Mentaliteti i tij i fortë dhe arroganca shpeshherë e tepruar kanë krijuar probleme në dhomat e zhveshjes së ekipeve ku është aktivizuar. Për momentin, pasi gjithçka është zgjidhur më pas.

Në një prononcim të dhënë për mediat amerikane, sulmuesi i Los Anxhelos Galaksi ka folur për sherret me shokët e skuadrës brenda dhomave të zhveshjes. Mos impenjimi dhe humbja e bëjnë keq.

Kevin Princ Boateng ka luajtur me Ibrën te Milani. Ganezi ishte ndër miqtë e tij më të mirë, por kjo nuk vlente në fushë dhe stërvitje. “Nuk më fliste për katër ditë rresht nëse humbitnim në stërvitje”, deklaronte kohë më parë duke buzëqeshur Boateng.

“Ushtroj shumë presion te shokët në dhomat e zhveshjes. Ky është stili im. E kam bërë kudo që kam luajtur: te Mançester Junajtid, Juventus, Barcelona dhe Milani. Erdha në SHBA sepse dua të fitoj. Jam ambicioz dhe nuk kam ardhur për pushime. E di se çfarë po bëj dhe mos harroni që kam fituar 33 trofe, më shumë sesa gjithë MLS së bashku.

Një ditë humbëm një ndeshje dhe fillova të shkatërroj e thyej shumë gjëra në dhomat e zhveshjes. Shkatërrova gjithçka dhe ju desh të lajmëronin ambulancën, sepse tre futbollistë ishin shtrirë në tokë në gjendje kome. Më pas ju kërkova falje njerëzve të ambulancës, sepse ju nxora shumë punë”, përfundon Ibrahimoviç.

Zlatan doesn’t say sorry ?? ?@MLS? ?@Ibra_official?

?@LAGalaxy? pic.twitter.com/bkwRdOmTg0

— 433 (@official433) July 7, 2019

Suedezi i ka shënuar golat në pjesën e dytë. Golin e parë e shënoi me një goditje me kokë në minutën e 75-të, duke zhbllokuar ndeshjen, kurse tjetrin një minutë para përfundimit të kohës së rregullt. I vetëm me portierin kundërshtar, Ibra nuk mund të gabonte.

“Kam ardhur këtu sepse kam fituar shumë. Nuk kam ardhur të relaksohem. Ky jam unë, jo më kot kam fituar 33 trofe. Mendoj se janë më shumë se të gjithë në MLS”, thekson bomberi suedez.

Ibra ka fituar në Holandë katër trofe me Ajaksin, dy herë titullin kampion, kupën dhe Superkupën. Në Itali ka triumfuar tre herë në Serie A, dy herë me Interin dhe një herë me Milanin, ndërkohë që ka triumfuar edhe pesë herë në Superkupë.

Në Francë me PSG-në ngritur tre herë titullin, dy herë Kupën dhe tre herë Superkupën. Sulmuesi ka luajtur edhe me Barcelonë, klub me të cilin fitoi kampionatin, dy Superkupa, Superkupën evropiane dhe Botërorin për klube. Në Angli ka fituar Ligën e Europës me Mançester Junajtid, klub me të cilin ka festuar tre trofe.

Së fundi ka shënuar një tjetër perlë, me roveshatë. Goli i 11-të sezonal në MLS për suedezin, që ka skuadrën e tij të mundej 1-2 nga New England Revolution. Nuk festoi, por goli i tij është një mrekulli dhe Ibra ka dhuruar shpesh të tilla.

?? ZLATAN BICYCLE KICK ?? pic.twitter.com/F8OUYtYWwK

— Major League Soccer (@MLS) June 3, 2019

Suedezi pas ndeshjes shkoi për t’i kërkuar falje Onuohas, por anglezi nuk e ka pranuar ndjesën. 32-vjeçari është shprehur ashpër ndaj suedezit. Ai thotë se ajo çka përfaqëson Ibra nuk është fytyra e vërtetë e MLS.

