Zhoao Kanselo

E kryer | Kanselo është i Sitit, Danilo vishet bardhezi

Sport Ekspres — Mon, 05 Aug 2019 08:10:07 +0000

Mediet italiane e bëjnë të kryer. Zhoao Kanselo do të jetë lojtari më i ri i Mançester Sitit. Portugezi është i parapëlqyeri i Guardiolës dhe më në fund spanjollit i plotësohet dëshira. Në këtë marrëveshje do të përfshihet edhe Danilo.
Mbrojtësi do të transferohet te Juventusi. Anglezët do të japin edhe 30 milionë euro në mënyrë direkte. Kësaj shifre do i shtohen edhe 5 milionë të tjerë në formë bonusesh. Akordi është arritur me të gjitha palët dhe të dy lojtarët janë dakort me kontratat e reja.

Nga ky operacion bëhen të gjithë të lumtur. Danilo ndryshon ambient dhe ka mundësinë e fillimit të ri. Kanselo do të ketë më shumë detyra sulmuese te Siti dhe do shkojë në një skuadër, që i përshtatet stilit të tij. Ndërkohë Siti largon një lojtar të padëshiruar dhe Juventusi arketon një dorë të mirë parash.

VIDEO | Juve e ka lënë mes “katër rrugëve”, Kanselo reagon kështu

Sport Ekspres — Sun, 21 Jul 2019 08:19:25 +0000

Zhoao Kanselo megjithëse është një nga më të mirët në pozicionin e tij, nuk preferohet nga Juventusi. Prej më shumë se një muaji vërshojnë lajmet për shitjen e tij, me Barcelonën dhe Mançester Sitin që e mirëpresin.

Juventusi ka në plan të dalë me xhepat plot nga largimi i portugezit dhe kërkon të paktën 55 milionë euro. Një çmim që i ka bërë blerësit të tërhiqen. Pra, Juventusi nuk e dëshiron më në skuadër, por akoma bën rezistencë.

E gjithë kjo ndikon drejtpërdrejt në gjëndjen psikologjike të Kanselos dhe kjo është normale. Ditën e djeshme është publikuar një video me pamje nga stërvitja e ekipti bardhezi. Kanselo qëndron disi i veçuar nga shokët dhe ç’është më e rëndësishmja, ai ecën ndërkohë që kolegët bëjnë nxemjen me ushtrime të ndryshme.

? Warm-up mode ?#MeetTheWonder pic.twitter.com/4dBJyu7vGD

— JuventusFC (@juventusfcen) July 20, 2019

Guardiola “çmendet” pas Kanselos, kjo ofertë është e parezistueshme

Sport Ekspres — Tue, 09 Jul 2019 16:23:34 +0000

Juventusi prej kohësh e ka nxjerrë në shitje Kanselon dhe është gati ta lëshojë nëse vjen oferta e duhur. Pep Guardiola e do me patjetër te Mançester Siti. Kanselo ka aftësi shumë të mira teknike dhe kjo është ajo çka kërkon tekniku spanjoll.
Deri tani Juventus ka rezistuar ndaj ofertave të “Qytetarëve”. Megjithatë, oferta me fundit duket se do e bëjë klubin bardhezi “të shkrijë”. Siç raporton “La Gazzetta Dello Sport”, anglezët kanë bërë gati 55 milionë euro për të sjellë Kanselon në “Etihad Stadium”.

Kjo shifër do të ndahet me 50 milion në dorë dhe dhe 5 milionë të tjera do të jepen nëpërmjet bonuseve lehtësisht të arritshme nga lojtari. Me ardhjen e 24-vjeçarit luzitan, Siti bëhet me tre mbrojtës të djathtë. Gjithsesi, me shumë mundsi Danilo do largohet. Kajli Uoker dhe Kanselo do luftojnë ashpër për t’i mbushur mendjen Guardiolës.

