A i praktikoi skuadra penalltitë para ndeshjes?
“Po bëmë disa prova, por mendoj se te penalltitë nuk është vetëm çështje stërvitje. Duhet të kesh dhe pak fat. Jan (portieri Jan Somer) preku një top, por nuk mundi të ndryshonte trajektoren, nëse do ia kishe dalë do kishim fituar ne.

Përfundimet që nxorët nga ky turne?
Jemi krenarë për çka kemi arritur. Luajtëm denjësisht përballë dy skuadrave shumë të mira. Formati i “Nations League” është shumë herë më i mirë se sa miqësoret që bënim më parë. Nuk jemi shumë larg ekipeve të mëdha, na mungojnë shumë pak gjëra. Jam i bindur se do ia dalim të bëjmë gjëra të mëdha në turnetë e ardhshëm”.

Planet për pushimet?
“Fillimisht do iki në Prishtinë të takoj familjen time. Pjesën tjetër akoma nuk e kam planifikuar”.

A është largimi nga Arsenali në planet tuaja?
“Nuk di asgjë për këtë. Kam edhe katër vite kontratë. Sapo rinovova kontratën vitin e kaluar. Jam i lumtur atje, po ashtu edhe familja ime dhe kjo është gjëja më e rëndësishme”.

Do ishte fantastike nëse do të bëheshit kapiteni i Arsenalit?
Do të ishte qershia mbi tortë, sigurisht.

Golat e shënuar në pjesën e dytë nga Zuber dhe Zakaria vendosën ndeshjen, ndërsa Fabian Shar i trembi të gjithë në pjesën e parë. Mbrojtësi i Njukasëllit u përplas kokë me kokë me Tabidzen dhe qëndroi rreth 4 minuta pa ndjenja në fushë.

Momente paniku dhe frike për të gjithë, por fatmirësisht 27-vjeçari e mori veten dhe përfundoi ndeshjen i fashuar në kokë sikur të mos kishte ndodhur gjë. Në një prononcim për “Blick”, Shar tregon se nuk mban mend gjë nga dëmtimi i pësuar dhe se një gjë të tillë e ka marrë vesh kur ia kanë treguar shokët dhe kur ka parë pamjet.

“Duket e tmerrshme, por nuk mbaj mend asgjë. Qëndrova jashtë për disa sekonda. Qafa më dhemb akoma dhe kam një plagë në ballë, por ia vlejti“, thekson Fabian Shar.

Fabian Schar plays on after being knocked totally unconscious and being put in recovery position https://t.co/VNity2rI0c pic.twitter.com/nDhGd3iATK

— The Sun Football ? (@TheSunFootball) March 23, 2019

Fillimisht, ishte Stiven Zuber, i cili shënoi golin e avantazhit për të tijtë. Mesfushori shfrytëzoi në maksimum një pasim të bukur të Embolo, duke goditur saktë në cepin e portës.

Për të hipotekuar fitoren, mendoi Zakaria, i cili shënoi në minutën e 80-të golin e dytë. Ishte Albian Ajeti, i cili gaboi i vetëm përballë portierit, por Zakaria korrigjoi gabimin, duke shënuar me portën e boshatisur.

Kështu, Zvicra feston tri pikët e para në Grupin D, ku bëjnë pjesë gjithashtu edhe Irlanda, Danimarka dhe Gjibraltari.

Gjeorgji 0-2 Zvicër
Shënues: Zuber 56’, Zakaria 80’

LISHTAJNER – “Kam respektin më të madh për Lishtajner dhe karrierën e tij të mrekullueshme. Nëse luan aq shumë vjet për Zvicrën, ke lënë një trashëgimi që s’mund të harrohet”.

KRITIKAT NDAJ TRAJNERIT – “Çdokush që thotë se Petkoviç është një trajneri i keq, nuk ja ka idenë fare futbollit. Nuk dua t’i provokoj personat që mendojnë kështu, por Petkoviç deri më tani ka bërë 80% të punës së arritur nga Hicfeld para tij”.

MOTIVIMI NGA BABAI – “Babai më shikon çdo ndeshje dhe më komplimenton kur bëj mirë, por gjithmonë më thotë që të shikoj për më lart. Më motivon shumë fakti se pak më parë babai im më tha: Granit sot ishe i shkëlqyer! Kjo s’kishte ndodhur kurrë më parë dhe më bën që të punoj akoma më fort. Jam një njeri ambicioz, nuk është e thënë që Arsenali të jep ndalesa e fundit e karrierës sime”, përfundoi Xhaka.

