Ndërsa këtë sezon, Kukësi e nisi në Europa League, në turin e parë kualifikues, ku shorti i vuri përballë ekipin e Debreçenit. Me rezultatin e përgjithshëm 4-1 në favor të hungarezëve, verilindorët u eliminuan që në start.

Ky eliminim, solli shumë pasoja, në “prerje kokash” dhe në pezullim rrogash të lojtarëve. Tekniku Ernest Gjoka u largua nga ekipi, ndërsa lojtarët morën gjobë muajin qershor. Nga e dimë ne? Njoftoi vetë klubi verilindor, duke konfirmuar se të gjithë lojtarët dhe pjesëtarët e stafit nuk do të paguhen për muajin qershor.

Ky njoftim i klubit, bëri bujë në mediat sportive në vend, ku të gjithë kishin opinionin e tyre karshi vendimeve të drejtuesve blu. Kjo gjë solli dhe fshirjen e atij njoftimi, në uebsajtin dhe faqen zyrtare në Facebook të ekipit të Kukësit.

Përveç këtyre gjobave, në klub ka dhe një paqartësi shumë të madhe sa i takon së ardhmes së shumë lojtarëve. Në Kosovë po presin me padurim transferimin e Besar Musollit, Rama është ende me pushime. Shameti vazhdon të jetë një pikëpyetje e madhe, ndërsa Cuculi pret nisjen e bisedimeve për kontratën e re. Frashëri u largua, ndërsa pjesa tjetër e skuadrës vazhdon e pret.

Një situatë tepër kaotike kjo e klubit të Kukësit, që këtë sezon synon si çdo vit tjetër të fitojë të dy trofetë, si Kupën e Shqipërisë, ashtu dhe kampionatin, por me sezonin që ende nuk ka nisur, kanë disa probleme tjera për t’u shqetësuar.

NJOFTIMI – 

Skuadra ka nisur përgatitjet për sezonin e ardhshëm futbollistik 2019-2010. Për një përiudhë të pacaktuar, ekipi ynë do të zhvillojë seancat stërvitore në kompleksin sportiv “Football Republic” në periferi të Tiranës. Me datën 5 gusht 2019, skuadra do të zhvendoset në Mavrovë të Maqedonisë së Veriut për të nisur pjesën e dytë të fazës përgatitore për sezonin e ri futbollistik.

Gjatë sezonit të kaluar, ekipi arriti disa nga objektivat e vendosura, duke fituar Kupën e Shqipërisë si dhe duke u shpallur nënkampion.Edhe në ndeshjet kualifikuese për Europa Eleague, skuadra bëri paraqitje të mirë, sidomos në ndeshjen e dytë për Turin e Parë në “Elbasan Arena” ndaj skuadrës hungareze të Debrecenit, por nuk arriti të kalonte turin, i cili ishte kushti kryesor i vendosur nga Klubi.

Ky rezultat, ashtu sikurse ishte parashikuar në marrëveshjen mes Klubit tonë dhe trajnerit Ernest Gjoka, solli dhe përfundimin e bashkëpunimit me kryeqytetasin.  Rezultatet negative të arritura në kupat e Europës, kanë bërë që Klubi të marrë masa administrative ndaj ekipit. Konkretisht, eliminimi nga Turi i Parë kualifikues i Europa League ka sjellë vendosjen e gjobës për muajin qershor, për të gjithë futbollistët dhe stafin teknik.

Rikthimi i Gjokës në stolin e Kukësit zgjati pak më shumë se tre muaj. 49-vjeçari u emërua trajneri i verilindorëve në fillim të muajit prill, duke zëvendësuar Ramazan Ndreun. Nën drejtimin e Gjokës, Kukësi mbylli kampionatin në vendin e dytë të tabelës dhe siguroi trofeun e Kupës së Shqipërisë për herë të dytë në historinë e klubit.

Njoftim i Klubit!

Trajneri Ernest Gjoka nuk do të jetë më në krye të skuadrës së Kukësit.

Vendimi është marrë pas rezultateve zhgënjyese të ndeshjeve kualifikuese të Europa League.

Klubi ynë trajnerit Gjoka i ka dhënë gjithë mbështetjen e mundshme, sidomos pas rikthimit të tij në krye të pankinës së skuadrës nënkampione të Shqipërisë. FK Kukësi falenderon trajnerin Gjoka për punën e bërë në krye të ekipit.

Shumë shpejt, klubi do të njoftojë për emrin e trajnerit të ri, i cili objektiv kryesor do të vijojë të ketë fitimin e titullit Kampion, Kupës së Shqipërisë si dhe përfaqësim sa më dinjitoz në Kupat e Europës!!

SEZONI – “Natyrisht i kënaqur, pasi justifikohet investimi i bërë. Objektivi kryesor ishte kampionati, por faktori fushë na ka penalizuar shumë. Gjithsesi, them se ky trofe e justifikon këtë sezon”.

GJOKA – “Gjoka është i konfirmuar. Ai do të vazhdojë të jetë në krye të skuadrës në Kupat e Europës. Shpresoj të vazhdoj sa më gjatë”.

GRUPI – “Besoj se 90% e grupit do të qëndrojë. Me Rexhinaldon kemi biseduar dhe kemi arritur një marrëveshje paraprake për anën ekonomike, por të presim, ai duhet të firmosë kontratën”.

TIRANA – “Pavarësisht se jam president i Kukësit, e kam thënë shpesh se Tirana s’duhet të bjerë nga Kategoria. Është një aset i Superiores. Nuk dua të merrem me zërat e këqinj, aq më pak kur e thotë një trajner. Kurrë nuk e kam menduar që të jem një dashakeqës i ekipit të Tiranës, ata që thonë ndryshe e kanë shumë gabim”.

MERKATO – “Duhet t’i marrim ndeshjet një nga një. Ka të bëjë shumë fati, varet se çfarë ekipi do të kemi përballë. Deri atëherë ka kohë. Do bëjmë merkato, do afrojmë rreth katër lojtarë si dhe do bëjmë fazën përgatitore. Kemi probleme në mbrojtje dhe dëmtime të shumta. Për shembull sot luanim me Ethemin mbrojtës të djathtë. Po e kompletuam ekipin, besoj se do ecim larg. Objektivi patjetër që janë grupet e Europa League”.

Në 45 minutat e para Kastrioti kryesonte 1-0 dhe Kukësi shpërdoroi shumë raste, për faj të dy sulmuesve. Trajneri Ernest Gjoka e kuptoi se Rexhinaldo dhe Shkurtaj nuk bashkëpunonin në fushë me njëri-tjetrin dhe disa raste të arta u shpërdoruan thjesht për egoizëm.

Gara për Këpucën e Artë sikur ua kishte errësuar sytë dy futbollistëve të Kukësit, të cilët në dhomat e zhveshjes ishin nervozë, pasi nuk po shënon golat që kishin shpresën se do u jepte çmimin personal të sezonit. Kjo ka nervozuar trajnerin Gjoka, i cili ka ngritur zërin si rrallë ndonjëherë, duke e parë qartë se në atë mënyrë po hidhej poshtë vendi i dytë. Edhe presidenti Safet Gjici, si zakonisht, kishte zbritur në dhomat e zhveshjes, por nuk foli, edhe ai dukshëm nervoz.

Më pas gjërat sikur u qetësuan disi, dy sulmuesit në 45 minutat e dyta shënuan dhe Kukësi përmbysi Kastriotin dhe fitoi 3-1. Rexhinaldo shënoi dy herë dhe me 13 gola arriti të bënte të tijën Këpucën e Artë. Gjithsesi, ajo që ndodhi në dhomat e zhveshjes ka lënë shije të hidhur në kampin verilindor, edhe pse në futboll është mirë të kesh sulmues ambiciozë dhe deri diku egoizmi pranohet, por pa e tepruar.

E ARDHMJA – Ajo që ndodhi në Kamzë dhe zënka në dhomat e zhveshjes nuk do të kalojë lehtësisht. Presidenti Safet Gjici pritet të bëjë një mbledhje dhe sigurisht që nuk përjashtohen masat. Gjithçka është në dorë të numrit një të klubit, që nga ana tjetër do të duhet të mendojë edhe për klimën në skuadër para finales së Kupës.

Duke parë situatën, në klubin e Kukësit duhet të vendosin përfundimisht se çfarë do të bëjnë, për më tepër që Shkurtaj pas ndeshjes ka kërkuar takim me drejtuesit e klubit dhe është parë duke biseduar me drejtorin Nderim Nexhipi.

Rexhinaldo dhe Shkurtaj së bashku është e vështirë të luajnë, ndaj ndoshta do të jenë të detyruar të heqin dorë nga njëri prej tyre. Se si do të zgjidhet kjo situatë, mbetet për t’u parë. Të dy janë nën kontratë, madje për sulmuesin vlonjat është paguar një shifër e konsiderueshme për kartonin te Luftëtari, ndërsa Rexhinaldo sapo ka arritur marrëveshjen për të vijuar edhe një vit me Kukësin.

Megjithatë, paralelisht me punën në fushë, trajneri Ernest Gjoka dhe drejtori sportiv Nderim Nexhipi po punojnë edhe për merkaton, sepse emrat në tryezë janë të shumtë, si zakonisht te Kukësi.

Presidenti Safet Gjici po ashtu është shumë aktiv, duke u marrë personalisht me shumë çështje, ndër të cilat edhe e ardhmja e sulmuesit Rexhinaldo. Afrikani, autor i 11 golave në Superiore dhe 4 golave në kupë, ka qenë lojtari më pozitiv në repartin e avancuar të Kukësit dhe Gjoka e dëshiron me çdo kusht në ekip për të ardhmen.

Për këtë arsye, Gjici ka gjetur marrëveshjen për ta mbajtur shënuesin më të mirë të ekipit edhe për një vit, ndërkohë që së shpejti pritet edhe zyrtarizimi i marrëveshjes me njoftim nga klubi.

Gjoka ka kërkuar që sulmi të mos preket, të paktën për kupat e Europës, pasi nuk mund të bëhen ndryshime të shumta. Në mbrojtje do të ketë lëvizje sidomos në krahë, por në qendër pritet të konfirmohen Cuculi, Teqja e Shameti, me këtë të fundit që ishte shumë pranë largimit, por një bisedë me presidentin Gjici mund ta konfirmojë, duke ndryshuar kushtet financiare të kontratës.

Edhe në mesfushën e Kukësit priten ndryshime, sepse do të ketë largime, por për momentin nuk është kontaktuar asnjë futbollist në Superiore, me drejtuesit e Kukësit që mohojnë prerë edhe thashethemet për marrëveshje me Idriz Bathën, i cili në verë do të jetë futbollist i lirë.

Gjici: Stadiumi do jetë 6 mijë vendesh. Sot është miratuar kontrata, është miratuar kontraktuesi. Fondet janë vënë në dispozicion. Është gati për të nisur punë.

Rama: Ta shohim kush e mbaron i pari

Gjici: Kanë 4 vjet që nuk e bëjnë. Më duket kanë më shumë se 6 vjet.

Rama: Ne jemi më modest, kemi edhe Arenën Kombëtare. Po të jenë ekip i fortë vitin tjetër, po.

Gjici: Partizanin e shohim në Champions, atje s’ka më. Atje është e vështirë. Gim Zeqo u tha të vetëve, Kukësi kaloi katër ture, duhet të dilnin ata kampionë. Në Europë nuk jemi konkurrentë, duam që të ecin gjithë ekipet. Përfaqësojmë Shqipërinë të gjithë. Po kaluan një tur do u them bravo u qoftë.

Gjici: Demin nuk e pashë ta ngrejë asnjëherë Kupën.

Rama: Demi e ka mendjen te Champions League.

Rama: As Partizani nuk ka pasur ndjekshmërinë që pritej. Një nga shqetësimet qëmë bën të mos gëzohem shumë, se edhe në ndeshjen me Tiranën nuk ishte plot. As në ndeshjen që u dha Kupa nuk ishte plot. Kishte vende bosh në sektorin tonë. Është një punë e madhe për të kthyer tifozët. Nuk ishte bosh, por kishte vende bosh.

