Atmosfera në kampin e “Los Blancos” është shumë e trishtë, ndërsa nesër në orën 18:00 zhvillohet miqësorja e radhës. Reali do të përballet kundër Totenhemit në Mynih për kuadër të Audi Cup.

Zinedin Zidan nuk do të dalë përpara mediave. Formati i Audi Cup nuk organizon konferenca për shtyp përpara përballjeve, duke e ndihmuar këtë rast trajnerin francez.

Fituesi do të përballet në finale të mërkurën me fituesin e duelit Bajern-Fenerbahçe, ndërsa humbësit do të luajnë për vendin e tretë. Një shans i mirë për Realin për të reaguar dhe lënë pas krahëve humbjen e turpshme në derbin që nuk mund të jetë kurrë një miqësore.

Ai ka edhe tre vite kontratë me “Los Blancos” dhe dëshiron të respektojë kontratën deri në fund. Gjatë këtyre ditëve u përfol për një ndarje në dy kampe te Reali: grupi i Sergio Ramos që janë kundër Bejl dhe grupi i Luka Modriç që janë pro tij dhe kërkojnë më shumë respekt për të.

Dëmtimi i Marko Asensios, i cili theu ligamentin e gjurit dhe humbi sezonin, e ka bërë të domosdoshme qëndrimin e Bejl në ekip. Zidan nuk heq dorë nga kokëfortësia e tij dhe ka patur një debat të zjarrtë më Luka Modriç.

Don Balon raporton se trajneri francez dhe fituesi i “Topit të Artë” nuk janë kursyer përballë njëri-tjetrit, madje ka patur edhe ngritje tonesh. Tema ka qenë sulmuesi 30-vjeçar: Zidan insiston në largimin e tij nga ekipi, ndërsa mesfushori kroat mendon ndryshe, sidomos tani pas dëmtimit të Asensios.

Dëmtim ka pësuar edhe Ferland Mendi. Mbrojtësi francez erdhi këtë verë nga Lioni, por do duhet të presë për debutimin zyrtar me “merengues”. 24-vjeçari ka patur probleme në kofshën e djathtë dhe do të qëndrojë pushim të paktën një muaj.

Rreth kësaj situate ka folur edhe Roman Kalderon për “Sky Sport”. Ish-presidenti i “Los Blancos” gjatë viteve 2006-2009 analizon momentin e Bejl dhe mendimet ndryshe të Zidan dhe presidentit Perez.

“Askush nuk e di se çdo të bëhet me të, por është e sigurt që trajneri dhe presidenti mendojnë ndryshe. Uellsiani ishte goditja më e mirë e Florentinos dhe ai nuk dëshiron ta pranojë se ka gabuar, duke menduar se Bejl do të bëhej lideri i Realit pas largimit të Ronaldos.

Zidan dëshironte qëndrimin e Ronaldos dhe shitjen e Bejl. Ky i fundit nuk ka patur fat me dëmtimet. Nuk mësoi as gjuhën spanjolle gjatë kësaj periudhe dhe diçka e tillë i hoqi mundësinë për t’u lidhur edhe më shumë me tifozët.”

Zidan flet edhe për Hames Rodrigez dhe Eden Hazard, edhe pse tregohet tepër i rezervuar në deklaratat e tij. Merkato është e gjatë akoma dhe duhet durim për të realizuar objektivat dhe dëshirat.

POGBA – “Përgjigjem gjithmonë në të njëjtën mënyrë për të. Mund të duket e pakuptimtë, por klubi e di atë që dua unë. Merkato është e gjatë dhe ka kohë, ndërsa sot jemi të përqendruar te ndeshja me Bajernin.

BEJL – “Garet nuk është një problem. Nuk do më dëgjoni kurrë të them që një lojtar është problem. Mund të ndodhë gjithçka, ai ka kontratë me ne dhe të shohim se çfarë do të ndodhë, edhe pse nuk ka ndryshuar asgjë nga qershori e deri tani.”

HAZARD – “Eden kishte nevojë për një skuadër si Reali. Jemi të sigurt që mund të përmirësohet edhe më shumë me ne. Ai bën diferencën, karriera e tij flet vetë dhe tani do jemi ne që do të përfitojmë prej kualitetit të tij. Hames? Ai është një lojtar i jonë dhe për momentin ndodhet më pushime. Kaq mund të them për të”.

Sa i takon shkakut të vdekjes, thuhet se Fahrid, 54 vjeç, vuante nga një sëmundje e rëndë. Një fatkeqësi familjare për Zidan, që është konfirmuar ditën e sotme nga klubi spanjoll.

Futbollistët e Realit kanë mbajtur një minutë heshtje para nisjes së stërvitjes dhe gjithçka është parë në Real Madrid TV.

Një ndër sezonet më të dështuar të viteve të fundit për “Los Blancos”, me trajnerin Zidan që foli pas sfidës për mediat. Francezi u shpreh i dorëzuar, duke thënë se nuk munden dhe se gjëra më e mirë që ka ndodhur është se ky sezon është mbyllur.

