FC Andorra është përzgjedhur nga federata spanjolle si skuadra që do të zëvendësojë klubin e falimentuar SD Reus në Grupin B të Segunda Division (divizioni i tretë).

Federata ka argumentuar këtë vendim me faktin se skuadra e Pike plotësonte më së miri kriteret e vendosura, por arsyeja kryesore ishte fakti që klubi pagoi një shumë prej 450 mijë eurosh për të siguruar ngjitjen e menjëhershme në këtë kategori, procedurë kjo e gjitha ligjore.

Pike synon ta ngjisë ekipin  e tij në Segunda Division dhe për këtë ka mbledhur në ekip një grup lojtarësh cilësorë dhe me eksperiencë.

Një përgjigje e tillë ka sjellë acarimin e tifozëve të Espanjolit, të cilët kanë “pushtuar” rrjetet sociale kundër Pikesë. Sot zhvillohet edhe ndeshja derbi, Barcelona pret Espanjolin në “Camp Nou”, dhe pritet të jetë një ndeshje shumë e luftuar, pavarësisht diferencave mes ekipeve.

Vetë klubi i Espanjolit ka reaguar ndaj komentit të qendërmbrojtësit të Barçës. Shkurt, me klas dhe plot elegancë. Ata mund të kenë më pak para se Pike, por ndihen krenar për atë që përfaqësojnë.

“Tifozët tanë. Skuadra jonë që vendos shpirtin në fushë çdo ditë. 119 vitet tona të historisë. Minuta 21 (ka lidhje me Daniel Zhark, ish-kapiteni i Espanjolit i ndarë nga jeta në vitin 2009. Tifozët e kujtojnë çdo ndeshje shtëpiake në minutën që përkon me numrin që mbante lojtari). Respekti për kundërshtarët. Zemra bardheblu. Kjo është trashëgimia jonë dhe vlera e saj nuk matet me euro”, përfundon komunikata e klubit katalanas.

Aquests són els nostres valors#RCDE | #Volem | #EspanyoldeBarcelona | #BarçaEspanyol pic.twitter.com/o87XBvOwpi

— RCD Espanyol de Barcelona (@RCDEspanyol) March 29, 2019

31-vjeçari mund të bëhet presidenti i një klubi dhe “El Mundo Deportivo” zbulon se bëhet fjalë për CF Reus Deportiu. Ekipi garon në Segunda, ndodhet afër Barcelonës, stadiumi mban emrin “Camp Nou Municipal”, ndërsa drejtori teknik i klubit është Joan Oliver, ish-menaxheri i përgjithshëm në kohën e Joan Laportes te Barcelona, me të cilin Pike ka marrëdhënie shumë të mira.

Klubi i Reus ndodhet në një situatë të vështirë financiare, renditet në vendin e tretë nga fundi në kampionat dhe nevojiten 5 milionë euro për të përmbushur detyrimet ligjore si dhe për t’u përforcuar në janar me ndonjë futbollist. Kjo shumë nevojitet brenda 5 dhjetorit dhe Pike mund të jetë “engjëlli shpëtues”.

Katalanasi ka shprehur interesin e tij dhe ka kërkuar informacion të plotë për situatën e klubit dhe gjendjes ekonomike, ndërsa tifozët e Reus shpresojnë që Pike të bëhet presidenti i ekipit.

Humbja kundër ekipit andaluzian ka lënë shije të hidhur te Barça, që nuk iu gëzua në maksimum rikthimit të Leo Mesit nga dëmtimi. Kapiteni shënoi dy herë, por tre pikët shkuan për Betisin.

Siç citon “Superdeporte”, në dhomat e zhveshjes së Barcelonës ka patur zënka dhe ngritje zërash. Zherard Pike dhe Luis Suarez kanë debatuar mes tyre, me sulmuesin që u ankua për mungesën e një pasimi nga ana e mbrojtësit. Kjo gjë nuk i ka pëlqyer Pikesë, i cili është përgjigjur: “mos më çaj k… për një pasim”.

Por, jo vetëm kaq. Sipas kamerave të “Movistar”, Pike dhe Arturo Vidal kanë debatuar për një rast në fundin e takimit, çka mund të sillte barazimin e djemve të Valverdes. Vidal ka qenë fare i lirë, por Pike ka goditur vetë duke humbur rastin. “Nëse thua ‘e imja’, ta lëj, por nuk kam dëgjuar kurrë në jetën time fjalën ‘unë’”, janë fjalët e thëna nga mbrojtësi kundrejt mesfushorit kilen.

Ekipi katalanas ka mbërritur në Milano për sfidën e mbrëmjes së sotme, ndërsa mbrojtësit Zherard Pike i ka ndodhur një episod i pakëndshëm.

Të gjithë lojtarët e Barçës kanë qenë duke dalë nga autobusi, mes tyre dhe Pike, i cili ka qenë më kufje në vesh dhe i përqendruar te një letër që mbante në dorë.

