Ky i fundit nuk i është bashkuar akoma skuadrës në fazën përgatitore në Ohër të Maqedonisë, por nëpërmjet postimeve në rrjetet social ka dhënë një mesazh mbështetës për futbollistin shkodran me të cilin ndan një raport shumë miqësor.

“Edhe të verbrit e panë rëndësinë tënde sezonin e kaluar! Qëndro i qetë. Të vërtetët i njohin të vërtetit! Zoti është me ty”, shkroi anglezi në mbishkrimin e një postimi ku ai shfaqej në foto me Hasanin.

Për këtë pjesë të parë, mesfushori i Tiranës, Edon Hasani, tha shkurtimisht për Supersport: “Pjesë e parë shumë e dobët, për t’u harruar. Duhet të reagojmë patjetër, të paktën për të shënuar një gol barazimi. Pjesë e parë për t’u harruar”.

Ndërsa sulmuesi i Kukësit, Valdet Rama, u shpreh: “Duhet t’i shfrytëzojmë rastet e krijuara, pasi është një ndeshje finale dhe gabimet nuk falen”.

Edhe pse si mesfushor, Hasani ka treguar se para porte është një vrasës, duke shënuar praktikisht në çdo lloj mënyre. Numri 10 foli dhe pas ndeshjes me Flamurtarin, ku tha se të gjithë golat e tij kanë qenë të pastër dhe se është shumë krenar me veten.

Edhe në Instagramin e tij zyrtar pak çaste më parë, Hasani nuk ngurroi ta përsërisë këtë fakt, duke shkruar: “13 gola të bardhë si pastërtia e qiellit blu”, duke iu referuar dhe ngjyrave të Tiranës.

 

View this post on Instagram

 

13 ? të bardhë si pastërtia e qiellit blu. Faleminderit të gjithëve! Now lets get this ?

A post shared by Edon Hasani (@hasaniedon) on May 30, 2019 at 12:25pm PDT

Në kampionatin shqiptar të futbollit, gara për titullin kampion mori fund disa javë para fundit, por ajo për çmimin e golashënuesit më të mirë, vijoi deri në frymën e fundit. Rexhinaldo, Hasani dhe Shkurtaj zbritën në fushë në javën e fundit të kampionatit në kuotën e 11 golave, në baraspeshë totale.

Sulmuesi mozambikas qëndroi në krye, për shkak se kishte shënuar vetëm një gol me penallti, ndërsa Shkurtaj dhe Hasani nga dy. Roxher dhe Shtubina me nga 10 gola, mbanin pozitat 4 dhe 5. Hasani dhe Shkurtaj arritën të gjenin rrjetën edhe në javën e fundit të kampionatit, duke shkuar në kuotën e 12 golave, por Rexhinaldo shënoi një dopietë në sfidën kundër Kastriotit dhe mposhti rivalët e “Këpucës së Artë”, pasi triumfon me 13 gola të shënuar.

Pikërisht lidhur me këtë gol, ka reaguar edhe Majkëll Ngo. Gjiganti i sulmit ka postuar në llogarinë e tij në Instagram golin, ku bashkangjitur postimit ka vendosur dhe një shkrim. “Meqë ra fjala, i thash Edonit të gjuante, sepse nuk mund të bashkohesha në atë sulm. Vrapova si një qen i tërbuar sot (dje)”.

Vlen për t’u përmendur që pavarësisht triumfit të djeshëm, Tirana ende nuk e ka siguruar qëndrimin mes më të mirëve, teksa në ndeshjen e fundit pret Flamurtarin, ndërsa Kastrioti luan ndaj Kukësit.

Ditë pozitive dhe për ish-sulmuesin e Shpresave kuqezi, Taulant Seferi. Me skuadrën e Uinterthur në Zvicër, Seferi ka asistuar golin e dytë për ekipin e tij, që triumfoi 2-0 në shtëpi përballë Uil. Seferi luajti 87 minuta në këtë takim. Në Hungari, Hasani ka shënuar për ekipin e DVKT-së, që triumfoi në shtëpi me rezultatin 2-1. Sulmuesit shqiptar i mjaftuan vetëm 5 minuta që të gjente rrjetën.

Mbrojtësi i kombëtares, Ardian Ismajli, luajti 90 minuta për ekipin e Hajduk Splitin. Vetëm një karton i verdhë për mbrojtësin. Balaj dhe Roshi janë aktivizuar në Rusi me ekipin e Akhmat Groznit. Sulmuesi shkodran luajti vetëm 10 minutat e fundit të takimit, ndërsa Roshi që e nisi takimin si titullar, u zëvendësua në minutën e 62’.

