MERKATO – “Me emra duket mirë për momentin, por disa lojtarë nuk më duken të vlefshëm për Tiranën. Nga lojtarët që janë marrë, më duken si afrime për plotësuar rreshtat, vetëm Batha ma ka mbushur mendjen”.

BATHA NË AKADEMI – “Ka qenë lojtar shumë i mirë në akademi. I ka humbur disa nga vlerat e dikurshme, shënonte shumë gola dhe luante si organizator. Më pas kur filloi të luante te Besa, Teuta dhe Partizan, ai ka luajtur në role të tjera dhe ka ndryshuar si lojtar”.

PADREJTËSI – “Duhet të ishte me kohë te Tirana. U bë një padrejtësi me dhe të. Kur ishte trajner Rubio, ai e pëlqente shumë, por më pas disa pseudo-trajner që erdhën te Tirana nuk e vlerësuan siç duhet”.

“Nuk ka pse t’u vijë keq tifozëve. Batha ka qenë për dy vite pjesë e Tiranës. S’duhet të harrojmë se futbolli tani është kthyer në një profesion”.

PËRFORCIMET –“Mbrojtja nuk më pëlqen, duhen dy ose tre mbrojtës. Edhe në mesfushë duhen ndërhyrje. Në Sulm do jetë mirë po të jetë Ngo, por ai i vetëm nuk e plotëson dot të gjithë repartin”.

Elton Kale u ndëshkua me karton të verdhë përballë Teutës vetëm pak minuta para se të zëvendësohej nga Daja, duke plotësuar numrin e kartonëve të verdhë. Kale bëri një ndeshje shumë pozitive përballë Teutës dhe do të jetë mungesa më e rëndësishme për kuqezinjtë në takimin përballë Kukësit.

Mbrojtësi dhe kapiteni i skuadrës, Franc Veliu u ndëshkua me karton të kuq në minutat e para të pjesës së dytë dhe do të mungojë edhe ai në sfidën e fundjavës përballë ekipit verilindor. Por problemet nuk mbarojnë këtu për teknikun Daja. Me Kalen me kartona dhe me Bushiç të larguar, do t’i duhet të bëjë edhe pa shërbimet e Torasës, i cili po ashtu ka mbushur numrin e kartonëve.

Ndeshjen përballë Teutës pa mesfushorin Batha të bëjë “pykën” në majë të sulmit dhe me shumë gjasa, do të luajë në të njëjtin pozicion edhe përballë Kukësit. Ndoshta mund t’i besohet dhe Ribajt, por për momentin, trajneri Daja duket se nuk ka asnjë sulmues për të shqetësuar mbrojtësit e Kukësit.

Gjithsesi, sulmuesi mund të jetë gati për takimin e radhës me Laçin, pasi nga një video e postuar në profilin e tij në “Instagram”, shihet në dhomat e zhveshjes duke kërcyer së bashku me bashkëkombësin e tij Elton Kalen.

Mbi video shkruhet: “Uilliam Kordeiro, shiko si kërcen vogëlushi atje Elton Kale”. Duke parë videon Alvesh duket në humor dhe ku i dihet mund t;i rikthejë buzëqeshjen edhe Dajës nëse do të jetë në fushë më datën 9 dhjetor.

Lojtari vetë nuk e kishte menduar se ajo intervistë do të publikohej dhe në vendin tonë, por mbrëmjen e djeshme, “SportEkspres.com” solli deklaratën e plotë të mesfushorit, duke servitut edhe në anglisht atë çka ishte shkruar nga një prej sajteve më të mëdha në botë.

Sot. Kale ka reaguar përmes një postimi në profilin e tij, ku ka përgënjeshtruar që të ketë hedhur balë mbi FSHF-në. Çështë e vërtetat të njëjtin reagim me ka nxjerrë edhe faqja e Flamurtarit, çka nënkupton se lojtari ka dhënë llogari edhe në klub për këtë deklaratë.

“Çfarë është shkruar sot në portalet e ndryshme, ku unë kam folur për FSHF-në, nuk është aspak e vërtetë.

