Ibrahimoviç udhëhoqi Los Angeles Galaxy drejt fitores në derbin me Los Angeles FC. 37-vjeçare shënoi të tre golat e fitores 3 – 2 të ekipit të tij. Klasi nuk mund të mungonte në asnjë prej finalizimve, sidomos në rastin e parë.

Në golin e dytë Ibrahimoviç tregon aftësitë në duelet ajër, ndërsa në golin e tretë e majta e suedezit është po aq “vrastare” para portës sa dhe këmba e tij e preferuar. Me tripletën e realizuar në derbi Ibrahimoviç kap shifrën e 17 golave në po kaq ndeshje të “MLS”.

Los Angeles Galaxy 3 – 2 Los Angeles FC
Shënues: Ibrahimoviç 8’, 56’, 70’ / Vela 4’ (pen),  90+7’

Ibra luajti për 1 sezon e gjysmë me “Djajtë e Kuq”, gjatë kohës që në stol ishte Zhoze Murinjo. Sulmuesi i famshëm nuk i ka kursyer thumbimet për disa nga ish-lojtarët e trajnerit legjendar të Junajtid, Aleks Ferguson. Në një prononcim për “Daily Mirror”, Ibra sulmon emra si Nejvil dhe Skolls, të cilët i quan si studentët e skocezit Ferguson.

“Çdo gjë që ndodh te Mançester Junajtid gjykohet në bazë të epokës së Fergusonit. Të gjithë thonë: nëse ai do të ishte këtu, kjo nuk do të ndodhte, Ferguson nuk do e bënte në këtë mënyrë, por kështu… Në vend të tyre unë do të thoja që Ferguson, i cili është pjesë e historisë së klubit, nuk është më dhe unë vij për të shkruar historinë time. Nuk dua të dëgjoj se çfarë ka ndodhur më parë. Studentët e tij dalin gjithmonë në televizor dhe qahen gjatë gjithë kohës, sepse nuk janë më pjesë e klubit.”

“Nëse dëshiron të punosh në klub, atëherë ik dhe puno. Nuk mund të jesh në televizor, duke u ankuar dhe kritikuar gjithmonë. Koha jote ka kaluar. Pogba ishte i ri te Junajtid, u largua dhe u rikthye përsëri. Francezi nuk iu pëlqen studentëve të Fergusonit, sepse ata kanë qëndruar gjithë jetën në klub dhe nuk janë transferuar kurrë. Ata nuk do hapnin gojë kurrë, nëse trajneri do ju thoshte të mos hapnin gojë. Nuk jam i sigurt as nëse Fergusoni i ka dhënë leje që të flasin nëpër televizione.”

Presidenti ka dhënë një prononcim interesant për mediat italiane, aty ku i rikthehet kujtimeve të shumta. Ai ishte pranë blerjes së Leo Mesit. Argjentinasi nuk ishte bërë i famshëm dhe Morati zbulon prapaskenat e kësaj lëvizje.

Më pas Andres Iniesta, një ikonë e ekipit katalanas. Morati e dëshironte tek Interi, por përballë tij ishte dikush, i cili nuk do e shiste kurrë mesfushorin. Më pas Andrea Pirlo dhe Zllatan Ibrahimoviç.

Të dy ishin pranë rikthimit në kampin zikaltër. Suedezi bëri edhe më shumë, telefonoi presidentin për ta bindur, por në fund nuk ndodhi asgjë: mesfushori u transferua te Juventusi, ndërsa sulmuesi te kuqezinjtë e Milanit.

MESI – “Ne filluam ta ndiqnim Mesin në Kupën e Botës U18. Misioni ynë nisi, por skautët e mi u kthyen nga Spanja dhe më treguan për problemet shëndetësore të Leos. Ata më folën dhe për dedikimin e madh të Barcelonës për t’i zgjidhur problemet e lojtarit. Ju thashë që ta linin si çështje. Ju betohem se te Barcelona po kujdeseshin për Leon njësoj si për djalin e tyre.”

INIESTA – “Një ditë u takova me një drejtues të Barçës. Kishim mundësinë ekonomike për të blerë çdo lojtar. Diskutuam për shumë prej tyre, ndërsa më pas unë përmenda emrin e Andres. Qëndrimi i drejtuesit spanjoll ndryshoi totalisht. Mund t’i kisha bërë çdo lloj oferte, por do të ishte diçka pa vlerë. Ata nuk do e shisnin kurrë Iniestën.”

