Megjithatë, ka qenë vetë trajneri Zidan që ka zbuluar problemin e vërtetë të uellsianit. Në daljen për shtyp pas humbjes ndaj Totenhem, trajneri francez tha: “Ai nuk udhëtoi me ne, pasi nuk kishte gjendjen e duhur fizike. Pas një diskutimi me doktorët, u vendos që gjëja më e mira ishte që ai të qëndronte në Madrid. Për momentin po stërvitet atje i diferencuar. Vendimi u mor në mënyrë të përbashkët nga lojtari, unë dhe stafi mjekësor”, tha Zidan.

Analizat e mjekësore zbuluan shkallën e rëndë të dëmtimit. Këputje e ligamentit të kryqëzuar dhe traumë në menisk, dëmtime këto që duan mesatarisht 7 muaj kohë për t’u riaftësuar plotësisht.

Trajneri Zinedin Zidan u shpreh shumë i mërzitur për dëmtimin e 23-vjeçarit. Në momentin e shoqërimit me barrelë jashtë fushe Zidan mbuloi sytë me duar, duke mos preferuar të shikonte lojtarin e tij në agoninë e dhimbjeve.

A close look at Asensio's injury that may force Zidane to eat his own words and keep Gareth Bale… pic.twitter.com/B5eIRFeEww

— Bigdawg (@avndon_) July 24, 2019

Më pas gazetarët tentuan të futeshin më thellë kësaj çështje, duke e pyetur se përse një lojtar që ka dhënë aq shumë për klubin, duhet të largohet në këtë mënyrë. Gjithashtu u prek edhe pjesa nëse ka ndonjë çështje personale mes tij dhe yllit uellsian.

Zidan përgjigjet se ka ardhur koha për të vepruar dhe duhet ndryshuar diçka. Shton se nuk ka asgjë personale. ”Nuk është aspak çështje personale. Vjen një moment kur duhet të veprohet. Kam për të marrë vendime dhe ne do bëjmë ndryshime. Do shohim ç’do ndodhë, por nuk është asgjë personale”, deklaroi Zidan.

KUBO – “Mua më ka dhënë përshtypje shumë të mirë. Jam i sigurt që do bëhet një lojtari i rëndësishëm për Realin. Në stërvitje po e përballon mirë ngarkesën e shtuar. Më duket sikur ka shumë kohë që është pjesë e realit, dhe jo vetëm pak ditë”.

HAKIMI – “Ai do të vazhdojë të luajë dhe vitin tjetër të Dortmundi. Është një lojtar i mirë, ne e dimë këtë gjë, por më e mira për të është të luajë në Gjermani ku mund të marrë minuta”.

Gjatë qëndrimit 15-vjeçar te Real Madrid, “gardiani” francez pati shansin të luante dy ndeshje me ekipin e parë në La Liga, ndërsa tani 21-vjeçarit i duhet të provojë veten në “Segunda Divizion” me skuadrën e re.

Debutimi me Rasing ka nisur në mënyrën perfekte. Zidan priti një 11-metërsh në miqësoren e fituar me rezultatin 3 – 0 ndaj CD Guarnizo. Të mbash mbiemrin Zidan në fanellë nuk është një peshë e lehtë. Kritikët do jenë gjithmonë aty për të komentuar çdo gabim të tij, por Luka është mësuar prej disa vitesh me këtë gjë.

“Quiero crecer en el Racing y dar un paso adelante, estoy contento e ilusionado”, Luca Zidane https://t.co/tLmcplY84w pic.twitter.com/Niz8TP0cQ5

— Real Racing Club (@realracingclub) July 11, 2019

Luka iu bashkua akademisë së Real Madrid në moshën 6-vjeçare dhe që nga ai moment ka qenë i pandarë nga ekipi “Los Blancos”.  21-vjeçari ka pasur mundësinë të luajë dy herë me Realin, në të dyja rastet në La Liga.(fitore 3 – 2 ndaj Hueskës dhe barazim 2 – 2 ndaj Vijareal)

Në fjalët e para si lojtari i Rasing Santander, portieri 21-vjeçar tha: Kisha shumë opsione, por Rasing mu duk si oferta më interesante. Dua të rritem te kjo skuadër e shikoj si një hap më lart për karrierën time. Drejtuesit kanë ambicie të mëdha për të ardhmen. Ndihem i lumtur që i jam bashkuar këtij grupi.