Unë kam folur në lidhje me klubin e Kukësit, që ka depozituar një kontratë të re, kur unë nuk kisha firmosur. Si një lojtar i lirë më pas unë firmosa me Flamurtarin.  Kukësi ka bërë kërkesë që ta bllokonte këtë kalim,m ndërkohë që unë vijoja të stërvitesha me Flamurtarin.

Kam thënë që FSHF ka marrëdhënie të mira me Kukësin, Flamurtarin si dhe me klubet e tjera, pa bërë diferencime për askënd.

Fakti që u gjet një zgjidhje, konfirmon çfarë unë kam thënë për bashkëpunimin mes palëve.

E ndjej të rëndësishme që t’i kërkoj falje opinionit publik, për përkthimin e gabuar që mund të ketë prekur dikë”.

“Unë jam i lumtur që u riktheva të luaj. Nuk kam pasur dëmtime më parë, kam qenë në gjendjen time optimale. Nuk ka të bëjë me parat, por mua më gëzon fakti që jam në fushë dhe kjo më gëzon. Nuk ka rëndësi rezultati, por të jem në fushë”.

“Është e vështirë, por kemi dhe shumë ndeshje. Ne do të provojmë që të shkojmë në Europë. Është e vështirtë të flasim për titull, por duhet t’i marrim ndeshjen një e nga një dhe më pas do të shikojmë se ku do të arrijmë”.

“Është e vështirë ta shoh ndeshjen nga tribuna. Të stërvitesh çdo ditë dhe të mos luash. Është e vështirë për çdo lojtar. Nuk është e lehtë të rrish në tribunë. Është si magji kur zbret në fushë, duhet të japësh më të mirën tënde, për veten, për ekipin dhe për tifozët. Ne luajmë për tifozët dhe duhet të përligjim interesin e tij”.

Një nga çështjet më të nxehta në Vlorë është ajo e Elton Kale. Braziliani prej kohësh stërvitet me kuqezinjtë, por në FSHF rezulton një kontratë që e mban të lidhur ne Kukësin. Lotari pretendon se ka falsifikim, Kukësi në anën tjetër pret lojtarin të rikthehet. Situatë jo emirë, me Flamurtarin që në distancë pret që çështja të zgjidhet.

Në konferencën para ndeshjes me Skënderbeu trajneri Ilir Daja tha diçka që ka vend për interpretim. Tekniku u shpreh se dhe në këtë ndeshje Kale nuk do të jetë gati, duke lënë të nënkuptohet se çështja mund të zgjidhet dhe shumë shpejt mund të merret një vendim. Është në të mirë të të gjithëve që kjo situatë të marrë një zgjidhje, si për lojtarin që nuk luan, si për Flamurtarin që pret një lojtar që nuk dihet nëse është i lirë, ashtu dhe për Kukësin që kërkon të hedhë poshtë akuzat për falsifikim. Do të jenë këto 10 ditë vendimtare për fatin e Kales? Të presim dhe të shohim,

I vetmi i ndëshkuar me karton të verdhë nga Flamurtari në ndeshjen me Skënderbeun ishte Goran Siljanoviski. Maqedonasi mori kartonin e katërt të verdhë dhe është i detyruar që ta ndjekë nga tribuna ndeshjen e radhës me Partizanin. Lajm jo i mirë për Dajën, pasi 28-vjeçar është një prej lojtarëve më të rëndësishëm të vlonjatëve çka dëshmohet nga fakti se ka qenë në fushë në 13 ndeshje këtë edicion, duke mos humbur asnjë minutë.

Pas ndeshjes me Luftëtarin, Kale i ka drejtuar një mesazh Federatës Shqiptare të Futbollit. Për “SportEkspres.com” ai thekson se duhet t’i jepet leja provizore dhe të luajë, pasi UEFA ka shumë çështje dhe do të duhet kohë derisa të merret vendimi për të.