“Për 60 minuta ai më thonte se do të më lëndonte dhe se do të më godiste nga çasti në çast. ‘Përgatitu, shikoje orën sepse tani do të të godas’. I kam dëgjuar këto fjalë dy apo tre herë në jetën time për shkak të bullizmit. Ibrahimoviç shprehet se është fytyra e MLS, por mund të jetë diçka tjetër… Kjo është mënyra sesi sillet ai në fushë”, u shpreh Onuoha.

32-vjeçari më parë ka luajtur me klube si Totenhem, Milan, Shalke, Ajntraht Frankfurt apo Borusia Dortmund. Me verdhezinjtë ai është aktivizuar në kohën kur në krye ishte Jurgen Klop, me të cilin do të takohet nesër në “Camp Nou” në gjysmëfinalen e parë të Champions Ligës.

Gjatë intervistës, Boateng tregoi pengun më të madh në karrierë. Ai u shpreh se e kuptoi shumë vonë se është themelore të jesh me këmbë në tokë për të marrë vendimet e duhura. Nëse do e bëntë këtë do të luante 10 vite rresht me një klub të madh. Me sa e njeh Klopin shprehet se ai e di mirë atë çka duhet të bëjë që lojtarët të japin maksimumin për të. Lojtari më i mirë është Zlatan Ibrahimoviç. E admiron ambicien e tij.

GABIMI- Të kesh mendjen e duhur në futboll është thelbësore. Kur isha 18 vjeç do të kisha dashur një agjent apo të afërm, që të më udhëhiqte në vendimet e mia. Do të më ndihmonte të kuptoja gabimet. Është keqardhja ime më e madhe. Po të kisha marrë vendimet e duhura do të kisha qenë një lojtar që kisha luajtur 10 vite rresht me një klub të madh si Reali, Barcelona apo Junajtid.”

JURGEN KLOP- “Ai e di mirë se çfarë duhet të bëjë që lojtarët të jenë gati ‘të vdesin’ për të. E bënte në Dortmund dhe tani po bën të njëjtën gjë në Liverpool. Me Klopin të gjithë lojtarët e ekipit të ndihen të rëndësishëm.”

IBRAHIMOVIÇ- “Me të ndihesha menjëherë i qetë. Ibra është një udhëheqës. Kurrë nuk kam takuar një person më ambicioz se ai. Nëse humbiste në stërvitje, ai nuk të fliste me gojë për katër ditë”, përfundoi sulmuesi i Barcelonës.

Zllatan Ibrahimoviç ishte pjesë e Milanit. Të bëjë sherr me të ishte e pamundur, aq më tepër të dilje fitues. Megjithatë, një amerikan me emrin Oguçi Onjevu, trupmadh që luante në rolin e mbrojtësit, nuk e njihte fjalën frikë.

Mes dy “gjigantëve” nis një sherr i madh në stërvitje.  Gjysmë ore betejë, ndërsa vetëm Gatuzo guxon për t’i ndarë. Trajneri nuk e harron kurrë atë episod dhe e risjell përsëri në këtë formë.

“Kishim lëvizur në një fushë tjetër nga ajo ku stërviteshim zakonisht. Kishte shumë njerëz dhe Ibra me Onjevun filluan të ziheshin. Peshonte nga 100 kg secili. Unë si hero tentova t’i ndaj dhe i godita me shkelm, ndërsa Ambrozini nuk u afrua fare. Mora një dy shpulla të mira, e pashë situatën keq dhe ika duke ulëritur: ‘vrisni veten’. Qëndruan gjysmë ore duke u zënë me njëri-tjetrin. Ibrës i binin nervat më vonë, nuk mbante kurrë inat. Ku t’i gjesh lojtarë si ai…”, thekson Rino Gatuzo.

Ibra ka shënuar golin e parë në minutën e 31-të, ku u tregua i saktë nga pika e bardhë. Goli i shtatë për suedezin në po kaq ndeshje, vetëm një më pak se golashënuesi më i mirë, Karlos Vela. Nisja e sezonit ka qenë fantastik për 37-vjeçarin.