SEZONI – “Nuk është se nuk duam, por nuk mundemi. Më e mira që mund të na ndodhte ishte përfundimi i këtij sezoni. Prej kohësh e kishim mendjen te e ardhmja dhe te sezoni i ardhshëm. Është shumë e komplikuar kur ti përpiqesh dhe nuk merr as gjërat minimale. Është shumë e komplikuar, por është e drejta. Duhet të pranojmë që kështu ka qenë ky sezon dhe të përpiqemi ta harrojmë.”

BEJL DHE NAVAS – “Nuk e di nëse Bejl dhe Navas kanë luajtur ndeshjen e tyre të fundit. Do të shohim gjatë merkatos. Nuk e di.”

Kilian Mbape është shënjestra dhe për sulmuesin francez, sipas France Football, Reali është gati të ofrojë shumë e 280 milionë eurove. Një transferim i tillë do shënonte rekordin e ri. Aktualisht Nejmar është transferimi më i shtrenjtë, nga Barcelona te PSG për shumën e 222 milionë eurove.

Mbape është kërkesë e vetë trajnerit Zinedin Zidan, i cili pret edhe disa lojtarë të tjerë. Eden Hazard është gjithashtu në listën e dëshirave, ashtu si Pol Pogba. Me këta të tre në ekip ai synon të ndërtojë një ekip që jo vetëm të dominojë në Spanjë, por edhe në Europë. Verë e nxehtë në Madrid gjatë merkatos…

Zinedin Zidan nuk është i kënaqur me rendimentin e Luka Modriç dhe po mendon shitjen e tij në merkaton e verës. Sipas trajnerit francez, 33-vjeçari ka arritur maksimumin dhe forma e tij do të jetë në zbritje nga tani e prapa.

Ndryshe mendon klubi. Reali beson shumë te fituesi i “Topit të Artë” dhe nuk ka ndërmend të heqë dorë nga kroati. Interi vazhdon dhe ëndërron që Modriç të zbarkojë në “San Siro” dhe shpreson që krisja me trajnerin Zidan të thellohet akoma edhe më shumë.

Sulmuesi francez ka pësuar një dëmtim muskular dhe nuk ka qenë i pranishëm në stërvitjen që do të kryhej ditën e sotme në kuadër të ndeshjen ndaj Rajo Vajekanos. Sipas raportimeve të fundit, thuhet se Benzema e ka mbyllur sezonin dhe nuk do të jetë në ndeshjet e fundit të kampionatit.

31-vjeçari ka bërë një ndër sezonet e tij më të mira të viteve të fundit, ku edhe pse Reali nuk ka qenë në lartësinë e duhur, ai e ka gjetur rrjetën plot 21 herë.

Polemikat janë shkaktuar për faktin se në stol është Tibo Kurtua, i cili u ble verën e vitit të shkuar nga Çelsi për 40 milionë euro. Lidhur me këtë çështje, Zidan ka deklaruar se për sezonin e ardhshëm Reali do të ketë vetëm një nga portierët.

Me sa duket vendimi është marrë dhe drejtuesit madrilenë shumë shpejt do ta nxjerrin në shitje Tibo Kurtuan. Belgu edhe pse shumë herë më i ri në moshë se Kejlor Navas, ka treguar shumë pasiguri në portë dhe trajneri i “Los Blancos” i beson më së shumti kosta rikanit.

As francezët nuk kanë ndërmend të heqin dorë nga shërbimet e fenomenit 20-vjeçar, kështu që… kalojmë të objektivat e radhës. Në skenë qarkullojnë emra si Salah, Dibala, Mane apo Zhoao Feliks. Të gjithë janë lojtarë të mëdhenj, por trajneri francez ka një dëshirë.

Ai quhet Xhejdon Sanço, 19-vjeçari i Dortmundit. Anglezi ofensiv ka “shpërthyer” sivjet, duke shënuar 12 gola në 39 ndeshje në të gjithë kompeticionet. Të shumta edhe asistet e dhuruara për shokët e tij të skuadrës.

Zidan e pëlqen shumë si lojtar dhe është gati t’ia kërkojë Perezit transferimin e tij në Madrid. Problem mbeten kërkesat e larta të verdhezinjve gjermanë. Dortmundi nuk heq dorë lehtë nga ylli i saj dhe kërkon të paktën 160 milionë euro për kartonin e tij.

Lidhur me formën e sulmuesit, ka folur trajneri Zidan, i cili ka dhënë një deklaratë që ndoshta shumë pak mund ta mbështesin. Sipas teknikut, Benzema është numri 9 më i mirë në Botë dhe për këtë gjë ai nuk ka dyshime.

“Për mua Karim është numri 9 më i mirë në Botë. Të tjerët mund të zgjedhin kë të duan, pasi ka shumë lojtarë. Ajo që Benzema ka bërë këto 10 vite këtu duket qartë. Jam shumë i lumtur për të. Ka besim në vetvete dhe gjithmonë kërkon të përmirësohet. Gjithashtu edhe ekipi po e ndihmon”, përfundoi Zidan.

Revista e mirënjohur ka postuar sot në profilin e saj në internet faqen ë parë të revistës që do dalë nesër ne shitje. Lajmi që ka më shumë interes është se kampioni i Botës do transferohet tek Reali i Madridit në verë dhe në Francë duket se janë të sigurt për këtë.

