jenë në krah të ekipit në këtë përballje të rëndësishme.

Gjithçka nis 0-0, pasi portieri Koliçi arriti të priste penalltinë e Edon Hasanit në minutën e 11-të sot. Në 65 minutat e mbetura skuadra e drejtuar nga Adrian Mema do të bëjë gjithçka për të fituar.

https://www.facebook.com/kftirana.al/photos/a.1418817768374341/2211440022445441/?type=3&theater

Megjithatë, jemi në Shqipëri dhe probleme të tilla nuk janë të veçuara. Në mënyrë ironike një rast të ngjashme po vuan edhe Tirana. Duket se pas mbylljes së çështjes Ngo, te 24 herë kampionët Shqipërisë ka dalë problematika e radhës. Sulmuesi nga Uganda Junus Sentamu nuk i është bashkuar ende klubit dhe në këtë moment ndodhet në vendlindje, prej thuajse një muaji. Ndërkohë, bashkëkombësi dhe kolegu i tij Antoni Mauexhe, ka mbërritur në kryeqytet prej më shumë se një jave.

Futbollisti 24-vjeçar është sulmuesi me më shumë gola i Tiranës me katër finalizime në 13 ndeshje. Kryeqytetasit po mundohen ta kalojnë në heshtje mungesën e lojtarit, por Sentamu nuk është në koordinim me klubin, pasi mjafton të hedhësh një sy në rrjetet sociale, ku lojtari i bardhebluve është ndër më aktivit.

Situata është krejtësisht e papranueshme për një klub që ndodhet shumë pranë zonës së “ftohtë” dhe që pas vetëm dy ditësh ka një ndeshje vendimtare në kompeticionin e vetëm ku Tirana mund të pretendojë ende për një trofe.

Akuah ishte pjesë e Tiranës në sezonin 2016/1017 dhe u shit gjatë verës te LASK Linz për rreth 200 mijë euro. Gjatë vitit të kaluar, ganezi u huazua në Slloveni te DAC Dunajska Streda në Sllovaki dhe më pas një provë e pasukseshme në Suedi te Hamarbi.

PASIONI PËR TIRANËN – “Unë vij nga një familje autoktone. Në familjen tonë e kemi pasur edhe si punë trashëgimie, duke filluar nga xhaxhai im Haxhi Arbana (Mema), e duke mbaruar tek unë. Pasioni nuk mund të diskutohet, pasi unë jam rritur me Tiranën. Mua më merrte babai i vogël për dore në stadium dhe i njoh futbollistët që në një moshë shumë të vogël”.

MEMA SI TRAJNER – “E fillova si trajneri i kombëtares U17, ku punova për dy vite. Më pas kalova si një drejtor i një akademia, ndërsa pata dhe një eksperiencë punë në një ekip U23 në Arabinë Saudite. Më pas mu bë një ftesë nga miku im Ilir Daja, dhe shkova si asistent te Skënderbeu e më pas të Flamurtari, për një vit e gjysmë”.

TIRANA E DIKURSHME – “Kohët ndryshojnë. Ne në radhë të parë kemi pasur pasionin. Nuk e kemi menduar kurrë për shembull faktin se futbollisti do e lërë një ditë sportin e duhej të sigurojë të ardhura të tjera. Kohët kanë ndryshuar shumë. Pasioni është ende aty, por jetojmë një jetë shumë më të hapur sot me Internetin dhe “Facebook”-un. I them shpesh dhe moshave se duhet të përqendrohen më shumë te futbolli”.

DITA E PARË TE TIRANA – “Të them të drejtën atë ditë jam zhgënjyer, pasi kam parë lojtarë që qeshnin ose siç i themi ndryshe me “motorë të fikur”, por me kalimin e kohës, gjërat ndryshuan. Unë kam filozofinë time të punës dhe e dija mirë se do të ndodhte përshtatja mes meje dhe lojtarëve dhe anasjelltas. Më pas lojtarët filluan të jenë më shumë kërkues brenda vetes.

“Te Tirana kam shkuar në një moment emergjence. Nëse do të kisha mundësinë të shkoja te Tirana në periudhën e verës, ku do të kisha mundësi për të ndërhyrë në merkato dhe për të punuar me ekipin.