Ndeshja përfundoi me shifrat 2-0, me të dy golat që u shënuan nga sulmuesi. Fillimisht Ibra shënoi në minutën e 26-të, ku mposhti portierin pas një goditje me kokë, ndërsa dhjetë minuta më vonë u tregua i saktë nga pika e bardhë e penalltisë.

Luis Nani gjithashtu ka nisur të dhurojë spektakël, me portugezin që shënoi një gol mjaft të bukur nga goditja e dënimit, por gjithsesi nuk mundi të evitonte humbjen e Orlandos së tij, që u mposht me shifrat 2-1 nga Real Salt Lake.

Rooney really scored from that angle ?

(via @FOXSoccer)pic.twitter.com/vqz6jxgoGg

— Bleacher Report (@BleacherReport) April 1, 2019

Tri pikë mori dhe skuadra e Zllata Ibrahimoviç. Suedezi udhëhoqi Los Angeles Galaxy në fitoren 2 – 1 ndaj Portland Timbers.

https://twitter.com/TheSportsNotes/status/1112544943908646913

Ish-sulmuesi i PSG-së u tregua i saktë në të 11-metërsha, ndërkohë mund të kishte qenë autor i një super goli pas një goditje akrobatike, por shtylla i mohoi festën.

https://twitter.com/SwypeSports/status/1112591091897909248

Sot mund të ndihet krenar për karrierën e mrekullueshme që ka zhvilluar dhe futbollistin e madh që është bërë. Ibra ka folur për “MLS”, duke u ndalur te idhulli i tij.

“Ronaldo braziliani ka qenë futbollisti më i kompletuar për mendimin tim. Sa herë që prekte topin, ndodhte diçka. Ai ishte futbolli. Ronaldo ishte një shembull i madh dhe futbollisti që çdokush ëndërronte të bëhej”, përfundon sulmuesi i Los Anxhelos Galaksi.

Pavarëisht se minutat në fushë për të janë të pakta, Boateng di si të bëhet protagonist dhe të vjedhë vëmendjen. Në një emision që po bënte klubi i Barcelonës, sulmuesi është pyetur se kush është lojtari më i mirë që ka luajtur në krah.

Përgjigja që pritej ishte padyshim Leo Mesi, por Boateng nuk mendoi diçka të tillë. 31-vjeçari u përgjigj shkurt dhe qartë, duke thënë vetëm: “Zlatan Ibrahimoviç!” Kujtojmë, ganezi ka luajtur me Ibran te Milani disa vite më parë.

“Këtu kam marrë një shtëpi me qira, nuk di çfarë të them për të ardhmen. Të shohim. Pyeta gruan për të marrë një shtëpi të mobiluar, por zgjodhi një pa mobilie. I thashë të shkonte në IKEA dhe pronari i shtëpisë më tha: ‘Të pasurit nuk blejnë në IKEA’. ‘E vërtetë, por njerëzit inteligjentë e bëjnë këtë’, ishte përgjigja ime”, deklaron Ibra gjatë emisioni.

Më tej flet edhe për bastin e vënë me Bekam dhe premton se do ta mbajë fjalën: “Kisha vënë një bast me Bekam gjatë Botërorit. Nëse Suedia mundte Anglinë, do të shkojë tek IKEA dhe do të blija gjithçka që doja me shpenzimet e tij. Nëse do të fitonte Anglia, jam i detyruar të shkoj në ‘Wembley’ të ha peshk dhe patate të skuqura. Kam humbur bastin dhe do ta bëjë këtë gjë kur të kem kohë”.

Sezonin e shkuar Ibra ka arritur të shënojë golin numër 500, por në atë takim Los Anxheles Galaksi u mund 5-3 nga Toronto. Për nga realizimi, suedezi realizoi një perlë. Ai e komenton kështu atë gol: “Goli im numër 500? Doja të ishte special, kur shënon një gol të tillë nuk ka shumë për të thënë, po të ishte goli i fitores do isha larguar nga stadiumi”.