Në një intervistë për të medien zvicerane “Blick”, Rama tregon rrethanat në të cilat erdhi ftesa nga trajneri Këbi Kuhn dhe rrugëtimin e tij në Zvicër që filloi nga kategoria e pestë dhe kulminoi me ngritjen në kategorinë e parë disa vite më vone me skuadrën e Tunit.

“Kam qenë i pari shqiptar që kam luajtur për përfaqësuesen e Zvicrës. Pas meje erdhi Valon Behrami dhe më pas djemtë e tjerë. Mendoj se dhe për ata ka qenë një ëndërr e bërë realitet”.

KISHTE INTERES NGA SHQIPËRIA ? – “Federata e Shqipërisë më kontaktoi, por asnjë herë nuk u bë një gjë konkrete. Kur më erdhi ftesa nga Zvicra e pranova menjëherë. Më mbush me krenari fakti që kam luajtur shtatë herë për kombëtaren e Zvicrës. Do t’i jem përjetë mirënjohës trajnerit Këbi Kuhn”.

“Kurrë nuk e kisha përfytyruar se një ditë do të luaja për Zvicrën. U rrita në Kosovë, më pas kur erdha në Zvicër fillova të luaja për një ekip të kategorisë së pestë. Gjithçka ndodhi shumë shpejt, mu duk si një mrekulli kur më kërkoi klubi i Tunit. Në vitin 2002 ekipi jonë kaloi nga kategoria e dytë në të parën. Goli që shënova në ndeshjen e play-off ndaj Vinterthurit është goli më i rëndësishëm i karrierës sime”.

SI U PRITE SI SHQIPTARI I PARË I ZVICRËS – “Më pritën shumë mirë. Nuk u thirra nga Zvicra për shkak të kombësisë sime, e fitova atë ftesë falë golave të mi”.

FESTIMET ME SHQIPONJË TË XHAKËS E SHAQIRIT – “Ajo ndeshje kishte shumë emocione. Lojtarët nuk menduan për pasojat e mundshme. Presioni që ke kur shënon në një ndeshje të tillë është shumë i madh. Festimi me Shqiponjë bëri shumë shqiptarë krenarë, por akoma dhe më i madh ishte gëzimi i fitores. Nëse do të kishim fituar ndaj Suedisë, nuk do të flitej më për çështjen e festimit”.

ME ÇFARË MERRENI TANI? – “Tani punoj në industrinë e sigurimeve, ndërsa si profesion të dytë kam atë të agjentit të lojtarëve. Vazhdoj të luaj futboll me një ekip amator, por tani nuk shënoj gola, pasi kam bërë plot gjatë karrierës sime”, përfundoi Rama.

Lojtari i Zyrihut ka dhënë së fundmi një intervistë për “UEFA”-n, ku ka folur në lidhje me emocionet e të përfaqësuarit Kosovën, raportin me gjuhën shqipe dhe trajnerin Bernard Shaland.

“Ndihem shumë mirë kur kujtoj ato që kemi arritur deri më tani me Kosovën. Ndihem shumë krenar. Kemi kaluar shumë kohëra të vështira dhe tani është e qartë ajo se çfarë ne kemi bërë”.

“Gjithmonë do të ketë njerëz që do të na kritikojnë, ndoshta dhe për shkak të kaluarës sonë të vështirë, por ata që e njohin me të vërtetë popullin tonë e dinë se jemi njerëz miqësorë, mirënjohës dhe mikpritës”.

“Jemi fanatikë të futbollit. Në ndeshjen tonë të fundit të gjitha biletat u shitën për pak orë. Jam i sigurt se edhe sikur stadiumi të kishte një kapacitet prej 100 mijë vendesh, biletat do të mbaronin brenda ditës. Është e mrekullueshme, futbolli është sporti më popullor në Kosovë. Kjo e shton pak presionin mbi ne futbollistët sepse nuk mund t’i zhgënjejmë  ata”.

GJUHA SHQIPE NË FAMILJE – “Kjo varet. Me babanë flas më shumë frëngjisht se sa shqip, ndërsa me mamanë flas më shumë në gjuhën shqipe. Në të dyja rastet i bashkoj nga pak. Prindërit e mi donin që ne fëmijët të mësonim mirë frëngjisht, por në të njëjtën kohë të flisnim edhe shqip”

KUJTIMET NGA KOSOVA  – “Kam kujtime shumë të bukura. Kam pasur fatin kur isha më i ri sepse ktheheshim çdo vit në Kosovë dhe ruaj kujtime të mahnitshme”.

