zhuninjo

VIDEO | Autogoli më spektakolar, çfarë po mendonte braziliani?

Sport Ekspres — Sun, 21 Jul 2019 20:13:51 +0000

Të gjithë e mbani mend Zhuninjon, legjendën braziliane që i ka dhënë futbollit një numër të madh kujtimesh të bukura dhe golash nga goditja e dënimit. I konsideruar si gjuajtësi më i mirë i goditjeve të dënimit, Zhuninjo i kaloi vitet më të mira të tij si lojtar i Lionit në Francë, në vitet kur ky ekip ishte në majën e futbollit francez dhe kompetitiv në Europë.

Futbolli brazilian ka nxjerrë në treg shumë Zhuninjo të tjerë, por asnjë nuk ka shkuar në nivelin e legjendës së Lionit. Madje, Zhuninjo Kaerense, 33-vjeçari i Fortalezës në Brazil, është bërë i famshëm për arsyet e gabuara.

Në takimin kundër Atletiko Mineiros, Zhuninjo shënoi një super autogol, nëse ekziston një fjalë e tillë, duke mposhtur portierin e tij nga 50 metra distancë. Një tentativë për të kthyer topin mbrapa, pa përfunduar në rrjetë, duke shtangur të gjithë stadiumin. Pas disa sekondash “pause”, kanë shpërthyer të qeshurat në stadium, si dhe festa e tifozëve të Atletikos.

E que GOLAÇO CONTRA fez o Juninho no Independência…

Atlético 1×0 Fortaleza pic.twitter.com/EnG4FlZuDr

— HTE Sports (@HTE__Sports) July 21, 2019

Revolucion brazilian te Lioni, presidenti Olas rikthen legjendën e klubit në Francë

Sport Ekspres — Mon, 20 May 2019 16:26:08 +0000

Presidenti i Lionit Zhan-Pol Olas ka habitur duke i besuar “frerët” e klubit të tij dyshes së ish-futbollistëve brazilian Silvinjo dhe Zhuninjo. Ky i fundit rikthehet në klubin ku gëzon statusin e një legjende. Zhuninjos i është besuar posti i drejtorit teknik, rol ky që e vendos në krye të strategjisë së merkatos së Lionit.

Ish-lojtari i Barcelonës, Silvinjo është emëruar trajneri i ri skuadrës duke pasuar Bruno Zhenesion, i cili pritet që së shpejti të fillojë punën në një klub të Premier League.

Silvinjo

Silvinjo nuk ka punuar kurrë si trajneri i parë, por në dekadën e shkuar ka fituar eksperiencë të çmuar si zëvendës-trajneri i Roberto Mançinit tek Interi dhe më pas në të njëjtin rol te Brazili duke asistuar teknikun Tite. Të dyja lëvizjet shihen si baste të rrezikshme, por tashmë vendimi është marrë.

Zhuninjo

Mesi specialist i goditjeve të dënimit, por “mbreti” është një brazilian

Sport Ekspres — Fri, 05 Apr 2019 15:41:14 +0000

Lionel Mesi vazhdon të mrekullojë botën me bëmat e tij në fushën e bletë. Gjatë viteve të fundit “pleshti” është shndërruar në një ekspert të goditjeve të dënimit, duke shënuar më shumë se kushdo në majën e futbollit botëror.

Gjatë karrierës së tij si futbollist profesionist, Mesi, ka shënuar 48 gola me goditje dënimi. Në një studim të bërë nga revista franceze “Onze Mondial”, Mesi mban vendin e 13-të përsa i përket renditjes së përgjithshme të golave të shënuar nga goditjet e dënimit.

Si për ironi mbi të është Kristiano Ronaldo, i cili ka regjistruar 53 gola, por duhet thënë se në shtatë vitet e fundit portugezi ka pësuar një regres të frikshëm, duke shënuar vetëm 10 goditje dënimit, ndërsa në të njëjtën kohë Mesi ka realizuar më shumë se dyfishin e Luzitanit: 24.

Voici le classement des joueurs ayant inscrit le plus de coups francs en carrière ! ? pic.twitter.com/DEOS1bNob8

— Onze Mondial (@OnzeMondial) April 5, 2019

Tri vendet e para të listës i mbajntë tri brazilianë: Ronaldinjo (66), Pele (70) dhe Zhuninjo me një rekord prej 77 golash, ky i fundit njihet si një eksperti numër një i goditjeve të dënimit në të gjithë historinë e futbollit. Janë të shumta rastet kur braziliani nderonte Lionin ose Brazilin me ekzekutime perfekte. Largësia nga porta nuk përbente problem për Zhuninjon, ai dinte gjithmonë si të gjente rrugën e rrjetës.