GOLI – “Në fakt, në momentin e golit isha shumë i emocionuar dhe pasi mbaroi pjesa e parë, Arbër Laçi më tha që do të shënoja. Ishte një gol tre pikësh dhe këtë gol ia dedikoj pikërisht drejtorit, pasi më mbushi me besim. Në 20 minutat e fundit, luajtëm me 10 lojtarë dhe të gjithë sakrifikuam shumë. Jam shumë i lumtur që shnëova dhe që morëm tri pikët”.

NDESHJA – “Ne po i marrim ndeshjet me radhë, ashtu siç u futëm për t’i marrë pikët, i morëm, edhe pse me pak fat. Skënderbeu është një skuadër shumë e mirë, humbi disa raste. Edhe ne kemi lënë shumë pikë këtë sezon duke shprdoruar. Tani që janë ndeshjet e fundit, na duhen vetëm pikët e plota”.

DERBI – “Të them të drejtën, të mërkurën kemi ndeshje me Gjirokastrën. Po mendojmë për atë ndeshje, jemi në garë për të arritur në finale. Pastaj do të mendojmë për derbin. Edhe derbi vlen tre pikë për ne dhe do të futemi për ta fituar, pasi jemi në luftë për mbijetesë”.

PENALLTIA – “Penalltia ishte, edhe në momentin e golit isha i kthyer nga gjyqtari për të pretenduar. Edhe pse Greca ishte i shtrirë, e prisja që do të pasonte dhe isha gati për të shënuar. Për derbin? Të shtrengojmë dhëmbët të gjithë çunat dhe të marrim pikët, si të luajmë keq, ashtu dhe mirë. Nuk ka më rëndësi loja, rëndësi kanë vetëm pikët”.

Në miqësoren e zhvilluar ditën shtunë ndaj Dinamos, dyshja e lojtarëve u bë sërish protagonist. Goli i parë i sfidës ishte mbresëlënës, dy kombinime të shpejta të kryera në çështje sekondash.

Edon Hasani ka hedhur videon  e golit në profilin e tij në “Instagram” dhe ka vënë mbishkrimin (në gjuhën angleze) “Jemi në mendjen e njeri-tjetrit” për të shpjeguar kombinimin perfekt midis tij dhe anglezit.

PËRSE FANELLA ME NUMRIN  16 ? – “10-ta është si një numër i mallkuar këtu te Tirana. Lojtari i fundit i mirë që ka pasur numrin 10-të ka qenë Devi Muka, të tjerët që e kanë marrë nuk u ka ecur mirë. Kur erdha këtu doja ta merrja, por drejtuesit më shpjeguan historikun dhe nuk ma sugjeruan. Por ndoshta në vazhdim mund ta marr 10-ën për të thyer mallkimin

OBJEKTIVI EUROPË – “Ne kemi luajtur dhe kundër ekipeve që janë në katërshen e parë dhe i kemi dominuar me lojë. Sot ndaj Kukësit treguam që mund të dominojmë dhe fitojmë. Unë kam shumë besim se mund të shkojmë në Europë”.

TITULLI – Titulli është midis Partizanit dhe Kukësit. Mendoj se shanset janë 60% me 40%. Një disavantazh i Kukësit është dhe fakti që nuk luan në shtëpi. Në të shkuarën stadiumi ka qenë një plus i madh për Kukësin”.

ECURIA E TIRANËS – “Vazhdimësia është shumë e rëndësishme. Në gjashtë ndeshjet e fundit kemi pasur 4 fitore 1 barazim dhe 1 humbje ndaj Laçit ku bëmë një pjesë të dytë shumë të mirë. Gjithsesi duhet të vazhdojmë kështu pasi kampionati është i gjatë”.

MBROJTJET – “Është e vërtetë që kemi pasur probleme në mbrojtje, ndoshta duhet të punojmë më shumë në stërvitje për problemet në mbrojtje”.

ATMOSFERA –“Rezultat e mira kanë rikthyer atmosferën në ekip. Tirana nuk është mësuar me këtë renditje që është tani. Mendoj se me këtë vështirësi që kemi tani edhe tifozët do të na kuptojnë dhe u bëj thirrje që të bëhemi të gjithë bashkë”.