Lojtari nga Malmo, njihet për karakterin e tij dhe për deklaratat që jep, ku shpesh merr vëmendjen e mediave. Së fundmi, 37-vjeçari, në një intervistë, ka folur mbi takimin që luhet sot midis dy ish-ekipeve të tij, Mançester Junatid dhe PSG, teksa është pyetur mbi rezultatin e mundshëm të takimit, apo kush nga ekipet do të kalojë më tej.

Përgjigja e Ibras ka qenë si gjithnjë e zakonshmja… “Nuk e di, mendoj se PSG mund të jetë pak më shumë favorite, sepse ka lojtarë më të mirë në përbërje. Gjithsesi, kushdo që të fitojë, unë do të jem fituesi. Kushdo që të kalojë më tej, do të jetë ekipi im.”

"Whoever wins, I'm the winner." ?

Zlatan gives @StuHolden his pick for tomorrow's big Man United vs PSG match. pic.twitter.com/1TFMPbhQwp

— Red Bun Football (@RBFutbolTweets) February 12, 2019

Gjithsesi, tani në festat e fundvitit, gjiganti është shndërruar përsëri në protagonist. Mbrëmjen e kaluar, 37-vjeçari postoi një foto në llogarinë e tij në Instagram, që mori shumë vëmendje. Ishte urimi i sulmuesit për Krishtëlindjet, por jo një urim normal, një urim “alla Ibra”,

Një foto e një xhuxhi, i cili tregonte gishtin e mesit dhe në përshkrimin e fotos shkruhej: “Merry Chriztmaz”. Shkronja “z” në vend të shkronjës “s”, simbolizon emrin Zlatan. Në një mënyrë apo në një tjetër, suedezi di gjithmonë të jetë në qendër të vëmendjes…
https://www.instagram.com/p/Brx172bAxCv/?utm_source=ig_web_copy_link

Në lidhje me çështjen e qëndrimit në Amerikë, suedezi ka folur për mediat, duke thënë se kurrë nuk u largua nga Los Anxhelosi. Gjithashtu, sulmuesi ka zbuluar se karriera e tij do të mbyllet në Amerikë. Ndër të tjera, Ibra tregoi se ende nuk ka ndryshuar, duke thënë se tani ndihet akoma më mirë fizikisht, pavarësisht se është 37 vjeç tashmë.

“U përfolën shumë gjëra, por unë kurrë nuk u largova. Nuk kam mbaruar akoma me MLS-në, kam akoma gjëra për të bërë. Sezoni im i parë ishte sa për nxehje, sezoni i dytë do të jetë ndryshe. Tani i njoh më mirë kundërshtarët e mi, por edhe kampionatin, për më tepër ndihem më mirë fizikisht. Erdha këtu për të mbyllur karrierën, jo për t’u larguar.”

Ditën e somte është zyrtarizuar gjithçka, teksa klubi i Los Anxhelos, në një postim të bërë në llogarinë e tyre në “Tëitter” kanë dhënë njoftimin zyrtar, se gjiganti suedez ka firmosur një kontratë të re me klubin, duke konfirmuar se do të jetë pjesë e tyre dhe për sezonin e ardhshëm.

Kujtojmë, Ibrahimoviç u transferua në radhët e LA Galaksi në mars të këtij viti. Në sezonin e tij të parë në Amerikë, suedezi shënoi plot 22 gola dhe arriti të asistonte 10 herë në 27 ndeshje të luajtura në MLS.

It's official. He's back.#LAGalaxy sign @Ibra_official to new contract: https://t.co/K3TAE2PxKk pic.twitter.com/5pcScYRXQB

— LA Galaxy (@LAGalaxy) December 18, 2018

“MLZ” është një lojë fjalësh që 37-vjeçari përdor për inicialet e kampionatit amerikan “MLS” (Major League Soccer), ku Zllatan luajti gjatë vitit të kaluar me skuadrën Los Angeles Galaxy. Gjatë videos Ibrahimoviç shfaqet brenda dhomës së zhveshjes së skuadrës nga Kalifornia.

