Ish-fantazisti, i cili fitoi gjithçka në dhjetë vitet që kaloi si futbollist në Milanelo, tani është gati ta bëjë iu drejtues, në një kohë të shpejtë, por sidomos me anë të një futbolli të bukur, ashtu siç Milani e ka bërë gjithmonë.

“Emocionet e rikthimit te Milani janë të forta, por nuk do të qaj. Ky është një vend special për mua. Milani është Milani. Drejtuesit e rinj kanë sjellë stabilitet, jemi ambiciozë, kemi disa kufizime, por duhet të tregohemi të aftë dhe të shpejtë për ta rikthyer Milanin në nivele të larta. Duam të fitojmë dhe të rikthehemi në Champions. Duam ta bëjmë duke luajtur një futboll të bukur.

Kuqezinjtë më kontaktuan edhe një vit më parë, por nuk ishte momenti i duhur mes Botërorit dhe VAR-it. Këtë radhë pranova menjëherë. Ishte zgjedhje zemre dhe jete. Kjo është padyshim sfida më e rëndësishme sportive e jetës time. Nuk do të flija i qetë nëse nuk do të provoja për t’i dhënë një dorë Milanit. Bëra zgjedhjen e duhur.

Xhampaolo është ndër të paktët trajnerë me një ide të qartë loje dhe që arrin t’ia transmetojë skuadrës. Lojtarët e tij lëvizin mirë në fushë. Jemi të sigurt që Marko do të gjejë rrugën e duhur, sepse e di mirë që konceptet nuk vlejnë pa lojtarët në fushë. Duhet të punojmë fort me shpresën dhe sigurinë që do arrijmë t’i hedhim hapat një nga një dhe shpejt.”

Nuk mungojnë elozhet për dyshen e njohur. Gazidis e di mirë se ata të tre i pret një rrugëtim i gjatë dhe i lodhshëm, por me dy persona si Maldini dhe Boban në krah, gjithçka bëhet më e thjeshtë dhe suksesi nuk do të mungojë

“Paolo përfaqëson kualitet dhe vlera, që janë baza e Milanit. Jam i lumtur që do ta kemi në drejtim të pjesës tonë sportive. Së bashku do të synojmë ndërtimin e një klubi modern, i formuar nga profesionistë të nivelit të lartë. Do të jetë një rrugëtim që do ta përshkojmë së bashku, për një projekt impenjativ, por bindës. Jam i sigurt që Paolo do transmetojë eksperiencën e madhe, vizionin e tij dhe lidershipin që e karakterizon. Paolo është pjesë integrale e Milanit dhe e di rrugën që duhet ndjekur për të mbërritur te suksesi. Do të jetë një pikë referimi për të gjithë.”

“Jam shumë i emocionuar për t’i uruar mirëseardhjen Bobanit në shtëpinë e tij, në Milanin tonë. Për karakteristikat që e ka, eksperiencën dhe aftësitë që zotëron, jam i sigurt që do të kontribuojë për rritjen e sektorit tonë sportiv dhe do të garantojë një vlerë të shtuar në marrëdhëniet e klubit tonë me institucionet kryesore të futbollit. Kam në krah dy menaxherë më kualitet dhe kompetenca të padiskutueshme, të aftë për të përçuar vizionin tonë dhe për të bërë zgjedhjet më të përshtatshme për ndërtimin e një Milani, gjithnjë e më tepër konkurrues, gjithnjë e më tepër të suksesshëm“, përfundon afrikano-jugori.

Boban është pjesë e historisë së Milanit, teksa ka fituar Champions League, Superkupën e Europës dhe kampionatin në vitin 1994. Ai numëron 251 ndeshje me kuqezinjtë dhe 30 gola të shënuar. Kroati ka lënë postin e Sekretarit të Përgjithshëm të FIFAS për t’u rikthyer te Milani.

“Jam shumë i lumtur të rikthehem te Milani im i dashur. Do jap kontributin tim për ta rikthyer klubin aty ku meriton të jetë. Milani duhet të udhëheqë dhe të jetë një klub fitues, sepse kjo është natyra e historisë së këtij klubi, është natyra e tifozëve tanë dhe pasioni i tyre. Do jap gjithçka nga vetja për këtë qëllim dhe për ngjyrat kuqezi”, është shprehur fillimisht Boban për faqen e klubit.

Më tej kroati shton: “Kur Paolo më telefonoi për të më pyetur për gatishmërinë time, kërceva menjëherë në makinë dhe shkova drejt shtëpisë së tij në mes të natës, për të folur sy më sy. Pasi bisedova me Ivanin dhe pronarët e klubit, gjithçka ishte e qartë. Ja ku jam, në qytetin tim, në klubin që dua dhe në një vend që më ka dhënë shumë.

Shpresoj që të mund t’ia shlyej besimin e dhënë. Gjithashtu dua të falënderoj presidentin e FIFA-s, Xhani Infantino, i cili megjithëse është një interist (qesh), është treguar një mik i vërtetë dhe e ka kuptuar se ka qenë një thirrje si ajo e tre viteve më parë. E pamundur të thosha jo! Forca Milan!”.