“Sekreti është puna. Ndoshta dhe mungesa e merkatos ka krijuar më shumë vetëbesim te lojtarët, pasi ndonjëherë lojtarët që vijnë nga merkato mund të hapin probleme në skuadër”.

SHKODRANËT TE TIRANA – “Pothuajse të gjithë shkodranët që kanë luajtur me Tiranën kanë fituar trofe, nuk dua që të jem ndër të parët që nuk e kanë bërë këtë gjë”.

RENDITJA – “Në fillim u diskutua që objektivi minimal i klubit të ishte arritja e kupave të Europës. Matematikisht mund ta arrijmë këtë dhe me anë të kampionatit, por jemi shumë pranë ekipeve të fundit të tabelës, kështu që them të qëndrojmë me këmbë në tokë”.

Do i ndërrojë 10 gola në kampionat për një gol në derbi ? –  “Kam bërë 7 gola dhe do t’i ndërroja për një tre pikësh në derbi. Kur erdha te Tirana kërkova një klauzolë për 10 gola, por drejtuesit nuk e pranuan këtë”.

“Normalisht, ardhja e trajnerit Mema me strategjinë e tij ka sjellë ndryshimet e duhura. Ne nuk kemi bërë merkato dhe treguam qartë se kemi nivel brenda skuadrës. Kjo ishte fitorja e tretë rresht dhe është diçka shumë pozitive për ne.

Për ne është e rëndësishme të mos fluturojmë, pasi tani sa ka filluar faza e dytë. Objektivi është t’i marrim ndeshjet një e nga një dhe të qëndrojmë me këmbë në tokë.

Me thënë të drejtën, e kam theksuar se me Ngo, mua më krijohen më shumë hapësira. Ai pason dhe luan “spondin”, kemi një raport shumë të mirë, si në fushë, si në stërvitje, ashtu dhe jashtë fushave.

Penalltitë? U dashka me humb penallti për të fituar skuadra (qesh). Kam folur me Ngo dhe e kemi lënë me pakt: Nëse ai humbet penallti, gjuaj unë. Do e gjuaj unë penalltinë e radhës.”

Tifozët? Me shumë ishte emocionale. Isha afër tifozëve dhe në inerci e sipër, shkova pranë tyre. Normalisht, ata janë të pakënaqur dhe shpresoj të rikthehen në mbështetjen tonë dhe të jemi të gjithë një për Tiranën.

Unë jam i ri te Tirana dhe ndoshta nuk më takon mua të them këtë gjë, por që Tirana të eci sa më lart, duhet të jemi të gjithë bashkë.

Sulmuesi 29-vjeçar zhbllokoi takimin në minutën e 9-të me anë të një goditje standarde, ndërsa 17 minuta më vonë, lojtari i përfaqësueses së Maqedonisë do të përfitonte nga një gabim i mbrojtësit të Al Batin për të çuar shifrat në 2 – 0.

Me fitoren e sotme skuadra e trajnerit Besnik Hasi shkon në kuotën e 11 pikëve i largohet përkohësisht zonës së ftohtë.

Bardheblutë kanë vetëm 1 pikë dhe e shohin vetën në një moment aspak të mirë. Një tjetër dështim me gjirokastritët do të vine në pikëpyetje vazhdimësinë e teknikut brazilian në krye të skuadrës.

“Nuk ka pushim për skuadrën. Ekipi bardheblu pas ndeshjes së Kupës, ka nisur sot përgatitjet për ndeshjen e radhës në kampionat ndaj Luftëtarit sfidë e cila do të luhet në “Selman Stërmasi” ditën e diel në orën 18:45”.

“Trajneri Ze Maria dhe stafi i tij kanë punuar normalisht me grupin i cili është i plotë. Edon Hasani, i dëmtuar në Kupë përballë Ilirisë është stërvitur me grupin, njëkohësisht po zhvillon terapi intensive për rikuperimin në kohë për takimin e radhës”.