Gjici: 1 milionë Tirana, stadiumi bosh. Kjo tregon që titulli duhet marrë me lodhje.

“Ne kemi pasur vështirësi, sepse të gjitha studiot nisën të flasin për fushën tonë. Nuk luhet aty thoshin. E pashë që duhet të largohemi. Ishte një premtim që do niste shpejt dhe ta mbaronim pas dy fazave të para. Kemi pasur probleme me projektin. Po të luash jashtë është e vështirë. Nuk është pak të dalësh i dyti dhe të jesh në finale. Nëse do luhej në Kukës do merrnim më shumë pikë në shtëpi dhe atë Kupë nuk do e kishte Olsi, por unë”.

“Të gjithë presidentët janë heronj, duke nisur nga Demi që është kampion, e deri te i fundit. Heqin lekët e familjes. Kemi një premtim për ligjin për sportin. Qeveria mund ta miratojë dhe është gjë e mirë”.
“Partizani nuk do fitojë dot Kupë kaq lehtësisht. Sivjet ia kanë dhënë. Edhe vetë lojtarët habiten si e kanë marrë. Kanë pasur ekip shumë më të mirë vitet e tjera. Kuptohet unë marr informacione edhe nga brenda. Ata thoshin me njëri-tjetrin, si ka mundësi e morëm Kupën se ata”.

“Moxhi ka bërë historitë e veta, e kam thënë se nuk kanë nevojë, kanë Olsin. Bënë ekipin me Gegën dhe morën Kupën. Nuk u morën me të tjerët”.

“Partizani as për vend të katërt? Pyet Sul Starovën. Thashë që nuk ishin ne të fortë për titullin. Partizani bëri menaxhim, Gaz Demi ka qenë edhe më përpara aty. Sivjet nuk u morën me të tjerët. Bënë edhe një video, që Kukësi kishte futur këtë e atë. Partizani ka pasur menaxhim krejt tjetër. Gega bëri grupin, lojtarët i kishte aty. Starova kishte bërë punë, për ndërtim ekipi është ndër më të mirët. Unë e Demi nuk marrim vesh shumë nga futbolli, janë specialistët e drejtorët. Osli dhe Gega, u gjet formula e suksesit. Por as ne dhe as Skënderbeu nuk ishim lart. Partizani e mori me meritë. Kur garojnë tre ekipe është më e vështirë, të jemi realistë”.

Pas kësaj arritjeje, presidenti i klubit, Safet Gjici, ka shpërblyer futbollistët e stafin teknik, duke dhënë një premio prej 10 milionë lekësh. Kukësi është një nga klubet me financat më të shëndosha në Shqipëri dhe verilindorët po vazhdojnë të jenë të suksesshëm.

Kupa e Shqipërisë është shndërruar në prioritet për të besuarit e Ernest Gjokës, por dhe vendi i dytë në kampionat shihet si një objektiv tashmë për Kukësin.

Tekniku krutan diskutoi në emision në lidhje mbi eksperiencën e tij tek ekipi verilindor, ku për disa muaj mbajti postin e drejtorit të përgjithshëm dhe trajnerit.

KUKËSI – ““Nëse Kukësi do të kishte marrë një trepikësh me Teutën gara për kampionat do të hapte gjithçka. Këtë e them se ky kampionat ka një ndryshim nga kampionatet e tjera, pasi çdo ekip lufton për diçka”.Mendoj që ka vetëm një të keqe skuadra e Kukësit ndryshojnë shumë lojtarë në çdo sezon. Partizani këtë vit tregoi një futboll cinik për të marrë rezultatin. Avantazhi i tyre ishte numri i pakët i ndryshimeve, ndërsa Kukësi ndryshon çdo sezon. Nëse do të mbajnë këtë grup lojtarësh për sezonin që vjen besoj se do të jetë një skuadër shumë e mirë”

GJICI – “Unë presidentin Gjici e kam mik dhe ai ka një dobësi që i merr vendimet për të ndryshuar trajner e lojtarë shumë shpejt. Me kalimin e kohës kam besim  se do ta kuptojë se në futboll duhet të jesh i duruar e gjakftohtë. Çdo vendim duhet të merret kur të ketë kaluar ai momenti i mërzisë përsa i përket trajnerëve”.

KALIMI NË STOL DHE SHKARKIMI –  “Unë kur shkova te Kukësi mu dha detyra e drejtorit dhe i kisha thënë që s’kisha dëshirë që të afrohesha si trajner. Ishte një moment shumë i vështirë. Presidenti donte patjetër për t’u afruar me Partizanin, ndërsa kundërshtari kishte lirinë për shkak të distancës. Kishte shumë presion nuk na lejohej as barazimi. Në një moment patëm një përplasje të lehtë fill pas ndeshjes dhe u largova. Gjithsesi këto janë gjëra që ndodhin në futboll. Një këshillë miqësore është që të jetë më i durueshëm dhe trajnerët që do të marrë t’i lërë të punojë lirshëm”.

PARTIZANI – “Partizani është një skuadër që e ka mbrojtjen më të konsoliduar, është e vështirë t’i bësh gola. Mesfusha luan shumë shpejt me topin dhe qëndrojnë mbrojtjen. Do të thosha që dy anësorët Mala dhe Asani janë pika më e fortë e Partizanit. Në lojë një kundër një meritojnë notën dhjetë. Në futboll po fitove këto duele të krijohen avantazhe. Dënimi i Skënderbeut solli rënien e kampionatit pasi skuadrat që e ndiqnin u mjaftuan me një merkato të thjeshtë pa shumë shpenzime. Kukësi që ishte rivali kryesor i zhvilloi të gjitha ndeshjet në fushë asnjanëse, ndërsa Teuta pati shumë luhatje. Pa ia hequr meritat Partizanit që është një skuadër kompakte që nuk mungon cilësia, por duhet thënë se ka ndikuar dhe këto situata të skuadrave rivale”.

Numri një i Kukësit nuk i kurseu thumbimet për presidentin e Skënderbeut, Ardian Takaj, një reagim ky që vjen pas humbjes së ekipit korçar ndaj Partizanit.

“Ne nuk kemi akoma një ekip kampion në Shqipëri për derisa nuk e lejon matematika. Është më mirë për të gjithë që kampionati të luftohet deri në javën e fundit. Është e vërtetë që ne bëmë një hap fals dhe mund të ishim shumë afër Partizanit. Në futboll nuk të ecin gjithmonë gjërat mbarë, por ne nuk dorëzohemi”.

DO E LINI KUKËSIN PËR BASHKINË ? –“Unë mund të rri pa politikë, por pa sport nuk mund të rri. Kam bërë një analizë dhe me veten dhe jam penduar që i kemi luajtur të gjitha ndeshjet jashtë, sidomos kur shikoj disa fusha që janë si ara. Kukësin nuk do ta lë, përveç stadiumin e ri do kemi dhe aeroport është diçka e ndërlidhur. Stadiumi mund të filloj punën. Të mos çuditeni sikur në të ardhmen në Kukës të luajë dhe kombëtarja”.

“Ekipi është i kompletuar duhet që trajneri e stafi i ri të japë mendimet e veta nëse do të jetë nevoja për ndërhyrje ne do t’ia plotësojmë. Kemi lojtarët, por kemi çaluar në aspektin e stafit. Unë ua kam plotësuar të gjithë kërkesat. Prandaj vendosa të ndërhyrja kaq shumë që t’i jepja trajnerit dy ekipe në dispozicion”.

ZGJEDHJA E GJOKËS – “Ma gjeni një trajner tjetër. Unë në atë kohë e shkarkova për shkak se më la një ndeshje të hidhur një të Champions-it, por gjithmonë e kam thënë që ka qenë një trajneri i ri. Nuk është normale që t’i vë kusht për titullin kampion me këtë diferencë pikësh. Derisa matematika na lejon do luftojmë”.

BASHKIA APO KAMPIONATI – “Dua t’i fitoj të dyja. Në gjithë këto vite që jam në sport dua të fitoj. Kupën pa diskutim që do e fitoj, unë nuk jam si Presidenti i Korçës që dorëzohet kollaj. Dikur ka qenë rivali më i fortë, tani është Partizani”.

RIVALËT – “Këtë sezon prisja që dhe Durrësi të ishte kandidat për titull, por futbolli ndonjëherë kështu të merr. Po të ishte dhe Skënderbeu i dikurshëm, kampionati do të ishte i fortë. Por na doli i dorëzuar në aspektin e konkurrimin në kampionat, dështoi në të pasurit vazhdimësi”.

STADIUMI – “Këtë sezon do e mbyllim në Elbasan, ndoshta edhe të gjithë sezonin tjetër derisa të mbarojë stadiumi i ri”.

“Klubi i Partizanit ka meritën e vetë. Por ata e kanë fituar kampionatin pasi ne nuk kemi qenë mirë, që do të thotë faktori fushë. Po të luanim në Kukës, të jeni të bindur që ne do të ishim kampion. Vitin e kaluar të gjithë flisnin për fushën e stadiumit tonë, por këtë sezon kemi luajtur në fusha shumë të këqija”.

Në intervistën në emisionin “Gol pas Goli” në “Supersport”, 31-vjeçari foli mbi kualifikimin në gjysmëfinalet e Kupës së Shqipërisë dhe penalltinë “famëkeqe”.

TEUTA – “Kanë qenë dy ndeshje të luftuara. Në ndeshjen e parë bëmë mirë deri në minutën e 75, më pas u tërhoqëm dhe ata na barazuan. Ishin dy takime të vështira dhe jemi të lumtur që kaluam në gjysmëfinale”.

PENALLTIA NDAJ ASANIT – “Normalisht që për mua nuk ka qenë aspak e lehtë, por ne jemi profesionistë. Është thënë se ka qenë një veprim i qëllimshëm, më kanë cilësuar sikur bëra vrasje të qëllimshme, u ndjeva i gozhduar. I pranoj kritikat e presidentit. Asanit bravo i qoftë që ma vodhi penalltinë. Ka qenë e vështirë nga ana psikologjike, por e rëndësishme është që njeriu të ngrihet”.

“Ma humbi Hasani (qesh). Fokusi kryesor ishte Partizani-Kukësi. Rezultati, për atë që u pa, ishte i drejtë. Kukësi e gjetur Partizanin në ditë të vështirë, u mungonin lojtarë me shumë peshë. Nuk ishin Telushi e Mala, po ashtu edhe Hebaj. Partizani e menaxhoi me kujdes ndeshjen. Pasi barazoi mund të mbyllte, por duhej më shumë besim. Kukësi në fund u shpërfytyrua. Partizanit i ngjiti ai rezultat, 9 pikë nuk janë pak”.

Rezultat i drejtë në Kukësi-Partizani? Në fillim u duk sikur Kukësi do dominonte. Luajtën nga krahët, në qendër ishte e vështirë. Partizani ishte i qetë, sidomos qendra e mbrojtjes. Partizani ishte më mirë në kundërsulme. Po ta shikosh, ata patën edhe raste e shënimit. Kukësi bëri vetëm volum. Mungesat në mesfushë e penalizuan Partizanin. Në pjesën e dytë erdhi goli i Rexhinaldos. Kukësi duhet ta kontrollonte lojën, por nuk ndodhi. Partizani mori fushë dhe shënoi. Më pas mund të mbyllte lojën dhe kampionatin. Kishte frikë të mos hapej dhe të shënonte. Po luante me kujdes. Kukësi u lodh shumë. 25 minutat e fundit nuk i mbanin më gjunjët. Veprimet më pas i kishin spontane”.