31-vjeçari nuk e ka patur mendjen dhe është përplasur me pasqyrën e autobusit, mes të qeshurave të tifozëve të pranishëm.

Një gjest interesant ka ndodhur gjatë klasikes së futbollit iberik. Tifozët e Barçës kanë filluar të ofendojnë Serxho Ramos. Kapiteni i Realit është i urryer në ato anë, për shkak të temperamentit të tij, por jo vetëm. Ofendime në kor, por në krah të mbrojtësit madrilien ka dalë Zherard Pike.

Marrëdhëniet e tij mes Ramos nuk janë të shkëlqyera, por Pike ka sinjalizuar tifozët të ndalonin koret kundër Ramosit. Dora e ngritur lart dhe sinjali me gisht, duke e bërë të qartë se duhet të ndalonin.

Momenti është kapur nga programi televiziv “El Partidazo de Vamos”, që ka postuar pamjet në “Twitter”. Një gjest fantastik i mbrojtësit të Barcelonës, i cili ka marrë komente pozitive nga tifozë të ndryshëm në rrjetet sociale.

Zherad Pike ka folur pas fitores së thellë për “Marca”, ku tregon se “manita” kundër Realit është kthyer në traditë. Mbrojtësi është në qiellin e shtatë, por kërkon të mbajë ekipin më këmbë në tokë, sepse përpara ka sfida të tjera dhe është akoma fillimi i sezonit.

“Kjo javë shkoi shumë mirë. E dimë që kampionati është akoma shumë i gjatë, mund të ndodhë gjithçka, dhe e dimë se “El Clasico” është vetëm një moment. Është e pamundur të kontrollosh ndeshjen për 90 minuta, sepse dhe ata kanë cilësi për të krijuar raste. Ditëm të vuanim dhe të fitojmë bindshëm. Kjo fitore na bën shumë të lumtur, sepse Reali është një kundërshtar shumë i vështirë. Historikisht është rivali ynë i përjetshëm. Bëhet fjalë për më shumë se tre pikë, është një gëzim i papërshkrueshëm, një kënaqësi e madhe, por duhet të qëndrojmë me këmbë në tokë, duke shfrytëzuar këtë karikim për sfidat e radhës.”

Mbrojtësi i Barcelonës ndalet dhe te renditja e kampionatit. Katalanasit ndodhen në vendin e parë, një pikë sipër Alaveshit, dy sipër Seviljes dhe shtatë mbi Realin. “Shtatë pikë janë të mjaftueshme, por jemi në tetor dhe Reali i Madridit është një klub i madh. Një seri rezultatesh negative mund të na ndodhë dhe neve. Mungesa e Mesit? Treguam që Leo mund të pushojë dhe pak dhe të rikuperohet qetësisht”, përfundon Zherard Pike.

Mbrojtësi spanjoll, i cili është tërhequr nga kombëtarja e Spanjës, ka dashur të zgjidhë disa probleme sa i përket “Davis Cup” në sportin e tenisit. 31-vjeçari ka shkuar në Shangai për të zgjidhur disa probleme të tenistëve të ndryshëm.

Lojtari i Barcelonës ka investuar në botën e tenisit, duke u bërë promotor i disa ndryshimeve në këtë sport. Formati i “Davis Cup” ka ndryshuar dhe tenistë si: Novak Xhokoviç dhe Aleksandër Zverev nuk kanë dëshirë të marrin pjesë në këtë kompeticion, madje gjermani Zverev ka bërë thirrje për tenistë të tjerë t’i bashkohen kësaj nisme.

Ideja e zhvillimit të kompeticionit brenda një jave në muajin nëntor nuk i pëlqen as Roxher Federerit dhe Pikë ka marrë avionin për të bindur tenistët.

Një gjë e tillë nuk është pritur mirë në kampin katalanas. Ekipi ka probleme në mbrojtje dhe orientimi i Pike drejt biznesit të tij dhe jo përqendrimi tek ekipi nuk është pritur mirë.

“Të Barcelona insistojnë se Zherard Pike është më i fokusuar në biznesin e tij, sesa në fushën e blertë. Klubi është i zemëruar, sepse ai ka marrë një udhëtim prej 20 mijë km (vajtje-ardhje) për të bindur lojtarët e tenisit të bëjnë pjesë në ‘Davis Cup’”, shkruajnë mediat e vendit iberik.

Patrik Evra, i cili u aktivizua për tetë sezone me “Djajtë e Kuq”, ka zbuluar një detaj gjatë shakave të tij me mbrojtësin, Zherad Pike, i cili ishte pjesë e Junajtid, përpara se të rikthehej te Barcelona.

Spanjolli i kishte djegur këpucët e futbollit francezit, ndërsa ky i fundit vendosi të hakmerrej keq ndaj atij veprimi.