Edon Hasani la Vlazninë në janar për të nisur një aventurë të re në Iran me skuadrën e Sepahan, por aventura iraniane zgjati shumë pak. Vetë shkodrani përmes një postimi në profilin e tij në “Facebook” ka treguar se ishte ndeshja e fundit për të me skuadrën e Sepahanit, për të cilën ka vlerësim maksimal dhe i uron që të rikthehet pretendimeve për titull edicionin e ardhshëm: “Ishte ndeshja ime e fundit me skuadrën e  Sepahanit. Jam i lumtur që isha pjesë e sepahan. Falënderoj të gjithë ata që kanë besuar mbi mua. Jam më i lumtur që kam ndihmuar skuadrën për të qëndruar në ligë. Ky klub, veçanërisht tifozët e mrekullueshëm nuk e meritojnë të luftojnë për mbijetesë, por vetëm për titullin e kampionit. Ndonjëherë jeta hyn në rrugë të vështirë dhe situata të tilla ndodhin, por duhet të jesh i fortë për t’u kthyer. Uroj sezonin e ardhshëm që Sepahan të kthehet për të luftuar për kampion,  pasi aty e ka vendin dhe tifozët e meritojnë për të festuar titullin e kampionatit”, përfundon Edon Hasani në postimin e tij.

Për Alban Hasanin, ish-futbollistin e Vllaznisë dhe disa skuadrave të tjera shqiptare, sot në cilësinë e drejtorit teknik të Akademisë Vllaznia, humbja e kuqebluve në Laç javën e kaluar nuk ka pse të bëhet dramë. Dhe, kjo sipas tij duhet parë në një këndvështrim më të gjerë, sepse është vetëm java e katërt dhe Vllaznia nuk është se nuk ka prodhuar lojë, dhe aq më tepër edhe me pikët në klasifikim nuk është e distancuar kur vendi i dytë në tabele është vetëm tre pikë më shumë se sa kuqeblutë. Ndaj, për këtë arsye, Hasani përcjellë mesazhe optimiste duke pasur besim që kjo skuadër, por edhe te trajneri Armando Cungu, të cilin ai e konsideron si ndër trajnerët më të mirë në Shqipëri. “Këtu në Shkodër bëhet shumë shpejt dramatike gjithçka. Është një Partizan me një milion e gjysmë euro me gjithë atë staf të zgjeruar të tipit europian dhe me atë grup lojtarësh të mirëpaguar që ka në dispozicion dhe nuk ka mundur akoma të zhbllokohet në kampionat. Besoj që profesor Armando me eksperiencën që ka dhe me vlerat që disponon, pasi është ndër trajnerët më të mirë në Shqipëri, do të dijë ta rikthejë skuadrën aty ku duhet dhe të dalë me sukses të plotë në këtë kampionat. Lojtarë si Vucaj, Hasani, Lika, Tafili, Krymi e Bardulla janë lojtarë që duhet të marrim përsipër më shumë, dhe për këtë unë shpresoj shumë për ndërrimin shumë shpejt të situatës. Vllaznia ka mesfushën më të mirë në Shqipëri, lojtarë që kanë dalë kampion, lojtarë që kanë bagazh shumë të madh.  Ndoshta ardhja e tyre me vonesë në ekipin e Vllaznisë ka bërë që për momentin të mos harmonizohen sa duhet repartet, por kam besim që edhe me një lojtarë goli që mund të jetë edhe brenda familjes tonë, Vllaznia duhet të dalin nga kjo situatë dhe ta kalojë këtë ngërç. Këtë vit të jeni të bindur se do të jemi shumë mirë se vitin e kaluar”, shprehet Hasani.

NDËRPRERJA  – “Është një mundësi shumë e mirë për skuadrën që në këtë situatë skuadra dhe stafi teknik të punojnë me përkushtim duke e shfrytëzuar këtë ndërprerje të kampionatit për një riorganizim të të gjithë aspekteve të saj. Këto lojtarë që kanë ardhur tek Vllaznia duhet të kuptojnë se kanë ardhur në një ekip shumë të madh dhe duhet të japin më shumë, sepse Shkodra pret më shumë prej djemve të tyre. Të mos harrojmë se për një periudhë të gjatë kohore në media të gjithë jemi shprehur se Vllaznia duhet të luajë me shkodranë. Ja ku janë shkodranët, lojtarë shumë të mirë, lojtarë të paguar dhe duhet të japin 100%, sepse Vllaznia pret shumë prej tyre dhe nuk duhet të luftohet për mbijetesë”, vijon Hasani, i cili flet edhe për pjesëmarrjen e Vllaznisë U-19 në Youth League, Liga e Kampioneve për të rinj.

