Megjithatë, ka qenë vetë trajneri Zidan që ka zbuluar problemin e vërtetë të uellsianit. Në daljen për shtyp pas humbjes ndaj Totenhem, trajneri francez tha: “Ai nuk udhëtoi me ne, pasi nuk kishte gjendjen e duhur fizike. Pas një diskutimi me doktorët, u vendos që gjëja më e mira ishte që ai të qëndronte në Madrid. Për momentin po stërvitet atje i diferencuar. Vendimi u mor në mënyrë të përbashkët nga lojtari, unë dhe stafi mjekësor”, tha Zidan.

Analizat e mjekësore zbuluan shkallën e rëndë të dëmtimit. Këputje e ligamentit të kryqëzuar dhe traumë në menisk, dëmtime këto që duan mesatarisht 7 muaj kohë për t’u riaftësuar plotësisht.

Trajneri Zinedin Zidan u shpreh shumë i mërzitur për dëmtimin e 23-vjeçarit. Në momentin e shoqërimit me barrelë jashtë fushe Zidan mbuloi sytë me duar, duke mos preferuar të shikonte lojtarin e tij në agoninë e dhimbjeve.

A close look at Asensio's injury that may force Zidane to eat his own words and keep Gareth Bale… pic.twitter.com/B5eIRFeEww

— Bigdawg (@avndon_) July 24, 2019

Një deklaratë e bujshme, që konfirmuar krizën e thellë mes Realit dhe anësorit ofensiv, i cili tashmë është si i huaj në shtëpi.

Nuk ka vonuar reagimi i agjentit të Bejl, Xhonatan Barnet, i cili ka sulmuar trajnerin francez, duke folur për ESPN.

“Zidan është skandaloz, i turpshëm. Ai harron sa ka dhënë Bejl për Realin. Nëse largohet, Bejl do ta bëjë sepse i tillë është interesi i tij, jo se ashtu dëshiron Zidan”. 

KUBO – “Mua më ka dhënë përshtypje shumë të mirë. Jam i sigurt që do bëhet një lojtari i rëndësishëm për Realin. Në stërvitje po e përballon mirë ngarkesën e shtuar. Më duket sikur ka shumë kohë që është pjesë e realit, dhe jo vetëm pak ditë”.

HAKIMI – “Ai do të vazhdojë të luajë dhe vitin tjetër të Dortmundi. Është një lojtar i mirë, ne e dimë këtë gjë, por më e mira për të është të luajë në Gjermani ku mund të marrë minuta”.

“Jeta ime ka ndryshuar për mirë, që kur erdha te Reali i Madridit. Zidan më ka folur shumë dhe më ka ndihmuar. Ai më ka kërkuar që të mos dëgjoj ato që thuhen ose shkruhen për mua, por thjesht të dëgjoj fjalët e shokëve të skuadrës.

Ramos, Modriç, Benzema, janë lider të lindur. Edhe fjala e Marselos dëgjohet shumë. Këtu jemi si një familje, secili mundohet të ndihmojë njëri-tjetrin. Megjithatë, lideri ynë mbetet Serxhio Ramos, që për mua është një ikonë e futbollit dhe një ndër mbrojtësit më të mirë i të gjitha kohërave”, përfundoi talenti brazilian.

Strategu i “Los Blancos” ka marrë pjesë sot në një turne të zhvilluar për bamirësi, në fushë të vogël 5v5. Një video e tij, ku ka shënuar një gol spektakolar, është bërë virale në rrjet.

Zidan nis gjithçka vetë, pason dhe rimerr topin, driblon në mënyrë të shkëlqyer, pason dhe shërbehet sërish, për të shënuar me portën e boshatisur. Të gjitha këto, pa vrapuar fare. Një magjistar i topit…

Real Madridi po planifikon ta dërgojë në huazim futbollistin e talentuar, me Real Betis, Sociedad dhe Ulverhempton që kërkojnë shërbimet e tij. Diaz u transferua në janar nga skuadra e Mançester Sitit dhe u pa nga skautët e Realit si një lojtar me një potencial të madh dhe me të ardhme të ndritur përpara. Diaz luan edhe për kombëtaren e Spanjës U-21.

Një ndër sezonet më të dështuar të viteve të fundit për “Los Blancos”, me trajnerin Zidan që foli pas sfidës për mediat. Francezi u shpreh i dorëzuar, duke thënë se nuk munden dhe se gjëra më e mirë që ka ndodhur është se ky sezon është mbyllur.