Më poshtë revista ka publikuar disa arsye se përse francezi do të shkojë në Madrid. Dëshira e tij për të fituar Topin e Artë sfumohet nëse Mançester Junajtid nuk kualifikohet në Champions vitin tjetër. Gjithashtu bashkimi me Zidanin tek madrilenët do t’i siguronte yllit francez më shumë trofe dhe prestigj.

LUKA ZIDAN – “Ata që më njohin e dinë se ai është këtu me meritë. Ka 16 apo 17 vite në këtë klub ashtu si disa lojtarë të tjerë.”

VARAN – ”Nuk dua ta imagjinoj Realin pa Varan. Ka shumë vite këtu, është ende i ri dhe po bën mjaft mirë. Mund të ketë shumë arsye për t’u mërzitur, por kjo është pjesë e jetës së një futbollisti. Nuk më ka thënë asgjë. I besoj vetëm asaj çka më thotë ai. Është në klubin më të mirë në botë, ka fituar shumë dhe e shoh mirë. Dëshira ime është që të qëndrojë.”

LARGIMET – “Më duket e pandershme të flasim për largime në këtë moment. Ato që ju thoni se do largohen kanë bërë shumë për këtë klub. Nuk është momenti i përshtatshëm për të folur rreth kësaj, ka kohë.”

PORTIERËT – “Varet nga portierët që do të kemi vitin e ardhshëm. Do e mbyllim këtë sezon me portierët që kemi. Janë të tre cilësorë. Vitin e ardhshëm nuk do të ketë asnjë dyshim për katërkëndëshin.”

MARSELO – “Ka luajtur pak këtë vit. Unë e dua shumë atë, sepse është një lojtar fenomenal. Do të duhej të luante më shumë, pa hequr asnjë meritë për Regulion. Do të ketë mundësi të luajë në pjesën e mbetur të sezonit.”

KONTAKTET ME KLUBIN – “Kam folur me klubin rreth asaj çka do të bëjmë. Fillimisht duhet të bëjmë atë çka na ka mbetur në dorë për këtë sezon.”

VËRSHËLLIMAT – “Nuk e di sesi kanë ndikuar tek Bejl. Këto momente duhet t’i përballosh me personalitet. Për të ardhmen e Bejl do flasim kur të mbyllet sezoni aktual.”

KAMPIONATI – “Jemi larg garës për titullin, por ne do të japim maksimumin për tu ngjitur sa më lart.”

Në mbrojtje të katërkëndëshit është pikërisht i biri i trajnerit, Luka Zidan, i cili luan ndeshjen e parë për të këtë sezon. Gjithashtu, një emër i ri është ai i Brahim Diaz, i cili mbrëmjen e sotme bën debutimin e tij si titullar.

Marselo, Bejl e Isko konfirmohen si titullar, ndërsa një vend në 11-she ka edhe për mesfushorët Lorente e Sebajos, me Toni Kros e Luka Modriç, të cilët ulen në stol.

? Your starting XI for tonight's match, madridistas! VAMOS! #RMLiga pic.twitter.com/4W9K0t0Xme

— Real Madrid C.F. ???? (@realmadriden) March 31, 2019

Klubi “Los Blancos”, vjen pas një sezoni krejtësisht të dështuar dhe rikthimi i Zidan në pankinë, ka rikthyer disi besimin për sezonin e ardhshëm. Florentino Perez pritet të zbrazë xhepat dhe të plotësojë dëshirat e trajnerit, ku janë disa emra që janë spekuluar si objektiva të Realit.
Një e dhënë tjetër vjen në lidhje me merkaton e madrilenëve, teksa prestigjiozja “L’Equipe”, ka në faqen e parë ditën e sotme, lajmin se klubi nga “Santiago Bernabeu”, do të shpenzojë të paktën 500 milionë euro për merkaton.
Eden Hazard, Kilian Mbape si dhe Pol Pogba janë emrat kryesorë që lidhen me galaktikët, por nuk mbeten pas edhe emra të tjerë si Ndombele apo dhe Eriksen. Vera me sa duket do të jetë e gjatë në Madrid…

Merkatoja pritet të jetë mjaft aktive për “Los Blancos” dhe objektivat e parë kanë nisur të vëzhgohen. Sipas mediave në Spanjë, Tangui Ndombele është një ndër të preferuarit e Zidan, i cili e sheh mesfushorin si Makelelen e ri.
Në fund të sezonit, pritet që drejtuesit e Realit të nisin kontaktet me Olimpikun e Lionit, teksa për Ndombelen interesohen dhe klube të tjera, kështu që pritet një mision jo fort i lehtë për Florentino Perez.

Puna e parë për t’u kryer në listën e Zidan, është padyshim një merkato e mirë. Trajneri ka vendosur objektivat dhe sipas raportimeve të fundit nga mediat spanjolle thuhet se francezi ka takuar presidentin Perez për t’i treguar personalisht dëshirën e parë të merkatos.

