Ky i fundit nuk i është bashkuar akoma skuadrës në fazën përgatitore në Ohër të Maqedonisë, por nëpërmjet postimeve në rrjetet social ka dhënë një mesazh mbështetës për futbollistin shkodran me të cilin ndan një raport shumë miqësor.

“Edhe të verbrit e panë rëndësinë tënde sezonin e kaluar! Qëndro i qetë. Të vërtetët i njohin të vërtetit! Zoti është me ty”, shkroi anglezi në mbishkrimin e një postimi ku ai shfaqej në foto me Hasanin.

Në këto kushte bashkëpunimi mes trajnerit Ardian Mema dhe Hasanit zor të vijojë në kushte normale. Numrit një të klubit bardheblu i leverdis të qetësojë situatën dhe të kërkojë reflektim. Gjithsesi nga ana tjetër edhe trajneri Mema kërkon disiplinë dhe ka vënë veton: “Ose unë, ose Hasani”.

Mesfushori nga ana tjetër ka disa oferta, por kontrata e mban të lidhur me Tiranën. Presidenti Halili sot pritet të marrë një vendim në lidhje me gjithçka ka ndodhur. Gjasat janë që shkodrani ta mbyllë me 24 herë kampionët e vendit, mbetet vetëm për t’u parë se si do të zgjidhet çështja e kontratës.

Ndërkohë edhe Ngo është kthyer në telenovelë. Sulmuesi anglez pritej në fillim të javës të rikthehej në Shqipëri. Gjithsesi ai është ende në Angli. Vetë Ngo e ka shprehur dëshirën për të vazhduar karrierën me bardheblutë, kurse te Tirana heshtin. Në këto kushte, dyshja që vjet kontribuoi shumë në shmangien e rënies nga Superiorja janë larg bardhebluve.

Ditën e djeshme në stadiumin “Selman Stërmasi” ka qenë i pranishëm edhe menaxheri Mario Cenolli, i cili edhe përfaqëson të drejtat e Ngo. Së bashku me sulmuesin ai ka darkuar në një nga restorantet e kryeqytetit.

Ajo që ka intriguar më së shumti ka qenë prania e Gerald Burbës, juristit të Partizanit. Ata janë miq, por në periudhë merkatoje mjafton një foto e tillë për t’i trazuar gjërat. Cenolli në komente merr një paralajmërim nga Edon Hasani, ndërkohë që edhe Ngo i qetëson të gjithë: “Bardh&Blu vëlla”.

“Këpuca e Artë? Unë me atë timen e kam fituar, pasi jam torturuar për t’i bërë ato gola. E uroj Rexhinaldon. Kemi edhe një shans për të marrë hakun, në finalen e Kupës”.

E ARDHMJA – “Kam edhe një vit kontratë, jam i përqendruar këtu. Jam i lumtur që jam pjesë e kësaj familje. Falënderoj presidentin Halili që më hapi dyert për të qenë pjesë e këtij klubi të madh”, u shpreh Hasani, ndërkohë që gazetari Gjergji Stafa tha se për shkodranin ka një ofertë që shkon në 200 mijë euro dhe në klubin bardheblu po mendohen mirë.

KUPA – “Do japim maksimumin, nuk rikuperohemi plotësisht. Duhet të ndjekim të njëjtën recetë si në Laç. Po luajtëm ashtu, me atë grinte, ia dalim. Normal duhet të jemi me këmbë në tokë, Kukësi ka më shumë cilësi. Unë kam besim se mund t’ia dalim”.

TIFOZËT – “Kam tentuar disa herë, duke festuar golat aty, që të pajtohemi. Edhe ata kanë njëfarë të drejte, Tirana nuk është aty ku i takon. Ne do bëjmë pjesën tonë, pasi ata na kanë mbështetur kudo. U bëjmë thirrje të jenë në finalen e Kupës për fanellën dhe për këtë klub”.

Gjithsesi ende nuk duhet nëse shkodrani  do të aktivizohet në ndeshjen e nesërme me Flamurtarin. Gjatë kësaj periudhe ai ka pasur probleme me rrëzat, siç thuhet në gjuhën popullore. Për këtë i është dashur të bëjë terapi një ditë më parë dhe nuk është stërvitur me skuadrën.