SEZONI – “Nuk është se nuk duam, por nuk mundemi. Më e mira që mund të na ndodhte ishte përfundimi i këtij sezoni. Prej kohësh e kishim mendjen te e ardhmja dhe te sezoni i ardhshëm. Është shumë e komplikuar kur ti përpiqesh dhe nuk merr as gjërat minimale. Është shumë e komplikuar, por është e drejta. Duhet të pranojmë që kështu ka qenë ky sezon dhe të përpiqemi ta harrojmë.”

BEJL DHE NAVAS – “Nuk e di nëse Bejl dhe Navas kanë luajtur ndeshjen e tyre të fundit. Do të shohim gjatë merkatos. Nuk e di.”

Sipas medies spanjolle “La Sexta”, portierit 32-vjeçar i është bërë e ditur se nuk bën pjesë në planet e klubet dhe tani agjenti i tij duhet të futet në punë për t’i gjetur klientit të tij një shtëpi të re pas një qëndrimi pesë vjeçar të Real Madrid, ku luajti rol thelbësor në fitimin e tri trofeve Champions dhe një trofeu të kampionatit spanjoll.

Çelësat e portë së Real Madrid do t’i besohen belgut Tibo Kurtus. Portierët e nivelit të Navas janë të paktë, ndaj kostarikani nuk ka arsye për t’u shqetësuar pasi ofertat për të do të jenë të shumta.

Pol Pogba dhe kalimi i tij te Reali i Madridit duket thjesht një çështje kohe, me “Los Blancos” që priten të jenë ndër ekipet më aktivë këtë merkato.

Për sa i përket spekulimeve që e lidhin mesfushorin me një transferim në “Bernabeu”, ka folur për herë të parë edhe trajneri Zinedin Zidan, i cili ka pranuar se i pëlqen shumë Pogba, por që nuk ka dhe shumë dëshirë të flasë për lojtarë që nuk janë pjesë e Realit.

“Po, më pëlqen shumë Pogba, por nuk jam i vetmi trajner. Çdo trajner i pëlqen lojtarët e mirë, ashtu si çdo tifoz futbolli. Pogba është një lojtar i Mançeser Junajtid tani dhe nuk kam dëshirë të flas për lojtarë që nuk janë pjesë e Realit të Madridit”, përfundoi Zidan.

“Do më duhet të mendoj për ndeshjen e nesërme përballë Getafes. Duhet të paraqitemi sa më mirë, pasi kemi punuar shuëm fort gjatë kësaj jave. Pogba? Ai është një lojtar i Mançester Junajtid dhe unë nuk do të rri këtu të flas për merkaton.

Valverde? Ka bërë një punë të shkëlqyer deri më tani. Unë nuk jam njeriu i duhur për të thënë nëse kritikat ndaj tij janë të pranueshme ose jo. Ai është i zgjuar dhe e di vetë si funksionojnë këto gjëra.

“Askush nuk mund ta marrë nga ne atë që bëmë në Champions League. E pamë këtë vit se sa e vështirë është të arrish në finale, e jo më ta fitosh. Katër trofetë e Realit janë të paçmueshëm.

Bejl? Agjenti i tij ka folur, por unë nuk do të flas për këtë gjë. Jam trajner i Real Madridit dhe puna ime është vetëm me lojtarët”, përfundoi strategu francez.

Autorët e golave ishin dy lojtarë që jemi mësuar t’i shohim më së shumti në stol. Sulmuesi nga Republika Dominikane, Mariano Diaz, realizoi një dopietë, ndërsa në emrin në listën e shënuesve e vuri dhe qendërmbrojtësi Hezuz Vajeho.

Ndërkohë, “nëndetësja e verdhë” duhet të vazhdojë të vuajë deri në fund. Kur kanë mbetur edhe dy ndeshje nga fundi i sezonit, Vijareali ndodhet në vendin 15-të me 40 pikë.

Real Madrid 3 – 2 Vijareal
Shënues: Mariano 2, 49’, Vajeho 40’  / Moreno 11’, Kosta 90+4’

Në orët e vona të së premtes AS nga Spanja ka lëshuar “bombën” e merkatos, sepse Reali ka blerë Luka Joviç, fenomenin e ri të Aintrahtit të Frankfurtit, 27 gola këtë sezon (9 prej tyre në Europa League).

Vetëm 21 vjeç, Joviç ka mahnitur Gjermaninë dhe Europën këtë sezon, sepse ka shënuar lumë golash, i fundit mbrëmë në Europa League kundër Çelsit.

