Temë e përjetshme mbetet ajo mes zgjedhjes së fitores dhe fitimit të trofeve apo lojës së bukur dhe zbavitjes së tifozëve. Ibra ka dhënë mendimin e tij, ndërsa nuk lë pa thumbuar Ajaksin dhe Barcelonën.

“Rëndësi ka vetëm fitorja. Kjo është e vetmja gjë e rëndësishme, të fitosh. Nëse nuk e bën do të kritikohesh. Nëse fiton dhe nuk luan bukur, do të kritikojnë sërish. Dihet të vendosësh së çdo të bësh. Jeni ju gazetarët që kritikoni dhe jo publiku. Ajaksi po fiton dhe po luan bukur, po ku ka qenë fshehur vitet e tjera ky Ajaks? Po Barcelona? U bënë kohë që nuk e fitojnë një Champions. Për Ibrën ka rëndësi vetëm fitorja, asgjë tjetër“, përfundon suedezi i famshëm.

Zllatan Ibrahimoviç ishte pjesë e Milanit. Të bëjë sherr me të ishte e pamundur, aq më tepër të dilje fitues. Megjithatë, një amerikan me emrin Oguçi Onjevu, trupmadh që luante në rolin e mbrojtësit, nuk e njihte fjalën frikë.

Mes dy “gjigantëve” nis një sherr i madh në stërvitje.  Gjysmë ore betejë, ndërsa vetëm Gatuzo guxon për t’i ndarë. Trajneri nuk e harron kurrë atë episod dhe e risjell përsëri në këtë formë.

“Kishim lëvizur në një fushë tjetër nga ajo ku stërviteshim zakonisht. Kishte shumë njerëz dhe Ibra me Onjevun filluan të ziheshin. Peshonte nga 100 kg secili. Unë si hero tentova t’i ndaj dhe i godita me shkelm, ndërsa Ambrozini nuk u afrua fare. Mora një dy shpulla të mira, e pashë situatën keq dhe ika duke ulëritur: ‘vrisni veten’. Qëndruan gjysmë ore duke u zënë me njëri-tjetrin. Ibrës i binin nervat më vonë, nuk mbante kurrë inat. Ku t’i gjesh lojtarë si ai…”, thekson Rino Gatuzo.

“MLZ” është një lojë fjalësh që 37-vjeçari përdor për inicialet e kampionatit amerikan “MLS” (Major League Soccer), ku Zllatan luajti gjatë vitit të kaluar me skuadrën Los Angeles Galaxy. Gjatë videos Ibrahimoviç shfaqet brenda dhomës së zhveshjes së skuadrës nga Kalifornia.

Mesa duket, suedezi ka vendosur të vijojë bashkëpunimin me ekipin e LA Galaksi, edhe pse kishte marrëveshje që e lejonte të largohej në rast oferte nga Europa.

Gjatë sezonit që sapo lamë pas, Ibrahimoviç shënoi 22 gola në 27 aktivizime, por kualifikimi në playoff u dogj në javën e fundit të sezonit.

Në javët e fundit përfaqësuesit e lojtarit ishin në bisedime me drejtuesit e Milanit, por nuk ishte e thënë që rikthimi i sulmuesit në Milano të bëhej realitet.

MLZ Im not done with you yet pic.twitter.com/1F68siOV16

— Zlatan Ibrahimovi? (@Ibra_official) December 17, 2018

Gjiganti suedez ka dhënë një përgjigje të shkurtër për “Fox Sports Asia” dhe diçka e tillë do të shkaktojë polemika. Sulmuesi i Los Anxhelos Galaksi ka bërë të qartë ndikimin e fortë të Realit të Madridit në çmimin prestigjioz.

“Tani e kemi të qartë që ka qenë Florentino Perez ai, i cili ka rivalizuar me Leo Mesin për ‘Topin e Artë’, jo Kristiano Ronaldo”, komenton Ibrahimoviç, i cili nuk nguron t’i qiajë si vendime “politike” dhe 5 “Topat e Artë” të fituar nga Kristiano Ronaldo, po aq sa ka dhe Leo Mesi.