Sot do të shihet nëse do të mund të luajë ndaj vlonjatëve. Duke pasur parasysh që duhet vetëm një pikë me Flamurtarin, edhe mund të kursehet. Hasani është shumë i rëndësishëm për finalen e Kupës, që luhet të dielën mes Tiranës dhe Kukësit në stadiumin “Elbasan Arena”.

Pikërisht lidhur me këtë gol, ka reaguar edhe Majkëll Ngo. Gjiganti i sulmit ka postuar në llogarinë e tij në Instagram golin, ku bashkangjitur postimit ka vendosur dhe një shkrim. “Meqë ra fjala, i thash Edonit të gjuante, sepse nuk mund të bashkohesha në atë sulm. Vrapova si një qen i tërbuar sot (dje)”.

Vlen për t’u përmendur që pavarësisht triumfit të djeshëm, Tirana ende nuk e ka siguruar qëndrimin mes më të mirëve, teksa në ndeshjen e fundit pret Flamurtarin, ndërsa Kastrioti luan ndaj Kukësit.

Tashmë Hasani është në duart e mjekëve dhe po lufton me kohën që të rikuperohet. Trajneri Mema, pas ndeshjes me gjirokastritët u shpreh se e lanë pushim mesfushorin dhe se në derbi do të jetë gati. Gjithsesi duhet pritur që të mësohet përfundimisht nëse mund të luajë apo jo.

Erando Karabeci është mungesë e sigurt për derbin, ndërkohë që ende nuk dihet nëse Oduamadi dhe Dorian Kërçiku do të jenë në dispozicion të stafit teknik në këtë ndeshje mjaft të rëndësishme të këtij sezoni. Mbrojtësi i djathtë ka pak shanse të luajë.

Askush nuk e kishte menduar që Hasani në këtë moment të sezonit do të ishte shënuesi më i mirë i Tiranës në kampionat. Mesfushori ka shënuar 10 gola, një më pak se shënuesi më i mirë, Vasil Shkurtaj. Sulmuesit në Superiore duhet ta kenë zili, në aspektin e shifrave. Në fillim të muajit janar theu rekordin personal, duke shkuar në kuotën e 7 golave. Në të shkuarën ka realizuar deri në pesë gola, tani numëron dyfishin dhe ka ende ndeshje për t’u luajtur.

“Rekordi i golave? Të them të drejtën e kam menduar. Në fillim të vitit, kur kam diskutuar me drejtuesit e klubit të Tiranës, insistova për të vendosur një klauzolë në kontratë që do shënoj 10 gola. Është diçka që nuk ma aprovuan. Kështu që e kam parandjerë. Pra paskeni dalë i humbur? Po, deri diku (qesh)”, shprehej Hasani për mediat pas ndeshjes me Kamzën. Mesfushori njërën sfidë me 10-ën e ka fituar. Tjetra është me numrin mbi shpinë.

“10-ta është si një numër i mallkuar këtu te Tirana. Lojtari i fundit i mirë që ka pasur numrin 10-të ka qenë Devi Muka, të tjerët që e kanë marrë nuk u ka ecur mirë. Kur erdha këtu doja ta merrja, por drejtuesit më shpjeguan historikun dhe nuk ma sugjeruan. Por ndoshta në vazhdim mund ta marr 10-ën për të thyer mallkimin”, deklaronte Hasani për kolegët tanë në Supersport. Tanimë mban numrin 10 në fanellë. Sigurisht për të arritur në nivelin e Mukës dhe për ta dashur tifozët si atë, duhet bërë edhe më shumë. Shkodrani po mundohet dhe me golat e shënuar sigurisht që i ka bërë shumë për vete. Festa e golit ndaj Skënderbeut tregon egon e lojtarit, ego që Tirana e ka në “gen”.

Ka pasur ndeshje që Hasani edhe ka shtrënguar dhëmbët për të luajtur, edhe pse ka pasur probleme. Gjithashtu ka pasur momente kur është ndjerë keq. Me penalltitë s’i ka pasur të mira raportet, ka humbur dy: me Flamurtarin dhe me Laçin. Ajo kundër kurbinasve “djeg” për mënyrën se si shkuan gjërat më pas. Gjithsesi Hasani nuk u dorëzua, të radhës në Gjirokastër e mori përsipër dhe e dërgoi në rrjetë. Ka ende rrugë, që mesfushori do kërkojë ta bëjë në mënyrën më të mirë si bardheblu. Fitimi i Kupës do ishte qershia mbi tortë, sigurisht me sigurimin e mbijetesës në Superiore. Hasani është gati për betejat në vazhdim!