PIRLO-IBRA – “Mund të rikthenim Pirlon pas largimit nga Milani. Ishte viti 2011 dhe Andrea u transferua te Juventusi. Ekzistonte mundësia ta merrnim ne, por nuk ndodhi një gjë e tillë. Ibra? Kur la Barcelonën për të kaluar te Milani, Zllatani më telefonoi. Ai bëri një gjest, që e vlerësova shumë. Më tregoi se nëse do të bëja ndonjë kundërofertë, ai do zgjidhte Interin. Megjithatë, gjërat kishin marrë tjetër drejtim dhe nuk kishte sens që të bëja këtë lëvizje.”

Los Anxhelos u hodh në kërkim të fitores dhe dhjetë minuta përpara fundit të ndeshjes erdhi goli i fitores. Ibra shfrytëzoi një top të kthyer nga traversa dhe goditi fort me kokë. Topi përfundoi në rrjetë dhe në stadium nisi festa.

Një gol deçiziv dhe në momentin e duhur për gjigantin e sulmit, i cili po tregon se nuk kanë shumë rëndësi 37 vitet që mban mbi supe.

Kjo ishte ndeshja e parë e sezonit të ri në MLS, ndërsa ndeshjen e radhës Los Anxhelos Galaksi do ta zhvillojë kundër Dallasit në transfertë.

Who else!? @Ibra_official heads in the go-ahead goal. #LAvCHI https://t.co/EMmyU6YsRe

— Major League Soccer (@MLS) March 3, 2019

Pavarësisht 37 viteve mbi supe, gjiganti suedez është gati të dominojë dhe të zbavitë tifozët amerikanë. Gjatë prononcimit për “CNN”, Ibra i rikthehet dhe njëherë momentit kur vendosi të kalonte oqeanin për t’u transferuar në MLS.

Goli spektakolar i shënuar kundër Los Anxhelos FC ishte një perlë e vërtetë dhe ishte shumë i rëndësishëm për të. Suedezi e cilëson atë si ndër tre më të bukurit në karrierën e tij, komenton tatuazhet e shumta që ka dhe e mbyll me një koment për Kristiano Ronaldon.

TRANSFERIMI – “Kur mbërrita këtu dëshiroja t’i tregoja gjithë Amerikës së çfarë ishte futbolli. Dëshiroja të tregoja gjithë potencialin tim, lojën time, mënyrën time të së qënurit. Sapo m’u dha mundësia për të luajtur në MLS, pranova menjëherë. E pashë si një mundësi të madhe për mua, për karrierën time dhe jetën jashtë fushave të blerta.”

IBRA – “Sa më i vjetër, aq më i fortë bëhem. Njësoj si vera e kuqe. Imagjinojeni pak se çfarë do të ndodhë në sezonin e ri. Sezoni i kaluar më ndihmoi për të kuptuar se si funksionojnë gjërat këtu. Jam shumë i motivuar për sezonin e ri. Tani e di që do të zbres në fushë dhe do të dominoj. Golin e shënuar nga mesi i fushës e konsideroj si ndër 3 më të bukurit e karrierës. Ai gol kishte një rëndësi të madhe për mua. Sapo isha kthyer nga një dëmtim në gju dhe njerëzit diskutonin nëse do të isha në gjendje të zbrisja përsëri në fushë. Kisha nevojë për një moment dhe emocion të tillë.”

TATUAZHET – “Kam shumë tatuazhe dhe natyrisht që më pëlqejnë të gjithë. I kam të gjithë në shpinë, sepse nuk më pëlqen t’i shoh. Ronaldo në MLS? Vetëm ai mund ta dijë nëse ardhja këtu do të ishte një sfidë. Sigurisht që ardhja e tij do të krijonte impakt dhe do të ishte diçka e bukur për Amerikën. Megjithatë, vetëm Kristiano e di se për çfarë ka nevojë.”

 

View this post on Instagram

 

Zlatan Ibrahimovic gets better with age ??

A post shared by ESPN UK (@espnuk) on Feb 19, 2019 at 2:25am PST