KOSOVA APO ZVICRA – “Unë kurrë nuk kam hezituar. S’kam qenë ndonjëherë i ftuar me Zvicrën. I kisha thënë vetes se ekipi i parë kombëtar që do të afronte do të ishte ai që unë do të jepja gjithçka. Kosova më ftoi e para dhe natyrisht jam shumë krenar që luaj për vendim tim”

SUKESESI NË NATIONS LEAGUE – “Nuk u befasova me paraqitjet tona në Ligën e Kombeve. Jemi një ekip i mirë me një atmosferë të mrekullueshme. Të gjithë jemi të afërt me njeri-tjetrin, edhe lojtarët që konkurrojnë për një pozicion. Të gjithë e duam njeri-tjetrin”.

LOJTARËT E RËNDËSISHËM – “Kemi lojtarë të rëndësishëm si Valon Berisha që luan me Lacion, Milot Rashica, i cili ka nënshkruar me Verder Bremen. Këto janë klube të mëdhenj dhe dëshiroj që në të ardhmen lojtarë të tjerë të Kosovës të bëjnë hapa përpara në karrierën e tyre e të bëhen pjesë e klubeve të mëdha”.

 Shalandes – “Ai na ka dhënë shumë e lirë. Na ka thënë se kjo është diçka e re dhe për të. Është një filozofi e re. Ai është përpjekur të bëjë më të mirën dhe deri më tani ka bërë diçka shumë interesante”.

Futbollisti 24-vjeçar, i cili aktivizohet me Hadërsfilld Toun në Premier Ligë, ka qenë pjesë e grumbullimeve të kombëtares zvicerane, por mbrojtësi i krahut të djathtë nuk është aktivizuar ende në një ndeshje zyrtare me përfaqësuesen “helvete”, çka e bën kalimin e tij te përfaqësuesja kosovare, thjesht një çështje procedurash.

“Ne kemi disa lojtarë që duhet të vendosin. Hadërgjonaj është njëri nga këta lojtarë. Konkurrenca te Zvicra në pozicionin e tij është shumë e madhe. Them se aty nuk do ta ketë të lehtë, kështu që shpresoj që ai të vijë të luaj për Kosovën”, tha Shaland.

“Unë kam një vëlla binjak, Adonisin. Ai po luan me Kiason tani. Fati i tij erdhi tek unë. U dëmtua dhe ka luftuar shumë për t’u kthyer në futboll. Vëllai im më i madh është Arlindi, i cili u kthye nga Italia dhe tani luan për Grasshopers. Kemi kontakte të përditshme. Vëllezërit  janë shumë të rëndësishëm për mua”, shton Ajeti, që qëndron ende te tema e familjes..

“Nëna do të thotë gjithçka për mua! Nuk ka ditë, që nuk flasim. Edhe babai e ka të njëjtin status, si nëna ime. Ai, gjithashtu, do të thotë gjithçka për mua. Babai është kontakti im i parë. Ai është si një mik, edhe pse është shpesh kritiku im i parë”, thotë sulmuesi, i cili më tej tregon se i pëlqen çdo gjë që i gatuan e ëma.

Eliminimi nga Champions e ka mërzitur sulmuesin: “Shumë keq që nuk mundëm të vijojmë më tej në Ligën e Kampionëve. Kjo do të ishte një përvojë e këndshme për mua si lojtar i ri. Do ta provojmë përsëri, edicionin e ardhshëm. Te FCB provova tre tituj kampioni. Fitorja më e rëndësishme ishte në Lisbonë, një vit më parë, kur u kualifikuam për në raundin me eliminim direkt të Ligës së Kampionëve”.

GOLAT DHE E ARDHMJA – “Jam krenar që kam shënuar më shumë gola sezonin e kaluar. Personalisht, këtë e konsideroj arritje shumë të mirë. Shokët e skuadrës më ndihmuan kur panë se mund të bëhesha golashënuesi më i mirë. E ardhmja? Kam plane të mëdha, i kam vendosur vetes qëllime shumë të larta. Për momentin jam i përqendruar te Bazeli. Por, qartësisht, klubet e njohura jashtë Zvicrës mbeten qëllimi im afatgjatë”.