Mesa duket, suedezi ka vendosur të vijojë bashkëpunimin me ekipin e LA Galaksi, edhe pse kishte marrëveshje që e lejonte të largohej në rast oferte nga Europa.

Gjatë sezonit që sapo lamë pas, Ibrahimoviç shënoi 22 gola në 27 aktivizime, por kualifikimi në playoff u dogj në javën e fundit të sezonit.

Në javët e fundit përfaqësuesit e lojtarit ishin në bisedime me drejtuesit e Milanit, por nuk ishte e thënë që rikthimi i sulmuesit në Milano të bëhej realitet.

MLZ Im not done with you yet pic.twitter.com/1F68siOV16

— Zlatan Ibrahimovi? (@Ibra_official) December 17, 2018

Gjithsesi, kuqezinjtë kanë në ekip, vetëm dy sulmues dhe në rast aktivizimi të të dyve, në stol nuk do të ketë rezerva. Për këtë arsye, blerja e një sulmuesi në merkato është e domosdoshme dhe kontaktet kanë nisur prej kohësh. Si zgjedhje e parë mendohet të jetë Zllatan Ibrahimoviç.

Suedezi, që dikur ka qenë pjesë e Milanit, ka përfunduar sezonin e tij me Los Anxhelos Galaksi dhe mund të transferohet në “San Siro” në janar. Momentalisht 37-vjeçari përfiton 1.3 milionë euro nga kontrata e tij me klubin amerikan, por ka shumë përfitime nga sponsorët.

Në Itali, thuhet se Ibrahimoviç do të përfitojë 4 milionë euro nga Milani, por palët çalojnë vetëm në një pjesë. Gjiganti suedez kërkon një kontratë 18-mujore, pra një sezon e gjysmë, ndërsa kuqezinjtë janë të gatshëm t’i ofrojnë një kontratë 6-mujore, por me një opsion rinovimi për sezonin e ardhshëm. Palët janë ende në diskutim, por transferimi i sudezit, duket shumë i mundshëm.

Nisemi nga Paketa, i vetmi lojtar që për momentin mund të quhet i Milanit, pasi marrëveshja me Flamengon dhe lojtarin është mbyllur. Flamengo mbyll kampionatin me 2 dhjetor dhe dëshira e kuqezinjve është që ta kenë menjëherë në dispozicion 21-vjeçarin, por gjithsesi duhet të presim dhjetorin për ta konfirmuar.

Një lojtar që ngjason me Rikardo Kakan, që është dhe idhulli i tij, por me ndryshimin e modulit nga Gatuzo, pritet dhe një ndryshim në pozicionin se ku do të luajë braziliani. Pozicioni natyral i Paketës është si mesfushor qendre, ose trekuartist, por me 4-4-2, mund të luajë dhe në mbështetje të Higuain, duke qenë një alternativë më shumë për sulmin.

Gjithsesi, përveç Lukas Paketës, Leonardo thuhet se po punon dhe për tre afrime të reja, nga një për çdo repart, pra një mbrojtës, një mesfushor dhe një sulmues. Dëmtimet e Kaldarës dhe Musakios, përkatësisht 3 muaj i pari dhe dy muaj argjentinasi, e bëjnë të domosdoshme afrimin e një mbrojtësi, pasi vetëm Romanjoli dhe Zapata kanë mbetur.

Rodrigo Caio, është emri kryesor që është përmendur këto ditë. Braziliani, i cili aktivizohet me Sao Paolon, është një njohje e vjetër e Leonardos, pasi ka dashur dhe më përpara ta sjellë në Evropë dhe mund të shihet si një opsion i mundshëm.