Mes të dyve nuk ka patur kurrë simpati, por Ibra nuk ka as për Luka Modriç. As kroati dhe as portugezi i Juves nuk ishin pjesë e formacionit më të mirë të suedezit, i cili me shumë siguri mendon që “Topin e Artë” duhet t’ia jepnin vetëm dikujt: Zllatanit…

“Milani më pëlqen dhe kjo gjë nuk është sekret. Kam kaluar dy vite fantastike me kuqezinjtë dhe nuk dëshiroja të largohesha por, siç e kam thënë në librin tim, më detyruan të largohem. Fituam titullin, u shpalla golashënues, klub shumë i mirë dhe atmosferë fantastike”, u shpreh Ibra, ndërsa ai dhe Milani janë shumë afër njëri-tjetrit.

Palët po punojnë për të arritur akordin me sulmuesin e Los Anxhelos Galaksi, ndërsa preferohet formula e huazimit. Pak a shumë si rasti i Devid Bekam, i cili kaloi te Milani për 6 muaj në vitin 2009, për t’u kthyer përsëri në Amerikë.

Ibrën e pret një rrogë prej 2 milionë eurosh për 6 muaj, ndërsa ai mund të rinovojë dhe për një vit me ekipin e “djallit”. Diçka tjetër që shtyn suedezin drejt rikthimit në Milano është dha gruaja e tij. Helena ka mbetur shumë e lidhur me qytetin e modës dhe ajo është pro-rikthimit të Ibrës në Itali.

Një sulmues matet me gola, nëse shënon, shumë mirë. Nëse nuk e bën, nuk vlen. Boll më me gjeste fantastike të një teknike të lartë. Duhen gola. Ibra komenton dhe kalimin te Mançester Junajtid dhe dëmtimin e pësuar. Një bisedë me Murinjon, me të cilin është shumë i lidhur, dhe vendimi për t’u larguar drejt kampionatit amerikan.

STILI – “Në fillim nuk isha i interesuar për të shënuar, por të bëja gjëra të bukura dhe të kisha teknikën më të mirë. Në një farë pikë ndryshoi gjithçka. Diskutimi i Kapelos ishte i llojit: ‘Jemi në nivele të larta, je një sulmues dhe duhet të shënosh. Nëse nuk e bën, nuk kam nevojë për ty.’ E gjitha kjo ndodhi kur kalova te Juventusi. Ishte një ambient komplet i ri. Klub i madh, lojtarë të mëdhenj, histori e madhe.”

KAPELO – “Që ditën e parë, pasi mbaroi stërvitja, dëgjoj Kapelon duke ulëritur: ‘Ibra!’ Kishte marrë disa djem nga ekipi i të rinjve dhe duhet të stërvitesha me ta. Ata krosonin dhe unë godisja portën. Çdo ditë nga gjysmë ore. Dëshiroja vetëm të kthehesha në shtëpi, pasi ndihesha i rraskapitur. Nuk dëshiroja më të godisja portën, nuk dëshiroja as të shihja më portierin. Kur dëgjoja ulërimën ‘Ibra!’, e dija se çfarë më priste. Por, në fund u bëra një makinë golash.”

JUNAJTID – “Dola kundër mendimit të të gjithëve, duke kaluar te Junajtid. Mendonin se isha shumë i vjetër, por në moshën 35-vjeçare, e bëra unë Premier Ligën të dukej e vjetër. Më mjaftuan tre muaj për një gjë të tillë. Kur u dëmtova i thashë Murinjos: ‘Nuk dua t’iu zhgënjej ty dhe shokët e skuadrës. Nuk mund t’iu dhuroj Zllatanin me të cilin jeni mësuar.’ Kështu që zgjodha Los Anxhelos-in dhe jo ata mua.”

PLANETI ZLLATAN – “Unë vij nga një planet tjetër, nga planeti i Zllatanit, diçka që se ka parë askush. Jam një djalë getoje, në fillim më shihnin ndryshe, nuk ndihesha i mirëpritur, por iu tregova të gjithëve diçka ndryshe dhe tani të gjithë më ndekin.”

Tashmë po përflitet për një rikthim të bomberit në Milanelo dhe palët janë afër arritjes së akordit. Në një prononcim për “Rai Radio 1 Sport”, Adriano Galiani, ish-administratori i deleguar i Milanit, aktualisht në të njëjtin rol te Monza, ka folur mbi mundësinë e rikthimit të Ibrës te Milani. Përveçse ekipit të Gatuzos, rikthimi i tij do të rriste dhe nivelin e serisë A.