Albiani flet edhe për jetën sentimentale. “Për momentin, jo. Nuk jam i dashuruar. Ndoshta do të ketë diçka për Krishtlindje, ose vitin e ardhshëm. Është në dorën time”, thotë me humor futbollisti i Bazelit. Më tej ai thekson se u gëzohet parave, por nuk janë gjëja më e rëndësishme.

Momentalisht po përgatitet të pushojë në Dubai, ndërkohë që tregon edhe hobin e tij: “Të dal me familjen, të bëj diçka me miqtë. Në këtë moment, për shembull, kam për të vizituar tregun e Krishtlindjeve”. Rrjetet sociale zor të shmangen: “Instagrami është një çështje e vogël. Unë informohem aty se çfarë ndodh brenda dhe jashtë, por jo aq shpesh, sa më parë”.

Goli i Bastien Tomës

Goli i Pajtim Kasami

Bazeli i Taulant Xhakës është ndalur me një barazim 1 – 1 në transfertën e Lucernës. Në golin e vendasve rol kyç pati dhe sulmuesi i ri i Kosovës, i cili shërbeu kolegun e tij me pasin final. Ndërkohë, mesfushori i kombëtares shqiptare nuk e shmangu dot ndëshkimin me karton të verdhë.

Mesfushori tetovar Nedim Bajrami po kalon një moment të shkëlqyer, teksa shënoi golin e dytë në fitoren e Grasshopers ndaj St. Gallen.  19-vjeçari po tregon një formë të mirë, pasi arriti të shënonte dhe në takimin e javës së shkuar ndaj Ksamaksit.

Goli i Nedim Bajramit

KUPA E BOTËS – “Nga një anë jamë krenar për arritjen, por nga ana tjetër nuk e arritëm objektivin tojnë. Suedie ishte një kundërshtar që duhet ta kishim mundur. Bëmë një ndeshje shumë të dobët ndaj tyre, edhe unë për fat të keq nuk bëra një paraqitje të mirë.

DEBATET MBAS FESTIMIT ME SHQIPONJË – “Çfarë u diskutua mbas ndeshjes ndaj Serbisë më zhgënjeu shumë. Ai ishte një takim i mbushur me emocional, por mbas arbitri i ra bilbilit në fund të ndeshjes, Botërori i Zvicrës mori fund. Nuk u fol më kurrë për futboll pastaj. Për jave e muaj të tërë gjithçka u ekzagjerua. Jam i sigurt se shumë nga ato që u thanë dhe u shkruan ndikuan te disa lojtarë të përfaqësueses.

KARRIERA DHE TRAJNERI UNAI EMERI – “Tani po kaloj momentin tim më të mirë te Arsenali. Trajneri ka pasur një efekt shumë të madh në lojën e skuadrës. Kemi një plan konkret, e dimë se çfarë duhet të bëjmë kur kemi topin dhe kur nuk e kemi atë. Unai Emeri ngjason shumë me Lysien Favre (ish-trajneri i Xhakës te Gladbah, tani drejton Borusian e Dortmundit.), metoda e tyre e punës është shumë e ngjashme.

MBROJTËSI I MAJTË – “Ndoshta trajneri ka dashur që t’i bëj konkurrencë Rikardo Rodrigezit në kombëtaren zviceran (qesh).  Gjithçka është çështje besimi. Ai më pyeti: ‘Granit a mund ta bësh këtë rol?’unë i thasë ‘Po, pse jo’. Nuk kisha luajtur kurrë si mbrojtës i majtë më parë.

VENDLINDJA – “Kam lindur në Mitrovicë, që është një vend shumë i veçantë. Qyteti është i ndarë nga një urë, ku në njërin krah janë serbët dhe në tjetrin kosovarët. Gjithmonë mendoj se sa ç’kanë hequr të afërmit  e mi. Çfarë nuk u kanë parë sytë, gjëra që s’mund të fshihen nga kujtesa”.

ARRITJA NË ZVICËR – “E kam pasur shumë të vështirë të ambientohesha në Zvicër. Unë dhe familjarët e mi nuk e dinim gjuhën, por me kalimin e kohës filluam të integroheshim. Kultura e zvicerane u bë dhe kultura ime”

KRITIKAT NË KOMBËTAREN ZVICERAN – “Kam qenë shumë i zhgënjyer, pasi në shumë raste kur humbnim, unë kthehesha në shqiptar, ndërsa kur fitonim ishim të gjithë zviceranë. Këto gjëra më shkaktonin dhimbje. Por, unë s’mund të ndjeja urrejtje për një vend që më ka dhënë gjithçka në futboll dhe në pjesë të tjera të jetës.