Ka qenë goli që ndoshta ka bindur përfundimisht Los Blancos, sepse Florentino Perez ka dhënë OK për transferimin 60 milionë euro, prej të cilave 48 i merr Frankfurti dhe 12 Benfica, që kishte ruajtur 20% të kartonit.

Kontratë 6-vjeçare për serbin e talentuar, që në Madrid do të shtojë ndjeshëm konkurrencën në sulm, aty ku Benzema ka qenë tepër i vetmuar këtë sezon, edhe pse është munduar braziliani Vinicius Junior.

Pa filluar sezoni, presidenti Perez nuk arriti të zëvendësojë Kristiano Ronaldon dhe hapësirat e lëna nga ylli portugez ishin të mëdha. Gjatë kësaj merkatoje, presidenti i “Los Blancos” nuk do të bëjë të njëjtin gabim.

Sipas “AS”, 460 milionë eurot e vëna në dispozicion të tij, Zidan do t’i shpenzojë te Eden Hazard, Pol Pogba, Tangui Ndombele, Luka Joviç dhe Kristian Eriksen.

Në fushë u pa një Real i pafuqishëm, i pamotivuar dhe qartësisht me mendjen gjetkë, në fund të një sezoni të zi.

Kjo paraqitje ka tërbuar trajnerin Zinedin Zidan, i cili pas ndeshjes ishte shumë nervoz, duke shfryrë ndaj lojtarëve të tij si kurrë më parë.

“Nuk bëmë asgjë, nuk luajtëm futboll fare, asnjë tentativë për të shënuar. Jam shumë i zemëruar, sepse një imazh i tillë nuk i lejohet një skuadre si Reali. Duhet të kërkojmë falje. Do ishte mirë që sezoni të mbaronte sa më shpejt”, tha trajneri francez, i cili pret fundin e sezonit për të bërë spastrim.

Një ndër emrat që priten të largohen është ai i Geret Bejlit, për të cilin Zidan tha: “A është i përqendruar? Nuk e di, duhet ta pyesni”.

Pavarësisht këtij dështimi, Zidan nuk shqetësohet aspak, madje, për sezonin e ardhshëm, objektivi primar është titulli kampion në Spanjë. Reali nuk e fiton kampionatin prej shumë sezonesh dhe Zidan do të synojë ta rikthejë skuadrën e tij në majën e futbollit spanjoll.

Mediat iberike janë të bindura se dominimi i Realit në Europë nuk do të jetë objektiv primar për strategun francez. Fillimisht, Reali do të bëjë revolucion në skuadër gjatë merkatos, më pas do të fokusohet te kampionati.

Bëhet fjalë për Marselon dhe Keilor Navas. Braziliani nuk e njeh më stolin që prej ardhjes së francezit. Të njëjtin fat ka pasur dhe Navas, por siç duket kjo është thjesht një lëvizje shahu për të ulur tensionin në dhomat e zhveshjes.

Sipas medies spanjolle “AS”, portieri nga Kosta Rika i ka ditët e numëruara në Madrid. Plani i drejtuesve të klubit dhe trajnerit Zidan është që t’i besohet si zgjedhje e parë belgut Kurtua, ndërsa Navas do të hidhet në treg.

Më i prekuri në këtë debat është padyshim Keilor Navas. Portieri i Kosta Rikës humbi vendin e titullarin në fillim të sezonit, pas ardhjes nga Çelsi të Kortuas. Navas ka arritur të kontribojë për madrilenët në katër Champions të fituara brenda pesë viteve duke mos shfaqur asnjë dobësi.
Gjithsesi, nuk ishin të këtij mendimi madrilenët duke dashur një emër të madh në mes të katërkëndëshit.

I pyetur nga mediat e huaja, Navas deklaron se do të ishte i gatshëm të largohej nga Madridi vetëm nëse Zidan do ja kërkonte një gjë të tillë. Ai shton se nëse nuk ndodh diçka e tillë do të respektojë kontratën deri në fund.

“Nëse trajneri më kërkon të largohem, unë do ta bëj. Kam një kontratë me Real Madrid. Kam dhënë gjithmonë më të mirën për këtë klub. Do të shohim se çfarë do të ndodhë. Fillimisht duhet të fokusohemi tek tetë ndeshjet e mbetura për të mbajtur lart nderin e ekipit.”, përfundon deklaratën Navas, që shton edhe më shumë dyshimet për mundësinë e largimit nga mbretërit në fuqi të Europës.

Loja ishte e barabartë, por vendasit bënë diferencën duke qenë efikas në rastet e tyre. Portugezi Gedesh zhbllokoi takimin me një gjuajte të hidhur që gjeti të papërgatitur porterin Keilor Navas.