ECURIA – “Mu desh pak kohë për të siguruar fitoren e parë. Bënin gabim në të dy portat, falnim te porta e kundërshtarit, falnim edhe te porta jonë. Kjo ka qenë një ndër momentet më të vështira, e mendova largimin, pasi s’po më ecte. Në një moment të thashë mos jam unë e keqja. Ka shumë ndeshej që ia kemi dhuruar kundërshtarit”.

PËRPLASJA ME NGO – “Nuk e kam thënë më parë këtë. Kisha rreth katër ditë te Tirana dhe u paragjykova. Ngo u shpreh se unë jam racist, dhe Egboja i tha se shoku i tij më i ngushtë në këto 17 vite në Shqipëri isha unë.  Nuk e kuptova këtë pjesë. Ai nuk më shikonte me një sy të mirë, por me katër ditë nuk mund ta paragjykosh dikë. Në një moment, pati një lojë të fortë mes lojtarëve dhe i thashë : Majkëll pse po godet me shkelma! Më është kthyer dhe në atë moment më tha diçka në anglisht,që nuk po e them dot këtu. Ai ka qenë momenti që e kam larguar pa fat”.

PAQJA MES PALËVE – “Majkëll ka reaguar më pas dhe është treguar burrë me mua.  Mbas një analize me ekipin biseduam diçka bashkë dhe ai më dha se i ka lënë pas ato probleme. I thashë se jemi të gjithë këtu për të mirën e klubit.  Në dy ndeshjet e fundit nuk e kam futur për shkak të një probleme me gjurin, një çështje kjo që duhet të merren terapistët. Ai e ka vërtetuar se e meriton të luajë”.

GENTJAN MUÇA – “Genti (Muça) edhe pse është nuk është akoma në fushë është një faktor i rëndësishëm i skuadrës. Ai nuk është ende gati për të luajtur dhe këtë ai e di, sepse me mua ka biseduar si shok. Shpresoj që të kthehet, pasi ka kaluar një traumë. Rikthim këtë sezon? Të them të drejtën i duhet pak kohë, që të rikthehet si duhet”.

TIRONA FANATICS – “Kur kam parë për herë të parë “Tirona Fanatics” e kisha lënë sportin dhe  kam pasur një lloj nostalgjie, pasi thosha, po t’i kishim pasur dhe ne në kohën tonë këtë lloj tifozerie. Le të themi do të kishim qenë njerëzit më të lumtur në botë, pasi në shumicën e ndeshjeve fitonim. Më kanë emocionuar me dekorin që kanë përgatitur në disa ndeshje. Unë i bëj një ftesë që t’i bashkëngjiten prapë ekipit. Tifozët duhet ta ndjekin Tiranën edhe në momentet e vështira. Shpresoj dhe besoj se në ditët në vazhdim do të kemi ngjarje të reja te Tirana.  Jam sensibël për këto ngjarje, pasi mund të vijnë donator të tjerë te Tirana dhe gjërat mund të ndryshojnë. Gjithsesi i bëj ftesë tifozëve që të vijnë të përkrahin ekipin”

SHPRESA E TIRANËS TE DONATORËT ? – “Jo, nuk mund ta them këtë. Shpresat janë te lojtarët dhe te puna që ne do të bëjmë. Tirana pasur vazhdimisht donatorë e presidentë. Gjërat do të ndryshojnë te Tirana është e sigurt, pasi Tirana është gjë tjetër. Të gjithë e lakmojnë dhe të gjithë duan që Tirana të rikthehet siç ka qenë te fitoret”.

45-vjeçari ka drejtuar sot seancën stërvitore dhe u tregua shumë i rezervuar me gazetarët , duke thënë vetëm : “U takova me presidentin dhe diskutova disa çështje, por me falni se tani duhet te drejtoj stërvitjen”.

Nuk do shumë mend për të kuptuar se arsyeja e takimit midis dy palëve është prishja me marrëveshje e kontratës. Në ditë në vazhdim pritet të ketë të tjera të reja nga kjo situata në kampin bardheblu.