“Mendoj se të gjithë kampionët e rrisin nivelin e kampionatit. Operacioni me Kristiano Ronaldon i ka bërë mirë trendit të Serisë A dhe një gjë të tillë do të bënte dhe rikthimi i Ibrës. Çdo yll i këtij niveli e rrit nivelin e kampionatit. I kam premtuar përsëri vetes se nuk do të flas më për Milanin, edhe pse jam një tifoz i çmendur pas kuqezinjve. Jam i lidhur me Ibrën, në ato dy vite fituam titullin, Superkupën e Italisë dhe dolëm të dytët në sezonin tjetër. Ibra është një futbollist i jashtëzakonshëm, udhëheqës dhe motivues i madh. Monza? Ëndrra jonë është ta rikthejmë ekipin në Serinë B“, përfundon Galiani.

Ekipi i “Djallit” ka shumë probleme në mbrojtje, ndërsa Romanjoli është i fundit që ka përfunduar në infermieri. Milani ka hedhur sytë nga Anglia, konkretisht tek ekipi i Çelsit. Marrëdhëniet mes palëve janë shumë të mira dhe një gjë e tillë u vë re me huazimin e Bakajokos.

Geri Kahil dhe Andreas Kristensen pëlqehen nga kuqezinjtë. Të dy nuk po luajnë shumë me Sarrin, i cili preferon dyshen Rudiger-David Luiz. I pari është 33 vjeç, ndërsa danezi 22 vjeç. Pikërisht Kristensen është preferenca kryesore e italianëve. Ai ishte titullar sezonin e kaluar me Konten dhe bëhet fjalë për një mbrojtës kualitativ.

Gjithçka do të qartësohet në vijim sa i përket mbrojtësit danez, ndërkohë që Leonardo po punon dhe për arritjen e një marrëveshje me San Paolon. Rodrigo Çaio është emri i preferuar dhe Leonardo do të bëjë maksimumin për të siguruar shërbimet e mbrojtësit 25-vjeçar.

Në mesfushë pëlqehet Stefano Sensi. Vështirë që Sasuolo të heqë dorë nga 23-vjeçari në janar, por Milani po insiston dhe palët mund të arrijnë akordin. Një tjetër emër që përflitet për mesfushën e Gatuzos është dhe Lenadro Paredes i Zenitit. Argjentinasi e njeh mirë Serinë A, pasi ka luajtur me Empolin dhe Romën, por Sensi mbetet objektivi kryesor i Leonardos.

Fatmirësisht merkato e janarit është afër dhe Leonardo po bën maksimumin për të përforcuar ekipin. Ditën e djeshme u fol për një interesim për Çesk Fabregas. Spanjolli është një dëshirë e vjetër e Milanit dhe mund të ishte një përforcim fantastik në mesfushë. Kualitet dhe eksperiencë.

Synimi kryesor mbetet Zllatan Ibrahimoviç dhe Leonardo ka nisur bisedimet me Mino Rajolën, menaxherin e suedezit. Milani ka qenë një nga klubet ku Ibra ka kaluar gjithmonë mirë dhe ai nuk e ka fshehur një gjë të tillë. Lojtari i Los Anxhelos Galaksi po tundohet të rikthehet në Milanelo dhe palët janë afër marrëveshjes. Ibra pritet të vijë në janar, ku do të firmosë për gjashtë muaj me një rrogë prej 2 milionë eurosh dhe me të drejtën e rinovimit për sezonin e ardhshëm.

Një tjetër emër ka dalë në sfond për mesfushën e Milanit. Siç citon “AS”, bëhet fjalë për Arturo Vidal, i cili është pranë largimit nga Barcelona. Kileni nuk ka marrëdhënie të mira me trajnerin Valverde dhe nuk po aktivizohet shumë. Zgjidhja? Mesfushori ka nevojë për minuta, ndërsa Milani ka nevojë për një lojtar si ai.