Me kalimin e minutave Reali nuk mundi të merrte kontrollin e lojës, ndërsa Valencia “vulosi” fatin e takimit me anë të argjentinasit Garai, i cili çoi shifrat në 2 – 0 në minutën e 83-të. Në sekondat e fundit të takimit Benzema shënon golin e nderit për të tijtë.

Valencia 2 – 1  Real Madrid
Shënues: Gedesh 35’, Garai 83’ / Benzema 90+4

Reali pësoi dy gola në atë takim, por asnjë prej tyre nuk ishte për faj të 21-vjeçarit, ndërsa në fund të 90 minutave madrilenët festuan, kjo falë një paraqitje fenomenale të Karim Benzema.

LUKA ZIDAN – “Jam shumë i gëzuar për të dhe për faktin që debutoi me fitore në “Bernabeu”. Gjithsesi, Luka është portieri i tretë. Tibo nuk ndihet mirë, ndërsa mendova t’i jepja Navasit pak pushim, prandaj i dhashë një shans Lukës. Doli mirë”.

BENZEMA –  “Benzema ka qenë pjesë e Realit për 10 vite dhe po bën shumë mirë. Ndoshta ky është sezoni i tij më i mirë dhe jemi të gëzuar për formën që po kalon ai. Gjithmonë do të mbështetem tek ai. Kemi dhe nëntë ndeshje të mbetura, kjo është gjëja më e rëndësishme për ne, duhet ta mbyllim në një mënyrë të mirë sezonin. Atëherë do të shikojmë çdo të ndodhë, por Karim është pjesë e këtij klubi dhe kjo s’do të ndryshojë”.

Këtë gjë e pranoi dhe vetë Pogba, i cili tha se të luash për “Los Blancos” është një ëndërr e të gjithë futbollistëve. Pogba, i grumbulluar me Francën për sfidën kualifikuese të “Euro2020” kundër Moldavisë, ka folur për mediat vendase sa i takon të ardhmes së tij dhe Realit të Madridit, ku u shpreh:

“Real Madridi është një ëndërr për të gjithë fëmijët, për të gjithë futbollistët, sidomos tani që është trajner Zidan, një inspirim… Megjithatë, unë jam i lumtur në Mançester, me një trajner të ri, ide të reja. E ardhmja është mister, e paqartë. Do të shohim”, përfundoi mesfushori i Junajtid.

Në fraksionin e dytë, madrilenët i treguan shënjat, teksa fillimisht iu anullua një gol për pozicion të parregullt pas ksoultimit me sistemin VAR. Gjithsesi, në minutën e 62-të, ishte Isko, i cili përveçse u rikthye të luante, u rikthye dhe te goli, duke zhbllokuar takimin.

Për të hipotekuar gjithçka, mendoi Gareth Bejl, i cili pasi u asistua nga Marselo, u tregua i saktë përballë portierit, duke çuar shifrat në 2-0. Një fitore që e çon në vetëm dy pikë diferencën me vendin e dytë të Atletikos tashmë.

RIKTHIMI I ZIDAN – “Bejl është i lumtur për momentin. Do të shikojmë se çfarë do të ndodhë me kalimin e kohës. Shumë zëra e largojnë nga Reali, por nuk ka arsye që të largohet. Ai do ta mbyllë karrierën këtu, por nëse gjërat nuk shkojnë ashtu siç ne i kemi menduar, do të ndryshojmë mentalitet. Do të flasim me Zidanin dhe do të kuptojmë rolin e Bejl te Reali i Madridit”.

RONALDO – “Garet është një djalë i fortë, që nuk i interesojnë kritikat dhe ato që shkruajnë mediat. Ka dëshirë për të ecur sa më shumë dhe për t’u rritur. Jam i bindur se nëse Zidan e lejon të bëjë lojën e tij, Bejl do të arrijë nivelin e Kristiano Ronaldos shumë shpejt”.

TIFOZËT – “Kritikat janë prezente në futboll, prandaj pse Bejl duhet të bëjë përjashtim? Të gjithë kritikohen, ndryshimi është sesi i përballon. Garet është shumë i fortë nga ana mentale dhe nuk e mendon aspak se do të ndikohet nga ajo që thonë ose shkruajnë njerëzit”,- u shpreh agjenti.

Trajneri francez fitoi 3 Champions League rresht, para se të merrte pushimet verën e shkuar, por tashmë është bindur se Reali ishte zgjedhja e parë e tij dhe ka firmosur.

