Zisi

Zisi i mbyll derën Bylisit, ka një mesazh për… Partizanin

Sport Ekspres — Tue, 14 May 2019 20:45:10 +0000

Niko Zisi, sulmuesi i Kamzës, do të jetë vetëm një nga shumica e lojtarëve të skuadrës së dënuar që do të largohet. 23-vjeçari ishte një nga lojtarët më të mirë te skuadra periferike e kryeqytetit dhe pritet që të ketë interesim për të gjatë merkatos së verës.

I aftë të luajë në të dy krahët e sulmit, Zisi mund të luajë për disa skuadra të Superiores. 23-vjeçari ka qenë shumë aktiv në rrjetet e tij sociale këto ditë, duke ngacmuar shpeshherë me postimet e tij.

Sulmuesi i dha mundësinë tifozëve t’i bënin pyetje dhe shumica e pyetën për të ardhmen e tij. Një nga shkruesit e ftoi te Partizani, me Zisin që i përgjigjet: “Do e mendoj mirë.” Ndërsa dikush tjetër e fton të rikthehet te Bylisi, skuadër që është ngjitur këtë sezon në Superiore, me Zisin që i përgjigjet: “Shumë e vështirë, me gjithë respektin”.

Fotolajm | Zisi zbulon “sekretin” e driblimeve të tij

Sport Ekspres — Fri, 02 Nov 2018 10:14:27 +0000

Niko Zisi la në verë Bylisin për të firmosur me Kamzën, me synimin për t’u prezantuar dhe në elitën e futbollit shqiptar. Fieraku është aktivizuar në 10 ndeshje deri më tani, 4 prej të cilave nga minuta e parë dhe ndeshje pas ndeshje po rritet.

23-vjeçari ka postuar ditën e djeshme 5 foto në profilin e tij në “Instagram”, duke treguar një moment kur në ndeshjen me Flamurtarin kishte kaluar Silanovskin. Mjaft interesant mënyra se si mesfushori ka treguar ikjen e tij, pasi shihet në 5 momente të ndryshme, që nga momentit kur është para mbrojtësit të kuqezinjve dhe deri në momentin kur e kalon këtë të fundit.

Zisi shihet si një lojtar premtues dhe me të ardhme. 23-vjeçari duhet të vijojë me performancat e mira, por duhet të ketë kujdes, të mos i tregojë të gjitha sekretet e driblimeve të tij, pasi mbrojtësit kundërshtar do marrin masa.