Por, dhe gjiganti suedez ka idhullin e tij, të cilin e ka zbuluar në një prononcim për “El Mundo Deportivo”. Deklaratë ndryshe nga të tjerat, Ibra zbret në tokë, “kthehet” në human dhe thur elozhe për… Patrik Vieira. Të dy kanë luajtur bashkë te Juventusi dhe Interi dhe mesfushori francez është një nga të paktët njerëz, të cilët kanë ndikuar në karrierën dhe stilin e 37-vjeçarit.

“Gjithmonë më kushtonte vëmendje mua. Kur mendoja se ajo çfarë po bëja ishte e mjaftueshme, Vieira më shpjegonte dhe bënte të kuptoja të kundërtën. Patrik më ka mësuar se është gjithmonë e nevojshme të japësh më shumë. Ai ishte një futbollist fenomenal, i cili do të mbetet në historinë e futbollit. Jam i lumtur që kam njohur Vieiranë (futbollistin), si dhe Patrikun (njeriun). Ai ka influencuar shumë që të jepja gjithmonë 120% në ndeshje”, përfundon Zllatan Ibrahimoviç.

Në një prononcim për “L’Equipe”, 37-vjeçari flet për rikthimin në Europë dhe mundësinë e uljes së Venger në stolin e kuqezinjve.

“PSG dëshiron të punoj për klubin dhe të bëj atë që dëshiroj. Nëse kthehem te PSG e bëj për të qenë kapo i skuadrës, kjo është mënyra e vetme dhe nuk ekziston një tjetër rol për mua. Nuk bëhet fjalë për tani, jam akoma një futbollist aktiv dhe dua të vazhdoj të luaj. Kur të bëj zgjedhjen time, do të informoj botën.”

“Venger te Milani? Mendoj se ka më shumë gjasa të rikthehem unë te Milani, sesa të kalojë Venger në Milano. Nuk e shoh në këtë lloj sfide. Kam patur shumë oferta nga Europa, por kam nevojë për diçka që të stimulojë dhe dua të shkoj në një klub, ku mund të bëj diferencën”, përfundon uniku Ibra.

IBRAHIMOVIÇ – “Në periudhën e Ajaksit, Ibra më kërcënoi se do të thyente këmbët. Por, është gjithashtu e vërtetë se ai e bënte këtë gjë me të gjithë. Gjerat mes nesh nuk shkuan mirë, por tani e kuptoj se është më mirë të kesh në ekip njerëz, të cilët t’i thotë gjërat në sy siç bënte Ibra, edhe pse shumë herë grindeshim me njëri-tjetrin. Nuk ka patur ndonjë debat të veçantë, thjeshtë nuk binim dakord me Ibrën.”

REALI – “Jam ndjerë shumë mirë në Madrid, por ishte e komplikuar të shkojë diku pa u vënë re, edhe pse është bukur kur tifozët të kërkojnë për ndonjë bisedë. Huande Ramos më linte në pankinë dhe luante një futboll që nuk më përshtatej. Më pas erdhi Pelegrini, i cili ma bëri të ditur se isha zgjedhja e tij e pestë, pas Gutit, Kakasë, Graneros dhe Raulit. Njerëzit mund të thonë që dështova te Reali, por po të shohësh statistikat, vihet re se kam luajtur mjaftueshëm dhe kam shënuar ndonjë gol. E kujtoj gjithmonë më dashuri eksperiencën time te Reali i Madridit.”

46-vjeçari e nis prononcimin e tij për “DAZN”, pikërisht nga gjiganti suedez. “Zllatan është një kampion, edhe pse ka një karakter të vështirë. Egoja e tij është më e madhe se Kulla Eifel. Ai është i mirë, një djalë me zemër të mirë, ka cilësi të mëdha dhe është fitues. Pa dyshim që është një mik shumë i mirë.”

Fituesi i Topit të Artë në vitin 2000 komenton dhe për Roberto Mançinin, të cilin e kishte trajner te Interi. Trajneri momental i kombëtares italiane e ka turpëruar disa herë, por portugezi nuk mban mëri dhe i uron më të mirën. “Ai është një nga njerëzit që më ka turpëruar më shumë në karrierën time. Por, i dërgoj urimet më të mira, në këtë moment mban një pozicion të rëndësishëm në futbollin italian dhe shpresoj që kombëtarja të fitojë vendin që i takon.”