“Njëherë më ishin djegur këpucët e mia të futbollit dhe një gjë e tillë nuk ishte aspak e këndshme. E kishte bërë Zherard Pike dhe unë vendosa të hakmerrem. Mora këpucët e tij, shkova në banjo dhe e bëra në këpucë”, zbulon për “Sky Sport UK”, 37-vjeçari francez, i cili aktivizohet me ekipin e Uest Hemit.

31-vjeçari ka vendosur të marrë një biçikletë elektrike dhe është nisur drejt stërvitjes më të. Diçka e tillë i ka befasuar të gjithë, por ligji është ligj dhe Pike nuk mund të bëjë gjë.

Lojtari rrezikon 6 muaj burg, ose 6 mijë euro gjobë, por ai do të vazhdojë procesin gjyqësor i vetëm, sepse klubi i Barcelonës nuk është përfshirë në situatën e krijuar. “Kjo është një çështje personale e lojtarit” shprehet zëdhënësi i klubit spanjoll, Josep Vives.

Aspak problem për trajnerin Valverde, i cili beson se kjo situatë nuk do të ndikojë në paraqitjet e Pikesë me skuadrën, ndërsa ky i fundit do të detyrohet të heqë dorë nga timoni i makinës për disa kohë.

 

View this post on Instagram

 

@leomessi és @3gerardpique már ilyen elektromos Greyp Bikes kerékpárokkal hasítanak az utakon. ?????????? A Greyp Bike járgányok 9??0??0??0?? Fontba kerülnek ? Szóljatok, ha látjátok ?ket elsuhanni? . . . . #messi #pique #barcelona #fcbarcelona #greypbikes #electricbike #sport #messifans #bike #foci #szeretemafocit #csakafoci #fociaminden #mik

A post shared by FociTour.hu (@focitour) on Sep 6, 2018 at 8:24am PDT

Ai është ndaluar gjatë orës 3 të mëngjesit të ditës së sotme nga një patrullë policie gjatë një kontrolli rutinë. Atij iu kërkuan dokumentet, por policët vunë re që mbrojtësit nuk i kishin mbetur pikë në patentën e tij, si pasojë e disa shkeljeve të bëra më parë.

31-vjeçari do të thirret për një gjykim të shpejtë të veprës penale, siç parashikohen rregullorja kur të kanë mbaruar pikët e patentës. Gjykata Supreme Spanjolle e ka të parashikuar qartë: nuk është një shkelje administrative, por një krim kundër sigurisë së rrugëve.

Pike rrezikon 6 muaj burg, 288 mijë euro gjobë, ose 90 ditë punë të detyrueshme në shërbim të komunitetit.

Futbollisti ka patur dhe më parë probleme me policinë rrugore. Në vitin 2014, Pike ishte pasagjer dhe jo në drejtimin e mjetit, që ishte parkuar gabim. Situata u tensionua midis palëve me mbrojtësin, i cili ofendoi dy policë dhe u dënua me 10.500 euro gjobë dhe heqje pikësh në patentë.

“Champions është kompeticioni më i rëndësishëm, sepse aty luajnë më të fortët, megjithatë do të jetë vetëvrasje dhe e rrezikshme të përqendrohemi vetëm aty. Kampionati do të na tregojë nëse jemi mirë, ose jo dhe është pak a shumë si një termometër. Mos të harrojmë se sa herë kemi fituar Championsin, kemi fituar dhe titullin në Spanjë.

Pogba? Ai është një lojtar i madh, por luan me Mançester Junajtid. Të shohim nëse do të ndryshojë klub. Do të ishte diçka e bukur të vinte këtu, do gëzoheshim të gjithë, por duhet të respektojmë faktin që ai është një futbollist i një tjetër skuadre”, përfundon mbrojtësi i Barcelonës në prononcimin e dhënë për “Marca”.

Mbrojtësi Pike është i kënaqur me fitoren, por tregohet i ashpër me gjendjen e fushës së stadiumit “Jose Zorrilla”, që e cilësoi si të turpshme dhe shumë të keqe.

“Bari i fushës ishte për turp. Ishte për të ardhur keq, sepse ekzistonte rreziku i dëmtimit për lojtarët. Përpara se të shesim produktin tonë jashtë shtetit, do të bënim mirë të shihnim gjendjen këtu. Federata dëshiron të na dërgojë në Amerikë për të zhvilluar ndonjë ndeshje, por gjendja e fushës ishte një turp i vërtetë.

Rreziku i dëmtimit ishte i lartë dhe shpresoj që do të merren masa për këtë situatë. Gjithsesi, në arritëm një rezultat të mirë, kemi tre pikë më shumë dhe është momenti për të vazhduar të punojmë”, përfundon mbrojtësi 31-vjeçar i Barcelonës. Akuza të njëjta lëshoi dhe trajneri Valverde, i cili kritikoi gjendjen e fushës së Vajadolidit.