FUNDI I PAPRITUR – “Pas Botërorit fola me trajnerin Petkoviç. Vendosëm që do të qëndroja në kombëtare edhe për dy vite të tjera. Ndihesha si një pjesë e rëndësishme e kombëtares dhe të gjithë kishin vlerësim të lartë për mua. Tri javë pas bisedës, kur po kthehesha nga pushimet, trajneri më mori në celular dhe më tha që nuk dëshironte të më merrte më në kombëtare. Nëse do të ma kishte thënë më parë, do ta përjetoja më lehtë. Gjithsesi nuk kam asnjë gjë me atë, nuk ishte vendimi i tij”, përfundoi Behrami.

Bosnja hipotekoi kreun në Grupin 3 të Ligës B. Kombëtarja ballkanase mundi në shtëpi Irlandën e Veriut, në një takim ku vendosi dopieta e Edin Xhekos, që vazhdon t’i shtojë numra rekordit të tij si golashënuesi më i mirë në historinë e përfaqësueses së Bosnjës.

Liga A, Grupi 4

Spanjë 2 – 3 Angli

Liga A, Grupi 2

Islandë 1 – 2 Zvicër

Liga B, Grupi 3

  Bosnjë 2 – 0 Irlanda e V.

Liga C, Grupi 2

          Estoni 3 – 3 Hungari

Finlandë 2 – 0 Greqi

Liga C,  Grupi 2

Bjellorusi 0 – 0 Moldavi

Luksemburg 3 – 0 San Marino

Para disa ditësh, ai, Xhaka dhe Litshtajner kërkuan ndjesë për gjestin e tyre, duke festuar me simbolin e shqiponjës në fitoren përballë Serbisë në Botërorin e Rusisë.

“Sigurisht, kërkoj falje, nëse njerëzit u ndjenë të sulmuar, duke e parë ndeshjen nëpër male…”, shprehej 26-vjeçari para sfidës me Islandën, ndërsa mbas fitores ai ka komentuar: “Mendoj se më keqkuptoni shpesh. Goli im ishte për malësorët, po, për njerëzit që jetojnë në male”.

Xherdan Shaqiri, Granit Xhaka, Stefan Lishtajner, Johan Zhuru, Klaudio Sulser, Jan Somer janë ulur përkrah trajnerit të tyre, ndërsa të tjerët kanë preferuar të ndjekin konferencën të ulur në një nga zona e sallës së konferencës.

Dy lojtarët me origjinë shqiptare dhe kapiteni Lishtajner kanë folur për mediat, duke iu rikthyer dhe njëherë festimit me shqiponjë gjatë ndeshjes së fituar me Serbinë në Botërorin e Rusisë. Ata kanë kërkuar falje për veprimin e bërë për herë të parë, duke mbyllur përfundimisht polemikat e krijuara.

“Do të isha budalla nëse do e bëja përsëri një veprim të tillë. Diçka e tillë nuk do të ndodhë më kurrë”, ka qenë komenti i Granit Xhakës. Për ngjarjen në fjalë ka folur edhe sulmuesi i Liverpulit, Xherdan Shaqiri. “Sigurisht, kërkoj falje, nëse njerëzit u ndjenë të sulmuar, duke e parë neshjen nëper male…”

Sulmuesi 21-vjeçar, i cili luan për Bazelin duket se e ka marrë vendimin final për të përfaqësuar Zvicrën në arenën ndërkombëtare, duke i mbyllur përfundimisht derën përfaqësuesve të Kosovës dhe Shqipërisë.

Ajeti i bashkohet pjesës tjetër të futbollistëve me origjinë shqiptare te skuadrës helvete. Granit Xhaka, Xherdan Shaqiri, Armir Mehmedi, ndërsa është për t’u theksuar se nuk ka pasur ftesë për mesfushorin e Bolonës, Blerim Xhemaili, i cili vitin e ardhshëm do të mbushë 33-vjeç dhe me shumë mundësi e ka mbyllur ciklin e tij për Zvicrën.