E ka bërë për një pagë të jashtëzakonshme, 12 milionë euro në sezon, shifër që e bën nder trajnerët më të paguar në planet, ndërkohë që në vitin 2018 fitonte 7.5 milionë euro në Madrid.

Rritje e konsiderueshme dhe e merituar page, por sërish Zidan nuk është bërë personi më i paguar te Reali. Edhe pse nuk është më Kristiano Ronaldo, mbreti i Realit është Geret Bejl.

Uellsiani, edhe pse në fushë po bën shumë pak për Realin, merr mbi 14 milionë euro në sezon, duke qenë një barrë e rëndë financiare për Los Blancos. Megjithatë, në verë epoka e uellsianit në Madrid do të marrë fund, sepse do të shitet në Angli.

Bëhet fjalë për yllin e Totenhemit, Kristian Eriksen. Danezi ka bërë sezone shumë të mira në londër me fanellën e “Gjelave” dhe cilësohet si një nga lojtarët më të mirë në kampionatin anglez të futbollit. Zidan e pëlqen lojën e Eriksen dhe sipas mediave iberike, ka dhënë dritën jeshile për transferimin e tij.

Presidenti Perez duket se ka mësuar nga ky sezon i dobët dhe nuk ka ndërmend të kursejë. Numri një i marilenëve do të hapë arkat dhe do t’i japë fondet e duhura Zidan, në mënyrë që sa më shumë “Galaktikë” t’i bashkohen Realit për sezonin e ardhshëm.

Lajmi është bërë publikuar nga gazetari i medies spanjolle “La Sexta”, më konkretisht nga gazetari i njohur Hoze Pedrerol, i cili është dhe një mik i ngushtë i presidenti të “Los Blancos”, Florentino Perez.

Vendimi do të marrë formë zyrtare pas mbledhjes së kryesisë së Real Madrid ditën e sotme në orën 6 të pasdites.

#ÚLTIMAHORA | Exclusiva Jugones: Zinedine Zidane volverá a ser el entrenador del Real Madrid https://t.co/V6BkOKzUN6

— laSexta Noticias (@sextaNoticias) March 11, 2019

Kohët e fundi, pas humbjes ndaj Atletiko Madrid, nga mediat italiane është përfolur shumë se Alegri do të largohet në fund të këtij sezoni dhe kandidati kryesor për të marrë postin e tij është francezi, Zinedin Zidan.
Lidhur me këto lajmë, së fundmi thuhet se ish-trajneri i Realit ka pasur një takim me drejtuesit e “zonjës së vjetër”, ku dhe ka diskutuar mbi detajet e kontratës. Sipas asaj që raporton “La Stampa”, Zidan ka qenë në Torino ditët e fundit dhe një kalim i tij te Juventus në verë, duket diçka e kryer.

Ish-trajneri i Real Madrid po pushon prej 9 muajsh dhe është gati për të provuar një eksperiencë tjetër pas atyre si trajner i ekipit rezervë të Realit e më pas te skuadra e parë, ku shkroi histori duke fituar tre Champions radhazi.

Sipas asaj që shkruan “ESPN”, Zidan i ka vendosur tri kushte miliarderit rus Roman Abramoviç. Së pari francezi kërkon një buxhet transfertash prej 200 milionë eurosh. Kushti i dytë lidhet përsëri me merkaton, ku Zidan kërkon vendimmarrje kryesore, pasi tani te Çelsi për këtë sektor është përgjegjëse kryesore rusja

Kushti i tretë është më i rëndësishmi dhe më i vështiri për t’u arritur. Zidan kërkon që klubi të arrijë marrëveshjen e rinovimit me Eden Hazard. Futbollisit belg është prej vitesh lojtari kyç i Çelsit, por së fundmi po përflitet gjithmonë e më shumë për një kalim të tij te Real Madrid.

Tashmë në Angli trajnerit italian po i bëjnë “funeralin” dhe disfata 6-0 në “Etihad”, më e thella në historinë e klubit në Premier Ligë, ka shënuar kulmin e presionit ndaj Çelsit për të pushuar nga puna ish-trajnerin e Napolit.

Ndërkaq, mediat britanike po këmbëngulin me lajmin se Zinedin Zidan mund të marrë drejtimin e skuadrës londineze. “The Sun” shkon deri aty sa pretendon se Çelsi ka nisur bisedimet me ish-trajnerin e Real Madridit, ndërkohë që ka reaguar edhe tregu i basteve.

“LadBrokes”, kompani e fuqishme britanike, e  kuoton 2.75 emërimin e Zidan në drejtimin e Çelsit, ndërsa Sarri është tashmë në krye të listës së trajnerëve që rrezikojnë shkarkimin, me koeficient 2.1.