Në fund Masimo Morati dhe Havier Zaneti. Respekt dhe dashuri për të dy. “Morati ka qenë një nga personat më të rëndësishëm të botës së futbollit në karrierën time, në aspektin sportiv, por dhe atë personal. Unë e quaj baba dhe ka qenë shumë i rëndësishëm në katër vitet e mia me Interin. Zaneti? Një mik, një kapiten dhe profesionist i madh. Ka qenë e mrekullueshme të luaja me të”, përfundon një nga anësorët më të mirë të krahut të dekadës së kaluar në futbollin botëror.

Nejmar dhe Kilian Mbape janë objektivat e Realit, por është e pamundur për të arritur tek njëri nga sulmuesit e PSG në merkaton e janarit. Zgjidhja? Florentino Perez e ka një ide. Pa shumë shpenzime dhe një lojtar që siguron gola. Siç citon “AS”, kreu i klubit po mendon të ofrojë Zllatan Ibrahimoviç në janar.

Suedezit i skadon kontrata me Los Anxhelos Galaksi në fundin e vitit 2019, ndërsa ai nuk e ka vendosur akoma të ardhmen e tij. Ibra po kalon një formë të mirë pas dëmtimit dhe po bën të pamundurën të dërgojë ekipin e tij në fazën e “play-off”.

37-vjeçari, i cili ka shënuar 22 gola në 25 ndeshjet “amerikane”, do e priste me kënaqësi një ofertë të Perez. Një sfidë me Realin do ishte maksimumi në mbyllje të karrierës, me Ibrën që dëshiron të rikthehet protagonist në futbollin europian.

Në një prononcim për “Sky Sport”, Ibra shpreson që të zhvillohet një takim shumë i bukur dhe të zbaviten tifozët. 37-vjeçari është aktivizuar për tre sezone me zikaltërit dhe dy sezone me kuqezinjtë. Derbin e ka shijuar nga të dyja anët dhe ai nuk pranon të mbajë anën e askujt.

“Si një ish-interist dhe ish-milanist, derbi do të jetë gjithmonë një spektakël, gjithmonë i bukur për t’u parë si tifoz dhe ta luash si futbollist. Shpresoj të jetë një ndeshje e bukur dhe tifozët të argëtohen. Kush fiton? Të shohim, shpresoj të fitojë më i miri dhe ju uroj fat të mbarë të dyja ekipeve”, përfundon sulmuesi i Los Anxhelos Galaksi në futbollin amerikan.

Ibrahimoviç i dhuroi një mikpritje mbretërore yllit të basketbollit në korrik, duke komentuar në rrjetet sociale: “Tani ka një zot dhe një mbret.”

“Ka shumë mbretër, por vetëm një zot. Njerëzit e Los Anxhelos janë falënderues dhe mirënjohës, vlerësojnë çdo gjë që bëj dhe janë të lumtur të më shohin duke luajtur. Ata më bëjnë të lumtur dhe thonë që unë jam gjëja më e bukur që i ka ndodhur qytetit, që nga koha e tërheqjes së Kobi Brajant nga basketbolli. Kjo gjë më bën shumë krenar”, tregon sulmuesi suedez për “Sky Sport.”

Fjalët e merkatos e lidhin me një rikthim në Europë në merkaton e janarit, por Ibra nuk dëshiron të nxitohet. “Mendoj se jam në një situatë, ku duhet të kem një ekuilibër të mirë midis punës dhe pushimit, sepse vi nga dëmtimi i pësuar, por dhe për shkak të moshës time. Nuk po mendoj për të ardhmen, kemi dhe dy ndeshje për të luajtur dhe shpresoj të arrijmë në fazën e ‘play-of’.”

Ndeshja e radhës është në transfertë kundër Minesota Junajtid dhe Ibra fton tifozët të mbështesin ekipin në këtë ndeshje. “I detyrohem tifozëve, shpresoj të vijnë në stadium, sepse ata nuk do të vijnë për Minesotën, por për mua.”

