Zhoao Mario

Gabova rëndë, mesfushori i kërkon falje tifozëve “zikaltër”

Sport Ekspres — Wed, 06 Mar 2019 12:40:03 +0000

Zhoao Mario ka bërë një gabim ndaj tifozëve dhe skuadrës zikaltër dhe për këtë ai ka kërkuar falje publike. Portugezi qe transferuar nga Interi, tek skuadra e Uest Ham në merkaton e janarit të sezonit kaluar, ku kaloi edhe gjysmën e sëzonin tek skuadra londineze për t’u kthyer në verë përsëri në Milano.

Mesfushori pati shpërthyer kundrejt skuadrës italiane, duke deklaruar se s’do të kthehej më dhe se lojtarët që po largoheshin nga Sportingu duhej me patjetër t’a shmangnin futbollin Italian.

I intervistuar nga “Calcio 2000”, 26-vjeçari u shpreh i penduar për deklaratat e tij. Ai është kthyer në “San Siro”, ku ka bërë paraqitje relativisht të mira duke regjistruar 14 ndeshje, 1 gol dhe 2 asiste si “zikaltër” këtë sezon.

“Natyrisht më vjen keq. E kam kuptuar gabimin tim. Unë duhet ta respektoj një ekip si Interi,që ka shpenzuar aq shumë për të nënshkruar me mua, dhe jam shumë i lumtur që më është dhënë një shans i dytë këtu.”

“Tifozët e Interit ishin gjithashtu të rëndësishëm. Për ta unë isha një idhull,por dhe një lojtar i keq. Do të ishte mirë po të gjeja ekuilibrat e duhur. Në Angli tifozët janë shumë të qetë. Preferoj ngrohtësinë e tifozëve tanë.”,përfundoi Zhoao ndjesën e tij

Beshiktash me plan konkret për të bindur Zhoao Marion

Sport Ekspres — Wed, 29 Aug 2018 09:43:08 +0000

Zhoao Mario është jashtë planeve të trajnerit Spaleti dhe mesfushori portugez është në kërkim të ndonjë ekipi. Nuk përjashtohet mundësia që ai të qëndrojë në Milano, por edhe nëse kjo gjë ndodh, do të jetë shumë e vështirë për të që të luajë.

Një sinjal ka ardhur nga kampionati turk i futbollit. Beshiktashi është i interesuar për shërbimet e 25-vjeçarit. Drejtuesit turq kanë përfshirë në ketë tratativë dhe mbrojtësin Pepe.

Të dy lojtarët janë pjesë e Portugalisë dhe Pepe mund të arrijë t’i mbushë mendjen Zhoao Marios për të pranuar ofertën e Beshiktashit dhe për t’u transferuar në Stamboll.

Zhoao Mario refuzon Çelsin, arsyeja është e çuditshme!

Sport Ekspres — Thu, 09 Aug 2018 16:44:42 +0000

Mbas mbarimit të huazimit tek Uest Hemi, Zhoao Mario është rikthyer në Milano. Portugezi nuk është në preferencat e teknikut Spaleti dhe Interi po kërkon blerës për 25-vjeçarin.

Lojtari pëlqehej në ishull dhe klubi i Çelsit është interesuar për shërbimet e tij, por portugezi ka refuzuar. I çuditshëm shkaku i refuzimit. Mesfushori nuk preferon teknikët italianë dhe në stolin e “Bluve” të Londrës është Mauricio Sarri.

Siç citon “FcInternews.it”, kampioni i Europës në fuqi ka vendosur të mos punojë më me trajnerë italianë. Shkaku? Metodat e shkollës italiane të trajnimit janë të paqëndrueshme dhe plot rregulla.

Diçka jashtë preferencave të portugezit, i cili ka refuzuar Çelsin dhe pret oferta të tjera, por në stolin e klubit që kërkon shërbimet e tij, trajneri nuk duhet të jetë… italian