Sipas asaj që thuhet nga “El Confidencial”, Zidan i ka kërkuar presidentit që të arrijë të sigurojë shërbimet e Kristian Eriksen. Mesfushori është një pikë kyçe në ekipin e Totenhemit dhe do të jetë një objektiv jo fort i lehtë, por puna te Reali ka nisur dhe Perez pritet të mos qëndrojë duarkryq…

Real Madrid manager Zinedine Zidane has ‘demanded’ that Florentino Pérez attempts to sign Tottenham Hotspur midfielder Christian Eriksen this summer. [El Confidencial] #THFC pic.twitter.com/8d8m0HvyDE

— Talking THFC (@TalkingTHFC) March 26, 2019

Në një prononcim për “Canal +”, Murinjo flet për dëshirën për t’u rikthyer sa më shpejt në një klub ambicioz dhe nuk i kursen thumbimet për Zinedin Zidan, trajnerin francez që fitoi Champions Ligën tre herë rresht me Realin e Madridit.

“Më mungojnë stërvitjet gjithnjë e më shumë, ditë pas dite. Nuk mund ta fsheh diçka të tillë. Dua të fitoj një kampionat të pestë dhe një tjetër Champions me një klub të tretë. Zidan? Mendoj se ai është personi më i mirë për Realin, por nuk mund të flasim ende për një karrierë të tijën. Ai arriti në një kohë të shkurtër atë që nuk e ka arritur askush më parë, domethënë, fitimi i tre Champions Ligave rresht. Zizu po ndërmerr një hap në karrierë. I duhet të ndërtojë një skuadër, të marrë vendime, të blejë dhe të shesë lojtarë, të stërvisë dhe t’i japë një filozofi loje skuadrës”, komenton Zhoze Murinjo.

Zinedin Zidan i ka parashtruar disa kërkesa presidentit Perez dhe një prej tyre është Miralem Pjaniç. Sipas raportimeve të spanjolles “Marca”, mesfushori i Juventusit është dëshira e madhe e trajnerit francez për mesin e fushës.

29-vjeçari boshnjak rinovoi me “Zonjën e Vjetër” në muajin gusht deri në vitin 2023. Bardhezinjtë e konsiderojnë mesfushorin lojtar të pashitshëm, por ata mund të dorëzohen përballë një oferte tunduese nga ana e Realit.

Florentino Perez do të bëjë maksimumin për të kënaqur trajnerin e tij, ndërsa presidenti mund të përfshijë një mes Marselos dhe Iskos në tratativat për kalimin e Pjaniç në kryeqytetin spanjoll

Klubi spanjoll pritet të bëjë një merkato të madhe në verë: blerje dhe shitje. Presidenti Perez po përgatit planin e veprimit me trajnerin e tij për rindërtimin e një Reali cilësor, kompetitiv e mbi të gjitha fitues.

Objektivat kryesorë mbeten Eden Hazard i Çelsit dhe Kristian Eriksen i Totenhemit. Pol Pogba dhe Kilian Mbape janë ëndrrat e mëdha. Francezi i PSG-së ka dhënë sinjale pozitive kohët e fundit dhe në Madrid po fillojnë e besojnë se ai do të jetë goditja e madhe e Perezit.

Nëse nuk vjen, atëherë Herri Kejn vazhdon të mbetet alternativa e dytë për majën e sulmit. Në mbrojtje ka ardhur Eder Militao nga Porto, një mbrojtës potent e plot kualitet.

Kalojmë te largimet. Marselo është një hap larg transferimit te Juventusi, por rikthimi i Zidanit rrit shanset e qëndrimit të lojtarit në Madrid. Megjithatë, i riu Reguilon, lojtar i dalë nga akademia e klubit, vazhdon të qëndrojë përpara brazilianit në hierarkinë e ekipit.

Me valixhe në duar është edhe Isko. Trajneri e pëlqen shumë dhe e riktheu titullar kundër Seltës. Fantazisti reagoi mirë dhe shënoi, por vështirë që klubi do ia falë ngjarjet e ndodhura gjatë sezonit, kështu që edhe Isko mund të përfundojë te Juventusi.

Bejl nuk është më thelbësor për ekipin, është 30 vjeç dhe klubi mund të përfitojë ekonomikisht nga shitja e tij. Uellsiani pritet të rikthehet në Premier Ligë, mndërsa nuk përjashtohet as largimi i Kejlor Navas.

Portieri pëlqehet shumë nga Zidan, por ai vazhdon të mbetet rezerva e Tibo Kurtua. Reali po mendon edhe huazimin e Mariano Diaz. Ky i fundit u mendua se do të ishte zëvendësuesi i Ronaldos, por sulmuesi pësoi shumë dëmtime dhe ndalesa gjatë sezonit, çka ndikuan në performanca e tij. Të tjerë që priten të largohen janë dhe treshja: Lorente, Valverde dhe Kebajos.

“Nuk dua të bëj krahasime midis trajnerëve. Tani po punojmë mirë dhe në dhomat e zhveshjes është rikthyer alegria. Zidan bisedon me të gjithë, flet me lojtarët edhe tek e tek. Nuk e di nëse ndërrimi i trajnerit ishte vendimi i duhur, këtë e di klubi, por ne jemi profesionistë dhe duhet ta pranojmë”, ironizon portieri nga Kosta Rika. Navas flet edhe për një largim të mundshëm nga Reali në fund të sezonit. Gjithçka mund të ndodhë, por ai vazhdon t’i qëndrojë besnik ideve të veta.