I ndodhur brenda zonës, mesfushori shkodran u shërbye mjaft mirë nga Majkëll Ngo dhe tentoi portën. Edhe pse vetëm tre metra me kuadratin, Hasani ka gabuar dhe e ka dërguar topin jashtë. Se si, as vetë ai nuk do mund ta shpjegojë. Ky është futbolli…

Në miqësoren e zhvilluar ditën shtunë ndaj Dinamos, dyshja e lojtarëve u bë sërish protagonist. Goli i parë i sfidës ishte mbresëlënës, dy kombinime të shpejta të kryera në çështje sekondash.

Edon Hasani ka hedhur videon  e golit në profilin e tij në “Instagram” dhe ka vënë mbishkrimin (në gjuhën angleze) “Jemi në mendjen e njeri-tjetrit” për të shpjeguar kombinimin perfekt midis tij dhe anglezit.

Egzon Belica dhe Edon Hasani i Tiranës kanë dhënë përshtypjet e para për 45 minutëshin e zhvilluar. Mbrojtësi i Partizanit pranon vështirësitë e hasura ndaj sulmuesit Majkëll Ngo, i cili është shfaqur disa herë i rrezikshëm përballë Hoxhës, centimetrat e të cilit e bëjnë të frikshëm, sidomos në luftën në ajër.

“Ngo është një kundërshtar shumë i vështirë për t’u markuar, pasi është një lojtar shumë i gjatë. Duhet të bëjmë më shumë dhe të kemi më kujdes nga krahët”, thekson Belica, ndërsa mesfushori i Tiranës beson se ekipi i tij do arrijë të gjejë rrugën e golit në pjesën e dytë.

“Kemi patur shumë raste, por besoj se do arrijmë ta gjejmë golin në pjesën e dytë. Le të vazhdojmë në këtë mënyrë”, komenton shkodrani i ekipit bardheblu.

Gjithsesi, përveç fitores në fushë, fitorja më e madhe e Tiranës, një ditë më parë, duket se janë tifozët. Pas golit të shënuar nga Albi Doka, lojtarët e 24 herë kampionëve festuan me tifozët golin, gjë që nuk ndodhte prej kohësh, të paktën me grupimin “Tirona Fanatics”.

Pikërisht në lidhje me këtë çështje, Edon Hasani ka postuar një foto në llogarinë e tij në “Instagram”, ku shfaqet momenti i festës së tifozëve me lojtarët pas golit të shënuar. Gjithashtu, mesfushori ka shkruar dhe një mesazh: “Futbolli pa tifozët është asgjë”.

PËRSE FANELLA ME NUMRIN  16 ? – “10-ta është si një numër i mallkuar këtu te Tirana. Lojtari i fundit i mirë që ka pasur numrin 10-të ka qenë Devi Muka, të tjerët që e kanë marrë nuk u ka ecur mirë. Kur erdha këtu doja ta merrja, por drejtuesit më shpjeguan historikun dhe nuk ma sugjeruan. Por ndoshta në vazhdim mund ta marr 10-ën për të thyer mallkimin

OBJEKTIVI EUROPË – “Ne kemi luajtur dhe kundër ekipeve që janë në katërshen e parë dhe i kemi dominuar me lojë. Sot ndaj Kukësit treguam që mund të dominojmë dhe fitojmë. Unë kam shumë besim se mund të shkojmë në Europë”.

TITULLI – Titulli është midis Partizanit dhe Kukësit. Mendoj se shanset janë 60% me 40%. Një disavantazh i Kukësit është dhe fakti që nuk luan në shtëpi. Në të shkuarën stadiumi ka qenë një plus i madh për Kukësin”.

ECURIA E TIRANËS – “Vazhdimësia është shumë e rëndësishme. Në gjashtë ndeshjet e fundit kemi pasur 4 fitore 1 barazim dhe 1 humbje ndaj Laçit ku bëmë një pjesë të dytë shumë të mirë. Gjithsesi duhet të vazhdojmë kështu pasi kampionati është i gjatë”.