Kader | Liste | Rosa

?: Albian Ajeti & Kevin Mbabu#SUIISL (8.9)#ENGSUI (11.9)#HoppSchwiiz #HopSuisse #ForzaSvizzera #HopSvizra ?????? pic.twitter.com/rDVD0cBx3e

— ?? Nati (@nati_sfv_asf) August 31, 2018

Rikthimi i Xhakës është një lajm shumë i mirë edhe për trajnerin e kombëtares tonë, Kristian Panuçi. 27-vjeçari është një titullar i padiskutueshëm në sytë e teknikut italian, që i duhet të bëjë kthesën në ndeshjet e “Nations League” ndaj Izraelit dhe Skocisë.

Protagonist në kampionatin zviceran ishte dhe mesfushori i Lucernës, Idriz Voca, i cili shënoi të vetmin gol për skuadrën e tij në barazimin 1-1 në transfertën ndaj St.Gallen. 21-vjeçari ka qenë pjesë e moshave të Shqipërisë, por një ofertë nga kombëtarja e parë e Kosovës bëri që Voca të braktiste kuqezinjtë.

VENDIMI PËR T”U LARGUAR – Fillimisht Ragipi ka treguar prapaskenën e parë, kur i është refuzuar largimi: “Menjëherë pas Botërorit, Valoni e ka paralajmëruar largimin nga përfaqësuesja e Zvicrës. Ai dëshironte të largohej kryesisht për arsye familjare, por edhe ndihej i lodhur. Dëshironte që vitet e fundit të karrierës si futbollist aktiv t’i përqendrohej klubit. Mirëpo, zviceranët kanë qenë kategorikisht kundër dhe nuk e kanë pranuar largimin e tij. Ndërsa tani e larguan në mënyrën më të keqe, në mënyrë jonjerëzore”.

ZËNKA – “Federata e Zvicrës pati shkuar shumë larg, duke e quar çështjen e dyshtetësive deri në Parlamentin e Zvicrës. Andaj, Valoni e ka pasur një zënkë me sekretarin gjeneral. Valoni ka qenë i zemëruar me paragjykimet e njerëzve si sekretari gjeneral, i cili është marrë me çështje të tilla, përkundër faktit se Valoni dhe futbollistët e tjerë shqiptarë e kanë dhënë maksimumin për skuadrën e tyre. Andaj, Vladimir Petkoviç vetëm e ka zbatuar një urdhër, që ia kanë dhënë shefat e tij, presidenti dhe sekretari gjeneral i federatës, duke e thirrur Valonin për t’i treguar se i janë mbyllur dyert e skuadrës”.

ZHGËNJIMI ME TRAJNERIN – “Me Petkoviçin jemi hidhëruar për shkak se ia ktheu me të keqe një të mirë që ia pati bërë Valoni. Trajnerin boshnjak patën dashur ta largojnë nga posti i trajnerit të Zvicrës, ndërsa Valoni e ka mbështetur dhe ka punuar në interes të tij, pra që ta mbetet trajner i Zvicrës”.

SUKSESET DHE MËNYRA E LARGIMIT – “Pikërisht prej kohës së angazhimit të Valonit, Blerim Xhemailit, Zvicra kishte nisur të përparonte. Aty kishte nisur ngritja, e cila vazhdonte të rritej edhe me ardhjen e Xherdan Shaqirit, Admir Mehmedit, Granit Xhakës, Pajtim Kasamit, i cili në moshën më të mirë u la jashtë. Sot Zvicra është e gjashta në botë. Natyrisht se kemi biseduar shumë me Valonin rreth kësaj çështjeje. Ai nuk është mërzitur që është larguar, por ndihet i nervozuar me mënyrën e largimit, sepse ai vetë ka dashur të largohet, por nuk e kanë lënë. Mirëpo, Valoni më tha: ‘Babi, unë do të ndihesha keq sikur të më largonte futbolli, sikur të më largonin për mosangazhim. Por, kur e di se çka kam bërë për Zvicrën, ndihem krenar. Nuk po mërzitem që më largoi politika”.

“Ne nuk pendohemi për krejt atë që e kemi dhënë që 20 vjet për Zvicrën. Zvicra ka dhënë shumë për djalin tim, familjen time, Kosovën dhe gjithë shqiptarët. Kështu që dy-tre individë, që e bënë krejt këtë poshtërsi, nuk e përfaqësojnë një Zvicër të tërë. Tifozët janë me ne dhe po i thonë ‘marre’ këtij veprimi të federatës zvicerane”.