“Nuk kuptoj përse Federata nuk më jep lejen provizore për të luajtur. FIFA ka shumë çështje deri sa të marrë një vendim për mua. Situata është shumë e thjeshtë: ka një kontrate autentike dhe një kontratë false. Në çdo vend tjetër do kisha luajtur me leje provizore, deri sa të merrej vendimi, dhe më pas do të procedohej për të dënuar fajtorin. Por si mund të shkoja unë te FIFA nëse nuk do të kisha të drejtë dhe me një kontratë false”, u shpreh Kale.

Kale prej shumë javësh është me vlonjatët, me të cilët ka zhvilluar dhe fazën përgatitore, megjithatë nuk ka asnjë vendim ende, pasi FSHF preferoi që të qëndronte e diferencuar nga kjo çështje, duke i lënë vendimmarrjen organeve ndërkombëtare. Kale duket se është i “betuar” për të qenë një vlonjate, pasi edh drejtuesit po i japin kohën e nevojshme për të fituar statusin një lojtar i lirë. Me shumë mundësi e kanë rezervuar një vend në listën e federimeve për mesfushorin, edhe pse ky i fundit më shumë duket se po shijon pushimet në qytetin e Vlorës.

Kale duket se është mjaft i lidhur me skuadrën e “re” aq sa jo vetëm shihet në dhomat e zhveshjes dh enë çdo ndeshje me skuadrën, por preferon që dhe kohën e lirë ta harxhojë me shokët e skuadrës. Sot, braziliani ka postuar një foto ku shihet në bregdetin e jugut, së bashku me Torasën dhe Hysenin.

30-vjeçar ka postuar sot në profilin e tij në “Instagram” disa foto e video, ku shihet se po shijon bregdetin e Vlorës. Së bashku me të është dhe sulmuesi e njëkohësisht kapiteni i Flamurtarit, Tomislav Bushiç, si dhe argjentinasi Agustin Torasa, i afruar këtë verë.

Entuziast braziliani me bukuritë e bregdetit shqiptar dhe siç shikohet po i shijon ditët e verës, edhe pse e ardhmja e tij është ende pezull. Vlora siç duket po i mundëson një komoditet më të madh se Kukësi.

Gjithsesi, Flamurtari ka arritur akordin me lojtarin në fjalë dhe është në pritje të zgjidhjes së konfliktit. Në anën tjetër Kukësi nuk do ta lërë të lirë lojtarin dhe deri diku e konsideron se i ka prishur planet, pasi në mungesë të brazilianit u detyruan që të përshtatin mbrojtësin Kordero si një mesfushor të majtë.

Mbetet për t’u parë se si do të shkojë kjo situatë. Trajneri Daja është ai që interesohet më shumë, pasi duhet të mësojë nëse duhet ta llogarisë në planet për edicionin e ri apo jo. Flamurtari nuk mund të presë pafundësisht, pasi kampiaonti nis javën e ardhshme, por shumë shpejt pritet që kjo situatë të marrë një zgjidhje.

Elton Kale është i Flamurtarit, marrëveshja është mbyllur dhe “Sport Ekspres” mëson se anësori ofensiv është tashmë në Greqi, duke nisur edhe stërvitjen me Flamurtarin.

Prezantimi i brazilianit në Vlorë nuk u bë pikërisht për shkak të akuzave të Kukësit ndaj lojtarit, i cili pretendon se nuk ka firmosur asnjë rinovim, ndërsa Kukësi ka çuar në FSHF një kontratë me datë rinovimi, por që është mjaft e dyshimtë, duke parë dokumentacionin që ka ofruar vetë Kale për mediat. Sipas brazilianit, data e vendosur në kontratë është e falsifikuar dhe firma që ai ka hedhur nuk ka qenë për rinovim, por për kontratën e parë në Kukës.

Mbetet FSHF ta zgjidhë këtë lëmsh, ose më saktë UEFA e FIFA, sepse ne e kemi zakon që nuk dimë të zgjidhim asgjë, për shumë arsye. Ndërkaq, Kale është kuqezi dhe ashtu si Izair Emini vjet, ka vendosur t’i shpallë luftë Kukësit.

Mesfushori ofensiv, i cili luan edhe si sulmues krahu, është paraqitur në Vlorë, ashtu si Torasa, ndërsa në orët e ardhshme pritet prezantimi.