Kuadrado prish planet e Juves, Kanselo mbetet në Torino

Sport Ekspres — Sat, 06 Jul 2019 14:27:44 +0000

Ndërsa ishte gati i larguar nga klubi, e ardhmja e Zhoao Kanselos mund të marrë një rrjedhë tjetër për shkak të Huan Kuadrados. Sipas “Tuttosport”, kolumbiani është shumë pranë transferimit në Kinën e largët. Drejtuesit e Shangai Shenua kanë vënë në tavolinë 15 milionë euro për Juventusin dhe një ofertë të parezistueshme për lojtarin.
E gjithë kjo pritet të sjellë largimin pas katër vitesh të Kuadrados, kohë kur erdhi nga anglezët e Çelsit. Largimi i mesfushorit pritet të pasohet nga qëndrimi i Kanselos. Në rast të shitjes së portugezit, Sarri kishte propozuar kthimin në rolin e mbrojtësit të majtë për Kuadradon. Me ikjen e tij anullohet plani dhe Kanselo pritet të jetë në Torino edhe sezonin e ardhshëm.

Për të interesohen Mançester Siti dhe Barcelona. Kohët e fundit negociatat me klubin anglez nuk po evolojnë. Kjo për shkak të kërkesave të larta që kanë drejtuesit e “Zonjës”. Paratiçi kërkon 60 milionë euro për 24-vjeçarin. Edhe Barcelonës si duket do i duhet të mbajë me pahir Semedon, pasi alternativa e luzitanit tjetër bie.

Guardiolën e shqetëson Barça, hyn në garë për objektivin e Sitit

Sport Ekspres — Fri, 05 Jul 2019 06:43:09 +0000

Zhoao Kanselo është i zgjedhuri për të gjeneruar të ardhura nga shitja e tij në Torino. Ish-interisti është zyrtarisht në merkato, me Mançester Sitin si favorit për shërbimet e portugezit. Në fakt deri tani “Qytetarët” nuk ishin shqetësuar nga askush dhe ishin të vetmit në garë për mbrojtësin e djathtë.
Por jo më. Mediet e mëdha evropiane raportojnë se Barcelona ka hyrë seriozisht në garë për të siguruar shërbimet e Kanselos. Katalanasit kanë natyralizuar Serxhi Roberton në atë rol prej vitesh. Ndërkohë, Semedo ka kërkuar largimin dhe mund të përfshihet në tratativat për të sjellë Grizman.

Kështu, Kanselo do ishte një opsion perfekt për Barçën, duke parë edhe karakteristikat e 24-vjeçarit. Portugezi me stilin e tij mund të përshtatet mjaft lehtë me lojën e Barçes. Mbetet për t’u parë se cila mundësi e tundon më shumë luzitanin. Juventus kërkon të paktën 55 milionë euro.

Semedo do largimin, ardhja e një luzitani e liron nga “zinxhirët”

Sport Ekspres — Thu, 04 Jul 2019 19:44:55 +0000

Nelson Semedo është objektivi kryesor i Atletikos së Madridit. Largimi i Huanfran ka lënë një hapësirë të madhe boshe dhe portugezi i Barcelonës është i zgjedhuri i teknikut Simeone. Lojtari është i pakënaqur me mënyrën e trajtimit nga ana e bashkëlojtarëve dhe trajnerit Valverde e kështu ka kërkuar largimin nga “Camp Nou”.
Barcelona nuk e ka në shitje mbrojtësin dhe deri tani i ka refuzuar kërkesat e tij për t’u larguar. Megjithatë, lëvizja e fundit e katalanasve ka bërë që të hidhen dyshime mbi të ardhmen e Semedos. Siç raportojnë mediet spanjolle, Barça është në garë për Zhoao Kanselon. Përfundimi me sukses i këtij operacioni do të ishte çelësi, që hap derën e largimit për Semedon.

Luzitani ka shfaqur një formë mjaft të mirë dhe në shumë raste ka qenë në një nivel më të mirë se Serxhi Roberto. Gjithsesi, kurrë nuk e ka bindur Valverden se mund ta mbajë peshën e një poicioni aq delikat. Insistimi i vazhdueshëm për t’u larguar mund të pranohet nga Barça. Një nga opsionet, është përfshirja e tij ne operacionin për të sjellë Grizman në Barcelonë. Barça e vlerëson 25-vjeçarin 50 milionë euro.