VLLAZNIA U-19 – “Besoj se rezultati nuk i përgjigjet lojës, ku dy gola ishin më se të evitueshëm nga ekipi ynë, por kam një besim shumë të madh se në takimin e dytë në Shkodër, edhe me ndihmën e tifozëve, do ta përmbysim disavantazhin dhe do të kalojmë në turin tjetër. Zimbru nuk ishte një ekip më i mirë se i joni, ndoshta ishte një ekip më i formuar dhe më me përvojë në vite se i yni për sa i përket pjesëmarrjes në evenimentet europiane, sepse edhe organizimi i tyre ishte shumë më i mirë se akademitë tona. Të jemi të sinqertë, se ne në Shqipëri lëmë shumë për të dëshiruar për këto lloj organizimesh, por ne kemi më shumë kualitete”, theksoi ai. Sipas Hasanit, në ndeshjen e parë të luajtur ndaj Zimbrus në Moldavi talentet shkodranë kanë tërhequr jo pak vëmendjen e menaxherëve që në këtë ndeshje kanë qenë të shumtë. Ndër ta ai veçuar lojtarë të tillë si Pusi, Hysenaj dhe Miloti, për të cilët menaxherë dhe përfaqësues të disa klubeve europiane që ishin në tribunë kanë treguar interes për to, ashtu si për shtatlartin e mbrojtjes Enes Isufi, 17-vjeçarin që do të vëzhgohet në ndeshjen e kthimit. Ndërkohë, që duke folur konkretisht për këtë ndeshje, Hasani beson shumë se në përballjen e kthimit në Shkodër, Vllaznia U-19 do të përmbysë gjithçka në fushën e lojës.

Prej muajsh Hasani ishte duke stydiuar ofertat dhe priti gjatë për një transferim jashtë Shqipërie.

Në Shqipëri e kërkuan disa klube dhe ditët e fundit Partizani bëri tentativën që po shkonte mbarë, por më pas Hasani mbylli gjithçka, kur mësoi nga mediat se Mark Juliano nuk e kishte në listën e të preferuarve.

Tani Hasani firmos për Vllazninë, ku për herë të fundit luajti më 2012.

Një goditje e madhe, pas largimit të Shtubinës nga klubi shkodran.

PARTIZANI – Ditët e fundit te Partizani ka firmosur mesfushori italian Xhovani La Kamera, duke shtuar numrin e lojtarëve në repartin e mesfushës, sepse janë në ekip emra të njohur si Batha, Trashi e Vila, apo edhe Progni. Megjithatë, për të pasur një ekip sa më të kompletuar, presidenti Gaz Demi kontaktoi edhe Hasanin, vlerat e të cilit njihen mirë në Superiore. Megjithatë, biseda e parë nuk mbylli gjithçka dhe u la një takim për sot. Pikërisht kur pritej avancimi i bisedimeve, Hasani ka mësuar nëpërmjet medieve se trajneri Juliano nuk e dëshiron në skuadër! Një koordinim absurd te Partizani, ku klubi bën merkaton dhe më pas pyet trajnerin, ndërsa një gjë e tilla natyrisht ka bezdisur pa masë edhe vetë Hasanin. Ndonëse nuk ka pranuar të komentojë hapur, mesfushori nuk e fsheh që ka mbetur i befasuar dhe i mërzitur nga fakti që gjithçka ka ndodhur është publikuar me shpejtësi në media dhe Partizani nuk e ka mbajtur të fshehtë tratativën.

SQARIMI – “S’kam firmosur me Partizanin. Më ka kontaktuar personalisht presidenti Gaz Demi dhe unë për respekt shkova dhe e takova në Tiranë. Zoti Demi më priti personalisht, por marrëveshja nuk u arrit, edhe pse ishim dakord në disa pika”, thekson tekstualisht në një mesazh telefonik Hasani, duke sqaruar situatën në fjalë. Në këtë mënyrë, Vllaznia mbetet në lojë dhe është një opsion real për mesfushorin, i cili tërhiqet edhe nga fakti se do të luante në shtëpinë e vet.

Prej javësh ish-mesfushori i Kukësit ka biseduar me disa klube dhe ka pritur ofertën e duhur, duke shpresuar edhe te ndonjë mundësi e rëndësishme jashtë Shqipërie, por tashmë në skenë ka dalë Partizani.

“Sport Ekspres” mëson se palët kanë biseduar ditët e fundit dhe është arritur një marrëveshje në parim, por gjithçka do të vendoset nesër.