“E kam thënë se Partizani është më afër titullit. Kam qenë trajner dhe një ekip për të dal kampion ka nevojë për shumë gjëra. Duhet qetësi, menaxhim i fitoreve dhe humbjeve. Ata nuk kanë pasur tension, kurse të tjerët ka pasur probleme. Futbolli ka humbje dhe fitore. Ke të bësh me njerëz dhe duhet të dish t’i menaxhosh. Kam parë lojtarë që futen dhe japin maksimumin. Kam pasur lojtarë që futeshin dhe varnin turinjtë. Po ta shikosh si lojë, nuk ka gjë më shumë. Diferencën e bëjnë gjërat e tjera. Është fryma dhe menaxhimi. Te Tirana nuk di kush janë drejtuesit. E kanë humbur fare identitetin. Partizani i ka”.

“Trajneri duhet të vazhdonte te Kukësi, ishte në luftë për titull. Ndryshimi u bë jo në kohën e duhur. Merkato nuk më pëlqen, prishen ekuilibra. Rexhinaldo ishte lojtar kryesor, Shkurtaj do kohë, Kjo krijon pakënaqësi. Rroca njeh lojën e Shkurtajt dhe ende s’e kam parë në lojë. Merkato nuk ka qenë e goditur. Ka marrë lojtarë të mirë, por duheshin marrë me kujdes. Presidenti nuk ka folur mirë për trajnerët. Është edhe Demi këtu, nuk mund të jetë presidenti trajner”.

STADIUMI I RI – “Ne e dimë që do të bëhen tri stadiume të reja, edhe stadiumi i Kukësit do të jetë i ri. Kodi penal që ju e dëgjuat vetë nga Kryeministri, do të dënojë tri vite të gjithë ata që futen në fushë.”

FORMALIZIMI – “Formalizimi nuk ndikon në xhepat tanë si presidentë. Formalizimi fillon pasi të mbarojnë ligjet që tha Kryeministri. Është një kohë prej 100 ditësh ku ne do të presim daljen e këtyre ligjeve. Unë them që pas miratimit të këtyre ligjeve, duke qenë pjesëtarë dhe Federata dhe ekipet e futbollit, do të kemi një zgjidhje të qartë për përmirësimin e futbollit. Nuk afrohen donatorët dhe investitorët për shkak të problemeve deri më tani dhe shpresoj që gjithçka të zgjidhet. Po marr një shembull, pasi të gjithë e keni parë që të gjithë e vendosin rrypin e sigurimit. Kështu do të ndryshojë dhe sporti dhe të gjitha ligjet do të zbatohen.”

SIGURIA – “Siguria është parësore, pasi tifozët e shëndoshë vijnë për të parë sport, e jo dhunë. Besoj shumë se me ashpërsimin e kodit penal, edhe tifozët do të jenë më të shumtë në stadium, më shumë femra. Gjithmonë, vetëm nëse zbatohet ligji. Pastaj, do të kemi futboll të rregullt si në të gjithë Europën. Ky takim ishte shumë i rëndësishëm, pasi tani mund të bëjmë atë gjë që ne e kemi kërkuar prej 20 e ca vitesh.”

BASHKIA DHE STADIUMI– “Nuk do arrijë dot Bashkia e Kukësit që të bllokojë stadiumin, edhe pse ka tentuar, pasi gjithçka është vendosur. Ka dalë fondi në llogaritë e Federatës. Bashkia nuk do të arrijë dot që të bllokojë stadiumin, pasi ai po bëhet për qytetarët e Kukësit. Të gjithë tifozët e Kukësit, që janë të rregullt, po presin me padurim që ekipi i tyre i zemrës të rikthehet në Kukës. Falënderoj Qeverinë dhe Federatën që do të bëjnë këtë investim në Kukës.”

SEZONI I KUKËSIT – “Po të luanim në fushën tonë, sot do të ishim shumë herë më afër kreut, ndoshta dhe në krye me pikë diferencë. Kukësi tregon forcë, edhe pse kemi luajtur të gjitha ndeshjet jashtë, jemi vetëm 6 pikë larg kreut”, u shpreh Gjici.

Krahas çështjes së bojkotit të arbitrave, numri një i klubit verilindor propozoi dhe një ndryshim në ligjin për sportin duke parë gjendjen e rënduar të bilanceve të klubeve shqiptare.

BOJKOTI – “Nuk është normale pezullimi i ndeshjes, por pas ngjarjes që ndodhi në Kamzë, duhet një mbledhje e të gjithë aktorëve, për të bërë diçka, pasi nuk mund të vazhdohet kështu.”

POLICIA – “Kompanive të sigurimit nuk ua lejon ligji të përdorin të njëjtin autoritet e policisë së shtetit. Pra ose duhet që të bëhet ligji për t’u dhënë policive private për të vepruar njësoj si policia e shtetit, ose përndryshe të rikthehet policia”.

LIGJI – “Policia dhe ligji duhet të veprojë fort për të ndëshkuar fort tifozët problematikë që shkaktojnë probleme të mëdha të klubeve. Ligji duhet të jetë i njëjtë për të gjithë, qoftë për tifozin e thjesht e deri te presidenti i klubit”.

LEHTËSIRA FISKALE  – “Duhet një ligj i ri për sportin. Klubet shqiptare në përgjithësi janë me humbje. S’kemi asnjë lehtësi fiskale. Duhet diçka që realisht të ndihmon klubet. Një lehtësi tatimore a diçka e tillë”.

TITULLI – “Jemi 6 pikë larg Partizanit, ndërsa në Korçë do të shkojmë për marrë një rezultat të pozitiv”.

STADIUMI I RI – “Dua të falënderoj qeverinë dhe federatën për fondet për stadiumin e ri. Të gjithë përfshi kryetarin e bashkisë duhet të kuptojnë se stadiumi nuk bëhet për mua personalisht dhe as për atë. Ai zotëria duhet të kuptoj se fundja e fundit ai stadium Kukësit po i vjen për shkak të ecurisë që ka bërë në vitet fundit falë shpenzimeve tona pa pasur mbështetjen e bashkisë në asnjë moment”.

KATEGORIA SUPERIORE –  “Mund të them se kampionati shqiptar ka lojtarë shumë të fizikshëm dhe shumë të shpejtë, këtu nuk mungon cilësia. I kam thënë dhe trajnerit dhe presidentit që do të duhen dhe dy ose tri lojëra për të marrë formën time më të mirë. Në ndeshjen kundër Tiranës nuk luajta mirë, pasi kisha 11 muaj pa një ndeshje zyrtare”

“Më duhet të përshtatem sa më shpejt. Po punoj ekstra në stërvitje për të kapur nivelet e mija të mëparshme. Te Kukësi kam nënshkruar një kontratë deri në fund të sezonit për të ardhmen të shohim më pas”.

PARTIZANI – “Partizani po luan shumë mirë. Kukësi duhet të shikojë ndeshjet e veta, duke dhënë maksimumin në çdo lojë. Në fund të shohim se kush do të bëhet kampion”.

KOMBËTARJA – “Ka qenë gjithmonë një kënaqësi për mua që të luaj për kombëtaren shqiptare. Megjithatë nuk po e mendoj për atë pjesë, tani jam i fokusuar te Kukësi”.

DYSHIME MBI POZITAT E TRAJNERIT ? –  “Absolutisht jo, unë i marr vendimet pa ndikimin e askujt dhe nuk pushohet trajneri nga mediat”.

“Kam biseduar sot me trajnerin dhe lojtarët, sepse edhe ata kanë përgjegjësi. Duhet qetësi e madhe për ndeshjet e ardhshme. Kamza nuk duhet nënvlerësuar, edhe pse e fundit”.

“I kam kërkuar Cungut të jetojë në Tiranë, nuk është normale ta bëjë vajtje-ardhje për në Shkodër. Ka pasur jo pak probleme, që do t’i zgjidhim. Skuadra është cilësore, blerjet janë të shkëlqyera. Në Durrës më zhgënjeu mbrojtja, e papranueshme që humbëm ashtu, me 2 gola ne 3 minuta.

PRESIONI PO NDIKON TE SKUADRA ? – “As që bëhet fjalë, skuadra ka eksperiencë, disa lojtarë janë kampionë. Duhet kohë, për të gjetur ekuilibrat e reja. Jemi 3 ekipe për titull, edhe Teuta, pavarësisht se sillet si nëndetëse dhe Partizani merret vetëm me ne”.

MARRËVESHJA ME LOJTARËT – “Sot kemi bërë marrëveshje me lojtarët, duam 4 fitore rresht. Nuk kam vendosur gjoba, do të ketë premio nëse arrijmë objektivin në ndeshet e radhës”.

MBËSHTETJA PËR CUNGUN  – “Do ketë kohën e duhur, ka pasur shumë ndryshime, por rezultatet e largojnë, nëse nuk do kemi, nuk ka nevojë ta heq unë. Unë kam besim të plotë te trajneri dhe te lojtarët, që janë shumë cilësorë”.

MERKATO E JANARIT –  “Gjithçka është bërë në koordinim me trajnerin, ai nuk është ankuar, thjesht ka thënë diçka që dihet, shumë afrime duan kohë” .

Shkurtaj dhe Rexhinaldo në formacion ? – “Unë do luaja me 4-4-2, me dy sulmues, por për gjithçka vendos trajneri. Ne na ka prishur shumë punë Musolli, dëmtimi i tij. Kur të kthehet ai, skuadra do gjejë ekuilibrat e duhur taktike”.

“Për mendimin Gjici gabon nëse shkarkon tani Cungun. Kukësi ka disa problematika këtë sezon. Luan në fushë asnjanëse, kanë pasur dëmtime, ndërsa në merkaton e verës sollën lojtarë me shumicë”.

“Nëse largohet Cungu atëherë do të thotë të dorëzohesh për titull. Ai është një djalë punëtor që po bën mirë. Te Kukësi kanë gabuar të gjithë jo vetëm ai. Ka pasur gabime në blerje dhe shumë gjëra të tjera”, përfundoi Starova.

KRAHASIMI ME GJICIN – “Nuk dua të flas për modelet e të tjerëve. Nuk kam informacion si është i organizuar Kukësi dhe as për financat e këtij klubi. Unë e vlerësoj për rezultatet sportive, sepse Kukësi ka vite që është në majën e futbollit shqiptar dhe meriton përgëzime. Megjithatë, ne kemi politikë tjetër, politika jonë është realiste dhe nuk bazohet në planifikime që nuk justifikohen as me të ardhura dhe as me rezultate. Duke qëndruar në binarë realistë, me bilanc të balancuar, krejtësisht transparent me shtetin, të bazuar në detyrime fiskale, tatimore, kontraktore e ligjore, klubi ynë është shumë i qëndrueshëm, duke pasur mundësinë të promovojë vlera dhe të ndërtojë karriera.

Në këtë aspekt, ndryshimi më i madh i Apolonisë nga klubet e tjera është se Apolonia është pa dyshim shkolla më e mirë e futbollit që ka sot Shqipëria, gjë që duket nga lojtarët që janë promovuar në tregjet e zhvilluara të futbollit, apo në tregun e brendshëm. Edhe aktualisht kemi shumë talente që besojmë se do të lënë gjurmë në futbollin tonë në të ardhmen. Apolonia do vazhdojë në këtë mënyrë, nëse sot stërvitim 250 lojtarë, synimi është që vitin e ardhshëm të stërvitim 500 lojtarë. Apolonia investon më shumë në teknologji, infrastrukturë dhe trajnim, sesa në paga lojtarësh, sepse duam të rritim djemtë e vendit dhe lojtarët e Akademisë tonë. Jo rastësisht pjesa dërmuese e lojtarëve të ekipit të parë të Apolonisë vinë nga Akademia jonë e futbollit.

PROBLEMET NË SUPERIORE – “Në përgjithësi, futbolli shqiptar është rritur shumë këto vitet e fundit dhe FSHF ka merita, sepse nga një federatë shumë e varfër dha pa kapacitete është shndërruar në një institucion i pasur, që ka punuar shumë edhe në aspektin e infrastrukturës dhe në shumë drejtime të tjera. Megjithatë, janë pjekur kushtet që futbolli shqiptar të reformohet rrënjësisht, me qëllim që ai të mos jetë futboll i klubeve piramidale. Duhet seriozitet, në çdo drejtim, pasi përndryshe bëjmë vetëm dëme dhe nuk prodhojmë asgjë. Duhen marrë masa urgjente, që loja të jetë më e pastër dhe cilësore dhe që klubet të jenë solide në aspektin financiar dhe të trajtohen të gjithë njësoj.