MBROJTJET – “Është e vërtetë që kemi pasur probleme në mbrojtje, ndoshta duhet të punojmë më shumë në stërvitje për problemet në mbrojtje”.

ATMOSFERA –“Rezultat e mira kanë rikthyer atmosferën në ekip. Tirana nuk është mësuar me këtë renditje që është tani. Mendoj se me këtë vështirësi që kemi tani edhe tifozët do të na kuptojnë dhe u bëj thirrje që të bëhemi të gjithë bashkë”.

“Sekreti është puna. Ndoshta dhe mungesa e merkatos ka krijuar më shumë vetëbesim te lojtarët, pasi ndonjëherë lojtarët që vijnë nga merkato mund të hapin probleme në skuadër”.

SHKODRANËT TE TIRANA – “Pothuajse të gjithë shkodranët që kanë luajtur me Tiranën kanë fituar trofe, nuk dua që të jem ndër të parët që nuk e kanë bërë këtë gjë”.

RENDITJA – “Në fillim u diskutua që objektivi minimal i klubit të ishte arritja e kupave të Europës. Matematikisht mund ta arrijmë këtë dhe me anë të kampionatit, por jemi shumë pranë ekipeve të fundit të tabelës, kështu që them të qëndrojmë me këmbë në tokë”.

Do i ndërrojë 10 gola në kampionat për një gol në derbi ? –  “Kam bërë 7 gola dhe do t’i ndërroja për një tre pikësh në derbi. Kur erdha te Tirana kërkova një klauzolë për 10 gola, por drejtuesit nuk e pranuan këtë”.

Edon Hasani është shqetësimi kryesor. Shkodrani është rikthyer në stërvitje pas dëmtimit që pësoi në sfidën me Kamzën, Mesfushori dëshiron shumë që të jetë në fushë, por mbetet për t’u parë gjendja e tij fizike. Me shumë mundësi do e nisë nga stoli dhe në pjesën e dytë mund të përdoret si “asi nën mëngë”.

DISIPLINA – Një ditë më parë u mblodh Komisioni i Disiplinës, që vendosi të mos e shqyrtojë episodin e ndodhur në takimin e Kupës së Shqipërisë me Grent Halilin. Sulmuesi anësor nuk u dënua, çka i jep mundësinë të luajë në takimin kundër Kukësit.

Një lajm i mirë për Memën në këtë moment. Me Junus Sentamu që pritet të mbërrijë në kryeqytet, Halili ishte i domosdoshëm për Tiranën në këto momente. Sot bardheblutë do të zhvillojnë seancën e fundit stërvitore, për të qenë gati për takimin e nesërm me Kukësin.

SportEkspres.com mëson se ditën e djeshme Hasani ka bërë kontrollet mjekësore dhe i është rekomanduar të pushojë për rreth 10 ditë. Ndeshjen me Teutën shkodrani e kishte të humbur prej kartonëve, ndërkohë që nga përllogaritjet edhe në sfidën e mesjavës në Kupë me Flamurtarin Hasani do të mungojë.

Trajneri Mema dhe vetë lojtari shpresojnë në rikuperimin e plotë para ndeshjes me Kukësin. Sfida me verilindorët është mjaft  e rëndësishme dhe stafi mjekësor do të bëjë maksimumin ta bëjë Hasanin gati për lojë. Shanset që të ndodhë diçka e tillë janë.

Kundër Kamzës, ashtu si edhe me Flamurtarin, Tirana ka humbur penallti dhe më pas ka fituar. Hasani, në daljen e tij mediatike pas ndeshjes, nuk i shmangu batutat. Pas një fitoreje dhe si shkodran që është, sigurisht që priteshin.

“Me siguri u dashka me humb penallti, sepse edhe Majkëlli humbi penallti për të fituar ekipi”, tha me humor mesfushori. Më tej ai shtoi: “Nuk ka rëndësi që shënova unë, rëndësi ka që fituam. Është ndeshja e tretë radhazi që fitojmë. Na ndihmon të mbajmë moralin sa më lart dhe të përgatitemi për ndeshjen e radhës”.