Sipas medies spanjolle “La Sexta”, portierit 32-vjeçar i është bërë e ditur se nuk bën pjesë në planet e klubet dhe tani agjenti i tij duhet të futet në punë për t’i gjetur klientit të tij një shtëpi të re pas një qëndrimi pesë vjeçar të Real Madrid, ku luajti rol thelbësor në fitimin e tri trofeve Champions dhe një trofeu të kampionatit spanjoll.

Çelësat e portë së Real Madrid do t’i besohen belgut Tibo Kurtus. Portierët e nivelit të Navas janë të paktë, ndaj kostarikani nuk ka arsye për t’u shqetësuar pasi ofertat për të do të jenë të shumta.

Autorët e golave ishin dy lojtarë që jemi mësuar t’i shohim më së shumti në stol. Sulmuesi nga Republika Dominikane, Mariano Diaz, realizoi një dopietë, ndërsa në emrin në listën e shënuesve e vuri dhe qendërmbrojtësi Hezuz Vajeho.

Ndërkohë, “nëndetësja e verdhë” duhet të vazhdojë të vuajë deri në fund. Kur kanë mbetur edhe dy ndeshje nga fundi i sezonit, Vijareali ndodhet në vendin 15-të me 40 pikë.

Real Madrid 3 – 2 Vijareal
Shënues: Mariano 2, 49’, Vajeho 40’  / Moreno 11’, Kosta 90+4’

Zinedin Zidan nuk është i kënaqur me rendimentin e Luka Modriç dhe po mendon shitjen e tij në merkaton e verës. Sipas trajnerit francez, 33-vjeçari ka arritur maksimumin dhe forma e tij do të jetë në zbritje nga tani e prapa.

Ndryshe mendon klubi. Reali beson shumë te fituesi i “Topit të Artë” dhe nuk ka ndërmend të heqë dorë nga kroati. Interi vazhdon dhe ëndërron që Modriç të zbarkojë në “San Siro” dhe shpreson që krisja me trajnerin Zidan të thellohet akoma edhe më shumë.

As francezët nuk kanë ndërmend të heqin dorë nga shërbimet e fenomenit 20-vjeçar, kështu që… kalojmë të objektivat e radhës. Në skenë qarkullojnë emra si Salah, Dibala, Mane apo Zhoao Feliks. Të gjithë janë lojtarë të mëdhenj, por trajneri francez ka një dëshirë.

Ai quhet Xhejdon Sanço, 19-vjeçari i Dortmundit. Anglezi ofensiv ka “shpërthyer” sivjet, duke shënuar 12 gola në 39 ndeshje në të gjithë kompeticionet. Të shumta edhe asistet e dhuruara për shokët e tij të skuadrës.

Zidan e pëlqen shumë si lojtar dhe është gati t’ia kërkojë Perezit transferimin e tij në Madrid. Problem mbeten kërkesat e larta të verdhezinjve gjermanë. Dortmundi nuk heq dorë lehtë nga ylli i saj dhe kërkon të paktën 160 milionë euro për kartonin e tij.

Bëhet fjalë për Marselon dhe Keilor Navas. Braziliani nuk e njeh më stolin që prej ardhjes së francezit. Të njëjtin fat ka pasur dhe Navas, por siç duket kjo është thjesht një lëvizje shahu për të ulur tensionin në dhomat e zhveshjes.

Sipas medies spanjolle “AS”, portieri nga Kosta Rika i ka ditët e numëruara në Madrid. Plani i drejtuesve të klubit dhe trajnerit Zidan është që t’i besohet si zgjedhje e parë belgut Kurtua, ndërsa Navas do të hidhet në treg.

Loja ishte e barabartë, por vendasit bënë diferencën duke qenë efikas në rastet e tyre. Portugezi Gedesh zhbllokoi takimin me një gjuajte të hidhur që gjeti të papërgatitur porterin Keilor Navas.

Me kalimin e minutave Reali nuk mundi të merrte kontrollin e lojës, ndërsa Valencia “vulosi” fatin e takimit me anë të argjentinasit Garai, i cili çoi shifrat në 2 – 0 në minutën e 83-të. Në sekondat e fundit të takimit Benzema shënon golin e nderit për të tijtë.