Suedezi komenton dhe mundësinë e një karriere si trajner në të ardhmen. Diçka e vështirë për të ndodhur dhe Ibra e sqaron në këtë mënyrë. “Nuk e di nëse mund të shpenzoj aq shumë kohë duke stërvitur, sepse është shumë stresuese. Nuk është njësoj kur je futbollist, sepse ke një impakt ndryshe kur je lojtar. Kur je trajner, je i varur nga lojtarët dhe, nëse ata nuk luajnë mirë, ti nuk je në gjendje për të zbritur në fushë dhe të bësh diferencën. Nuk është aspak e thjeshtë”, përfundon Zllatan Ibrahimoviç.

“Murinjo është special, sepse, para së gjithash, është një fitues. Ka këtë mentalitet fitues dhe bën gjithçka për të arritur rezultatin që dëshiron. E njeh futbollin, e lexon shumë mirë ndeshjen dhe menaxhon mendjet e lojtarëve të tij. Kur erdhi tek Inter ai siguroi që secili lojtar të jepte 200%, por jo për ekipin ose vetë lojtarin, por për të. Kjo e bën me të vërtetë special për mua. Kur arriti një në nivele të larta, solli një ajër të freskët, diçka të re. Ai ka këtë mënyrë të shprehuri, ka vetëbesim te vetja, ashtu siç kam dhe unë. Njerëzit e quajnë arrogancë, por nuk është kështu.”

Ibra mendon se Junajtid ka një skuadër konkurruese dhe portugezi do të jetë në gjendje të rikthejë te fitoret dhe fitimi i trofeve.

“Besoj se ka aftësinë për të fituar. Besoj se është trajneri i duhur për Mançester Junajtid dhe për kontingjentin që ka në dispozicion. Por siç thuhet, një trajner është aq i mirë, sa është kontingjenti i tij, kështu që nuk mund të bëjë mrekulli, nëse skuadra nuk është e mirë. Por unë mendoj se skuadra e Junajtid është mjaft konkurruese. Është viti i tretë i trajnerit në ekip dhe lojtarët përshtaten gjithnjë e më shumë me atë që kërkon Murinjo në fushën e blertë. Kështu që mendoj se mund të fitojë me këtë ekip”, përfundon Zllatan Ibrahimoviç.

7-vjeçarja bëri një performancë fantastike dhe emocionoi të gjithë të pranishmit me zërin e saj. Ibrahimoviç postoi videon në rrjetet sociale, ku komentoi “lojtarja më i mirë i vitit”, për vogëlushen.

MVP of the game! https://t.co/eZ2WdQsVN7

— Zlatan Ibrahimovi? (@Ibra_official) September 24, 2018

Debutim i mirë në stol për trajnerin amerikan, Dominik Kinear, i cili zëvendësoi gjermanin Shmid. Ky i fundit dha dorëheqjen pas dy humbjeve të fundit, në të cilat Los Anxhelos Galaksi pësoi 11 gola. Me këtë fitore, ekipi i Ibrës parakaloi në renditje Vankuverin dhe ngushtoi në tre pikë diferencën me vendin e gjashtë në renditje, që të kualifikon në fazën e “play-off”.

Në këtë pozicion ndodhet ekipi i Siatëllit, pavarësisht se këta të fundit kanë zhvilluar një ndeshje më pak. Ky tri pikësh rrit shpresat e Los Anxhelos Galaksi për të arritur vendin e gjashtë, ndërsa javën tjetër do të luajnë përsëri në shtëpi përballë Vankuver Uaitkeps.

Me golin e shënuar, Ibrahimoviç ngjitet në kuotën e 18 golave në MLS, duke u renditur i treti në renditjen e golashënuesve më të mirë, pas Martinezit të Atlantës (30 gola) dhe Rajt Filips të Nju Jork Red Bulls (19 gola).

Në ndeshjen tjetër të mbrëmjes, Dallas fitoi në transfertë përballë Vankuver Uaitkeps me rezultatin 1-2. Moskera dhe Hedges shënuan për miqtë, ndërkohë që Kamara baroi përkohësisht rezultatin për Vankuver. Me këtë fitore, Dallas ngjitet në krye të renditjes së Konferencës së Perëndimit në kuotën e 53 pikëve, dy më shumë se Sporting Kansas Siti.