Muajt e fundit, Zidan është përfolur se do të merrte drejtimin e Mançester Junajtid, por ecuria e mirë e Solskjaer ka bërë që drejtuesit e “Djajve të kuq” të mendohen, ndërsa Çelsi nuk do të presë deri në verë.

Zidane has some pedigree! ?@ChelseaFC fans – would you take him at Stamford Bridge right now? pic.twitter.com/vkIcrSCkeB

— The Sun – Chelsea (@SunChelsea) February 13, 2019

Të njëjtën shifër golash ndajnë dhe dy legjenda të këtij sporti, si Ronaldo dhe Zidan. Sulmuesi brazilian ka nuk ka arritur të shënojë më shumë në 14 gola në 40 ndeshjet që ai ka luajtur në eventin më prestigjoz të fubollit europian, ndërsa bashkëkombësi i Mbapesë, Zinedin Zidan, e ka regjistruar këtë shifër përgjatë 80 ndeshjeve. Lojtarë të tjerë të famshëm që kanë shënuar të njëjtin numër golash janë, Miroslav Klose, David Vija dhe Adriano.

Të riut francez i janë dashur vetëm 24 aktivizime për të barazuar pesë legjendat. Rekordi i numrit më të madh të golave në Champions mbahet nga Kristiano Ronaldo me 121 gola deri më tani. Nëse Mbape dëshiron t’i afrohet ndopak rekordit duhet ta “rrisë marshin”, por mund të thuhet se fillimi është shumë premtues.

Idhulli juaj? –  Pyetje shumë e lehtë (qesh), babai im sigurisht.

Kur do ta shohim sërish si trajner – “Babai im e dashuron futbollin. Ai do të rikthehet së shpejti, por tani iu duhet të bëjë pak pushim. Drejtimi i Real Madrid ishte një eksperience shumë e bukur për të, por në të njëjtën kohë ishte një punë që i shkaktoi shumë stres dhe lodhje, prandaj i duhet të presim pak sa ai të marrë veten”

Formacioni i ëndrrave ? – Keilor Navas – Karvahal, Varan, Ramos, Marselo, Kros, Modriç, Kante –  Mesi, Benzema, Kristiano

Topi i Artë ?  – Unë mendoj se këtë vit e meriton Luka Modriç. Ai është një njeri fantastik, që prej vitesh luan në nivele shumë të larta. Këtë sezon u paraqit shumë mirë  dhe në kupën e botës. Është një shembull për këdo.

Fakti që vjen në këtë detyrë nga ekipi B i Realit e bën të pamundur që gazetarët të mos e ngacmojnë mbi ish-trajnerin e “Los Blancos”, Zinedin Zidan, i cili tri vite më parë erdhi ndoqi të njëjtën trajektore, por Solari tregohet i kujdesshëm duke shmangur menjëherë krahasimet me francezin.

“Zidan është një prej më të mirë në histori dhe me kaq mbyllet kjo temë. Nuk mund të më krahazoni mua me atë”, tha argjentinasi në fjalët e tij të para gazetarëve.

“Të punosh për Realin e Madridit është një mundësi e madhe. Kam dhënë gjithçka kur kam luajtur si lojtar në këtë klub. Këtu kemi një grup kampionësh që po vuajnë. Nuk është një situatë e lehtë, por do të përpiqem t’i kthej gjërat në normalitet. Është një moment delikat, por në këtë raste del në pah karakteri i vërtetë i njeriut”.

Në një intervistë me revistën “Panenka”, Asensio ka folur në imtësi për zhvillimin e tij nga ekipet zinxhirë të Majorkës, tek ekipi i parë dhe më pas te përvoja në Primera Divizion me Espanjolin e Realin.

Këshilla e Zidanit –  “Ai më thoshte përherë të mos e vrisja mendjen për gjërat që përfliteshin jashtë klubit. Kur je pjesë e Realit, je shënjestër për kritika në çdo moment. Zidan u tregua i drejtpërdrejtë, më dha: Fokusohu vetëm te futbolli, ke vuajtur shumë për të arritur deri këtu, mos e hidh poshtë gjithë atë mund”

Emocionet e Bernabeut – “Ndeshjet e Champions-it në Bernabeu më kanë shijuar më shumë se vetë fitimi i finales. Është diçka shumë e veçantë të kesh përkrahjen e të gjithë stadiumit në një momente të tilla, ai moment e bën të gjithë skuadrën me krahë. Është një ndjesi e mahnitshme” , përfundoi Asensio.