Problemi që ngrini ju është real dhe serioz. Kjo reformë duhet bërë në mënyrë urgjente, pasi nëse disa klube kanë probleme dhe u largohen lojtarët, apo luajnë mes gjyqesh dhe nuk licencohen dot për kupat e Europës, domethënë se kemi një shtrembërim të garës. Disa luajnë dhe punojnë duke qenë korrektë, ndërsa disa të tjerë thjesht zvarriten deri në mbyllje të sezonit, duke shpresuar që FSHF të mos i dënojë apo përjashtojë”.

TALENTET TE APOLONIA – “Aktualisht tek Apolonia kemi tre grupe lojtarësh të rinj shumë të talentuar. Grupi i parë janë 22 vjeçarët Buzi, Andoni dhe Prifti. Këta luajnë shumë bukur krahas lojtarëve të formuar e të pjekur Hysenshahaj, Nako dhe Çako që luajnë dhe mbajnë peshë të madhe te skuadra jonë. Grupi i dytë janë tre 18-vjeçarë të formacionit bazë Omeri, Zogaj dhe Gjata. Grupi i tretë përbëhet nga lojtarët 19-20 vjeçarë Mihana, Memeti, Sota dhe Harizi. Janë katër lojtarë fantastikë. Njëri më i mirë se tjetri. Mund të luajnë titullarë në çdo ekip të Superiores.

Redon Mihana, është një lojtar i shkëlqyer dhe shumë interesant. Ka qenë i dëmtuar për pak kohë, por tashmë ka rigjetur formën e plotë dhe është kthyer në fushë. Është shumë premtues, do të keni mundësi ta shihni edhe në vazhdim. Mendoj se bëhet fjalë për një talent që do të lërë gjurmë në futbollin tonë dhe nëse ndodh, është diçka që do të na gëzonte shumë, pasi do të konfirmonte punën e mirë që po bëhet tek Apolonia me këta talente. E rëndësishme është që këta futbollistë të rriten gradualisht, t’i hedhin hapat një nga një, derisa të arrijnë maksimumin e vet dhe të ndihmojnë klubet ku do të luajnë, por edhe veten.

Për punën e jashtëzakonshme që bëhet me këta talente të veçantë dua të përgëzoj trajnerët e Apolonisë. Ata janë vërtet skuadra më e madhe e KLUBIT dhe Akademisë tonë.

DUKA – “Kam pasur besim se zoti Duka do e fitonte vendin në këtë organ kaq prestigjioz dhe të rëndësishëm. Ai e meritonte. Ka bërë shumë për futbollin. Zgjedhja e Dukës është një ngjarje historike për futbollin Shqiptar. Është vërtet shumë e rëndësishme për Shqipërinë. E kam inkurajuar të konkurrojë dhe jam i lumtur që ia doli”.

“Presim që firma zbatuese të ecë shpejt me punimet. Besoj që do të kemi një stadium modern të standardeve ndërkombëtare që dhe ndeshjet e Europës t’i zhvillojmë në Kukës. Projekt i parë shkonte te 12 milionë euro, ndërsa tani kosto totale shkon diku te 6 milionë euro me gjithë tvsh, parashikohet që stadiumi të ketë një kapacitet prej 6000 vendesh”.

“Ka pasur disa pengesa nga pjesa e bashkisë për disa procedura që s’kishin lidhje me investimin pasi investimi kryhet nga qeveria. Pasi kishin dalë fondet nga FSHF-ja dhe shteti mora vesh që bashkia thoshte se stadiumi ishte i tyri, dhe se ata kishin të drejtë ta shisnin, pra gjëra që nuk kanë lidhje me ligjin shqiptar. Besoj se stadiumi do mbyllet për pesë ose gjashtë muaj. Ndoshta ndeshjet e Europës nuk do t’i luajmë dot në Kukës, por të paktën stadiumi do të jetë funksional për fillimin e sezonit tjetër”, tha Gjici.

Dy fazat e para kanë qenë të mira, por duhet të ishim në vend të parë, na kanë penalizuar të gjitha ndeshjet jashtë, por jemi të kënaqur me ato që kemi arritur. Nëse do të luanim brenda, do të ishim në vend të parë me diferencë pikësh madje.

Kam besim shumë sepse të dy lojtarët që kanë ardhur janë lojtarë të mirë dhe të njohur, janë futbollistë që kanë bërë shumë mirë dhe shpresoj të ambientohen shpejt me ekipin.

Faza përgatitore është koha e përshtatshme që ato të njihen me ekipin dhe besoj se do të ecin. Kam besim tek ta, pasi janë në kulmin e karrierës së tyre dhe nuk janë 20-vjeç dhe po iu jep kohë.

Dua të falënderoj Tavon që ishte i gatshëm për bashkëpunim, me Gjirokastrën që ka ende disa përqindje kartoni. Por nuk është se Kukësi është i plotësuar, pasi ne duam pikët. Na kanë munguar dhe duhet të rikuperojmë, pasi kërkojmë me doemos titullin kampion.

Ju e dini se në futboll ndodh gjithçka, por ato kërkesa që ka pasur stafi teknik dhe trajneri, ne jemi munduar t’ia plotësojmë të gjitha. Tani i kanë kualitet për të arritur te titulli kampion. E di vështirësinë, pasi të luash të gjitha ndeshjet jashtë, është hsumë e vështirë.

Por nëse ne ia dalim dhe marrim tiullun e dytë, do të ishim për rekord, pasi i kemi luajtur të gjitha ndeshjet jashtë.

Menaxherët kanë disa lojtarë në mendje për të afruar dhe po diskutojnë me trajnerin. Por shqyrtojnë të gjitha alternativat dhe ndoshta do të vijë një mesfushor që do të bëjë diferencën, ose ndonjë mbrojtës që mund të mbulojë të gjithë repartin e prapavijës.Kështu që ndoshta 1-2 futbollistë mund t’i afrojmë, por veëm nëse bëjnë diferencën.

Kandidatura për bashkinë e Kukësit ? – Njëherë, ju e dini që qeveria ka miratuar fondin, së bashku me Federatën. Kuptohet që bashkia e Kukësit jo vetëm që nuk e ka ndihmuar ekipin e Kukësit, por nuk paguan asnjë lekë, pavarësisht se ka aksione. Ky nuk është problemi më i madh, por krijon edhe pengesa.

Atje shkojnë inxhinierët dhe bëjnë matjet dhe gjërat e duhura për të bërë stadiumin, por pengohen për arsye politike, thua t’i i ndalova unë ta bënin stadiumin kur ishte Berisha.

Nëse unë do të bëhem kryetar bashkie, Kukësin do e marrë dikush tjetër. Por kjo nuk do të thotë që ne si bashki nuk do e mbështesim Kukësin, madje do të bëjmë të pamundurën që skuadra të shkojë minimalisht në fazën e grupeve në kompeticionet evropiane. unë e dua Kukësin dhe e dua futbollin, pasi futbolli mban lart vlerat e kuksianeve.

STADIUMI – Kemi bërë një marrëveshje me Kamzën dhe shumicën e ndeshjeve do t’i luajmë aty, vetëm në ndonjë përplasje kalendari. Besoj se edhe fusha e Kamzës do të jetë optimale. Ne kemi bërë një marrëveshje, falënderoj bashkinë e Kamzës që arritëm të gjejmë një marrëveshje.

Janë shumë ekipe që duan titullin kampion dhe që do të ndeshen deri në fund. Partizani, Kukësi, Teuta dhe Skënderbeu, që nuk largohet asnjëherë nga lufta për titull. Favorit? Vetëm Kukësi. Kukësi, Kukësi dhe vetëm Kukësi. Po bëjmë investimet më të mëdha se të gjitha skuadrat tjera dhe e meritojmë ne të jemi kampionë.

Unë nuk gëzohem asnjëherë kur dënohet një ekip kundërshtar dhe ato presidentë që i gëzohen këtij fakti, unë nuk i kam kolegë.

Arbitrat? Ka gjithmonë gabime, por dua të them se këtë sezon, gabimet kanë qenë më të pakta. Ka disa ekipe që duan të dalin kampionë me forma të tjera, por nuk mendoj se do të ketë favorizime. Besoj se kush del kampion, do e meritojë plotësisht. Çdo skuadër në këto 7 vitet e fundit ka marrë hakun që i takon”,- u shpreh Gjici.

Presidenti i skuadrës verilindore, Safet Gjici, deklaroi se skuadra është më pranë objektivit të titullit kampion, ndërsa paralajmëroi edhe për përforcime të tjera të tjera në repartin e mbrojtjes.

“Rrocën edhe Shkurtaj jemi më pranë objektivit, që gjithmonë ka qenë titulli. Përforcuam mesfushën edhe sulmin, tani mund të shohim për ndërhyrje ne mbrojtje. Shkurtaj është një sulmues i rallë në kampionatin tonë, edhe kombëtarja duhet ta shohë”.

“Nuk ka rrezik për xhelozi brenda ekipit, të gjitheë janë profesionistë. Ekipi është i kompletuar edhe trajneri nuk ka më justifikime. Ia kemi plotësuar të gjitha kërkesat. Madje duke bërë sforco. Tani e kanë në dorë lojtarët edhe stafi, sepse klubi e ka bërë detyrën”, ishin fjalët e presidentit të kuksianëve.

https://www.facebook.com/313559492122738/posts/1645467858931888/

“Si flitet për premio. Është shpifje. Pse nuk e besova që Kastrioti ka marrë premio nga Partizani. Nuk e besoj. Kam logjikë dhe nuk jemi në fund të kampionatit. Vetëm të jetë një budalla president klubi që të japë premio një ekipi akoma pa mbaru faza e dytë. Për çfarë?”

“Premiot janë të ligjshme për t’i thënë ekipit të luajë futboll. Këtë e bën Barça e Reali. Ne llogarisim si të mbyllim mundësitë tona për ekipin, jo më të paguajmë një ekip tjetër. Janë thashetheme. Është shpifje dhe nuk ka sens logjik.  Nuk jemi në fazën e katërt të kampionatit.”

MERKATO – “Me Rrocën e kemi mbyllur marrëveshjen dhe tani po diskutojmë për të rënë dakord me kushtet e kontratës. Kemi bërë një marrëveshje për vlerën e kartonit në masën 40% në rast rishitjeje, plus një pagesë të vogël. Kisha dy muaj që negocioja. Më thanë që janë këta dy lojtarë dhe nuk janë të huaj. U interesova dhe u ulëm me presidentin dhe ramë dakord pas disa takimesh. Unë kisha mbyllur marrëveshjen dhe gazetat flisnin për Shkurtajn. Nuk e kam ditur se Partizani e ka dashur Shkurtajn.

“40% të kartonit e ka Luftëtari. Janë transferta me bankë dhe mund të verifikohen lehtësisht. 20 mijë euro njëri dhe 50 mijë euro tjetri. Ka një kontratë të deklaruar dhe me transferta bankare. Nuk ka nevojë për të shpifur”.

RIVALET – “Mos e merrni lehtë Skënderbeun, edhe pse ka humbur disa ndeshje e ka ekipin, ka lojtarë. Edhe ne kemi qenë larg kreut. Futbolli i tillë është dhe sot jemi 3 pikë nga vendi i parë. Janë gjashtë ekipet e para dhe nuk mund të veçosh askënd. Kam parë një Tiranë ndryshe me Vlorën, shumë të karikuar, dhe në dy fazat e tjera do të jetë ndryshe dhe do të rivalizojë për Europën. Është ngjeshur shumë renditja”.

