Zhirona

VIDEO | Pas Valencias bie edhe Sevija, fitore jetike për Zhironën

Sport Ekspres — Sun, 28 Apr 2019 14:03:49 +0000

Sevija ka bërë një hap pas për objektivin Champions. Ekipi andaluzian është mposhtur në transfertën e Zhironës dhe Getafe ka shansin për t’u shkëputur në vendin e katërt.

Një gol i Portu pas një ore lojë vendosi fatet e kësaj përballje. Tre pikë të arta për vendasit, të cilët ngjiten në kuotën e 37 pikëve, duke parakaluar Vajadolidin. Zhirona për momentin është e shpëtuar.

Ndeshja ishte shumë e luftuar, por nuk pati shumë raste të pastra për shënim. Momenti kyç ishte minuta e 60-të. Kundërsulm i Zhironës dhe pasime të bukura mes lojtarëve. Në fund është Portu që shënon dhe tifozët në ekstazë. Ndeshjen e radhës Zhirona udhëton drejt Getafes, ndërsa Sevija pret Leganesin në shtëpi.

VIDEO | Barcelona humbet trofeun rajonal, festë ka vetëm për Zhironën

Sport Ekspres — Wed, 06 Mar 2019 21:32:28 +0000

Përballja e Superkupës se Katalonjës midis Barcelonës dhe Zhironës është fituar nga këta të fundit me rezultatin minimal 1 – 0. Golin e vetëm të Zhironës e shënoi uruguaini Stuani me anë të një 11-metërshi.

? El @GironaFC fa història en conquerir per primera vegada la Supercopa de Catalunya. Enhorabona, campions! ?? https://t.co/aTNme02dx8 #SupercopaCAT pic.twitter.com/bpf3ux2Tgw

— Federació Catalana de Futbol (@FCF_CAT) March 6, 2019

Barcelona në këtë takim vinte e pamotivuar dhe këtë e dëshmonte qartësisht formacioni i katalansve që ishte i përbërë në pjesën dërrmuese nga lojtarë të ekipit B dhe akademisë së klubit.

VIDEO | Simeone flet mbas eliminimit : Ja ç’ndodh kur luajmë bukur

Sport Ekspres — Wed, 16 Jan 2019 21:20:52 +0000

Atletiko Madrid është eliminuar nga Kupa e Mbretit pas një ndeshje me ritëm ndaj Zhironës, që përfundoi me rezultatin 3 – 3. Skuadra katalanase, kishte barazuar në takimin e parë 1 – 1 dhe barazimi i sotëm solli festën në Madrid.

Trajneri i Atletikos, Diego Simeone, u tregua i butë para medieve, duke mos u marr me kritika për skuadrën e tij, megjithëse u shpreh se do të preferonte nëse skuadra e tij do të luante pak më shëmutar e të kalonte më tej. Ndoshta duke iu referuar golit të fundit të Dumbias, ku skuadra e tij u kap në kundërsulm si rrallë herë dhe e pagoi shumë shtrenjtë këtë gjë.

“Ishte një ndeshje e bukur, një klasike kupe. Kishim si synim ta fitonim dhe bëmë një pjesë të parë të mirë. Ata bënë një ndeshje të pabesueshme, i përgëzoj për fitoren, pasi ne dhamë gjithçka në këtë takim”

“Nuk është asnjëherë pozitive kur eliminohesh, na mbetet të shikojmë ndeshjen e radhës. Zhirona bëri një ndeshje të mirë dhe s’mund t’u heq meritat atyre. Por, padyshim do preferoja të luaja e keq të kaloja më tej”, përfundoi Simeone.

VIDEO | Dy gola për kreun, Sevilja në rrugë të mbarë

Sport Ekspres — Sun, 16 Dec 2018 12:59:07 +0000

Sevilja është rikthyer te fitorja në kampionat pas barazimit në transfertë përballë Valencias. Ekipi andaluzian fitoi në shtëpi me rezultatin 2-0 përballë Zhironës, duke u ngjitur në krye me 31 pikë bashkë me Barcelonën (luan në mbrëmje përballë Levantes) dhe Atletikon e Madridit.

Golat e shënuar në pjesën e dytë nga Banega (nga pika e penalltisë) dhe Sarabia i dhanë fitoren e gjashtë shtëpiake rresht në kampionat Seviljes, që vazhdon garën për titull me Barçën dhe Atletikon.

