Zherom Boateng

Bajerni i tregon derën, Boateng i vetëofrohet gjigantit italian

Sport Ekspres — Thu, 20 Jun 2019 19:53:13 +0000

Bajerni i Mynihut po përpiqet të heqë dorë nga fasha e vjetër e skuadrës dhe të ndërtojë një bërthamë me lojtarë të rinj dhe premtues. Në këtë mënyrë Zherom Boateng me shumë mundësi do të largohet nga “Allianz Arena”. Qendërmbrojtësit i është shpjeguar se nuk do të ketë minuta të rregullta dhe do të ishte mirë të gjente një ekip të ri.
Ai pritet të jetë zgjedhja e katërt për qendrën e repartit difensiv të kampionëve të Gjermanisë. Pavard, Lukas Hernandes dhe Niklas Shyle qëndrojnë përpara tij. Sipas “Corriere dello Sport”, Boateng e ka ndjekur këshillën e Rumenige dhe i është ofruar Napolit. Përfaqësues të tij kanë kontaktuar drejtuesit e klubit italian për të sugjeruar afrimin e klientit të tyre.

Një bashkim me Kulibali në qendër do të formonte një dyshe të hekurt. Megjithatë, Napoli po shikon për një alternativë që premton më shumë në kohë dhe ai është Manolas i Romës. Në rast të dështimit të këtij operacioni, gjermani qëndron pas derës për të zbarkuar në “San Paolo”.

Boateng në “udhëkryq”: Bajern reziston, PSG nuk dorëzohet

Sport Ekspres — Mon, 27 Aug 2018 12:13:51 +0000

Boateng ishte në formacionin e Bajernit në ndeshjen hapëse të Bundesligës përballë Hofenhajmit, të cilën bavarezët e fituan me rezultatin 3-1. Kjo mund të jetë ndeshja e lamtumirës për mbrojtësin, sepse ai është pranë kalimit te PSG.

Siç citon “Bild”, drejtori sportiv i gjermanëve, Hasan Salihamixhiç është takuar ditën e hënë me homologun e PSG, Antero Henrike. Palët kanë diskutuar për çështjen e mbrojtësit dhe boshnjaku i Bajernit e ka bërë të qartë. Nevojiten 50 milionë euro për kartonin e 29-vjeçarit. Francezët nuk janë dakord për të paguar një shumë aq të madhe, por palët kanë lënë një tjetër takim në fillimin e javës së ardhshme dhe drejtuesit e kampionëve të Francës do të paraqesin ofertën e tyre për mbrojtësin e kombëtares gjermane.

PSG ka afruar në ekip dhe mbrojtësin 21-vjeçar të Shalkes, Tilo Kehrer për shumën e 37 milionë eurove, ndërsa tashmë është gati për të blinduar mbrojtjen me afrimin e Boateng.

Hënes, i qartë me PSG-në: Paguani dhe mbrojtësi është i juaji!

Sport Ekspres — Tue, 21 Aug 2018 10:05:38 +0000

Zherom Boateng kërkon largimin nga Bajerni dhe Uli Hënes i rikthehet dhe një herë pistës së mbrojtësit. 29 vjeçari dëshiron të kalojë tek ekipi i PSG dhe presidenti i Bajernit, në një prononcim për mediat gjermane, ka folur rreth kësaj mundësie. Klubi gjerman nuk dëshiron ta mbajë Boatengun pa dëshirën e tij, por francezët duhet të paguajnë.

“Opsioni i vetëm që ka mbetur është PSG, por ata duhet të paguajnë aq sa kërkojmë ne, përndryshe ta harrojnë mbrojtësin. Nëse nuk do të na vijë një ofertë zyrtare, Zherom do të qëndrojë me ne, por të shohim.

Për momentin ka 50% mundësi që Boateng të qëndroje te Bajern”, përfundon kreu i klubit bavarez, i cili e ka qartësuar shumën e duhur për të liruar mbrojtësin. PSG duhet të paguajë 50 milionë euro dhe asnjë cent më pak.