Liverpuli ka fituar me rezultatin 2-7 në transfertë ndaj Lincoln në takimin e vlefshëm për Carabao Cup. Xherdan Shaqiri ka hapur spektaklin e golave dhe jo me një realizim rutine. Futbollisti shqiptar ka tundur rrjetën nga distanca me një goditje dënimi që u ekzekutua për notën 10. Vetëm minuta e 8 e ndeshjes dhe Shaqiri shpalos të gjitha vlerat, megjithëse në një skuadër si Liverpuli është e vështirë që të kërkohet më tepër aktivizim.
Nga ana tjetër vlerësimi nuk ka munguar edhe nga trajneri Jurgen Klop. Duke vendosur theksin në faktin se Shaqiri ka bërë një super ndeshje, tekniku i njohur u shpreh se nuk befasohet aspak nga golat e Xherdanit, pasi ia njeh shumë mirë aftësitë këtij futbollisti. /Sport Ekspres/