Ky i fundit nuk do t’i kushtonte asnjë qindarkë “Zonjës së Vjetër”, por rroga e tij do të ishte shumë më e lartë se ajo e Ndombele, që është dhe një talent shumë premtues. Me Aron Ramsejn që do të jetë një përforcim shumë i rëndësishëm, Alegri synon dhe një mesfushor tjetër dhe cilido nga Ndombele ose Rabiot të vijë në Torino, trajneri italian do të ishte i lumtur.

Alegri ka projektuar një mesfushë me 3, ku vetëm Miralem Pjaniç është i paprekshëm. Matuidi shihet si një alternativë nga stoli, ndësa Kedira me shumë gjasa do të largohet. Së bashku me Pjaniç, pritet të luajnë Aron Ramsej dhe një nga Ndombele ose Rabiot, gjithmonë nëse drejtuesit e Juventusit arrijnë të firma e njërit prej dy talenteve francezë.

Sezoni 2009-’10 e pa Juventusit ta mbyllte kampionatin plot 10 pikë larg Interit, që në atë sezon u shpall kampion. Asaj kohe, presidenca i takonte Xhovani Giljit dhe lojtarët më me eksperiencë ishin Amauri, Grigera dhe Molinaro.

Ardhja e Anjelit në vitin 2010 është padiskutim pika e kthesës për klubin bardhezi. Së bashku me Marotën si CEO të klubit, Anjeli bëri gjithçka për ta rikthyer Juventusin e tij në majë dhe në 10 vitet e fundit, ia ka dalë.

Në 10 vitet ku Anjeli ka qenë president i Juventusit, janë ndërruar vetëm tre trajnerë (Delneri, Konte dhe Alegri), si dhe vetëm 3 kapitenë (Del Piero, Bufon dhe Kielini). Kjo gjë tregon qartë stabilitetin që Anjeli ka injektuar në klub.

Në këto 10 vite, Juventusi ka fituar 7 tituj kampionë, ka arritur dy finale “Champions”-i, ka fituar katër Kupa Italia, si dhe katër Superkupa. Në Itali, Juventusi është shndërruar në skuadrën për tu mundur, por deri më tani asnjë nuk ia ka dalë dhe me shumë gjasa, “Zonja” do të vendosë duart në trofeun e tetë të titullit kampion në Serie A, si dhe shihen si favoritët absulotë për të fituar edhe Ligën e Kampionëve.