zijesh

“Treni i Ozil ka ikur, e kam ofuar Zijesh me gjysmë çmimi!”

Sport Ekspres — Mon, 15 Jul 2019 15:25:05 +0000

Mark Overmars, drejtori i Ajaksit, është një nga personat më të dashur i tifozerisë së Arsenalit, pasi kur ishte pjesë e “Topçinjve”, futbollisti holandez fitoi shumë trofe dhe i dha kujtime të paharrueshme tifozëve. Edhe pse me një rol të rëndësishëm tashmë te Ajaksi, Overmars nuk ngurron asnjëherë të shprehë publikisht dashurinë e tij për klubin e Arsenalit, madje dhe jep sugjerime e bën komente nga më të ndryshmet, pa marrë parasysh se është nënpunës i një klubi tjetër.

Sot, Overmars është pyetur nga gazetarët për mendimin që ka në lidhje me merkaton “e ftohtë” që Arsenali ka bërë deri më tani, ku ka siguruar vetëm shërbimet e Gabriel Martinelit për 6 milionë sterlina. Overmars tha: “Aktualisht ka shumë probleme te Arsenali dhe kjo gjë nuk më pëlqen aspak. Janë në periudhë tranzicioni, e kuptoj, por diçka duhet të ndryshojë sa më shpejt. Ozil duhet të largohet, më vjen keq. Lojtar i madh, por koha e tij ka perënduar.

Kam bërë një bisedë me drejtuesit e Arsenalit, propozova Zijesh për gjysmën e çmimit që kanë blerë Ozil. Përgjigja e tyre ka vonuar shumë. Shpresoj që Arsenali të rikthehet ai i viteve 2000, pasi futbolli anglez nuk është më i njëjti”, përfundoi holandezi.

Zijesh do transferimin tek Arsenali, klubi anglez vendos

Sport Ekspres — Sat, 13 Jul 2019 08:19:27 +0000

Hakim Zijesh regjistroi një sezon të shkëlqyer me Ajaksin, ku bëri paraqitje shumë të mira si në kampionatin holandez, ashtu dhe në Champions League. Golashënues dhe fantazist, Zijesh ka tërhequr vëmendjen e shumë skuadrave europiane.

Drejtori i Ajaksit, Mark Overmars, pranoi disa javë më parë se Zijesh është në shitje dhe 26-vjeçari është në pritje të ofertave. Vetë Zijesh tha disa kohë më parë se dëshiron të transferohet tek Arsenali dhe të luajë me lojtarin e tij të preferuar, Mesut Ozil, por “Topçinjtë” kanë vendosur që të mos bëjnë ofertë.

Trajneri i Arsenalit, Unai Emeri, është aktualisht në Amerikë së bashku me të besuarit e tij dhe nga mediat është pyetur në lidhje me merkaton dhe me Zijesh, për të cilin ka thënë: “Po studiojmë disa lojtarë, kryesisht në Premier Ligë. Zijesh? Nuk do të ketë ofertë për të”, përfundoi spanjolli.

Video | Ylli i Ajaksit eliminon Marokun, dramë në Kupën e Afrikës

Sport Ekspres — Fri, 05 Jul 2019 18:50:06 +0000

Maroku ishte dukshëm favorit për të kaluar në çerekfinalet e Kupës së Kombeve të Afrikës, por përfaqësuesja e Beninit ka befasuar të gjithë duke eliminuar nga turneu kombëtaren nga Afrika e Veriut. Në fund verdiktin e dhanë goditjet 11-metërshave, ku fati nuk qëlloi në anën e marokenëve.

Magrebasit dominuan përgjatë të gjithë takimit, por u mungoi efikasiteti para portës së Beninezëve. Adilehu shënon i pari për Beninin, ndërsa Maroku kundërpërgjigjet En Nesirin që barazon shifrat në minutën 76-të.

https://twitter.com/roma_z10/status/1147202405395775488

Në minutën e fundit të kohës shtesë arbitri akordon një penallti për Marokun, por ylli skuadrës Hakim Zijesh nuk arrin të shënjestrojë portën duke e përplasur topin në shtyllë. Rezultati nuk ndryshoi në 30 minutat e kohës shtesë dhe skuadrat iu drejtuan penalltive, ku Benini nuk gaboi në asnjë prej 11-metërshave në ndryshim nga marokenët.

Marok 1 – 1 Benin
Shënues: El Nesiri 76′ / Adilehu 54′
(1- 4 pen)

Zijesh pret ofertën e duhur, interesim nga Serie A dhe Premier Liga

Sport Ekspres — Sun, 19 May 2019 17:16:05 +0000

Ylli i Ajaksit, Hakim Zijesh do të largohet këtë verë nga Holanda, gjë që e konfirmoi pak ditë më parë edhe drejtori i klubit, Mark Overmars. Për “De Telegraf”, Overmars tha se i ka premtuar 26-vjeçarit se do ta shesë këtë verë, por vetëm nëse vjen oferta e duhur:

“Shumë klube të mëdha duan të nënshkruajnë me Zijesh, sepse ai bëri një sezon të shkëlqyer, si në Champions League, ashtu dhe në kampionat. I kemi premtuar se do ta lejojmë të largohet drejt një klubi të madh këtë verë, por gjithmonë nëse ne marrim ofertën e duhur.

“Nuk dua të komentoj për thashethemet e merkatos, nuk mund të themi emra konkret. Ajo që ne dimë me siguri është se tani është koha e duhur që Zijesh të kalojë në një klub të madh”, përfundoi Overmars. Roma, Liverpuli dhe Mançester Junajtid janë në garë për shërbimet e 26-vjeçarit.

Overmars e konfirmon, ylli i Ajaksit është në shitje!

Sport Ekspres — Fri, 17 May 2019 18:39:41 +0000

Ajaksi do të përfitojë miliona këtë merkato. Pas shitjes së Frenkie De Jong dhe largimit thuajse të sigurt të Matijs De Ligt, kampionët e Holandës pritet të përfitojnë edhe nga shitja e një tjetër ylli. Hakim Zijesh është nxjerrë në shitje dhe 2 klube angleze janë vërsulur menjëherë.

Arsenali dhe Mançester Junajtid kanë bërë gati paratë dhe duan të sigurojnë sa më parë shërbimet e mesfushorit. 26-vjeçari ka qenë një nga lojtarët më të dalluar, duke shënuar 16 gola dhe duke asistuar 13 herë në Euredivisie. Po ashtu, Zijesh ka bërë një supersezon edhe në Champions League.

Siç raportohet, algjeriani ka një klauzolë prej 25 milionë eurosh, por klubi i Ajaksit me shumë gjasa nuk do të pajtohet me këtë shumë. Në pritje të ofertave, Ajaksi po fërkon duart, ndërsa dy klubet angleze duhet të mposhtin njëra-tjetrën për firmën e 26-vjeçarit.