Pas ndeshjes Hasani po çalonte dhe sigurisht që shumëkush është shqetësuar për gjendjen e tij. Pritet që shkodrani të kryejë kontrollet mjekësore dhe të mësojë nëse ka diçka shqetësuese apo jo. Gjithsesi ndeshjen e radhës me Teutën është i detyruar ta ndjekë nga tribuna për shkak të plotësimit të numrit të kartonëve të verdhë.

“Faktikisht kam pasur tre kartonë të verdhë, mora edhe një tjetër të pjesa e festimit të golit. Edhe sikur të jem i shëndetshëm për të luajtur, nuk mundem dot për shkak se jam i skualifikuar”, shtoi Hasani, të cilin jashtë stadiumit po e prisnin disa fëmijë tifozë të Tiranës.

Ndoshta ata, por edhe të tjerë, nuk e kanë pritur që mesfushor të shënonte kaq shumë. Gjithsesi Hasani nuk tregohet aspak modest, edhe pse e thotë me nota humori që kish kërkuar një klauzolë për numër golash në kontratë.

“Rekordi i golave? Të them të drejtën e kam menduar. Në fillim të vitit kur kam diskutuar me drejtuesit e klubit të Tiranës, insistova për të vendosur një klauzolë në kontratë që do shënoj 10 gola. Është diçka që nuk ma aprovuan. Kështu që e kam parandjerë. Pra paskeni dalë i humbur? Po, deri diku (qesh)”.

Në fund një pyetje edhe për ekzekutuesin e 11-metërshave. Hasani zbulon edhe marrëveshjen që ka më Ngo. “Nuk e goditët penalltitë prej faktit që e humbët një me Flamurtarin? Jo, e kemi lënë më Majkëllin që i kisha unë penalltitë. Në momentin që do humbja një unë, radha ishte për të. Tani që e humbi ai, do i gjuaj unë (qesh). Besoj se do e shënoj të radhës”, përfundoi Hasani.

VLADIMIR PRENGA 

“Sigurisht që ndihem i vlerësuar. Goli të motivon shumë si në aspektin personal ashtu dhe atë kolektiv. Goli kishte vlerën e 3 pikë dhe i shënuar në minutat e fundit, pas atyre rasteve të humbura, i jep akoma më tepër rëndësi. Shpresoj të marr dhe lojtarin e muajit tani (Qesh)”, është shprehur fillimisht Hasani, i cili është edhe shënuesi më i mirë i Tiranës me pesë gola të realizuar.

EKSPERIENCA ME BARDHEBLUTË – “Tirana është Tirana. Klub legjendë me shumë tituj të fituar, por mungesa e një titulli vitet e fundit e ka shtuar presionin. Ishte një hap i madh të nënshkruaja me Tiranën, jam ndjerë i mirëpritur dhe i motivuar për të dhënë sa më shumë nga vetja. Më vjen keq që nuk po e gëzojmë si duhet këtë klub të madh, por me shpresën që do e bëjmë në të ardhmen”.

AMBIENTI – “Jam ndjerë shumë mirë dhe jam ambientuar shumë shpejt. Te Tirana nuk të pret dot njeri, por duhet të shtrëngosh dhëmbët për të dhënë më të mirën për fanellën”, shtoi mesfushori shkodran, që sezonin e shkuar e mbylli në Iran te Sepahani.

NISJA JO E MIRË – “Për fat të keq kemi vuajtur nga gabime individuale, gabime që na kanë kushtuar. Gjëra të tilla ndodhin në futboll. Kur flas për gabime, them dhe rastet e humbura para portës, pavarësisht se jemi ndër 3 skuadrat që kemi shënuar më shumë. Bashkë me trajnerin jemi munduar që t’i gjejmë dhe të mos i përsërisim problemet”.

OBJEKTIVI – “Me punën që po bëjmë dhe me pak fat shpresojmë që minimalisht të kapim Kupat e Europës, pasi nuk e meritojmë aspak pozicionin që kemi. Tifozët tanë e kanë parë që 90% të ndeshjeve i kemi dominuar, por dhe fati na ka ndëshkuar. Duhet të jemi më të qetë dhe më të përqendruar në vazhdim”.