Sulmuesi i famshëm konfirmon interesimin e klubit suedez dhe nuk e mohon mundësinë e rikthimit në shtëpi. Nëse Los Anxhelos Galaksi nuk do të arrijë të kualifikohet në fazën “play-off”, pesë ndeshjet e ardhshme mund të jenë të fundit në tokën amerikane.

“Po, është e vërtetë, kam marrë një ofertë nga Malmo. Ata duan që të rikthehem në shtëpi. Është një mundësi që nuk e përjashtoj të ndodhë, sepse kampionati suedez mungon në trofetë e mi. Nuk është momenti për të folur më shumë, sepse do e diskutoj një gjë të tillë me klubin tim. Varet se çfarë duan ata dhe çfarë dua unë”, përfundon gjiganti suedez, i cili është aktivizuar me Malmon në vitet 1999-2001, ku shënoi 14 gola në 40 ndeshje.

Urbi Emanuelson, i cili është aktivizuar për një periudhë tek ekipi i Milanit, zbulon një detaj interesant të ndodhur mes dy “të fortëve”, si Ibrahimoviç dhe Xhenaro Gatuzo për “Voetbal Internation”. I pari luan me Los Anxhelos Galaksi në Amerikë, ndërsa i dyti është trajneri i Milanit.

“Ibrahimoviç ishte arrogant, por është pjesë e karakterit të tij. Në karrierën time nuk kam patur kurrë një shok skuadre me një personalitet të tillë.

Mbaj mend njëherë, kur Ibrahimoviç mori Gatuzon dhe, pavarësisht se Xhenaro ishte i fortë fizikisht, arriti ta hidhte në koshin e plehrave”, përfundon Urbi Emanuelson, i cili aktivizohet në Holandë me ekipin e Utrehtit.

Ibra i vendosi duart në fytyrë lojtarit, Li Ngujen, gjatë një momenti nervozizmi gjatë ndeshjes derbi dhe u dënua nëpërmjet provës televizive. Siç citon “ESPN”, sulmuesi i Los Anxhelos Galaksi nuk është pezulluar, por ia ka hedhur me një gjobë. Kjo ka sjellë irritimin e lojtarit vietnamez, i cili ka komentuar dënimin e “butë” të sulmuesit 36-vjeçar.

“Nuk jam shumë i qartë për rregullat e MLS (kampionati amerikan i futbollit), por të godasësh lojtarët kundërshtarë është një gjë normale në ditët e sotme”, thumbon Ngujen në postimin e bërë në rrjetet sociale.

Ibrahimoviç gjeti golin e 499-të në karrierë në derbi dhe është ngjitur në kuotën e 16 golave dhe pesë asisteve në 20 ndeshje të zhvilluara në MLS.

Not too sure about the rules @MLS but I guess slapping other players is ok these days #mls #LAvLAFC https://t.co/exIzahgKBV

— Lee Nguyen (@LeeNguyen24) August 25, 2018

Nëse Ibra është vetëm një gol larg një shifre fantastike, në ndeshjen tjetër midis Orlando Sitit dhe Atlanta Junajtid, që përfundoi me fitoren e miqve me rezultatin 1-2, Jozef Martinez (73’) shënoi golin e 28-të në kampionat. Një rekord për sulmuesin nga Venezuela, që thyen rekordet e vendosura nga  Bredli Rajt-Filips (2014), Kris Uondolovski (2012) and Roi Lasiter (1996) duke u bërë sulmuesi që shënon më shumë gjatë një sezoni në MLS.

Atlanta vazhdon të kryesojë Konferencën e Lindjes dhe kjo fitore e ngjit në kuotën e 54 pikëve, pesë më shumë se Nju Jork Red Bull, që pritet të zhvillojë ndeshjen e saj.

“Ndihem mirë dhe i gjallë, por të shohim nëse do e mbyll karrierën këtu. Kalova një dëmtim të frikshëm, por njerëzit i harrojnë shpejt këto gjëra. Ndihem mirë, jam në formë dhe shumë i lumtur këtu.

Jam i kënaqur me shokët e skuadrës dhe klubin, më pëlqen qyteti dhe njerëzit. Dua të ndihmoj klubin dhe shokët për të fituar, dua të kënaq njerëzit dhe për momentin mund t’iu them që shijojeni Ibrën për sa kohë që është këtu…”, përfundon 36-vjeçari.