Në mesfushë, dëmtimi afatgjatë i Lukas Biljas, i cili do të qëndrojë jasht fushave për katër muaj, si dhe një operim i mundshëm i Bonaventurës, do ta linin mesfushën kuqezi të përgjysmuar. Montolivo, Hose Mauri dhe Bertolaçi janë me derë të hapur dhe mund të largohen që të tre, kështu që mesfusha shihet si reparti, që duhen përforcime me patjetër dhe Leonardo e Maldini duhet ta marrin seriozisht punën e tyre.

Në sulm gjithashtu situata paraqitet shqetësuese. Me modulin e ri me dy sulmues, siç është luajtur ndaj Sampdorias dhe Udinezes, sjell zero alternativa për kuqezinjtë. Dy sulmuesit e vetëm janë Kutrone e Higuain dhe kështu nuk ka asnjë zëvendësues për ta. Pista Ibrahimoviç është e mundur dhe është një përforcim që e presin të gjithë tifozët e Milanit, pasi kurrë nuk e kanë harruar kohën që suedezi luante për ta dhe arritën të fitonin titullin.
Gjithashtu Pato nuk përjashtohet, por klauzola që ka në klubin kinez mbetet një problem madhor. Braziliani, që luajti për herë të parë në Europë me fanellën kuqezi, është shprehur i gatshëm të ulë rrogën e tij prej 9 milion eurosh që përfiton në Kinë, por fjalën e fundit pritet ta thonë drejtuesit e Milanit.

Gjithsesi, sezoni tashmë është mbyllur dhe spekulimet e fundit bëjnë fjalë, që Ibra do të transferohet në Evropë në merkaton e janarit. Një rikthim i mundshëm i tij te Milani është përfolur shumë, por jo vetëm. Në një intervistë të fundit, të dhënë për uebsajtin zyrtar të klubit të Los Anxhelos Galaksi, Ibrahomoviç zbulon që prioriteti i tij është klubi amerikan, pavarësisht interesimit nga Evropa.

“Klubi i njeh të gjitha dëshirat e mia, të gjitha kërkesat e mia. Ata janë shumë pozitivë dhe kanë qenë shumë të mirë me mua. Më kanë ndihmuar mua dhe familjen time me gjithçka që kam nevojë. Kam një marrëdhënie të mirë me të gjithë. Le të themi se nuk jam i shqetësuar. Nuk është sekret, ka interes nga Evropa, por prioriteti im është Galaxy. Jam këtu dhe jam i lumtur që jam këtu”.

Ndërkohë presidenti i Los Anxhelos Galaksi gjithashtu ka folur mbi këtë situatë duke thënë: “Ne po bisedojmë. Prioriteti ynë si klub është për ta mbajtur atë këtu. Jemi vetëm në bisedat fillestare, sezoni sapo është mbyllur. Do të vazhdojmë të kemi bisedime dhe shpresoj të bëhet zgjidhja më e mirë si për klubin ashtu dhe për Zllatanin”.

Gjithsesi, sulmuesi 37-vjeçar tashmë, shfaqi një formë fantastike në “Old Traford”, ku në sezonin e tij të parë shënoi 17 gola në 27 takime. Lidhur me kohën e tij në Premier Ligë, gjiganti suedez ka folur për mediat, ku ka shpërthyer kundër futbollit anglez dhe është shprehur se Premier Liga është e mbivlerësuar.

“Jam shumë i lumtur dhe krenar që zgjodha Mançester Junajtid në atë kohë. Ishte klubi i duhur dhe ka një tifozeri fantastike. Kudo që shkoja shihja bluza të kuqe. Për kalimin tim në Angli, të gjithë duhet të ndihen me fat që nuk shkova 10 vite më parë. Ajo çfarë dhashë në Premier Ligë, ishte në kohën kur isha 35 vjeç, imagjinoni çfarë do bëhej në rast se shkoja në moshën 25-vjeçare atje”.

“Unë vendosa të transferohesha në Angli dhe shumica më thanë që do të dal me karrige me rrota. Të gjithë njerëzit që më thoshin këtë gjë, i vura të gjithë në karrige me rrota me formën që shfaqa. Më thanë që nuk duhet të shkoja në Premier Ligë, sepse do të dështoja. Të gjithë këto më motivuan dhe më dhanë adrenalinë të bëhesha akoma më i mirë. Premier Liga është një kampionat i mbivlerësuar”, përfundoi fjalët e tij suedezi.