Buzëqesh Juventusi, rriten kërkesat për mbrojtësin

Sport Ekspres — Tue, 02 Jul 2019 17:28:54 +0000

Zhoao Kanselo duket se është i destinuar për t’u larguar nga “Allianz Stadium” këtë verë. Mbrojtësi është nxjerrë në shitje nga drejtuesit dhe interesi për të nuk ka sesi të mungojë. Mançester Siti është klubi që ka shfaqur seriozitetin më të madh për yllin portugez.
Sipas “Tuttomercatoëeb”, klubi anglez ka bërë ofertën e parë zyrtare në drejtim të “Zonjës”. “Qytetarët” janë gati të derdhin plot 54 milionë euro për mbrojtësin e djathtë. Një propozim mjaft i madh, por që nuk i kënaq plotësisht drejtuesit torinezë. Objektivi i tyre është të arketojnë të paktën 55 milionë euro më shitjen e Kanselos.

Një lajm i mirë mbërrin sot për ta. Bajerni i Mynihut është futur në garë për yllin portugez. Bavarezët e pëlqejnë shumë profilin e luzitanit dhe janë gati të hyjnë në “betejë” me ofertën e parë zyrtare. Kjo situatë është një favor i madh për Juventusin. Shtimi i interesit për mbrojtësin rrit edhe më shumë vlerën e tij.

Largohet një rezervë, Guardiola një thes me para për yllin portugez

Sport Ekspres — Tue, 04 Jun 2019 18:28:58 +0000

Danilo është shumë pranë largimit nga Mançester Siti. Braziliani nuk ka arritur ta gjejë veten te “Qytetarët” dhe si pasojë as në formacionin e parë të Guardiolës. Ky fakt e shtyn 27-vjeçarin drejt një klubi ku do të kishte më shumë minuta në këmbë. Largimi i tij nuk është pa pasoja për Sitin.
Në krahun e djathë të difensivës do të mbetej vetëm Kajli Uoker. Kështu sipas medieve angleze, klubi anglez ka gati 50 milionë paund për të sjellë Zhoao Kanselon në “Etihad Stadium”. Mbrojtësi i Juventusit zhvilloi një gjysmë të parë sezoni të mrekullueshme, për t’u lënë më pas në hije nga Alegri.

Ky fakt e ka lënë të zhgënjyer portugezin dhe largimi është shumë pranë. Loja e tij do të përshtatej shumë me stilin e Guardiolës. 24-vjeçari është i aftë të mbulojë të dyja fazat e lojës. 50 milionë paund janë një shifër shumë tunduese për Juventusin, që ka treguar se nuk i reziston të tilla ofertave.

Zhoao Kanselo

Juventusi nis pushimet, portugezi drejt sallës së operimit

Sport Ekspres — Tue, 21 May 2019 09:35:32 +0000

Juventusi ka qenë me shumë fat këtë sezon, pasi nuk ka vuajtur shumë nga dëmtimet. “Zonja” ka një organikë të pasur lojtarësh dhe thuajse të gjithë kanë qenë në dispozicion të Alegrit. Megjithatë, në këtë fund sezoni, bardhezinjtë po shqetësohen nga një dëmtim i portugezit Zhoao Kanselo.

Ky i fundit bëri një sezon të shkëlqyer me Juventusin dhe konsiderohet si një nga mbrojtësit e krahut më të mirë në botë. Portugezi është i aftë të luajë në të dy krahët e mbrojtjes dhe në kampin bardhezi, shpresojnë që dëmtimi i tij të mos jetë serioz.

Juventusi konfirmoi në “Twitter” se Kanselo do t’i nënshtrohet një operacioni: “Skuadra do të pushojë deri ditën e premte, ndërsa Zhoao Kanselo do t’i nënshtrohet operacionit për një dëmtim në hundë”, shkruhej në njoftimin e kampionëve të Italisë.