Ashtu siç pritej, Paolo Maldini do të jetë drejtori teknik i ri i Milanit, ndërsa risia është Zvonimir Boban. Kroati ka lënë postin e zëvendës-sekretarit të FIFA-s për t’u kthyer në ekipin me të cilin u aktivizua për dhjetë sezone. Boban do të jetë shef klubi dhe koordinator i pjesë sportive brenda klubit.

Dy nga “blerjet” më të mira të Milanit në vitet e fundit. Askush nuk e njeh më mirë se Maldini dhe Boban historinë dhe atë çfarë përfaqëson ky klub legjendar. Dikur luftonin dhe fitonin së bashku në fushën e blertë, ndërsa tani do të bëjnë të pamundurën për të rikthyer Milanin aty ku i takon.

Largimi i Blaterit nuk ka ndryshuar asgjë për mirë dhe ky fakt e acaron në kulm Diegon. Ai kishte besuar se do të ndodhte ndonjë ndryshim për mirë, por asgjë. Maradona kërcënon se do të zbuloje fakte të rënda dhe ka një ftesë origjinale për kroatin. Raundi i parë u mbyll me debate të forta, ndërsa i dyti duhet të zhvillohet në një… ring boksi!

FIFA – “I kam thënë Xhani Infantinos se nuk do të jem kapiteni i ekipit të legjendave, sepse që kur janë larguar Blater dhe Grondona, asgjë nuk ka ndryshuar në FIFA. Kanë mbajtur lojtarë si Marko Van Basten, Rud Gulit dhe mua në një dhomë si qentë. Ishte një mungesë e plotë respekti. Tani do të filloj të tregoj gjërat që di për FIFA-n e re.”

BOBAN – “Dua t’i them Bobanit, i cili është pjesë e FIFA-s dhe i pranon këto gjëra, që e ftoj për një ndeshje në ring, nëse dëshiron të dalë kryelartë. Është e padobishme të zemërohesh. Unë nuk jam një djalosh 20-vjeçar, kam 58 vite mbi supe. Këto gjëra më bëjnë keq, sepse u kam besuar njerëzve, por tashmë nuk u besoj më.”

Në lidhje me këtë çështje, ka folur, zëvendës sekretari i përgjithshëm i FIFA-s, i cili duket se ka drejtuar dhe një mesazh të fortë karshi organit qeverisës të futbollit evropian. Pikërisht, Zvonimir Boban, i cili në të shkuarën ka luajtur dhe për shumë vite me fanellën e Milanit, ka folur për rregullat e “fair-playt” duke u shprehur hapur, kundër këtyre rregullave, që për kroatin janë absurde.

“Në qoftë se nuk ka rishikim në rregullat e Fair Playt Financiar, atëherë Interi dhe Milani do ta kenë të vështirë të rikthehen në majat e futbollit. Kjo është e vërteta, si për ata, si për të gjithë klubet që kanë ambicie dhe duan të shkojnë sa më lart.

Rregullat për të pasur një buxhet sa më të balancuar, nuk mund të pengojnë sipërmarrësit që të bëjnë investime të reja në futboll.  Klube si Interi dhe Milani në rast se ringrihen sjellin vetëm efekte pozitive, por në rast se rregullat do të vazhdojnë të njëjta do të pengojnë jo vetëm dy klubet e Milanos, por çdo klub për t’u ringritur”.

Boban komenton dhe situatën e Milanit, ndërsa beson se ekipi i “Djallit” do të rikthehet në nivele të larta brenda 3-4 viteve, por nevojitet shumë punë dhe durim.

VAR-i – “Mendoj se Italia di ta përdorë më mirë se të tjerët sistemin VAR. Nuk mund të jetë një teknologji perfekte, sepse në mes janë gjithmonë njerëzit, të cilët marrin vendimet. Çdokush tërheq ujë në mullirin e tij, por duhet të llogarisim dhe gabimet që do të bëheshin pa VAR-in. Gabime ka patur dhe do të ketë gjithmonë, por VAR po jep sinjale të rëndësishme në drejtim të transparencës dhe qartësisë dhe po e pastron futbollin. Për 20 vite fëmijët tanë do të na pyesin se si ja kemi dalë pa VAR-in.”

MILAN – “Shpresoj që të ketë nisur një cikël i ri dhe brenda 3-4 vitesh të shohim Milanin në madhështinë e tij, por nevojitet shumë punë. E uroj një gjë të tillë. Natyrisht që i njoh shumë mirë Leonardon dhe Maldinin, të cilët janë pjesë e klubit prej pak kohësh. Po bëjnë një punë shumë të mirë, japin gjithçka dhe e njohin futbollin. Rezultatet e mira do të vijnë, por nevojitet kohë. Berluskoni dhe Galiani te Monza? Një operacion romantik dhe argëtues. Ata nuk mund të qëndronin dot larg futbollit.”