“Ka kohë për të folur për të ardhmen, unë jetoj të tashmen dhe luftoj për të fituar një mundësi, siç më ndodhi me Seltën. Të mendosh për të ardhmen do të thotë të humbasësh perspektivën e së tashmes. Gjithmonë kam thënë që përparësia ime është që të qëndroj këtu. Gjërat mund të ndryshojnë, por jam stërvitur gjithmonë me profesionalizëm”, përfundon portieri i Realit të Madridit.

NDESHJA ME SELTËN – “Nuk e nisëm mirë ndeshjen, por u treguam të duruar dhe në pjesën e dytë shfaqëm një nivel më të lartë. Në fund të vitit do të ketë shumë ndryshime, por për momentin dua të rikuperoj të gjithë lojtarët. Nuk mund të shpenzoj dhjetë javë, duke parë se kush do të qëndrojë apo kush do të largohet dhe do të vijë.”

EKIPI – “Askush nuk mund ta fshijë atë që këta lojtarë kanë arritur në të shkuarën me këtë ekip dhe dua që të mbështetem te të gjithë, të ndihen të gjithë të rëndësishëm. Kurtua do të rikthehet të luajë, gjithashtu edhe Lukas Zidan është në formë të mirë. Nuk mund të mbësshtetemi vetëm te një portier.”

TRAJNERËT E MËPARSHËM – “Nuk mendoj që ata që ishin përpara meje këtu nuk dinin t’i menaxhonin lojtarët, ose i trajtonin si të mbaruar. Nga ana ime, jam i bindur që janë të gjithë të fortë. Ndjesitë janë të mira edhe nisja ishte e mirë.”

Mesfushori nuk dëshiron të qëndrojë në “Allianz Arena” dhe zërat që e rikthejnë atë në Madrid sa vijnë e shtohen. Së fundmi, ka qenë gjigantja spanjolle “Marca”, e cila ka raportuar se Hames nuk do të vijojë karrierën e tij me Bajernin dhe do të rikthehet te Reali.
Dëshira primare e 27-vjeçarit thuhet të jetë kjo, më pas një qëndrim në “Santiago Bernabeu” nuk është i sigurt, pasi dihet që marrëdhëniet e kolumbianit me trajnerin Zidan nuk kanë qenë fort të mira. Gjithsesi, kjo mbetet për t’u parë, pasi fillimisht Hames duhet të kthehet në Madrid.

Eder Militao ishte goditja e parë e “Los Blancos”, me mbrojtësin brazilian të Portos që do të përforcojë repartin difensiv të ekipit. Perez pritet të bëjë një merkato të madhe dhe cilësorë ne verë.

Siç raporton “The Mirror”, Zidan ka dy dëshira për krahët e sulmit. Ai kërkon të sjellë në “Santiago Bernabeu” dyshen: Eden Hazard dhe Rahem Sterling. Belgu është 28 vjeç, kontrata me Çelsin i përfundon në vitin 2020 dhe e ka shprehur publikisht ëndrrën e tij për të luajtur në Madrid.

Nga ana tjetër anglezi i Sitit. Sterling është 24-vjeç dhe kontratat me “qytetarët” i përfundon në vitin 2023. Reali ka gati 350 milionë euro për të siguruar shërbimet e kësaj dyshe, por në fillim duhen bindur trajnerët Mauricio Sarri dhe Pep Guardiola.

Në vitin 2004 erdhi transferimi te Reali i Madridit, por aventura spanjolle zgjati vetëm një sezon, në të cilin Ouen shënoi 13 gola. Dëmtimet e shumta bënë që lojtari të mos arrinte më të kthehej në nivele të larta, pavarësisht se u aktivizua me Njukasëllin, Mançester Junajtid dhe Stok Sitin.

39-vjeçari ka folur për “Marca”, aty ku komenton rikthimin e Zinedin Zidan në krye të stolit të Realit, merkaton e ekipit dhe fituesin e Champions Ligës për këtë sezon.

ZIDAN – “Rikthimi i Zidanit ishte i papritur dhe i befasoi të gjithë. Jam i sigurt që kjo periudhë pauze dhe pushimi i ka bërë mirë, sepse të jesh trajner, sidomos i Realit të Madridit, është shumë stresuese. Solari ishte një mik i madh i imi kur ishim futbollistë, por Zizu është unik. Ai ka fituar shumë dhe ju ka rikthyer buzëqeshjen njerëzve.”

MERKATO – “Hazard dhe Kejn janë lojtarë të mëdhenj, por Reali ka në përbërje shumë lojtarë të nivelit të lartë. Jam i sigurt që presidenti do ta përforcojë skuadrën. Kejn është një lojtar shumë i mirë, ashtu edhe Hazard. Premier Liga ka futbollistë shumë të mirë, por në Spanjë është ndryshe. Ata që blen Reali duhet të jenë të fortë dhe specialë. Mendoj se për momentin ka vetëm 10 futbollistë në botë, të cilët mund të luajnë me Realin.”