ÇELËSI I SUKSESIT ? – “Besimi i palëkundur te filozofia ime e futbollit dhe përçimi i kësaj filozofie te lojtarët e mi, pavarësisht kundërshtarit që kemi përballë”

HUMBJA NDAJ JUVENTUSIT – “ Ndodhi për shkak se kujtuam se gjithçka kishte mbaruar pas ndeshjes së parë. Kjo është e bukura e futbollit, edhe në nivelet më të larta. Duhet që gjithmonë të jesh i përqendruar në maksimum te plani i lojës, pavarësisht avantazhit që mund të kesh para takimit”.

BENZEMA? – “Ai është një lojtar shumë i rëndësishëm, i cili na ndihmonte të mbanim ekuilibrin gjatë fazave sulmuese. Një ndër ato futbollistë që punon vetëm skuadrën, duke ndihmuar shokët e ekipit në të gjithë aksionet tona”

Por, Kovaçiç duket se e ka ndarë mendjen. Mllefi që ai ka grumbulluar për skuadrën spanjolle duket qartë në një intervistë të tij për mediet kroate, ku thotë.

“Pas tri vitesh, ku kam luajtur rrallë te Reali, më në fund jam pjesë e një skuadre që më vlerëson dhe më një trajner që beson shumë te aftësitë e mia, prandaj zgjodha të shkoj te Çelsi. Dua të arrij sa më shpejt në maksimumin tim dhe të jap gjithçka për këtë klub”.

Ndoshta, Kovaçiç duhet të mendohet para se të flasë, pasi gazetarët në Madrid do t’ia kujtojnë çdo fjalë të pamenduar.

Eliminimi: “Ishte një mbrëmje mjaft e vështirë. Jam përgjegjësi kryesor dhe jam i tërbuar me veten. Kjo situatë duhet analizuar, nuk bëmë asgjë për të ndryshuar gjërat. Kundërshtari luajti ndeshjen e vet, ne jo. Ishte një katastrofë”.

Dështimi: “Për mua po, ishte një dështim, nuk ka dyshim. Megjithatë, duhet të shohim përpara, nuk rregullojmë dot asgjë, kupa iku”.

Formacioni: “Nuk ka asnjë problem formacioni. Kemi skuadër shumë cilësore, disa lojtarë kanë nevojë për pushim dhe disa të tjerë kanë shansin të luajnë në ndeshje të tilla. Nuk mund të thuhet që ekipi që luajti ndaj Leganesit nuk ishte cilësor”.

Fajtori: “Fajin e kemi ne. Nuk është e mundur të eliminohesh pas rezultatit të vajtjes. Është shumë zhgënjyese, natë e vështirë dhe situata duhet mbajtur nën kontroll”.

E ardhmja: “Na takon ne ta ndryshojmë, tani nis pjesa më e vështirë, sepse zhgënjimi është i madh. Më i zhgënjyeri jam unë, sepse unë kam përgjegjësinë kryesore. Duhet të mendoj për gjërat që nuk po i bëjmë mirë. Mbetet shumë punë për të bërë dhe nesër duhet nisur sërish puna”.

Pushimi nga puna: “Është shumë e qartë, kundër PSG-së luaj stolin. Jam trajneri, më takon mua përgjegjësia nëse eliminohemi edhe në Champions. Dështuam në kupë, jemi shumë keq në kampionat, është e qartë që nuk kemi më hapësirë gabimi”.

Si nisi karriera në ekipin e parë: “Marrëveshja me Florentino Perez ishte shumë e shpejtë, Po përgatitja një ndeshje te ekipi B kur Perez më telefonoi që të merrja skuadrën e parë. Ai punon kështu, strategjia e tij është e qartë, ai e di se ku po shkon dhe se çfarë po bën”.

Në lidhje me stilin e lojës:“Unë dua që lojtarët të luajnë mirë, kam lojtarë të jashtëzakonshëm. E vetmja gjë që na intereson është të gjejmë mënyrën më të mirë për të mos vrapuar, që është të mbajmë topin, të ruajmë zotërimin e tij më shumë se rivali, qoftë ai Barcelona”.

Menaxhimi i Kristiano Ronaldos dhe ulja e tij në stol herë pas here: “Ai është shumë inteligjent, e njeh mirë veten, ndaj ishte e lehtë ta bindja. Këta lojtarë mund të besojnë tek mua dhe për momentin mendoj se po e bëjnë. Ronaldo është një shembull dhe ai është më i miri”.