Një foto me administratorin Sinan Idrizi, publikuar nga klubi vlonjat, ka qenë përgjigja pa fjalë për Kukësin.

Si Torasa, ashtu edhe Kale, do të jenë 1 vit nën kontratë me të drejtë rinovimi dhe për vitin tjetër.

Tani edhe Kale akuzon se Kukësi ka dorëzuar në federatë kontratë që nuk është firmosur prej tij, duke dhënë edhe prova https://sportekspres.com/ekskluzive-elton-kale-denoncon-kukesin-ka-falsifikuar-kontraten-time/, ndaj nuk është paraqitur fare te Kukësi, duke arritur marrëveshjen me Flamurtarin për sezonin e ri.

Çështje e ndërlikuar, ku ka vetëm batuta e akuza në distancë, por që natyrisht do të zgjidhet nga UEFA e FIFA, meqë në FSHF nuk po marrin ndonjë masë, për të publikuar të paktën ndonjë fjali a do të ketë hetim nga Disiplina, a do të merret ndonjë masë apo jo.

Shkrimi për Kalenë dhe rolin e FSHF-së duket se ka ngacmuar presidentin e Kukësit Safet Gjici, i cili nga Azerbajxhani ka komentuar në faqen e “Sport Ekspres” në Facebook. Me fjalor paksa “piktoresk”, Gjici ka sulmuar gazetën (por nuk është ky lajmi) dhe mbi të gjitha ka sulmuar Kalenë, duke paralajmëruar se do dënohen, si Kale, ashtu edhe Flamurtari.

“Lojtari kur ka firmosur e ka lexuar kontratën dhe ka parë datat dhe vitet. Do e shihni, penalitet qoftë për lojtarin, qoftë për ato klube që firmosin kontratë me një lojtar që është nën kontratë me një klub tjetër. Lojtari gënjen, ngaqë e kam penalizuar se nuk ka ardhur kur është grumbulluar ekipi, por do e shihni çfarë penalizmi do i vijë nga UEFA e FIFA. Po çfarë interesi ka klubi të gënjejë për kontratën e tij, a thua Kale është Ronaldo?!!”.

Administratori Idrizi ka lënë dorë të lirë dhe zgjidhjet vijnë nga jashtë vendit, por janë lojtarë që kanë luajtur dhe kanë spikatur në Superiore. Sipas “Supersport”, kuqezinjtë kanë arritur marrëveshjen me brazilianin Elton Kale, i cili për 18 muaj ka qenë titullar te skuadra e Kukësit.

Anësori i majtë fitoi edhe titullin kampion me verilindorët, ndërkohë që momentalisht ka probleme me dokumentacionin, pasi pretendon se nuk ka nënshkruar për rinovimin e kontratës. Kale pritet në Vlorë, por jo i vetëm. Sërish në Amerikën Latine janë hedhur “grepat”.

Agustin Torasa është futbollisti tjetër me të cilin është gjetur akordi dhe Flamurtarin e pret ish-lojtarin e Partizanit. Me afrimin e këtyre dy lojtarëve, trajneri Daja do të ketë dy alternativa mjaft të mira për krahët e sulmit. Gjithsesi do të duhet të bëhen edhe përforcime të tjera, pasi mangësitë janë të mëdha.

Interes për shërbimet e 30-vjeçarit së fundmi ka shfaqur Flamurtari. Klubi kuqezi kërkon medoemos ta ketë në përbërjen e tij raporton “Supersport”. E vetmja gjë që pengon arritjen e akordit mes Kale dhe klubit vlonjat është paga e lartë që futbollisti kërkon. Megjithatë, duket se do të arrihet një marrëveshje mes dy palëve.

Kujtojmë se Flamurtari këtë merkato ka afruar lojtarë si Batha e Kotobelli, ndërkohë që transferimi i brazilianit do ta fuqizonte më shumë skuadrën e drejtuar nga Ilir Daja. Elton Kale ka fituar kampionatin me Kukësin, duke qenë dhe lojtar vendimtar në ekip. Më parë ai është aktivizuar dhe me ekipe të tjera në Portugali, Greqi e Rusi.