Valencia 2 – 1  Real Madrid
Shënues: Gedesh 35’, Garai 83’ / Benzema 90+4

Reali pësoi dy gola në atë takim, por asnjë prej tyre nuk ishte për faj të 21-vjeçarit, ndërsa në fund të 90 minutave madrilenët festuan, kjo falë një paraqitje fenomenale të Karim Benzema.

LUKA ZIDAN – “Jam shumë i gëzuar për të dhe për faktin që debutoi me fitore në “Bernabeu”. Gjithsesi, Luka është portieri i tretë. Tibo nuk ndihet mirë, ndërsa mendova t’i jepja Navasit pak pushim, prandaj i dhashë një shans Lukës. Doli mirë”.

BENZEMA –  “Benzema ka qenë pjesë e Realit për 10 vite dhe po bën shumë mirë. Ndoshta ky është sezoni i tij më i mirë dhe jemi të gëzuar për formën që po kalon ai. Gjithmonë do të mbështetem tek ai. Kemi dhe nëntë ndeshje të mbetura, kjo është gjëja më e rëndësishme për ne, duhet ta mbyllim në një mënyrë të mirë sezonin. Atëherë do të shikojmë çdo të ndodhë, por Karim është pjesë e këtij klubi dhe kjo s’do të ndryshojë”.

I pyetur nëse Asensio dhe Bejl do të largohen, Zidan nuk ngurroi të thotë publikisht se e ardhmja e Asensios është vetëm të “Los Blancos”, ndërsa për Bejl nuk pati asnjë koment. Nurmi 20 i “Galaktikëve” bëri një sezon të shkëlqyer vitin e shkuar, por në këtë sezon aktual, ka qenë shumë larg potencialit të tij.

Megjithatë, Zidan është i bindur se Asensio do të jetë lojtari kyç i Realit të Madridit në sezonin e ardhshëm, ndërsa për Bejl, me shumë gjasa do të rikthehet në Premier Ligë, ku po flitet për një shkëmbim të bujshëm mes tij dhe Kristian Eriksen.

Lajmi është bërë publikuar nga gazetari i medies spanjolle “La Sexta”, më konkretisht nga gazetari i njohur Hoze Pedrerol, i cili është dhe një mik i ngushtë i presidenti të “Los Blancos”, Florentino Perez.

Vendimi do të marrë formë zyrtare pas mbledhjes së kryesisë së Real Madrid ditën e sotme në orën 6 të pasdites.

#ÚLTIMAHORA | Exclusiva Jugones: Zinedine Zidane volverá a ser el entrenador del Real Madrid https://t.co/V6BkOKzUN6

— laSexta Noticias (@sextaNoticias) March 11, 2019

Idhulli juaj? –  Pyetje shumë e lehtë (qesh), babai im sigurisht.

Kur do ta shohim sërish si trajner – “Babai im e dashuron futbollin. Ai do të rikthehet së shpejti, por tani iu duhet të bëjë pak pushim. Drejtimi i Real Madrid ishte një eksperience shumë e bukur për të, por në të njëjtën kohë ishte një punë që i shkaktoi shumë stres dhe lodhje, prandaj i duhet të presim pak sa ai të marrë veten”

Formacioni i ëndrrave ? – Keilor Navas – Karvahal, Varan, Ramos, Marselo, Kros, Modriç, Kante –  Mesi, Benzema, Kristiano

Topi i Artë ?  – Unë mendoj se këtë vit e meriton Luka Modriç. Ai është një njeri fantastik, që prej vitesh luan në nivele shumë të larta. Këtë sezon u paraqit shumë mirë  dhe në kupën e botës. Është një shembull për këdo.

Drejtuesit e “Djajve të kuq” kanë nisur që të mendojnë për një pasues të mundshëm, por kjo javë do të jetë shumë deçizive për Murinjon. Junajtid ka dy ndeshje mjaft të rëndësishme, pasi në mesjavë do të sfidojë Valencian dhe më pas do të ndeshet me Njukasëllin. Nëse vijnë dy fitore atëherë situata mund të qetësohet disi, por nëse nuk vijën dy fitore atëherë tek dera është Zinedin Zidan.