KUKËSI – “Ne jemi të kënaqur, pasi i kemi luajtur të gjitha ndeshjet jashtë, siç do të luajmë deri në fund. Nëse do të dalim kampion do të jetë një rast unik. Kemi bërë gjëra të tilla, pasi kemi fituar titullin me35 ndeshje pa humbje. Futbolli luhet për tifozë, por tifozët e kanë të vështirë kur luajmë larg. Kemi pasur shumë dëmtime në fillim dhe kemi pasur disa faktorë që na kanë ndikuar. Ne mund të ishim në vendin e parë nëse do të luanim në shtëpi dhe të mos kishim kaq shumë dëmtime. Musolli është një prej lojtarëve që e kemi ndjerë mungesën e tij, pasi është shumë i rëndësishëm për Kukësin”.

PREMIO ANTI-PARTIZANI? – “U shkruajt para pak kohësh se kam dhënë premio për Kastriotin ndaj Flamurtarit. Ishte absurditet. Tani thonë për ndeshjen mes Luftëtarit ndaj Partizanit. Kam paguar për të blerë lojtarë. Kemi bërë marrëveshje për dy lojtarët dhe nuk ka lidhje. Premio është e ligjshme, por nuk do e bëja kurrë. Edhe mua më thanë se ka marrë Kastrioti premio për të na ndaluar ne. Nuk më vjen keq nëse japin premio kundër nesh, edhe sikur Partizani t’i ketë dhënë Kastriotit. Unë nuk kam dhënë premio, ia jap ekipit tim”.

Pazar sërish në Gjirokastër, pasi vetë presidenti i klubit, Safet Gjici ka zbuluar në një prononcim për “A2 CNN” se Vasil Shkurtaj e ka mbyllur marrëveshjen me Kukësin. Numri një i skuadrës verilindorë ka zbuluar se është arritur marrëveshja si me lojtarin ashtu dhe me klubin bluzi për shërbimet e sulmuesit.

“Nuk kemi garë me Partizanin për Vasil Shkurtaj. Ai do të jetë lojtar i Kukësit. Kemi arritur akordin financiar me klubin e Luftëtarit dhe tashmë mbeten vetëm detajet me lojtarin. Besoj se gjithçka do të mbyllet në ditët në vazhdim. Shkurtaj është lojtar i Kukësit”.

“Jemi në rrugën e duhur, përpos faktit që nuk luajmë dot në fushën tonë në Kukës. Ky është një penalizim. Nëse do të luanim në shtëpinë tonë, do të ishim pa diskutim të parët dhe me një diferencë të konsiderueshme nga Partizanit, që aktualisht kryeson. Një tjetër çështje janë dëmtimet, si këtë vit nuk na ka ndodhur asnjëherë, duke nisur nga Musolli, i cili do të jetë lojtar i Kukësit, deri sa të largohet nga futbolli. E takova lojtarin fillimisht dhe ai më kërkoi që ndoshta të qëndronte në Kosovë për tu rikuperuar. Musollin kurrsesi nuk mund ta largojmë, pasi ai ka qenë një prej lojtarëve më të rëndësishëm, prej shtatë vitesh”.

“Zërat për kontradikta? Dashakeqësi, të cilat thuhen gjithmonë, por Kukësi vazhdon përpara. Ndoshta ishte një keqkuptim i Musollit, sepse asnjëherë nuk i kam thënë që duhej të ikte. Ai do të qëndrojë deri në fund të karrierës me Kukësin. Klubi ka detyrim, që ti paguajë të gjitha shpenzimet një lojtari që dëmtohet dhe ketë e kemi bërë. Lojtari kërkoi të shkonte afër shtëpisë së vetë në Kosovë, ndoshta të gjente një ekip për të bërë rehabilitimin e plotë, i cili shkon deri në katër muaj”.

“Premio për fitoren ndaj Skënderbeut? Ju gazetarët këtë punë keni, para ndeshjes e pas ndeshjes veç pyesni a do ketë premio. Ja ku po ju them që do e lëshoj dorën në premio, sepse do fitojmë ndaj Partizanit javën e ardhshme

“Fitorja me Skënderbeun? Më ka shijuar shumë, sepse me presidentin e Korçës ndihem shumë i qetë kur kemi ndeshje. Më ka munguar kohët e fundit, sepse jemi mësuar të bëjmë disa replika brenda kornizave të futbollit. Jemi konkurrentë, por edhe miq me njëri-tjetrin. Uroj që Skënderbeu dhe presidenti Takaj të kalojnë problemet që kanë pasur. Uroj që Skënderbeu, por edhe asnjë ekip tjetër shqiptar, të mos dënohet. Skënderbeu dhe Kukësi i kanë dhënë tonus kampionatit në vitet e fundit, ndërsa ato skuadra që kanë qenë të mëdha tashmë nuk janë aty ku duhet, siç është rasti i Tiranës, për të cilën më vjen keq”.

Për çështjen e trajnerëve të shumtë që ka ndryshuar gjatë këtyre viteve, presidenti Gjici nuk kurseu “shigjetimet” për ish-trajnerin Klodian Duro, ndërsa lëshoi akuza për trajnerin Pakult, i cili shpenzoi në merkato mbi 700,000 euro të përfituara nga shitja e Sindrit Gurit, duke afruar një numër të panevojshëm futbollistësh në ekip.

“Edhe pse kemi hequr trajnerë dhe kemi marrë trajnerë, bilancin e kemi të mirë. Jemi lodhur disi, jemi stresuar, sepse kemi marrë edhe teknikë pa eksperiencë. Kur mora një trajner me zero CV, të gjithë thoshin si e mori Gjici, por ai fitoi një Kupë te Kukësi. Tani edhe trajnerët e rinj te Teuta dhe te Skënderbeu po bëjnë mirë. Aktualisht Teuta me trajnerin që ka po paraqitet shumë mirë dhe është një prej skuadrave rivale. Është mirë që kampionati nuk është garë vetëm mes dy ekipeve, por mes 3-4 skuadrave që pretendojnë”.

“Me paratë e përfituara nga Sindrit Gurit, trajneri që ishte, Pakult, mori 14 lojtarë të cilët luajnë. Shpenzimet klubi i ka bërë. Por, nuk i merr presidenti lojtarët, sepse nuk e di unë kush është i mirë dhe cili jo. Ka një procedurë në përzgjedhje. Pakult afroi 14 lojtarë, kur në fakt na nevojiteshin 5-6 futbollistë. Ia plotësova kërkesën, sepse trajneri tha se me këto blerje do të arrinim fazën e grupeve, por në fakt kaluam vetëm një tur”.

Gjatë ndeshjes, Idrizi qindori përkrah presidentit të Partizanit Gazmend Demi, por pas ndeshjes nuk mungoi dhe një telefonatë nga ana e Safet Gjicit. Nga sa kuptohet numri një i Kukësit duket se ka dashur që ta falënderojë Idrizin që skuadra e tij i dha mundësinë verilindorëve që të ngushtonin diferencën me kreun.

Si gjithnjë, Idrizi në të tilla situata është i kujdesshëm me përgjigjet, por edhe i mban mend ato që thotë, teksa i kujton Gjicit se ka thënë se titulli do të diskutohet mes Flamurtarit dhe Kukësit: “Po të kam thënë o Safet, titulli sivjet diskutohet mes Kukësit e Vlorës”. Ndoshta duket e vështirë, duke parë që si kuqezinjtë ashtu dhe kuksianët janë larg vendit të parë, ndonëse ka ende dhe shumë ndeshje për t’u luajtur.

Dihet që Gjici dhe Idrizi kanë raporte të mira, çka u dëshmua dhe nga marrëveshja mes palëve për Elton Kalen. Gjithsesi, Gjici mori një shumë të konsiderueshme parash për ta lënë brazilianin të lirë, por duke parë paraqitjen e mesfushorit në ndeshjen e djeshme me siguri që do donte që më shumë ta kishte në skuadër anësorin, i cili dha asistin e golit mbrëmjen e djeshme.

FITORJA E FUNDIT – “Ne fituam me fat, ashtu siç na mundi Partizani me fat, pasi vetëm një herë na erdhi në portë dhe bëri një gol të lodhur. Janë pjesë të futbollit, nuk ke çfarë bën. Bëmë një ndërhyrje në verë dhe sipas ish-trajneri të merrnim nja 2-3 lojtarë në çdo pozicion. Unë nuk doja që të merrnim kaq shumë lojtarë. Ia kam besuar Nexhipit që të mos e prishnim ekipin. Larguam Gurin dhe duhej të gjenim dikë që të ishte si ai. Morëm një sulmues që nuk na doli gjë”.

MERKATO – “Që në Kupat e Europës e pamë se skuadra çalonte dhe trajneri i parë e bëri lëmsh. Unë jam presidenti, nuk jam as trajneri dhe as drejtori sportiv. Unë bëj vetëm marrëveshje financiare, ata i marrin lojtarët. Lojtarë ka sa të duash, edhe pse nuk është gjetur ende ai formacioni i duhur, pasi ka ende lojtarë që nuk janë lidhur. Do të bëjmë ndërhyrje në janar, por 2-3 pika, pasi lojtarët e mirë janë në kontratë. Na prishi punë shumë Musolli, i cili ka qenë pikë e fortë. Boshti i ekipit duhet ruajtur”.

KRAHASIMI – “Ne e themi dhe vetë që nuk jemi aty ku kemi qenë, nëse krahasojmë me vitin e shkuar. Ne kemi lojtarë shumë të mirë dhe cilësorë. Do të ketë ndërhyrje, nga mesfusha e lart. Ka mbaruar një fazë. Ne bëmë një lojë të mirë të shkëlqyer me Partizanin, por nuk fituam. Në Fushë-Krujë nuk luajtëm mirë, por fituam. Rezultati matet me pikë”.

KASTRIOTI – “Këto ekipet që e mbajnë veten si kampione e vlerësojnë kundërshtarin. Këtu është puna e trajnerit që të punojë nga ana psikologjike. Nuk ka nevojë që ta krahasosh ekipin me skuadrat si Partizani apo dhe Skënderbeu. Vjet na ka mundur Lushnja në Kukës 1-3, vetëm nga nënvlerësimi. Edhe me Kastriotin kështu ndodhi. Me Kastriotin fituam vetëm me fat. Nuk mund të thuash se ekipi i vendit të fundit nuk të vë vështirësi. Nëse do shënonte golin e dytë do të ishte shumë e vështirë dhe mund ta kishte fituar ndeshjen. Çdo ndeshje duhet marrë njësoj sikur po luan me Partizanin e vendit të parë ashtu dhe me Kastriotin. Nuk duhet të nënvlerësohet asnjë skuadër. Jemi në fazën e parë dhe nuk dihet si shkon deri në fund”.

SFIDA NDAJ PARTIZANIT – “Deri në janar ndoshta dalim në vendin e parë. Jemi 6 pikë larg Partizanit, vetëm dy ndeshje. Këtë javë Partizani do të luajë me Skënderbeun. Mua do më interesonte barazimi. Partizani është para nesh sa i përket pikëve, jo lojës. Jemi dobët ne, nuk po tregojmë ne forcë. Pasi me atë që treguam në Elbasan, Partizani nuk erdhi asnjë herë në portën tonë në pjesën e dytë”.

KREU I KUQ – “Më thoshte Takaj dikur se Kukësin e mbajnë këmbët deri në shkurt dhe nëse e mbajnë Partizanin këmbët deri në shkurt mund të dalë kampion. Nuk ka bërë shumë merkato, nuk shkëlqen në lojë si Skënderbeu, që në të shkuarën ka pasur një super ekip. Nëse është në vendin e parë është me meritë”.

SULMI DHE PASUESI I GURIT – “Morëm Harbën, por që nuk doli aty ku pritej, siç na tha ish-trajneri. Nuk ishte sulmuesi që e zëvendësonte Gurin. Duhet të marrim një sulmues tjetër për të dubluar Rexhinaldon. Shameti nuk është sulmues, nuk mund të presim gola vetëm nga ai, edhe pse është mirë që të shënojnë dhe mbrojtësit e mesfushorët”.