Pabesi nga Instagrami, Kanselo ka një problem me Alegrin

Sport Ekspres — Wed, 24 Apr 2019 14:41:15 +0000

Raporti midis Zhoao Kanselos dhe trajnerit Masimiliano Alegri mund të ketë pësuar një krisje të fortë. Trajneri livornez e la në stol mbrojtësin në ndeshjen e çerekfinales së Champions-it ndaj Ajaksit, ku i besoi vendin në formacion bashkëkombësit të tij Matia De Shiljo.

Së fundmi një veprim i futbollistit portugez në rrjetin social “Instagram” lë pak vend për dyshime për situatën e tensionuar midis palëve.

Kanselo ka pëlqyer një koment të bërë nga një përdorues, i cili shkruante “Alegri Out” (Alegri jashtë). Lajmi ka bërë bujë në mediet italiane, ndërsa ende nuk ka një reagim nga ana e lojtarit.

Kanselo: Të gjithë e admirojnë Ronaldon, edhe Kielini kërkon t’i ngjajë!

Sport Ekspres — Mon, 05 Nov 2018 11:27:14 +0000

Zhoao Kanselo u transferua gjatë verës nga Interi te Juventusi dhe mbrojtësi i djathtë po justifikon besimin e drejtuesve bardhezi. Portugezi është një nga lojtarët më të dalluar të ekipit të Juventusit në këtë fillim sezoni dhe po i bën të gjithë për vetë.

Kanselo ka folur për “Gli Amici di Simao” për ekipin e tij të ri dhe për patriotin Kristiano Ronaldo. Pesë herë fituesi i “Topit të Artë” po i mahnit të gjithë, madje dhe gardën e vjetër që e shohin me admirim 33-vjeçarin dhe shpresojnë që ai të jetë personi i duhur për të udhëhequr Juventusin drejt fitimit të Champions Ligës.

“Të gjithë lojtarët e Juventusit e shohin me admirim Kristiano Ronaldon. Edhe ata me përvojë si Kielini do të donin të ishin si ai. Kristiano është një lojtar i pabesueshëm dhe punon shumë. Benfika? Tani jam në një nga klubet më të mëdha në Europë. Sigurisht, 60 mijë tifozët e ‘Da Luz’ më mungojnë”, përfundon 24-vjeçari portugez.

Super Kanselo, por e frenon Dani Alvesh: Askush si unë!

Sport Ekspres — Fri, 26 Oct 2018 10:35:56 +0000

Transferimi i Kristiano Ronaldos te Juventus u cilësua si “blerja e shekullit”, por një tjetër afrim te bardhezinjtë po mahnit me paraqitjet dhe lojën e zhvilluar. Flasim për një tjetër portugez, Zhoao Kanselon, i cili ka si menaxher Horge Mendez, në të njëjtën kohë dhe menaxheri i Ronaldos.

24-vjeçari i krahut të djathtë të mbrojtjes u ble nga Interi dhe është një nga më të dalluarit e ekipit të Alegrit në këtë fillim sezoni. Kanselo është i fortë në mbrojtje dhe shumë aktiv në fazën ofensive. Ndonjëherë del në sulm më shumë sesa shoku i repartit të avancuar dhe kjo gjë e ka bërë të krahasohet me Dani Alvesh.

Braziliani u zbulua nga ekipi i Seviljes, pushtoi botën me Barcelonën, luajti një vit me Juven dhe tani është pjesë e PSG. Ai ka qenë dhe mbetet një nga më të mirët në rolin e vet në këto vite. 35-vjeçarit nuk i kanë mbetur dhe shumë vite karrierë, por ai mendon se është akoma më i miri në rolin e tij. “Jo! Askush nuk është si unë!”, shprehet Dani Alvesh në rrjetet sociale, në një postim qyq e krahasonin Kanselon me të.

No! Like me don’t have! ? https://t.co/kiglBQF3r6

— Daniel Alves (@DaniAlvesD2) October 25, 2018