Ish-trajneri i Real Madrid, i cili fitoi tre herë radhazi Ligën e Kampioneve është gati që të marrë drejtimin e Junajtid. Një javë shumë deçizive për të ardhmen e Murinjos që ka një malore të vërtetë para vetes dhe aventura e tij në Mançester mund të jetë në fund. Me tre humbje në kampionat, kjo është nisja më e keqe e Mançester Junajtid në 29 vite në premier Ligë.

Në një intervistë me revistën “Panenka”, Asensio ka folur në imtësi për zhvillimin e tij nga ekipet zinxhirë të Majorkës, tek ekipi i parë dhe më pas te përvoja në Primera Divizion me Espanjolin e Realin.

Këshilla e Zidanit –  “Ai më thoshte përherë të mos e vrisja mendjen për gjërat që përfliteshin jashtë klubit. Kur je pjesë e Realit, je shënjestër për kritika në çdo moment. Zidan u tregua i drejtpërdrejtë, më dha: Fokusohu vetëm te futbolli, ke vuajtur shumë për të arritur deri këtu, mos e hidh poshtë gjithë atë mund”

Emocionet e Bernabeut – “Ndeshjet e Champions-it në Bernabeu më kanë shijuar më shumë se vetë fitimi i finales. Është diçka shumë e veçantë të kesh përkrahjen e të gjithë stadiumit në një momente të tilla, ai moment e bën të gjithë skuadrën me krahë. Është një ndjesi e mahnitshme” , përfundoi Asensio.

ÇELËSI I SUKSESIT ? – “Besimi i palëkundur te filozofia ime e futbollit dhe përçimi i kësaj filozofie te lojtarët e mi, pavarësisht kundërshtarit që kemi përballë”

HUMBJA NDAJ JUVENTUSIT – “ Ndodhi për shkak se kujtuam se gjithçka kishte mbaruar pas ndeshjes së parë. Kjo është e bukura e futbollit, edhe në nivelet më të larta. Duhet që gjithmonë të jesh i përqendruar në maksimum te plani i lojës, pavarësisht avantazhit që mund të kesh para takimit”.

BENZEMA? – “Ai është një lojtar shumë i rëndësishëm, i cili na ndihmonte të mbanim ekuilibrin gjatë fazave sulmuese. Një ndër ato futbollistë që punon vetëm skuadrën, duke ndihmuar shokët e ekipit në të gjithë aksionet tona”

Skuadra dhe trajneri

“Ne jemi Real Madridi dhe nuk diskutohet që kemi një skuadër fantastike për të vazhduar ëndrrën. Trajneri? I shkëlqyer, ndër më të mirët. Më saktë, ideali për ne. Me të do të fitojmë sërish trofe”, kanë qenë fjalët e presidentit Perez, i cili nuk ndihet “i tradhtuar” nga Sergio Ramos me shokë. “Të gjithë e dinë se jemi një nga skuadrat më të mëdha të historisë së futbollit, të tjerët na shohin si pikë referimi. Nëse nuk do të kishim qenë të bashkuar, nuk do t’i kishim kaluar kurrë ditët e vështira. Kjo ka bërë që të tjerët të marrin shembull dhe të na admirojnë”.

Sezoni

I pyetur për sezonin aktual, Perez theksoi se me Ronaldon Reali mund t’i arrijë objektiat. “Vitin 2017 do ta mbajmë mend jo vetëm për kampionatin dhe Champions-in, por edhe për Superkupën e Spanjës dhe atë të Europës. Dihet se Zidan është lideri i vërtetë i këtij ekipi, por Ronaldo është simboli i Real Madridit. Ai edhe këtë vit do ta fitojë “Topin e Artë”, i pesti për të, sepse e ka merituar me të gjitha ato që ka bërë për ne gjatë këtij viti”.

Ai ishte si kandidat bashkë me Antonio Konten (Çelsi) dhe Masimiliano Alegrin (Juventus, finalist i Champions League) për çmimin prestigjioz.

“Faleminderit shumë, ky është një nder i veçantë për mua. Do të doja të falënderoja lojtarët të cilët e kanë bërë të mundur këtë arritje për mua”, ishin fjalët e legjendës së futbollit.