CHAMPIONS – “Jam i bindur që këtë sezon trofeu do të fitohet nga një skuadër angleze. Liverpuli është i përqendruar në kampionat, por ka shanse për ta fituar Championsin. Siti ka vite që lufton në Angli dhe mendoj se ka ardhur koha të kërkojnë trofeun e madh në Europë. Do të ndihesha shumë i lumtur nëse kupa kthehet në Angli sivjet.”

Pikërisht në “Twitter” së fundmi është postuar një video, e cila është marrë nga një film dhe është përshtatur me prezantimin e Zidan te Reali. Parodia ka marrë reagime të shumta, teksa një ndër momentet më epikë të videos, është reagimi që jep trajneri Zidan kur e prezantojnë me Gareth Bejl.

Për më shumë, ju ftojmë ta shikoni videon, pasi do ta shijoni në maksimum…

Primer día de Zidane en el vestuario del Real Madrid ?#Zidane pic.twitter.com/pif9vQ5Eyc

— Aziz Habouria (@azizhabouria) March 12, 2019

Eder Militao është zyrtarisht një lojtar i Realit të Madridit. Braziliani do të transferohet verën e këtij viti në “Bernabeu”, me madrilenët që paguajnë plot 50 milionë euro te Porto. Mbrojtësi ka rënë dakord për një kontratë 6-vjeçare.

Gjithashtu, nga ky transferim përfiton dhe Sao Paolo, pasi 3.5% e shumës, nga rregullat e FIFA-s i kalojnë klubi ku është formuar. Brazilianët gjithashtu kishin mbajtur dhe 10% të kartonit dhe tashmë ata do të përfitojnë gati 7 milionë euro, me përfitimet e tjera që kalojnë te Porto.

Sipas madrilenes ”As” trajneri i ri ka bërë disa seleksionime rreth dëshirave të merkatos, duke eliminuar emra si Nejmar apo Herri Kejn. Në preferencat e francezit janë Sadio Mane, Eden Hazard apo Pol Pogba. Perez është gati të shpenzojë shumë për të plotësuar dëshirën e Zidanit.

SADIO MANE – Është dëshira e parë që Zidan ka në mendje. Sulmuesi i Liverpulit pëlqehet shumë dhe ka qenë një prioritet që para largimit, por ardhja e Lopeteguit e zbehu interesin e “galaktikëve” kundrejt senegalezit. Reali pritet të bëjë një ofensivë të madhe për të marrë shërbimet e tij.

HAZARD – Belgu i pëlqen shumë teknikut francez dhe lojtari me deklaratat e tij ka lënë të kuptohet se dëshiron të veshë fanellën e “Los Blancos”. Bllokimi i merkatos së Çelsit i komplikon gjërat, por ardhja e Pulisiç në verë e ndihmon Realin të arrijë te Hazard.

POL POGBA – Mesfushorit francez i pëlqen shumë të punojë me bashkëkombasin e tij dhe anasjelltas. Ai do ishte i gatshëm ta linte Mançester Junajtid nëse i telefonon Zidan. Shifra e transferimit të mesfushorit arrin 150 milionë euro.

KILIAN MBAPE – Ky i fundit, ka deklaruar se do të jetë në Paris vitin e ardhshëm, por një ofertë e madhe financiare si dhe ideja e të veshurit të fanellës së Real Madridit, duke i shtuar dhe një mësues si Zidan, do e tundonin 20-vjeçarin. Nejmar dhe Kejn nuk preferohen më nga trajneri i madrilenëve. Braziliani nuk ka lënë shije të mirë me sjelljen e tij jashtë fushe dhe shihet si një problem më shumë në dhomat e zhveshjes. Për anglezin Zizu mendon se 250 milionë euro që kërkon Totenhemi janë shume, ndërkohë që ato para mund të përdoren për afrimin e disa lojtarëve të tjerë.

Ardhja e tij mund të ndryshojë shumë gjëra, sidomos për treshen Marselo, Isko dhe Bejl. Të tre janë pranë largimit, por ulja e Zidanit në stol mund t’i ndryshojë gjërat, raportet, dëshirat dhe të ardhmen e tyre.

Marselo po kalon një sezon të vështirë. Braziliani ka luajtur vetëm 25 ndeshje gjatë këtij sezoni, duke shënuar 3 gola dhe dhuruar 4 asiste. Ai është pranë kalimit te Juventusi në fund të sezonit, aty ku do të bashkohej me Kristiano Ronaldon.

Megjithatë, siç raporton “A Bola Brasil”, Zidan dëshiron që 30-vjeçari të qëndrojë në Madrid. Trajneri do të ketë një takim privat gjatë kësaj jave, aty ku do të kuptojë qëllimet e lojtarit. Nëse Zidan arrin ta bindë mbrojtësin e majtë për të qëndruar, atëherë do të vijë rinovimi i kontratës së lojtarit. Nëse nuk ndodh, Marselo do të përgatitej për të provuar emocionet e Serie A në sezonin e ardhshëm.

RIKTHIMI – “Ambicia ime dhe ajo që kam brenda për këtë klub nuk do ta heq kurrë. Iluzioni që kam për të stërvitur këtë klub nuk ma heq dot askush. Do të bëj gjithçka që ekipi të rikthehet të bëjë mirë.”