Pritet një takim i fundit mes palëve, për të diskutuar disa pika që kanë mbetur pezull dhe Hasani pret që të marrin zgjidhje.

Nëse Partizani do të jetë i gatshëm t’ia plotësojë kërkesat, Hasani do të vishet i kuq, duke shtuar ndjeshëm numrin e mesfushorëve te Partizani, sepse ka firmosur edhe italiani La Kamera, ndërsa janë në ekip emra të njohur si Batha, Trashi e Vila, apo edhe Progni.

Gaspër Marku

Pas pushimit dyditor të fundjavës, Vllaznia i është rikthyer dje procesit stërvitor. Në orën 19:00, kur bien pak temperaturat e larta, ka nisur seanca e djeshme, e para e kësaj jave, që ka zgjatur deri në të errur, aq sa topi mezi shihej. Pasi është konsumuar pjesa më e madhe e programit stërvitor, me elementë fizikë dhe teknikë, në pjesën e fundit është kaluar në lojën në fushë të hapur mes dy formacioneve. Një lojë 30-minutëshe, që e ndihmon stafin teknik të shohë gjendjen e futbollistëve, jo vetëm në aspektin fizik, por edhe në lojën  me topin.

Martinoviç në provë

Nikolla Martinoviç quhet futbollisti i ardhur nga Mali i Zi, mysafiri i parë që shfaqet gjatë kësaj periudhe përgatitore në gjirin e kuqebluve. Nga sa mësohet, futbollisti në fjalë nuk është se bën pjesë në listën e kërkuar nga ana e stafit teknik të Vllaznisë për merkaton verore, por dje ai është parë të stërvitet me skuadrën, madje ka luajtur edhe në ndeshjen e kontrollit. Pranë stafit kuqeblu mungonin të dhënat rreth këtij futbollisti, i cili pas stërvitjes ka sqaruar se është 24 vjeç, luan si mbrojtës i majtë dhe vjen nga kampionati malazez, nga kategoritë inferiore. Futbollisti ka pohuar se në Shkodër nuk ka ardhur nëpërmjet ndonjë menaxheri, por me rekomandimin e ish- futbollistit të Vllaznisë, Jani Jovanit, i cili aktualisht shërben në trupin diplomatik shqiptar në kryeqytetin malazez, në Podgoricë. Stafi teknik nuk është se ka përcjellë ndonjë konsideratë rreth këtij lojtari, por Martinoviç bëri të ditur pas seancës stërvitore se do të jetë sërish në stërvitje me kuqeblutë. Nëse i shërben Vllaznisë apo jo, do të vendosë tekniku Cungu. Por pozitiv është fakti se në skuadër mbërriti mysafiri i parë, i cili shpresohet të hapë rrugën për të tjerët, kryesisht për ata që Vllaznia realisht është e interesuar.

Hasani dhe merkato kuqeblu

Drejtuesit e Vllaznisë, ata të stafit teknik dhe të klubit, por edhe opinioni sportiv shkodran, të gjithë janë në pritje të emrave të piketuar për merkaton verore. Emri më i lakuar i këtyre ditëve është Edon Hasani. Informacionet nga burime brenda klubit kuqeblu bëjnë të ditur se mes palave vazhdon të jetë në fuqi një akord për kushtet e kontratës. Edhe vetë futbollisti tashmë e ka dhënë pëlqimin e tij, por ajo që e mban në një farë mënyre “peng” konkretizimin thuhet se është një ofertë joshëse e ardhur nga jashtë. Vetë Hasani ka qenë gati për t’u dhënë fund lëkundjeve për veshjen kuqeblu, por janë shfaqur menaxherët e tij, të cilët i kanë kërkuar të presë të paktën deri në fund të kësaj jave, pasi bëhet fjalë për shifra të mëdha financiare, që nuk mund t’i përfitojë te Vllaznia. Burimet pranë futbollistit bëjnë të ditur se gjithçka pritet të mbyllet brenda kësaj jave. Me të gjitha gjasat, e hëna e ardhshme mund ta gjejë Hasanin në stërvitje me kuqeblutë. Për emrat e tjerë, edhe pse bëhet e ditur se po punohet në këtë drejtim, nuk ka asnjë sinjal konkret. Për merkaton thuhet se lëvizjet do të jenë konkretizuar përpara nisjes për fazën përgatitore jashtë vendit.

Megjithatë, Hasani vijon të presë dhe Supersporti raporton se dyshimet e tij lidhen me faktin se ka një ofertë të mundshme edhe nga Sepahani.