REXHINALDO – “Rexhinaldo theu rregulloren e klubit dhe na takon ne që ta zgjidhim. Trajneri duhet ta bëjë analizën me skuadrën. Besoj se trajneri ka gjithnjë të drejtë, pasi lojtari duhet të ulë kokën dhe të shënojë gola, pasi për atë paguhet”.

GEGA TE KUKËSI? – “Më është ofruar një kërkesë nga menaxherët që ka shfaqur interes për të ardhur tek Kukësi. E kam takuar vetëm 5 minuta”.

TIFOZËT – “E vetmja gjë që nuk është me fitim. Nuk besoj se askush nga ne që investojmë nga sporti fitojmë. Ne investojmë për të kënaqur tifozët. Ndihem mirë kur shoh stadiumin plot, si tek derbi. Pse vetëm në një ndeshje duhet ndjekur ekipi i zemrës? Nuk duhet shkuar në stadium kur je  vëne të parë, por dhe kur je në vendet e mposhte”.

NDYSHIMET TEK PARTIZNI – “Dy ndryshime ka bërë Partizani. Ka afruar trajnerin Skënder gega një dhe ka marrë Olsi Ramën, i cili e ka menaxhuar mirë. Në të shkuarën kanë pasur polemika dhe probleme. Këto dy individë kanë sjellë ndryshimin”.

Menjëherë pas ndeshjes, në deklaratën e shkurtër të dhënë për “SuperSport”, drejtuesi i klubit verilindor nuk e fshehu shijen e keqe të humbjes, megjithatë vazhdon të këmbëngulë se objektivi i vetëm i Kukësit në këtë sezon është fitimi i titullit.

“Patjetër që jam i zhgënjyer, për aq kohë sa nuk e fituam këtë ndeshje”, deklaroi Gjici i cili nuk tërhiqet kur bëhet fjala për të ftuar kampionatin: “Objektivi vetëm titulli kampion? Patjetër që objektivi ynë është vetëm titulli”.

Presidenti nuk dha afate nëse sfida direkte e radhës ndaj Skënderbeut mund të luhet në fushën e Kukësit, me punimet e stadiumit që ende nuk kanë nisur, ndërsa vlerësoi të gjitha ekipet e Kategorisë Superiore. “Të shohim nëse sfida tjetër me Takajn mund të luhet në Kukës. Skënderbeu rivali më i fortë? Nuk ka rivalë të fort dhe të dobët, të gjitha ekipet janë të vështira”.

“Nuk na kanë pritur si miq, por si armiq. Kjo është e pafalshme. Nuk e di ku ndodh tjetër kjo përveç se këtu në Gjeorgji. Na merrnin dhe na gënjenin, na thoshin do t’i bëjmë sot, do t’i bëjmë nesër vizat. Ekipi ynë kundërshtar ka qenë nxitësi për të na penguar. Kjo nuk është ‘fair-play’. Kjo është mënyra për të fituar ndeshjen me forma që nuk janë parë dhe nuk janë dëgjuar”.

“Ne kemi bërë hapat tona me FSHF-në e UEFA-n, si dhe me delegatin e ndeshjes. Do presim si do procedojmë më vonë. Me takimin që do të kemi me këtë të fundit do të paraqiten të gjitha provat dhe faktet, që ky klub nuk është i aftë të organizojë ndeshjen këtu”.

“Malokun e kanë mbajtur plot 7 orë duke u tallur, do të fusim sot, nesër, pas një ore, por dhe mund të kthehesh i thoshin. Ekipi ka udhëtuar në katër të mëngjesit pa asnjë eskortë policie dhe i kanë torturuar edhe në aeroport, duke i larguar autobusin që ne e kishim marrë nga një kompani private”.

“Lojtarët kanë qëndruar për 20 minuta me çanta në krah. Janë tallur. Unë kam marrë një vendim që me klubin e Torpedos të mos kemi asnjë kontakt. Jashtë fushe ne duhet të pritemi si miq dhe të përcillemi si të tillë. Këta nuk e kanë bërë dhe ne nuk do të shkojmë në drekën zyrtare. Janë sjellë shumë keq me ne, nuk mund të fitosh në rrugë të tilla”.

“Them se kjo gjë është bërë me dashje të nxitur nga klubi i Torpedos, pasi ky klub nuk ka nxjerrë asnjë person të na presë, as nuk ka njoftuar policinë e shtetit për të na shoqëruar. Nga kjo pikëpamje ndeshja nuk ka siguri për t’u zhvilluar. Ne kemi ardhur për të luajtur, nuk duam që ta anulojmë ndeshjen apo ta shtymë, por ne nuk jemi të barabartë, pasi na kanë hequr 3 lojtarë të rëndësishëm, cilësorë dhe që luajnë në formacion. E kanë sajuar këtë situatë për të penguar lojtarët më të mirë që ta kenë më të lehtë fitoren këtu”.

“E njeh apo jo Kosovën Gjeorgjia nuk kemi ardhur për këtë gjë. Ata nuk po na lënë të luajmë futboll. Na kanë nxjerr pa fund problem. Besoj se UEFA do të reagojë dhe është në dijeni të të gjitha veprimeve që ka marrë ky klub.

“Ju kam thënë djemve dhe stafit se kjo është një plus për t’u karikuar dhe për të marrë një rezultat pozitiv. Nuk e di sa çunat do e vënë sedrën në punë për ta kthyer këtë situatë në një rezultat pozitiv për ne”.

Tani edhe Kale akuzon se Kukësi ka dorëzuar në federatë kontratë që nuk është firmosur prej tij, duke dhënë edhe prova https://sportekspres.com/ekskluzive-elton-kale-denoncon-kukesin-ka-falsifikuar-kontraten-time/, ndaj nuk është paraqitur fare te Kukësi, duke arritur marrëveshjen me Flamurtarin për sezonin e ri.

Çështje e ndërlikuar, ku ka vetëm batuta e akuza në distancë, por që natyrisht do të zgjidhet nga UEFA e FIFA, meqë në FSHF nuk po marrin ndonjë masë, për të publikuar të paktën ndonjë fjali a do të ketë hetim nga Disiplina, a do të merret ndonjë masë apo jo.

Shkrimi për Kalenë dhe rolin e FSHF-së duket se ka ngacmuar presidentin e Kukësit Safet Gjici, i cili nga Azerbajxhani ka komentuar në faqen e “Sport Ekspres” në Facebook. Me fjalor paksa “piktoresk”, Gjici ka sulmuar gazetën (por nuk është ky lajmi) dhe mbi të gjitha ka sulmuar Kalenë, duke paralajmëruar se do dënohen, si Kale, ashtu edhe Flamurtari.

“Lojtari kur ka firmosur e ka lexuar kontratën dhe ka parë datat dhe vitet. Do e shihni, penalitet qoftë për lojtarin, qoftë për ato klube që firmosin kontratë me një lojtar që është nën kontratë me një klub tjetër. Lojtari gënjen, ngaqë e kam penalizuar se nuk ka ardhur kur është grumbulluar ekipi, por do e shihni çfarë penalizmi do i vijë nga UEFA e FIFA. Po çfarë interesi ka klubi të gënjejë për kontratën e tij, a thua Kale është Ronaldo?!!”.

Është fitorja personale e Safet Gjicit: Sindrit Guri në Belgjikë është si një trofe për presidentin e Kukësit, që realizon një tjetër “fiksim” të tij. Ka fituar kupë, kampion e Superkupë, por kishte ardhur koha që Kukësi të bëhej fitimprurës dhe të prodhonte, ashtu si Skënderbeu. Më në fund klubi verilindor ia doli, sepse Guri është goditja e vërtetë, jo Cikalleshi, as Bakaj. Tashmë Kukësi dhe Gjici janë plotësisht në elitë, që do të thotë që nuk bëhet më fjalë vetëm për shpenzime pa fund për ndonjë trofe, por investime dhe fjala investim ka edhe fitim brenda, kthim pas të shifrave kolosale të investuara ndër vite. Në një intervistë për Supersportin, presidenti i Kukësit ka folur për transferimin e Gurit, por jo vetëm kaq, sepse paralajmëron revolucion te Kukësi, duke larguar menaxherin Naim Halili dhe duke bërë ndryshime të tjera, për ta kthyer klubin e vet në 100% profesionist, sepse jemi në ekonomi tregu.

– Gjici, goditje e madhe kjo e Gurit.

– Ne kemi bere transfertë të mirë, e dinë që sulmuesit janë të vështirë të gjenden. Është futboll, por edhe biznes. Është lëvizje e mirë, ka shkuar në ekip cilësor. I uroj suksese atje ku do shkojë. Largimi i tij na ka vënë ne pozita të vështira për të gjetur pasues. Megjithatë, Nexhipi dhe Pakult kanë disa alternativa për te kompletuar jo vetëm sulmin, por gjithë repartet.

– Sa do të ndihet mungesa e një lojtari të tillë?

– Meqenëse Guri ka dy-tre vite me ne, është normale që të ndihet mungesa. Kam besim te trajneri që e nxori Gurin në skenë se do gjejë një tjetër. Bashkë me Nexhipin kanë menduar alternativën e duhur.

– A do të thotë kjo lëvizje se tashmë jeni ngjitur në nivelin e Skënderbeut?

– Skënderbeu është ekip i organizuar mirë dhe kalimi deri në grupet e Europa League nuk është rastësi. Ne kemi pasur mangësi stafesh menaxheriale. Ka qene e metë që nuk na sollën lojtarë cilësorë për të bërë ekip të mirë dhe për të plotësuar ekipin që të luajë në Europë. Ekipe të mëdha kanë rënë nga kategoria, Tirana, por edhe Vllaznia është drejt rënies. Ne do vendosim një staf të mirorganizuar në të gjitha hallkat e klubit. Kemi zgjidhur problemin kryesor, trajnerin:  po të ishte nga fillimi do ishim kampion. Do ketë ndryshime të mëdha, kemi larguar edhe Naim Halilin. Nuk merrej me punët e tij si menaxher, por me gjëra që nuk i takonin. Të jesh kaq korrekt dhe te mos kesh rezultate është diçka që na ka penguar shumë.  Kam qene korrekt me të gjithë trajnerët dhe nuk i janë përgjigjur investimeve të bëra. Nuk i janë përgjigjur korrektësisë dhe investimeve. Ne jemi futur në treg me gurin, më parë kemi bërë gjëra të vogla. Çdo vit do fillojmë të shesim, me punë. Na duhen lojtarë në disa reparte.

– Meritë e kujt është ky transformim?

– Trajneri dhe Nexhipi janë çelësi i suksesit. Nexhipi nuk kishte eksperiencë, por bashkëpunimi midis tyre ka sjellë këto rezultate. Trajneri ka punuar shumë me Gurin. Nexhipi ka gjetur gjuhën e bashkëpunimit me trajnerin. Do bëjmë një staf të mirë, që të shesim lojtarë.

– Emra të tjerë?

– Kemi nja dy lojtarë, por le t’ia lëmë kohës.

– A keni pasur ndonjë këshillë për trajnerin?

– I kam thënë që disa talente duhen afruar, t’i përgatitim dhe rritim vetë. Pakult i përgatit talentet shumë mirë.

– Një skuadër e mirë ka nevojë për një stadium dhe fushë të mirë.

– Në Kukës ka shkuar një studio projektimi, ka bërë matjet dhe besoj qe projekti është me standardet e UEFA-s. Shumë shpejt do kemi projektin dhe them që për dy muaj do fillojë puna, do marrë miratimin dhe shumë shpejt do fillojmë punën.

TRAJNERI – “Kemi përzgjedhur një trajner me shumë përvojë, i cili ka drejtuar dhe skuadrën e madhe të Rapidit të Vjenës, ku ka dalë dhe kampion. Ka drejtuar skuadra që janë shumë herë më lart se skuadra e Kukësit. Nuk besoj se ka ardhur një trajner si Pakult në Shqipëri me CV që ka, sa i përket atyre trajnerëve që kanë drejtuar në kampionat shqiptar”.