Kampionati i rregullt është mbyllur në Amerikë tashmë dhe Ibrahimoviç i rikthehet përsëri çështjes Milan. Kohët e fundit në media është folur shumë se 37-vjeçari mund të rikthehet në Europë përsëri dhe mund të veshë fanellën e Milanit. Sipas asaj që raportojnë në mediat italiane, transferimi i Ibrës në Milano është thuajse i sigurt.

Sulmuesi do të firmosë një kontratë 6-mujore për kuqezinjtë, pra deri në fundin e këtij sezoni. Gjithsesi, “tuttosport” shkon më tej dhe shton që Ibrahimoviç mund të kërkojë një kontratë 18-mujore, që do ta mbante në Itali dhe për vitin e ardhshëm. Nga kjo marrëveshje thuhet se suedezi do të përfitojë 1.5 milionë euro në sezon nga Milani, por do të ketë dhe përfitime të tjera nga sponsorat.

Gjithçka e hedhur poshtë, pasi Kamara arriti të shënonte dy gola dhe Los Anxheles Galaksi e mbylli pjesën e parë me avantazhin e dyfishtë. Por në pjesën e dytë ndodhi edhe ajo që nuk pritej. Fillimisht shënoi Kuioto dhe më pas Manotas me penallti.

https://www.facebook.com/MLS/videos/187900938753447/

2-2, në një ndeshje që për Hjuston Dinamo nuk kishte asnjë vlerë. Xhovani Dos Santos zbriti në fushë për të ndihmuar LA Galaksi, por pa sukses. Manotas shënoi edhe golin e tretë dhe më pas miqtë arritën të bëjnë rezistencë dhe të fitojnë.

Ibra mbetet jashtë “playoff”-it, sikurse edhe Xhovinko. Italiani ishte në fushë në ndeshjen e djeshme që Toronto fitoi 4-1 kundër Atlanda Junajtid. Sulmues shtatshkurtër ishte autor i golit të katërt për skuadrën e tij.

https://www.facebook.com/MLS/videos/2638892119583025/

Filth. @LuchoAcosta94 ?? @WayneRooney. ?#DCU | #DCvNYC 1-0 pic.twitter.com/ySspwwO2jF

— D.C. United (@dcunited) October 21, 2018

Sulmuesi anglez shënoi golin e parë që në minutën e tetë, ndërkohë që në të 74’ nuk fali nga pika e bardhë e penalltisë. David Vija realizoi për miqtë, por ishte sa për statistika. Festë për DC Junajtid dhe Runin, pasi siguruan pjesëmarrjen në “play-off”.

Keep. It. Rollin'. #DCU | #DCvNYC 3-0 pic.twitter.com/nOoyxW8gFo

— D.C. United (@dcunited) October 21, 2018

Ish-lojtari i Mançesterit ka dhënë një kontribut të madh, teksa jo vetëm ka shënuar 12 gola, por edhe ka asistuar në gjashtë gola të shokëve të skuadrës. DC Junajtid në korrik ishte në vendin e fundit dhe gradualisht i ngjit në renditje.

Edhe Los Anxheles Galaksi është një hap larg “playoff”-it. Ibrahimoviç i hapi rrugë fitores kundër Minesotas, teksa shënoi golin e parë të takimit gjysmë ore pasi kishte nisur ndeshja. Në fund takimi u mbyll me rezultatin 1-3 në favor të skuadrës së suedezit.

LA Galaksi është vetëm tre pikë larg fazës “play-off”. Ata duhet të fitojnë të dielën kundër Hjuston Dinamo në shtëpi dhe në letër duket një ndeshje e kalueshme, pasi edhe kundërshtari nuk ka ndonjë objektiv.

https://www.facebook.com/MLS/videos/753649141637904/