Ish-klubi iranian i Xhevahir Sukajt dhe Ervin Bulkut ka shprehur interesim për Hasanin, i cili po pret një ofertë zyrtare, para se të japë një përgjigje.

Gaspër Marku

Te kuqeblutë ka lëvizje pozitive në drejtim të skuadrës së re. Dje është dhënë shkëndija e parë për një Vllazni më kompetitive, teksa një nga emrat më të lakuar të merkatos shkodrane, mesfushori Edon Hasani, është ulur në tavolinë me drejtuesit e klubit. Ka nisur kështu, me sa duket, zyrtarisht puna dhe përgatitjet për ndërtimin e Vllaznisë së sezonit të ri. Për Hasanin, një produkt i shkollës shkodrane, i lindur dhe rritur në mjedisin futbollistik kuqeblu, ka kohë që flitet se mund të kthehet në familjen e tij sportive. Pasi një aventure jashtë Shkodrës, që ka nisur me ekipe jashtë vendit, në Bullgari dhe në Rumani, dhe ka vazhduar me Kukësin në Superligë, drejtuesit e Vllaznisë kanë tentuar ta rikthejnë atë në Shkodër më parë, por, për arsye nga më të ndryshmet, një gjë e tillë nuk është bërë e mundur. Megjithatë, këtë herë duket se gjërat ndryshojnë në krahasim me periudhën e mëparshme. Kjo duket edhe në lëvizjet e para, që për hir të së vërtetës, në plan të parë duken pozitive. Në mesjavë ishte tekniku Armando Cungu, i cili bëri të ditur dakordësinë me drejtuesit e klubit dhe ata të bashkisë për vazhdimin e bashkëpunimit me Vllazninë. Ai tha gjithashtu se kishte gati një listë me emra futbollistësh të merkatos kuqeblu, ku mes tyre janë shkodranët e aktivizuar me ekipet e tjera të Superiores. Ndonëse trajneri Cungu nuk preferoi të jepte emra konkretë, “Sport Ekspres” mësoi se njëri prej tyre është Edon Hasani. Madje, Hasani është ndoshta i pari, që drejtuesit e Vllaznisë kanë nisur zyrtarisht kontaktet. Kështu, nga sa bëhet e ditur, telefonata e parë në drejtim të Edon Hasanit është bërë nga trajneri Armando Cungu dhe më pas nuk ka vonuar që edhe zyrtari i klubit kuqeblu, administratori Astrit Gjyrezi ta takojë atë personalisht. Emra të tjerë të listës së trajnerit Cungu mendohet të jenë Gilman Lika, por edhe shkodranë të tjerë si Vucaj, Nika e ndonjë tjetër. Kjo javë pritet të sjellë zhvillime në kampin kuqeblu.

GJYREZI-HASANI – Ndonëse fundjavë dhe ditë pushimi për administratën, për numrin një të klubit të futbollit “Vllaznia” nuk ka qenë e tillë. Në mesditë, në zyrën e administratorit kuqeblu, Astrit Gjyrezit, është realizuar takimi mes tij dhe Edon Hasanit. Një gjë të tillë e pranon edhe vetë futbollisti shkodran, i cili disa orë pas takimit ka konfirmuar për “Sport Ekspres” atë çfarë ndodhi në atë takim: “Po, është e vërtetë. Pata një takim me administratorin e klubit të Vllaznisë, Astrit Gjyrezin, i cili më shprehu dëshirën për të më pasur në ekip sezonin e ardhshëm”, – thotë Hasani.

OFERTA – Më tej mesfushori shton se pak ditë më parë atë e ka kontaktuar trajneri Armando Cungu, që gjithashtu i ka shprehur dëshirën dhe pëlqimin për ta pasur në ekip. Hasani thekson se nuk ka qenë vetëm bisedë kortezie, por nga ana e tij, administratori Gjyrezi i ka bërë të ditur edhe ofertën financiare: “Krahas bisedës, z.Gjyrezi më dha edhe ofertën konkrete, që unë e kam lënë të hapur. E falënderova dhe i thashë se do ta mendoj disi më qetësisht dhe më pas do të vendos këto ditë se çfarë do të bëj”, shprehet futbollisti shkodran. Për afatin kohor ai thotë se nuk është përcaktuar asnjë datë: “Nuk kemi lënë diçka konkrete për kohën, por e përsëris se këto ditë do të më shërbejnë për t’i menduar mirë gjërat, para se të vendos përfundimisht”, – ka përfunduar Hasani.