“Rivalët kanë lojtarët e duhur për të luajtur me cilësi. Duam të vazhdojmë me atë që jemi duke bërë, të fitojmë me lojë të bukur, që është më e rëndësishmja për ne. Nëse luajmë mirë dhe zbresim në mënyrën e duhur në fushë, do të kemi shumë shanse për të fituar”, – e nisi dje ai konferencën për shtyp.

Asensio – I pyetur për rinovimin e Marko Asensios, Zidan komentoi: “Ai duket shumë i përulur dhe i saktë, i afërt me skuadrën. Stërvitet çdo ditë me Kristianon dhe mëson prej tij. Sigurisht, më gëzon fakti që ka firmosur.”

Ronaldo – Duke respektuar raportin klub-lojtar, trajneri foli edhe për rinovimin e pritshëm të Ronaldos. “Ajo që më intereson më shumë është ajo që ndodh në fushë. Pra, dua që Ronaldo të luajë dhe të shënojë. Pjesa tjetër nuk më takon mua. Mendoj se ai nuk do të ketë asnjë problem me rinovimin. A mund të luajë Bejl? Do e shihni nesër (sot). Mund të jetë. Treshja e sulmit nuk më shqetëson. Për pak kohë do t’i kemi të gjithë në dispozicion”.

Stadiumi – I pyetur për problemet me tifozët në “Santiago Bernabeu” në ndeshjet e fundit, Zizuja u përgjigj: “Tifozët janë këtu për një jetë të tërë. Nuk duam ta ndryshojmë këtë. Nuk mund të mendosh që nuk na pëlqen të luajmë këtu, sepse nëse mund të luanim këtu gjithmonë, të gjitha ndeshjet, do të ishte shumë-shumë më mirë. Dakord, kemi humbur pikë në La Liga, por mund ta ndryshojmë këtë statistikë në ndeshjen e nesërme (sotme), në të cilën duam të fitojmë. Ne i duam tifozët tanë dhe, si unë, ashtu edhe e gjithë skuadra, duam të luajmë në këtë stadium”.

Rinovimi – Për sa i përket kontratës së tij, dihet se Zidan ka një kontratë të re, por ai nuk i shtoi bujë vendimit që ishte njoftuar që në verë. “Nuk do të ketë një akt ceremonial. Jam këtu çdo ditë. Thjesht jam prezantuar si trajner këtu dhe ka mbaruar. Mos prisni fishekzjarre”.

“Ditë pas dite përfshihem në këtë punë të vështirë, ku duhet të jesh gati gjithmonë për të performuar. Nuk ndiej presion. Kontrata? Është punë e kryer”, – u shpreh francezi. “Ndaj Betisit do të luftojmë shumë për 90 minuta. Ne mendojmë shumë dhe kemi punuar për të qenë më intensivë në sulm. Po e arritëm këtë, mund të mposhtim çdo skuadër”, – shtoi ai.

Zidan u shpreh i kënaqur për rikthimin e yllit të skuadrës, Kristiano Ronaldo. Ai shpreson se kjo do të jetë hera e fundit që skuadra do të zbresë në fushë pa të. “Sinqerisht, shoh se Kristiano është i lumtur, sepse ajo që atij i pëlqen është të luajë dhe të jetë me ekipin. Ai po kthehet dhe na gëzon shumë fakti që do ta shohim në fushë”.

Për sa i përket Geret Bejlit, i cili në ndeshjen e fundit gjeti golin e shumëpritur dhe fitoi disi besimin e tifozëve, Zidan theksoi se uellsiani është i rëndësishëm, sidomos prej shpejtësisë dhe dinamikës që ka. “Mendoj se nuk është e gabuar të thuhet se kur ka hapësirë, Geret mund të dëmtojë çdo skuadër për shkak të shpejtësisë që ka. Për ne ai ka vlera të mëdha, na duhet në çdo rast”.