SEZONI – “Besoj se klubi ka nevojë për një ndryshim, pas kaq shumë sukseseve. Pas 8 muajsh, kam dëshirë të kthehem të bëj punën time. Kam luajtur dhe fituar me këtë fanellë, nuk i harroj triumfet, por edhe gabimet që kam bërë. Kemi edhe 11 ndeshje në kampionat dhe duam ta mbyllim mirë sezonin”.

LARGIMI – “Ishte e nevojshme të largohesha. Mendova se ishte më e drejtë ashtu, pas dy vitesh e gjysmë fitoresh. Më kanë kërkuar ekipe të tjera, por kam refuzuar. Doja të kthehesha te Reali. Kur presidenti më telefonoi, nuk mund të refuzoja. Nuk jam i lumtur për mënyrën si kanë shkuar gjërat, e vetmja gjë që duhet bërë tani është të kuptojmë çfarë u mungon lojtarëve për të bërë mirë”.

RIKTHIMI I RONALDOS – “Nuk është momenti të flasim për Kristiano Ronaldon, e dini mirë çfarë ka bërë ai për këtë klub, është në histori dhe këtë nuk e ndryshon askush. Megjithatë, nuk është momenti për të folur për këto gjëra, nuk po mendoj për merkaton”.

LOPETEGUI E SOLARI – “Edhe kur isha unë gabuam në kampionat e kupë, nuk është se ata kanë gabuar më shumë. Nuk fajësohet askush, duhet të shohim përpara”.

Lajmi është bërë zyrtar nga një komunikatë e klubi madrilen, ku thotë se trajneri i ri i ekipit do të jetë Zidan, i cili rikthehet pasi u largua në fund të sezonit të shkuar. Kontrata e re e francezit, do të jetë e vlefshme deri në korrikun e vitit 2022.

Lajmi është bërë publikuar nga gazetari i medies spanjolle “La Sexta”, më konkretisht nga gazetari i njohur Hoze Pedrerol, i cili është dhe një mik i ngushtë i presidenti të “Los Blancos”, Florentino Perez.

Vendimi do të marrë formë zyrtare pas mbledhjes së kryesisë së Real Madrid ditën e sotme në orën 6 të pasdites.

#ÚLTIMAHORA | Exclusiva Jugones: Zinedine Zidane volverá a ser el entrenador del Real Madrid https://t.co/V6BkOKzUN6

— laSexta Noticias (@sextaNoticias) March 11, 2019

“Los Blancos” shkatërruan gjithçka brenda pak ditëve. Tre humbje rresht në “Santiago Bernabeu”: 0-3 dhe 0-1 kundër Barcelonës mes Kupës së Mbretit dhe kampionatit dhe 1-4 kundër Ajaksit.

Një statistikë shumë negative për Realin e Madridit. Siç raportojnë mediat e vendit iberik, Florentino Perez ka bërë një telefonatë me Zinedin Zidan. Francezit i është kërkuar rikthimi në stol, madje që në ndeshjen e radhës në kampionat kundër Vajadolidit.

Zidan ka pranuar në parim rikthimin te Reali, por për sezonin e ri. Trajneri ka mohuar mundësinë e rikthimit të menjëhershëm. Tashmë pritet se çfarë do të ndodhë në verë, pasi në garë për stolin e Realit janë dhe emra si: Hoakim Lëv, Maks Alegri, Mauricio Poçetino dhe Zhoze Murinjo.

Francezi dha dorëheqjen nga Reali i Madridit në fund të sezonit të kaluar pas fitimit të Champions Ligës për herë të tretë rresht. Ai po shijon pushimet dhe është gati për t’u rikthyer në stol në verë.

Megjithatë, në Angli insistojnë se “Blutë e Londrës” nuk do e kenë aspak të thjeshtë për të bindur trajnerin francez. Në garë për të është futur dhe Juventusi. Sipas “The Sun”, drejtuesit e klubit italian janë lodhur me Maks Alegrin, sidomos pas humbjes 2-0 kundër Atletikos në “Wanda Metropolitana” që mund të sjellë eliminimin e parakohshëm nga Championsi.

Zidan tundohet shumë nga ideja e rikthimit në Torino, aty ku ka kaluar 5 sezone fantastike si futbollist. Çelsit i duhet të përgatisë një ofertë ekonomike të parefuzueshme për të arritur akordin me 46-vjeçarin, i cili ka një zgjedhje për të bërë: zemrën bardhezi, apo milionat e Çelsit.

Janë disa pistat për të ardhmen e tij, teksa në Angli emri i tij është lakuar shpesh. Gjithashtu edhe Reali i Madridit është një opsion, kurse PSG ëndërron veç Alegrit edhe Paratiçin. Të gjithë janë zëra merkatoje.

Fillimisht pritet të mësohet se çfarëdo të ndodhë mes tij dhe Juventusit. Mes palëve do të ketë një marrëveshje xhentëlmenësh. Alegrit, sikurse dihet, kontrata i përfundon në verën e vitit 2020. Sukseset në Itali nuk mjaftojnë te Juventusi, por edhe për trajnerin italian nuk është ndonjë kënaqësi e madhe që të dominojë vetëm në Serie A.