Jo vetëm Bicaj, Flamurtari është gati të surprizojë sërish në merkaton e kësaj vere, duke tentuar që sa më shpejt trajneri Duro të ketë gati skuadrën me të cilën do të nisë sezonin e ri. Qëllimi mbetet afrimi i lojtarëve cilësorë nga merkatoja dhe po tentohet që shumica e marrëveshjeve të mbyllen pa nisur ende përgatitjet. Në fillim të korrikut vlonjatët synojnë të jenë pothuajse të kompletuar, duke përjashtuar ndonjë lëvizje të vogël. Në këtë fillim merkatoje emrat nuk mungojnë, ndonjëherë ka edhe abuzime, ndërsa te Flamurtari synojnë që këtë merkato ta zhvillojnë thuajse në heshtje të plotë. Zyrtarizimet do tët vijnë vetëm pas firmës në kontratë. Lidhur me emrat e Mazrekjat dhe Dajës, te Flamurtari janë shumë të rezervuar në këtë drejtim. Edhe me Bicajn u tentua të punohej në fshehtësi totale, por pavarësisht kësaj, tratativat arritën të zbuloheshin nga gazeta dhe tashmë lezhjani u zyrtarizua pjesë e Flamurtarit.

EDON HASANI – Me ikjen e Donjet Shkodrës, i cili tashmë do të jetë pjesë e Skënderbeut, në Vlorë janë hedhur në sulm për të gjetur një tjetër mesfushor. Aktualisht në listën e Duros bëjnë pjesë i riu Hyseni dhe Neziraj, i afruar në merkaton e janarit, si dhe Taulant Kuqi. Në “ajër” mbetet ende kapiteni Telushi, të cilit i ka përfunduar kontrata dhe ka disa oferta të rëndësishme. Nga ajo që mëson gazeta, Edon Hasani është një tjetër objektiv i Flamurtarit, madje mes palëve ka pasur bisedime. Aktualisht gjithçka është pezull dhe shkodrani po mendohet në lidhje me ofertën e bërë nga vlonjatët. Mesfushori nuk dëshiron të nxitohet, por po shqyrton edhe ofertat e tjera, me dëshirën e mirë për ta vijuar karrierën jashtë vendit. Kështu, Flamurtari pret një përgjigje të Hasanit, që do të ishte një lëvizje e mirë në merkato, pasi vlerat e 25-vjeçarit njihen mirë. Në Vlorë e presin krahëhapur.

Për të duket se janë të interesuara aktualisht skuadra të kampionatit çek dhe atij polak. Madje, bëhet fjalë për gjigantët çekë të Spartës së Pragës, që kanë vlerësuar aftësitë e shkodranit dhe duan ta afrojnë në skuadër. Rolin e “shkesit” në këtë rast duket se po e bën sulmuesi i Kombëtares kuqezi, Bekim Balaj, i cili më parë ka veshur fanellën e Spartës së Pragës, por edhe të Sllavias. Do të ishte një transferim vërtet i bujshëm, nëse do të realizohej, sepse bëhet fjalë për një skuadër me emër në futbollin europian. Por oferta për mesfushorin e qendrës ka edhe nga kampionati polak. Nuk jepen shumë detaje në këtë drejtim, por duket se bëhet fjalë për skuadra si Jagellonia apo edhe Leh Poznan, edhe këto skuadra me emër, që bëjnë pjesë në elitën e futbollit polak.

OFERTA SUPERIORE – Kur Hasani shkëputi marrëdhëniet me Kukësin, ekipi i parë që shfaqi interes për të, ishte Skënderbeu. Kjo pistë mbetet ende e hapur, ndërkohë që dhe Partizani dhe Vllaznia duan të rrëmbejnë mesfushorin shkodran. Ofertat nga kategoria Superiore janë konkrete për të, por për momentin objektivi është për të nënshkruar me një skuadër të huaj. Edon Hasani e ka nisur karrierën te Vllaznia, më pas ka kaluar në kampionatin bullgar dhe atë rumun, për t’u kthyer në Shqipëri, konkretisht te Kukësi, ku ka pasur disa sezone të suksesshme. Tani është radha e një tjetër aventure të huaj për këtë futbollist dhe Çekia dhe Polonia janë dy pistat më të mundshme për momentin.