“MLZ” është një lojë fjalësh që 37-vjeçari përdor për inicialet e kampionatit amerikan “MLS” (Major League Soccer), ku Zllatan luajti gjatë vitit të kaluar me skuadrën Los Angeles Galaxy. Gjatë videos Ibrahimoviç shfaqet brenda dhomës së zhveshjes së skuadrës nga Kalifornia.

Mesa duket, suedezi ka vendosur të vijojë bashkëpunimin me ekipin e LA Galaksi, edhe pse kishte marrëveshje që e lejonte të largohej në rast oferte nga Europa.

Gjatë sezonit që sapo lamë pas, Ibrahimoviç shënoi 22 gola në 27 aktivizime, por kualifikimi në playoff u dogj në javën e fundit të sezonit.

Në javët e fundit përfaqësuesit e lojtarit ishin në bisedime me drejtuesit e Milanit, por nuk ishte e thënë që rikthimi i sulmuesit në Milano të bëhej realitet.

MLZ Im not done with you yet pic.twitter.com/1F68siOV16

— Zlatan Ibrahimovi? (@Ibra_official) December 17, 2018

Një detaj interesant në librin e fundit të suedezit janë dhe prapaskenat e transfertës së tij te PSG-ja në vitin 2012, ku ai shpjegon se dëshironte të qëndronte me doemos në Milano, por një sërë ngjarjesh e larguan nga Milani.

“Galiani më premtoi se Milani do t’i refuzonte të gjitha ofertat që do të vitin. Por, një ditë më merr agjenti im Raiola në telefon dhe më thotë se Milani ka pranuar një ofertë nga PSG-ja për kartonin tim. Ndihesha mirë në Milano dhe PSG-ja ishte një klub në ndërtim dhe asokohe nuk ma mbushte shumë syrin. I dhashë një listë me kërkesa të çmendura për të më lënë të qetë, por për çudinë time Raiola më merr sërish dhe më thotë: Ata t’i plotësuan të gjitha, bëj gati valixhet”.

Mediet në Suedi kanë zbuluar se Ibrahimoviç sapo ka mbyllur kompaninë e tij të veshjeve sportive “A-Z”, për shkak të humbjeve të njëpasnjëshme. Biznesi i suedezit ka rezultuar një dështim total, pasi ai ka humbur një shumë kolosale prej 21 milionë eurosh.

Tani këshilla e vetme që ngelet për Ibrën është që arrogancën ta mbajë në fushën e blertë, ndërsa në fushën e biznesit duhet të bënte mirë përdorte më shumë mendjen.