NDRYSHIMI MES ZE MARIAS DHE MEMËS – “Nuk është mirë që të flasim për trajnerë. Janë dy karaktere të ndryshme. Ze Maria ishte tepër autoritar, ndërsa Mema i merr të gjitha përgjegjësitë vetë për të na mbajtur sa më larg trysnisë së rezultateve. Një arsye që duhet të kthejmë situatën është dhe për trajnerin, i cili ka lidhje të madhe me këtë klub e me këtë fanellë”.

E ARDHMJA – “Kam nënshkruar një kontratë me Tiranën dhe kam dëshira ta respektoj deri në fund. Nëse do të ketë ndonjë lëvizje, besoj që do të kem mirëkuptimin e presidentit për një të mirë të përbashkët. Aktualisht nuk mendoj asgjë në këtë aspekt”.

Mesfushori ndihet i lumtur për golin e shënuar dhe trepikëshin e marrë, ndërsa tregon dhe shkakun se pse nuk festoi për golin e shënuar, si dhe e mbyll me nevojën për të ndërhyrë në merkato.

POZICIONI – “Në fakt nuk duke luajtur pas sulmuesit, në pjesët më të mëdha të ndeshjeve kam pasur më shumë mundësi. Në pjesën e parë luajta para mbrojtjes dhe isha larg portës, por pasi u fut Ngo dola pas tij. Ai është shtatlartë dhe krijon hapësira për një lojtar dhjetësh. Edhe në Laç ndodhi e njëjta gjë”.

FITORJA – “Edhe para ndeshjes po shikoja ndeshjen mes Kamzës dhe Skënderbeut dhe u motivova më tepër, pasi kështu janë punët. E rëndësishme është që morëm pikë, pak rëndësi ka se kush shënon. Gëzohem që e mbyllëm me fitore këtë vit. Uroj që në fazën përgatitore të rritemi s amë shpejt, por kemi nevojë edhe për merkato urgjente”.

GOLAT – “Te një rast isha pozicion jashtë loje, por unë mundohem të jap më të mirën. Ndonjëherë edhe fati duhet që të dalë goli. Jam munduar që të bëj më të mirën si për të shënuar ashtu dhe për shërbyer për shokët e skuadrës”.

MERKATO – “Të jemi realistë, na nevojiten përforcime në çdo repart, gjithnjë sipas mendimit tim. Me këtë pozitë që jemi është normale që të bëjmë merkato. Kemi pësuar gola nga gabimet tona. Kemi bërë ndeshje të mira, por shihen rezultatet”.

FESTA – “Festa ishte spontane. Duhet të jemi të gjithë një me tifozët, stafin dhe drejtuesve. Pa tifozët nuk ia dalim dot. Na duhet mbështetja e tyre, duhet të na kuptojnë. Me këto rezultate i meritojmë dhe të sharat ndonjëherë, por duhet të jemi një. Ne në fushë, ata në tribunë dhe drejtuesit të bashkohemi dhe të jemi më të fortë. Nuk e meriton askush të jemi në këto pozita, si ne ashtu dhe tifozët”.

SUKSESI – “E rëndësishme është që fituam. Duhet të shohim në vazhdim dhe t’i marrim ndeshjet një e nga një. Të gjithë e dinë se situata është e vështirë për momentin”.

PENALLTIA – “Duke qenë se ishte një ndeshje delikate, ndoshta dhe goditja nuk ishte e pastër. Rëndësi ka që morëm 3 pikët. Ishte pak presion, edhe sepse ishte goli i parë”.

QETËSIA – “Do kemi një javë qetësi, por na pret një ndeshje e vështirë në Laç. Do synojmë pikë të plota, ashtu si dhe me Flamurtarin, që të ngjitemi sa më lart në renditje”.

DERBI – “E pranoj se e humba topin, por të vjen keq. Duhej evituar ai gol, por për fatin e keq u ndëshkuam. Të them të drejtën u ndie dhe te goditja që kishte pak presion”.

PRESIONI – “Normalisht që te Tirana dhe te Vllaznia, se janë ekipe me tradita dhe janë dy ekipe që kanë tifozeri të zjarrta. Më shumë te Tirana ndihet presioni. Duke mos pasur dhe rezultate presioni shtohet, pasi edhe tifozët nuk janë mësuar me këto rezultate. Kemi qenë në 5 ndeshje 1-0 dhe na është përmbysur rezultati. Kemi marrë vetëm 2 pikë në këto 5 ndeshje. Është e çuditshme dhe të vjen keq”.