FLAMURTARI – “Kemi një ndeshje shumë të vështirë me Flamurtarin, i cili ka një skuadër shumë të mirë këtë edicion. Duhet të përgatitemi shumë mirë nga ana psikologjike, por dhe nga ana morale që ekipi duhet të fitojë këtë ndeshje. Fitorja me Flamurtarin do të bënte që të nisnim ngjitjen e shkallëve për në vendin e parë. Objektivin ne nuk e lëvizim, e kemi mbrojtja e titullit kampion”.

ZGJEDHJET – “Kam dëgjuar dy alternativat dhe besoj se do e ndihmojnë futbollin. Vota është e fshehtë. Kukësi ka administrator dhe do bëjë alternativën më të mirë, që në radhën e parë është në të mirë të Kukësit dhe të kuksianëve. Në radhë të dytë për të mirën e futbollit të kuksianëve. Këtë e them sepse mediat mezi e thyejnë gjuhën në Kukës. Ne ju kemi treguar se bëjmë futboll, marrim trofe dhe i kemi marrë me meritë dhe nuk ia dimë për nder askujt për ato që kemi marrë”.

STADIUMI – “Kemi një problem me stadiumin. Kemi një projekt ide shumë të mirë. Federata dhe qeveria besoj se do na ndihmojnë me një investim shumë herë më të vogël se stadiumi i Elbasanit apo ai i Shkodrës, mund të bëjmë një stadium shumë të mirë. Besoj se e meritojmë, pasi në këto vite kemi qenë çdo vit në kompeticionet europiane dhe kemi marrë tre trofe të rëndësishëm”.

“Ne kemi rënë dakord dhe e kemi nëshkruar kontratën me trajnerin e ri, z. Pakult. Pandiskutim që kemi pasur kontakt të vazhdueshëm prej gati 2 javësh. Kemi rënë dakord që të jetë trajner i Kukësit për 1.5 vite. Besoj fort te trajneri, i cili ka mjaft eksperiencë dhe i ka dhënë provat si te Rapidi i Vjenës, apo dhe Lajpcig, etj. E falenderoj që pranoi të bashkëpunonte me ne, po ashtu dhe miqtë që e kanë rekomanduar dhe sjellur te ne. Ardhja e këtij trajneri, me kaq shumë eksperiencë, që ka marë titullin kampion te Rapidi i Vjenës, është shumë e rëndësishme për një ekip kampion si Kukësi, sepse duhet një trajner i tillë që të arrijmë objektivin e mbrojtjes së titullit kampion, por dhe Kupën e Shqipërisë. I uroj suksese trajnerit”.

Gjici ka prezantuar edhe drejtorin sportiv Nderim Nexhipi: “Kemi marrë dhe një drejtor sportiv, që të gjithë e njihni, si Nderim Nexhipi, të cilit po ashtu i uroj suksese për këtë funksion që nuk është i vogël. Besoj se Nexhipi do japë shumë duke e njohur kampionatin shqiptar. E njeh dhe Bundesligën dhe kjo është një arsye e bashkëpunimit me trajnerin. Besoj se do kemi suksese, për t’i dhënë një frymë tjetër ekipit të Kukësit. Nexhipi do të ketë dhe rolin e PR, aty ku ne kërkojmë, pasi e kemi pasur dhe më parë. Ne jo vetëm që do të blejmë lojtarë, por dhe do shes e kjo është detyra e Nexhipit. I uroj shumë suksese. Ishalla me finalizimin e mbrojtjes së titullit kampion.

Merkato: “Trajneri gati e zbuloi dhuratën (i referohet Donjet Shkodrës). Presim që ta mbyllim sot marrëveshjen. Ka dhe disa lojtarë që po i studion vetë, po ashtu ka të drejtën të afrojë lojtarët e tij. Edhe Halili e Nexhipi i kanë afruar afro 20 lojtarë në reparte të ndryshme. Ne do marrim sa do i nevojiten ekipit, por nuk besoj se duhen më shumë se 2-3 përforcime. Nuk veprojmë pa fjalën e trajnerit.

Milinkoviç: “Trajneri Milinkoviç e njihte kampionatin shqiptar dhe kishte bërë mirë te Luftëtari. Një trajneri mund t’i ecë në një skuadër por jo në një tjetër, ndoshta ai ishte për skuadra të mesme e jo për titull. Trajneri aktual ka marrë titullin me Rapidin e Vjenës dhe është ndyshim i madh. Nuk kishte provuar Milinkoviç trofe mbi shpinë. Besoj te trajneri i sapoardhur,  sepse ka nje CV si pak trajnerë që kanë ardhur në Shqipëri. A do të përshtatet, a do japë atë që presim, do e shohim në fushë. Ne kemi besim të plotë te trajneri, pasi në një kohë shumë të shkurtër ka studiuar lojtarët dhe ekipin në detaje. Më jep besim se do ketë sukses. Nëse marrin titullin dhe Kupën, ky trajner do jetë për gjatë te Kukësi.

Titulli: “Nuk ka shumë vështirësi, edhe pse ne jemi në një diferencë pikësh jo të vogël me Skenderbeun. Janë 60 pikë në lojë dhe ne matematikisht mund ta arrijmë vendin e parë. Në futboll ndodh gjithçka. Në futboll duhet të provojmë derisa ta lejon matematika. Besoj shumë se do e mbrojmë titullin dhe do plotësojmë kërkesat që ka trajneri për lojtarët. Besoj se është trajner që e mban presionin, jo si Milinkoviç që hyri në presion. Milinkoviç u fut në presion para lojtarëve për titullin, jo nga presioni që bëj unë. Këtë radhë nuk bëra presion, pasi tre herë e dha dorëheqjen dhe e mbajta. Nuk e shkarkova, e prita, i dhashë mundësinë derisa nuk kishte ku të shkonim më.
E zgjodha trajnerin të huaj, pasi nuk besoj se kishte trajner të lirë në treg për Kukësin. Kam besim se ky trajner me këtë pozicion ku jemi mund të japë zgjidhje afatgjata. Mund të realizojë objektivin, por koha do e tregojë nëse kemi të drejtë.
Stadiumi: “E kemi paraqitur një projekt ide. Jemi në bisedime me Bashkinë, pasi stadiumi nuk është i yni. Po hartojmë një projekt të përbashkët, çka do të thotë të investohet një pjesë nga shteti, një pjesë nga FSHF. Gjatë 2018 do të kemi projekton që i përshtatet. Do përshtasim stadiumin aktual. Nuk do të shkojë më shumë se 5 milion €. Stadiumi do të përmbushë keiteret e UEFA-s

Lojtarët dhe pagat e pa dhëna për gjoba: “Penalitetet shkojnë në FSHF, mund të pyesni atje. Janë probleme që i takojnë financës. Nëse ka penalisht, ka informacion në Federatë, në të kundërt lojtari merr rrogën. Këtu ose e merr rrogën, ose nuk e merr rrogën se ke penalitet.

Hallaçi zëvendëstrajner: “Hallaçi është ikonë e Kukësit dhe ka bërë shumë mirë si futbollist. Ne kemi menduar ta kalojmë në staf, edhe me kërkesë të trajnerit, që e ka kërkuar ndihmës. Nga sot Hallaçi ka marrë dhe licncën dhe besoj do e ndihmojë shumë duke njohur dhe ambjentin këtu. Është një vlerë e shtuar”.

Thuajse të gjithë në Kukës e dinë atë shprehjen që është më vështirë që ta ruash titullin sesa ta mbrosh atë, por nëse më parë vetëm e kishin dëgjuar, tani po e jetojnë vetë dhe ka mjaftuar një barazim me Vllazninë për t’i trazuar ujërat. Nuk lejohej hap fals, pasi Skënderbeu kishte fituar një ditë më parë. Që aty nisi kërkesa e llogarisë, me trajnerin Milinkoviç që në prononcimet pas ndeshjes nuk nguroi që t’ia faturonte mbrojtjes këtë barazim, duke përmendur dhe emra të përveçëm. Presidenti Gjici i zhgënjyer la stadiumin, pa folur me lojtarët e tij, por as me mediat.

TAKIMI ME STAFIN – Në orët e para të mëngjesit të së hënës stafi teknik, është paraqitur në zyrat e Kukësit dhe kanë analizuar me Gjicin ndeshjen me Vllazninë, për të veçuar pikat se ku ka gabuar skuadra. Numri një i skuadrës ka shfaqur pakënaqësinë e tij për lojën e zhvilluar, pasi në Kukës nuk mbahet mend hera e fundit se kur skuadra ka qenë në disavantazh të dyfishtë, në një farë mënyre trajneri Mlladen Milinkoviç dhe stafi i tij kanë dhënë llogari para numrit 1 të Kukësit.

Gjici, i cili vetëm të shtunën mburrte trajnerin Milinkoviç dhe evidentonte faktin që serbi ka një staf shumë të kompletuar, duket se nuk e ka fort me qejf këtë gjë, pasi në nerva e sipër ka urdhëruar edhe largimin nga puna të ndihmëstrajnerit Marko Jovanoviç, i cili bën rolin e analistit tekniko-sportiv në skuadër dhe Gjici ka shfryrë nervat pikërisht ndaj tij. Nuk dihet ende nëse largimi i Jovanoviçit është përfundimtar, sepse zor se Milinkoviç do ta pranojë largimin e ndihmësit, por “Sport Ekspres” mëson edhe një detaj të rëndësishëm nga mbledhja me tone të larta: Milinkoviç dhe stafi kanë si ultimatum fitoren në Vlorë, këtë fundjavë. Nëse nuk fitohet, pritet tërmet dhe nota 9 e së shtunës së shkuar për trajnerin mund të shumëzohet me zero.

MBLEDHJA ME LOJTARËT – Nga zyra e presidentit Gjici në kompleksin “Internacional” në Pezë. Në orën 12:00 skuadra ishte thirrur për seancën e parë stërvitore të kësaj jave. Para se të niste puna në fushë, ka pasur një diskutim mes stafit dhe lojtarëve. “Sport Ekspres” mëson se stafi teknik ka nisur të kërkojë fajtorët e atij barazimi që është përjetuar si një humbje, pasi Skënderbeu ka nisur arratinë. Kryesisht ka qenë reparti i mbrojtjes ai që ka marrë më shumë kritika, gjithsesi nuk ka munguar replika dhe nga ana e futbollistëve. Pjesëtarët e stafit kanë kërkuar llogari për veprimet në fushë, që ditën e ndeshjes, por siç duket është e rëndësishme gjetja e fajtorit, pavarësisht se diçka e tillë mund të bëhej pa zhurmë.

Një klimë jo shumë e ngrohtë, që nuk i shkon për shtat një skuadre kampione. Nuk mund të lihen pas krahëve fjalët e Milinkoviçir në prezantimin e tij, kur deklaronte se presioni do të ishte mbi të dhe jo te lojtarët. Duke bërë në një mënyrë a në një tjetër “gjyq” për lojtarët, nuk shkon fjala në vend. Edhe lojtarët kanë shfaqur pakënaqësitë e tyre, por duket se në Kukës ajo që ishte arma më e fortë edicionin e shkuar,  harmonia, mungon. Kukësi ka një sfidë të madhe përpara dhe mënyra se si do ta menaxhojë do të tregojë nëse mund ta përballojë të qenurit kampion. Megjithatë, kjo nuk është një situatë aspak e mirë, pasi duhet imagjinuar çdo të kishte ndodhur nëse do të kishte ardhur disfata, që ishte pranë… Pas debateve mes lojtarëve dhe stafit stërvitja ka vijuar normalisht.