Sergio Ramos, Ronaldo dhe Benzema: “Ramos është lideri, Ronaldo një jashtëtokësor dhe Benzema është talent i pastër”.

Një virtyt dhe një defekt: “Unë jam i durueshëm dhe gjithashtu bërtas, ashtu i transmetoj ato që mendoj”.

E ardhmja në Madrid: “Unë jam trajneri aktual i skuadrës, nuk e di për sa kohë”.

Mungonte Ronaldo, për të dytën ndeshje rresht i pezulluar (i mbeten edhe 3), por Zidan ka krijuar një “tank” që tashmë nuk ndalet më dhe nuk shqetësohet fare nëse i mungon ndonjë ingranazh. Deri para pak Ronaldo ishte fari ndriçues i Realit, tashmë fitorja më e madhe e Zidan është pikërisht lehtësia me të cilën Reali po përballon mungesën e yllit të vet.

Deri mbrëmë gjithçka po ecte në mënyrë perfekte, por mungonte në apel Geret Bejl: uellsiani u kthye fuqishëm, shënoi një gol dhe dha një asist, duke shtuar armët në dispozicion të kampionëve të Europës.

Kasemiro konfirmoi se është një lojtar kyç në mesfushën e Realit, me një tjetër ndeshje të mirë, kurorëzuar me një gol në pjesën e parë, ndërsa Toni Kros vulosi fitoren pas një ore lojë, me pasim final nga Bejl.

Një skuadër e madhe ka nevojë edhe për një portier të madh dhe Kejlor Navas tregoi se është në vendin e duhur, duke pritur një penallti në minutën e 89-të ndaj Andones. Njolla e vetme, karton i kuq për Sergio Ramos në shtesë, kur mori të verdhën e dytë të ndeshjes për një goditje me bërryl ndaj një kundërshtari në një duel ajror.

Si futbollist ishte fenomen te Reali, por fitoi vetëm 6 trofe si madrilen në 5 sezone, ndërsa askush nuk e imagjinonte në nivele të tilla si trajner, aq më shumë që shkoi te Reali direkt nga të rinjtë e klubit, pa eksperienca të tjera. Prej largimit të Rafa Benitezit dhe ardhjes së francezit Reali është kthyer në një makinë perfekte, që rreshton fitore, gola e rekorde.

Në orët e para të mëngjesit të sotëm Reali ngriti Superkupën e dhjetë në histori, në një El Clasico pa rivalitet. Trofeu i dytë srzonal pas Superkupës së Europës, tani as Kristiano Ronaldo nuk është më i pazëvendësueshëm.

Reali shënon prej 68 ndeshjesh rresht, praktikisht thuajse gjithnjë me Zidan në stol, i cii ka ngritur 7 trofe në 141 ndeshje, një trofe çdo 20 ndeshje.

Pas thuajse një dekade, Barcelona humbi El Clasico-n edhe në zotërim topi dhe Tiki Taka është harruar.

“Është meritë e lojtarëve. Diferenca mes dy skuadrave është te uria, duket sa herë luajmë. Lojtarët e mi kanë talent, por jo vetëm kaq. Ka shumë pas këtij suksesi, duam trofe, në çdo kompeticion. Luajtëm mirë në të dyja ndeshjet, pjesa e parë ishte spektakolare, hymë shumë mirë në ndeshje, ushtrusm presion lart, ashtu si kishim planifikuar. Komplimente djemve, më kënaqën. Tani duhet të punojmë fort për të fituar sërish titullin dhe do të jetë një sezon i gjatë e i vështirë“, deklaroi Zidan pas ndeshjes, duke dhënë një leksion përulësie.

Trajneri Zinedin Zidan shpreson ende që portugezi të zbresë në fushë, pasi Reali ka paraqitur apel urgjent dhe pret përgjigje nesër paradite.

Zidan ka folur sot para medieve dhe është treguar shumë i kujdesshëm me fjalët, por gjithsesi ka lëshuar një batutë polemike: “Diçka nuk shkon”.

“Le të presim, në mëngjes do mblidhet komisioni i Apelit. Jam i zhgënjyer, jemi të gjithë të zhgënjyer, edhe pse nuk dua të komentoj veprimet e arbitrit. Gjithsesi, ju i patë vetë të gjitha, do të flasim edhe me komisionin gjithashtu, sepse diçka nuk shkon nëse Ronaldo dënohet 5 ndeshje. Janë shumë ndeshje dhe ky lloj dënimi më shqetëson shumë. Nuk po paragjykoj askënd dhe nuk shoh ndonjë konspiracion, por 5 ndeshje janë tepër”.