Nga ana tjetër pas dere qëndron një tjetër trajner, i cili në Champions ka arritur të bëjë mrekulli me Realin e Madridit si trajner. Zinedin Zidan është rikthyer si opsion. Francezi pret zhvillimet te Juventusi dhe është i gatshëm të bashkohet me Kristiano Ronaldon. Jo vetëm me të, pasi edhe braziliani Marselo ka bërë gati valixhet për të lënë Madridin për Torinon. Zhvillime interesante në horizont.

Ish-trajneri i Real Madrid po pushon prej 9 muajsh dhe është gati për të provuar një eksperiencë tjetër pas atyre si trajner i ekipit rezervë të Realit e më pas te skuadra e parë, ku shkroi histori duke fituar tre Champions radhazi.

Sipas asaj që shkruan “ESPN”, Zidan i ka vendosur tri kushte miliarderit rus Roman Abramoviç. Së pari francezi kërkon një buxhet transfertash prej 200 milionë eurosh. Kushti i dytë lidhet përsëri me merkaton, ku Zidan kërkon vendimmarrje kryesore, pasi tani te Çelsi për këtë sektor është përgjegjëse kryesore rusja

Kushti i tretë është më i rëndësishmi dhe më i vështiri për t’u arritur. Zidan kërkon që klubi të arrijë marrëveshjen e rinovimit me Eden Hazard. Futbollisit belg është prej vitesh lojtari kyç i Çelsit, por së fundmi po përflitet gjithmonë e më shumë për një kalim të tij te Real Madrid.

Klubi anglez po tenton të arrijë akordin me trajnerin francez dhe kanë gati disa blerje të mëdha në verë për t’i mbushur mendjen fituesit të 3 Champions Ligave të fundit me Realin. “The Sun” ka përgatitur një formacion të mundshëm të Çelsit të ri, që në letër duket i frikshëm.

Sipas gazetës angleze, Eden Hazard mund të heqë dorë nga dëshira për të luajtur me Realin dhe mund të vazhdojë të qëndrojë në Londër, nëse Zidan zgjidhet trajneri i ri i ekipit.

Kristian Pulishiç është blerja e parë dhe amerikani do të zbarkojë në Londër në fund të sezonit, ndërsa Isko mund të jetë goditja e radhës. Spanjolli po kalon momentet të vështira me kampionët në fuqi të Europës. Santiago Solari nuk e preferon më dhe fantazisti ka përfunduar në tribunë.

Ai do e mirëpriste një kalim në Premier Ligë dhe një bashkim me trajnerin që e i dha besim dhe e ktheu në një lojtar kyç te “Los Blancos”.

Emri tjetër është Mauro Ikardi. E ardhmja e tij është larg Interit, ndërsa klubi zikaltër do preferonte ta shiste në një klub jashtë Italisë.

Për krahun e majtë ka dy preferenca: Aleks Tejes i Portos dhe Aleks Sandro i Juventusit, ndërsa Matias Ginter i Gladbahut është objektivi kryesor për qendrën e mbrojtjes.

Tashmë pritet të shihet ecuria e ekipit me Sarrin në krye. Kualifikimi në Champions është detyrim, ndërsa mund të mos mjaftojë as renditja në një nga katër vendet e para, për të nisur më pas një epokë të re më Zinedin Zidan në krye të stolit.

29-vjeçari njihej për marrëdhënien jo të mirë me Zinedin Zidan, në kohën kur ky i fundit drejtonte Realin. Në një rrëfim të dhënë së fundmi për revistën “Four Four Two”, uellsiani ka zbuluar se nuk flet me teknikun francez që nga finalja me Liverpulin, si dhe disa detaje të tjera, lidhur me përballjen e sezonit të shkuar për trofeun e Champiosit.

Marrëdhënia me Zidan – “Që nga finalja me Liverpulin nuk kam folur me të. Nuk do të thoja që ishim miq të ngushtë, thjesht kishim një marrëdhënie normale profesionale.”

Mosaktivizimi në finale – “Po luaja mirë që nga rikthimi. Kisha shënuar pesë gola në katër ndeshjet e fundit të sezonit dhe ndjeja se e meritoja të luaja nga fillimi në finale. Isha i dëshpëruar për t’u futur në atë fushë. Kur u aktivizova, vazhdoja të isha i inatosur dhe kjo më bëri që të bëja atë çfarë ndodhi, ku shënova dy herë.”

Post finalja – “E kam parë golin shumë herë më pas. Nuk më duket sikur duhet të provoja diçka. Doja ta bëja për veten dhe për skuadrën. Nëse ti je në finale, kërkon që të shkosh në shtëpi me trofeun, pavarësisht çdo gjëje. Nëse u futa në lojë vetëm 30 minutat e fundit, ashtu ka qenë e shkuar.”

Rreth kësaj çështje ka folur dhe Ramon Kalderon, ish-presidenti i Realit gjatë viteve 2006-2009. Kalderon zbulon të vërtetën e largimit të trajnerit francez, i cili dëshironte largimin e Garet Bejl dhe jo të Ronaldos.

“Zidan dëshironte të mbante Kristiano Ronaldon në ekip dhe shitjen e Garet Bejl, ndërsa Florentino Perez bëri të kundërtën. Presidenti nuk e dëgjoi trajnerin, i cili vendosi të largohej”, zbulon Ramon Kalderon.