FINAL #SevillaFCGirona 2-0

¡Banega y Sarabia firman el triunfo del @SevillaFC en #LaLigaSantander! pic.twitter.com/iBXLTYqbkP

— LALIGA (@LaLiga) December 16, 2018

Pjesa e parë nuk pati gola, ndërsa vendasit e nisën me një marsh më shumë të dytën. Andre Silva fitoi një penallti në minutën e 55-të, që u shndërrua në gol nga Banega, ndërsa dyfishim i rezultatit erdhi nëntë minuta më vonë.

Aksion i bukur i Seviljes, Ben Jeder pasoi në zonë për Sarabian, i cili shënoi duke vulosur fitoren dhe gjetur golin e 6 në kampionat. Humbja e dytë rresht për Zhironën, që renditet në vendin e dhjetë me 21 pikë.

Sevilja-Zhirona 2-0
(Banega (pen) 55′, Sarabia 64′))

Zhirona-Barça në Majemi? Nuk bëhet, FIFA-UEFA trembin katalanasit!

Sport Ekspres — Thu, 13 Dec 2018 16:10:42 +0000

Ishte folur prej kohësh që një ndeshje e La Ligës spanjolle do të zhvillohej në SHBA. Drejtuesit e ligës spanjolle të futbollit kishin zgjedhur ndeshjen Zhirona-Barcelona për t’u luajtur në Majemi, por diçka e tillë nuk do të ndodhë.

Klubi katalanas është tërhequr nga kjo ide, ndërsa zbulohet se Barcelonës i është bërë presion nga FIFA dhe UEFA. Qeveria botërore e futbollit ka paralajmëruar lojtarët e dy klubeve, se do t’i pengojë të luajnë me kombëtaret e tyre, ndërsa UEFA ka kërcënuar Barcelonën me përjashtim 2-vjeçar nga Champions Liga!

Kundër idesë së Ligës spanjolle të futbollit ka dalë dhe Federata e futbollit të vendit iberik. “Liga ngatërron kompetencat e saj organizative me fuqinë rregullatore, që është ekskluzivitet i RFEF (Federata Spanjolle e Futbollit)”, shprehet për mediat spanjolle një burim i Federatës.

VIDEO | Stuani nuk ndalet, Hueska rikthehet te pika

Sport Ekspres — Sun, 30 Sep 2018 12:00:58 +0000

Është mbyllur në barazim 1-1 ndeshja mes Hueskës dhe Zhironës. Vendasit rikthehen të marrin pikë pas katër humbjeve radhazi në kampionat, ndërsa Zhirona vazhdon të jetë e pamposhtur në transfertë.

Dy penallti vendosën sfidën e drekës në La Liga. Stuani kaloi Zhironën në avantazh në minutën e 37-të dhe sulmuesi uruguaian ngjitet në kuotën e gjashtë golave, vetëm një më pak se Andre Silva i Seviljes, i cili kryeson renditjen e golashënuesve me shtatë gola.

Vendasit reaguan dhe arritën të gjenin golin e barazimit në pjesën e dytë. Kapiteni Merelo u tregua i saktë nga pika e penalltisë dhe barazoi rezultatin në minutën e 72-të. Ndeshja nuk pati më gola dhe të dy ekipet ndanë nga një pikë.

Hueska renditet në vendin e tretë nga fundi me pesë pikë pas javës së shtatë, ndërsa Zhirona ngjitet në kuotën e nëntë pikëve, duke u renditur përkohësisht në vendin e nëntë.

Hueska – Zhirona 1-1
(Merelo (pen) 72′ / Stuani (pen) 37′)

Skandal në Spanjë, La Liga përgatit skenar poshtërues për derbin katalanas

Sport Ekspres — Thu, 06 Sep 2018 18:45:29 +0000

Situata politike në Spanjë nuk është aspak e qetë. Rajoni i Katalonjës, ku ndodhen dhe klubet e Barcelonës, Espanjolit dhe Gironës, po kërkon prej vitesh pavarësinë nga Spanja. Por, çuditërisht, për t’i “shtuar benzinë zjarrit” ka menduar bordi drejtues i La Ligas.

Sipas raportimeve nga mediet spanjolle ata kanë vendosur që ndeshja midis Gironës dhe Barcelonës të luhet në Amerikë dhe sikur kjo gjë absurde të mos mjaftonte ëshë ideuar dhe një plan me një koreografi prej 1000 flamujsh spanjollë dhe me vënien e himnit.

Vitin e kaluar ndeshja midis Gironës dhe Barcelonës ishte një festë e tëra katalanase me qindra flamuj të Katalonjës që valëviteshin nga të dyja tifozeritë. Plani i La Ligës është parë si një provokim i hapur nga pala katalanase dhe tani pritet vendimi i të dyja skuadrave, ku nuk përjashtohet mundësia e bojkotit të ndeshjes në shenjë proteste.