“Zizuja ka pasur një ndikim të madh në fitimin e trofeve. Për mua, personalisht, nuk ka pasur aq shumë ndikim, sepse njihemi prej kohësh dhe më ka këshilluar gjithmonë. Me të kam fituar vetëbesim. Ai është i durueshëm, i qetë dhe di të japë këshilla të mira. Gjithashtu është shumë i rëndësishëm në dhomat e zhveshjes me fjalët e tij. Ai flet shumë me lojtarët. Ne jemi të vëmendshëm ndaj tij. Ai padiskutim që është një shembull i suksesit për të gjithë, si lojtar ose si trajner. Mund të jesh me fat një herë, por jo gjithmonë. Trofetë me të nuk i kemi fituar me fat në kohën e fundit”, – ka deklaruar francezi.

Gruaja – Së fundmi, trajneri i Real Madridit ka qenë i ftuar në ceremoninë festive te 40-vjetorit te themelimit të programit francez “Telefoot”. Mes të tjerash, në intervistë Zizuja theksoi se ia dedikon gjithçka bashkëshortes së tij, prej të cilës ka përfituar shumë. “Ajo është ende gruaja ime e bukur. Më në fund kam mundësinë të flas për këtë temë, pikërisht sot. E dini? Ne jemi gjithmonë së bashku, kemi jetuar jetën tonë me njëri-tjetrin, pa ndalesa, pa ndarje. Shtigjet tona janë lidhur dhe kjo është gjëja më e bukur”, u shpreh Zidan. Kampioni i dyfishtë i Evropës gjithashtu theksoi se ata të cilët duan të krijojnë familje duhet të përpiqen ta bëjnë atë të funksionojë. Ai u mbyt në lot kur pa një dokumentar të realizuar për jetën e tij. Pas mbarimit të videos, tekniku theksoi se mban mend të mirat, jo të këqijat.

Prindërit – 45-vjeçari foli edhe për nënën dhe babain e tij, të cilët, sipas komenteve të tij, kanë qenë gjithmonë udhërrëfyes. “Babai im është shembull për mua. Kur të bëhesh prind, kur të kesh një jetë profesionale dhe një jetë të mirë, mendoj se e ke bërë mirë punën tënde. Ata na kanë edukuar mirë”, deklaroi francezi.

Materaci – Zidan nuk mund të mos fliste për goditjen me kokë ndaj Materacit në finalen e Kampionatit Botëror të vitit 2006. Nëse ish-mesfushori nuk do ta humbte durimin, ndoshta ajo ndeshje do të mbyllej ndryshe. Zizuja e pranoi se nuk ndihet krenar për atë veprim, por tashmë ka kaluar.  “Nuk jam krenar për këtë gjest, u kam kërkuar falje të gjithëve, por është pjesë e karrierës sime, jetës sime. Kam përshtypjen se është një nga ato gjëra që nuk janë të mira, por që duhet t’i pranosh dhe kaq”, përfundoi strategu.

E përditshmja sportive “Marca” raporton se pas një analize të gjatë nga stafi teknik i klubit, është vendosur që 32-vjeçari këtë sezon të luajë në qendër dhe të ketë partner Karim Benzemanë, të preferuarin e tij. Pra, kampionët e Evropës do të rreshtohen me sistemin 4-4-2, që i lejon portugezit të luajë më pranë portës, pra të shënojë më shumë, dhe të kursejë energji duke vrapuar më pak.

“Marca” shkruan me bindje se trajneri Zinedin Zidan ka zhvilluar një bisedë me Ronaldon dhe e ka bindur për të ndryshuar rolin e tij në skuadër. Ashtu siç pritej, sepse është logjike, Ronaldo ka pranuar sugjerimin. Ai mendon se kështu mund të shënojë më shumë, por edhe mund të ndihmojë ekipin.

“Parisienët kanë blerë një lojtar që ndonjëherë mund të jetë kapriçioz. Për mendimin tim, Barcelona është një ekip më i mirë pa Nejmarin pjesë të saj”, – është shprehur mjeshtri i madh i taktikës.

I pyetur për suksesin e viteve të fundit të Real Madridit, ai është përgjigjur: “Si trajner, ndikimi i Zinedin Zidanit te Real Madridi është i krahasueshëm me atë të Pep Guardiolës te Barcelona. I shoh si dy raste të ngjashme, ish-lojtarë të palodhur, që kanë luajtur në mesfushë dhe nga atje formohet çdo gjë. Zizu shpresoj të fitojë sa më shumë tituj. Reali i tij është ekipi më i mirë në kontinent.”