“Jam shumë i kënaqur për sa i përket pjesës së parë. Në pjesën e dytë skuadra bëri shumë gabime”, e nisi prononcimin e tij për “Sport Ekpsres” presidenti i Kukësit, Safet Gjici. Bosi i Kukësit nuk e fshehu gëzimin për fitoren, por njëkohësisht nuk harroi të kritikojë mbrojtjen për ato momente, kur skuadra vuri në diskutim fitoren: “Fitorja na gëzon, pasi të kesh tre mungesa titullarësh nuk është pak. A është ekipi i pjesës së parë ai ekipi kampion që duam? Po, mund ta them këtë, por besoj se do të ishte më mirë, nëse s’do të kishim ato mungesa. Rezultati është i mirë. Nuk e di nëse ishte penalltia e Teutës, nuk mund të flasim, ka vend për analizim. Goli i dytë ishte gabim amatoresk nga ana e mbrojtjes tonë, nuk duhet të gabonin aty. Bënë disa gabime në pasime, por kur fiton nuk ke çfarë thua. Ishte një fitore me meritë dhe me një pjesë të parë shumë të bukur”.

Alijev dhe Ethemi ishin dy protagonistët e takimit dhe numri 1 i Kukësit nuk i kursen elozhet për të dy. Gjici e pranon se pret që sulmuesi azer të bëjë Pejiçin. Në krahun tjetër, beson shumë te Ethemi, për të cilin shpreh dhe dëshirën që në të ardhmen të mbushë arkat e klubit me një shitje të mundshme: “Më gëzon fakti që Alijev po zhbllokohet. Pres që ai të shënojë çdo ndeshje, siç bënte Pejiç sezonin e shkuar. Por ka nevojë për kohën e vet, të njohë futbollin shqiptar më mirë. Është lojtar i huaj. Etemi mund të jetë zbulimi i sezonit. Kam biseduar me trajnerin dhe ai i ka dhënë besim. Ende nuk mund të përballojë 90 minutat e një ndeshje, por ka talent dhe nëse vazhdon me këtë ritëm në të ardhmen, mund të mbushë arkat e klubit me transferimin e tij jashtë vendit”.

Jurgen Zela

Presidenti i Kukësit, Safet Gjici, ka folur rreth ndeshjes me Lushnjen, por jo vetëm. Për “Sport Ekspres” numri 1 i kampionëve preku dhe çështjen e titullit kampion, por dhe projektin e stadiumit të ri. Kur do e takojë skuadrën? Vetëm pasi të kenë bërë dhe dy fitore radhazi. Normalisht këtu përjashtohen takimet në pushim të ndeshjes, ku motivimi i Gjicit deri më tani ka dhënë gjithmonë efekt. NJeë politikë që e ndoqi dhe dje në ndeshjen me Lushnjen.  

Një fitore me dy gola në fushën e Lushnjes, por një lojë që nuk bind…  

Pjesën e parë e kishim marrë me frikë. Alijev humbi disa raste, ashtu si Guri. Edhe Lushnja pati rastet e saj. Në pjesën e dytë u kthyen te loja e tyre. Akoma nuk është ekipi që unë pres, por implementimi i skemave të reja të trajnerit kërkon kohën e vet. Trajneri është lodhur shumë që të përcjellë filozofinë e tij, pasi shumë lojtarë e kuptojnë, por jo të gjithë, ndaj duhet dhe pak kohë për ta sjellë ekipin aty ku unë pres.

Guri dhe Alijev shënojnë golat e parë, besoni se tani do të kenë vazhdimësi?

Besoj se pas golave të shënuar sot nga Guri dhe Alijev, ata do të shpërthejnë, pasi dolën nga ai presioni i golit ku ishin futur. Unë pres shumë nga këto lojtarë, që janë kryesorë për skuadrën.

Dëmtimet nuk po ju lënë aspak të qetë…

Dëmtimi i Shametit na ka prishur shumë punë në mbrojtje. Dëmtimet nuk na janë ndarë, çka na kanë hapur jo pak probleme. Skuadra do të vijë aty ku duhet shumë shpejt. Kam besim.

Keni vënë si kusht fitore të njëpasnjëshme për skuadrën, për të shlyer ndeshjen e fundit me Skënderbeun, por a mund të jetë hedhur pas krahëve ajo humbje?

Skuadra me mua do të takohet pas dy fitoreve të tjera, ndryshe nuk i takoj. Me Skënderbeun ishte një hap fals i madh, që unë nuk e prisja kurrë. Jo se luajti mirë Skënderbeu, por luajtëm ne keq. Natyrisht, kur një skuadër luan keq, atëherë skuadra tjetër do fitojë. Them se duhet ende shumë punë e trajnerit që skuadra të lidhet. Edhe pse ka kaluar goxha kohë, ende nuk janë përshtatur 100%.

Mes shumë mungesash arrini të fitoni, por mungojnë alternativat. E shihni skuadrën të plotë për të synuar mbrojtjen e titullit kampion?

Skuadra jonë është ndërtuar për titull. Investimi është shumë herë më i madh se vitin e kaluar. Problemi është se lojtarët që ne i kemi marrë për të bërë diferencën, nuk janë ende aty ku presim. Nga Alijev kam shumë më shumë pritshmëri, nga Guri po ashtu. Pres të japin akoma më shumë, pasi janë lojtarë të një niveli shumë të lartë. Kjo është në dorën e trajnerit. Në momente të caktuara pamë një lojë shumë të bukur dhe ashtu duhet të jetë loja e Kukësit. Fitorja është fitore, por ne do të bëjmë analizën për të parë se çfarë problemesh e shqetësojnë stafin.     

Keni prezantuar projektin për ndërtimin e stadiumit, por ju mund të na thoni në cilat hapa është ky projekt?

Është një projekt ide, nuk është kryer akoma projekti. Ne kemi kontakt me studion dhe unë kam kërkuar një model stadiumi. Studio ka bërë një projekt ide, që ne e kemi prezantuar, por është një projekt që duhet të investohet nga qeveria dhe federata së bashku me klubin. Besoj se vitin tjetër do të nisin punimet, që edhe Kukësi të ketë stadiumin e tij me të gjitha kushtet për të luajtur ndeshje ndërkombëtare.

Gjici nuk i ka kursyer batutat në pushim të ndeshjes, kur i ka thënë Gurit “duhet të shënosh dhe një gol”. Guri ia dëgjoi këshillën, sepse në pjesën e dytë shënoi edhe një gol, ndërsa tentoi pa fund të shënonte sërish.

MUNGESAT – Enea Koliçi dhe Rraman Hallaçi kanë kryer stërvitje të diferencuar për pak minuta dhe më pas janë zhvendosur në tribunë për të ndjekur takimin. Edhe Shameti pas terapisë me mjekun e skuadrës Mel Ostreni, kishte zgjedhur që të ndiqte ndeshjen nga stadiumi. Pas ndeshjes dhe lojtarët e stolit kanë kryer disa minuta stërvitje të lehtë, por dhe gjatë ndeshjes kanë kryer nxehje për gjatë gjithë pjesës së dytë.

Jurgen Zela

Tre gola të shënuar, një lojë e kënaqshme, por ende jo aty ku duhet për presidentin e Kukësit, Safet Gjicin. Numri 1 i kampionëve ka folur pas ndeshjes për “Sport Ekspres”, teksa fillimisht ka analizuar fitoren me kurbinasit: “Pa diskutim që skuadra u përgjigj mirë, sidomos pjesën e dytë. Në pjesën e parë shpërdoruan shumë raste. Mungesa e Zeqirit në mesfushë ishte shumë e rëndësishme, por shumë raste të humbura nuk më pëlqejnë. Ishte një ndeshje, që duhej vlerësuar shumë, pasi dihej që Laçi do të vinte i mbyllur për të marrë barazimin. Vend për analiza mund të ketë, por fitorja mbetet fitore. Do ta vlerësoja me notën 7 lojën e skuadrës sot (dje)”.

E ARDHMJA – I pyetur, nëse pret më shumë nga ky Kukës, bosi i kuksianëve tregohet i prerë dhe thekson: “Nuk kënaqem me pak. Ne kemi bërë një skuadër shumë më të mirë se sezonin e shkuar, pasi dhe kampionati është më i fortë. Besoj se ekipi, me kalimin e kohës, do të vijë aty ku duhet. Trajneri ka një punë të vështirë për të implementuar skemat e tij. Dikush nga lojtarët mund të përshtatet më shpejt dhe dikush jo. Stafit po ashtu i duhet kohë për të arritur aty ku të gjithë duam”.

SULMI – Sulmuesit u zhbllokuan. Alijev ishte protagonist në golin e parë dhe për Gjicin kjo është diçka pozitive, megjithatë përsërit se pret shumë nga azeri, që nga ndeshja me Skënderbeun: “Jam i kënaqur që Alijev ishte protagonist, pasi ishte nën presion për të gjetur golin. Pres shumë prej tij, pasi e kemi marrë për të bërë diferencën. Besoj se do të vijë aty ku kemi pritur. Duam që me Skënderbeun të shkëlqejë”.

SKËNDERBEU – Në shkuarën kanë spikatur ngacmimet në distancë me homologun Ardian Takaj, por tashmë duket se raporti nuk është i njëjtë: “Nuk kam shumë miq në sport, por mik futbolli patjetër që mund ta pranoj. Ekipi duhet të karikohet më shumë për Skënderbeun. Do të shohim vetëm ekipin tonë, pasi ka ende vend për disa korrigjime. Duhet kohë, që skuadra të konsolidohet, pasi kemi parë që shumë pasime ishin të gabuara. Besoj se do të vijë loja, që realisht dua”.

TIFOZËT – Para  ndeshje presidenti Safet Gjici foli edhe për mungesën e tifozëve, duke mbajtur një qëndrim të prerë: “Tifozët duhet të sensibilizohen dhe të vijnë në stadium. Duhet t’i vënë gishtin kokës, të mos jenë racistë. Ne kemi treguar edhe në situata të vështira se dimë t’ia dalim. Tifozët e Korçës me ata të Kukësit janë si dita me natën. Skënderbeu luan me Mamurrasin në kupë dhe mbushet stadiumi plot. Këtë duhet të bëjnë edhe tifozët e Kukësit”.

“Kishim ardhur për fitore, por edhe barazimi është një rezultat i mirë. Kuptohet që skuadra do kohën e vet dhe kanë ardhur lojtarë të rinj, si Alijev, që ka nevojë për kohë ambientimi, por jemi të bindur që loja do të vijë”, u shpreh bosi i klubit kampion.

Një deklaratë e shkurtër, por Gjici dukej i qetë dhe në humor, shenjë se ndeshja i ka pëlqyer.

Presidenti i Kukësit Safet Gjici ka dhënë një prononcim të shkurtër për “Sport Ekpsres” pas ndeshjes me Kamzën. Numri një i skuadrës është shfaqur i lumtur për fitoren, por deklaron që pret akoma më shumë nga skuadra e tij. Çfarë nuk i pëlqeu në ndeshjen e djeshme? Rastet e  humbura duhet të ishin kthyer në gol, për bosin e Kukësit: “Sot skuadra u paraqit mirë, por shpërdoruan shumë”, tha fillimisht. Edhe pse skuadra fitoi, ende nuk ishte aty ku janë pritshmëritë e të gjithëve. Në këtë linjë është dhe Gjici, i cili tregon dhe arsyen se pse skuadra nuk po del në lojën e saj: “Kam besimin se do të ngrihen akoma më shumë dhe nuk do të luajnë me aq shumë tension dhe frikë”, vijoi presidenti Gjici.  

Skuadra vinte pas humbjes së Superkupës, por nëse mendohej se fitorja me Kamzën mund ta justifikonte disi atë humbje, drejtuesi më i lartë i Kukësit nuk i bashkohet këtij mendimi: “Nuk krahasohet ajo ndeshje me fitoren e sotme (djeshme)”.

Në pushimin e ndeshjes, Gjici preferoi që të takonte lojtarët e tij. Në fund të pushimit u dëgjuan ovacione nga dhomat e zhveshjes. I pyetur se si i motivoi të tijtë, që “u zgjuan” në pjesën e dytë, Gjici tregohet i prerë: “U thashë që të luajnë vetëm futboll, çfarë t’u thosha tjetër”, përfundoi presidenti i Kukësit.