Një problem në shpatull e ka penalizuar mesfushorin. Gjatë ditës së sotme do të shihet gjendja e tij dhe të përcaktohet nëse do të jetë i gatshëm për ndeshjen e radhës në kampionat me Luftëtarin.

Por nëse Hasani ka pasur probleme, ka edhe lajme të mira. Majkëll Ngo është kthyer të luajë. Ze Maria i dha disa minuta në pjesën e dytë dhe në ndeshjen me gjirokastritët mund ta nisë nga pankina. Në varësi të ndeshjes pritet të vendoset nëse do të luajë në kampionat.

Por problemi tani është një tjetër lojtar. Mesfushori Edon Hasani pati probleme para ndeshjes me Teutën, por ia doli të ishte gati. Ze Maria e vlerësoi lojën e shkodranit dhe normalisht pret shumë prej tij gjatë këtij sezoni.

Gjithsesi për të ka pasur sërish probleme. Gjatë këtyre ditëve Hasani do të mbahet nën monitorimin e mjekësve dhe shpresohet që për takimin e së dielës kundër Kukësit të jetë gati. Gjasat janë që kjo të ndodhë dhe ka optimizëm.

Por problem është fakti nëse do të mund të kryejë ndonjë seancë këto ditë, në mënyrë që Hasani të përllogaritet si titullar. Alternativat për stafin nuk mungojnë, por mesfushori shkodran shikohet nga ata që mund t’i japë shumë Tiranës në aspektin ofensiv.

“Në pozicionin e ri u ndjeva mirë. Bëmë një pjesë të parë të kujdesshme. Me kalimin e minutave në pjesën të dytë bëmë edhe më mirë. Ishim të pafat në rastet që patëm. Ashtu si mund ta kishim fituar, edhe mund ta kishim humbur ndeshjen. Duhet të jeni më pranë portës? Është e vërtetë, por sot trajneri i ka dhënë përparësi Kobinës, i cili luajti pas dy sulmuesve. Do e marr si këshillë dhe do punoj për këtë. Për të qenë sa më efikas. Do mundohem të përmirësohem. Minutat e fundit kaluam me 4-3-3 dhe u mbylla në qendër të mesfushës. U afruam më afër portës në këto minuta dhe u ndjeva më mirë në këtë skemë”, deklaroi shkodrani, i cili pati edhe një rast shënimi.

“Rasti i humbur ishte mos harmonizim. Kam ardhur vonë në fazë përgatitore dhe na duhet kohë që të mësojmë lojën e njëri-tjetrit. Duhet kohë, por normalisht nuk na lejohen hapa falsë”.

KRAHASIMI KUKËSI-TIRANA
“Kukësi ka pasur favor stadiumin brenda, ndërsa Tirana ka lojtarë të rinj që akoma duan të harmonizohen dhe duhet kohë. Kërkesa e llogarisë është më e madhe te Tirana. Me punë dhe përkushtim do i arrijmë objektivat e klubit”.

TIFOZËT
“Si ndeshjen e parë, edhe sot kemi pasur shumë tifozë dhe i kemi zhgënjyer. Do e çojmë Tiranën në nivele që të ndiqet. Nuk mund ta bëj vetëm, por të gjithë bashkë mund t’ia dalim të shkojmë në kupat e Europës”.

Një çështje më vete është se ku do ta vijojë karrierën dhe propozimet nuk është se i kanë munguar nga klube të ndryshme. “Sport Ekspres” mëson se mesfushorit i është sugjeruar të vijojë karrierën në Arabi dhe normalisht që ai pret oferta konkrete për të vendosur më pas.

Dëshira e Hasanit është që të vijojë të luajë jashtë vendit. Në Shqipëri ai ka mbrojtur edhe ngjyrat e Kukësit, përveç Vllaznisë ku është formuar si lojtar. Në të shkuarën ka provuar të aktivizohet me Liteks Loveç në Hungari dhe me Çeahlul dhe Poli Timishoara në Rumani.