Zhegrova

Gola dhe paraqitje të shkëlqyera, legjionarët duken “top”

Sport Ekspres — Wed, 26 Jun 2019 20:24:29 +0000

Sot janë luajtur një numër i madh ndeshjesh miqësore dhe shumë futbollistë shqiptarë kanë zbritur në fushën e lojës. Disa prej tyre, kanë bërë paraqitje shumë të mira, madje kanë gjetur dhe rrugën e rrjetës.

Standard Liezh fitoi 0-5 përballë Braine dhe golin e fundit të takimit, e shënoi mbrojtësi i Kosovës, Vojvoda. Dardani gjeti rrugën e rrjetës në minutën e 80’, për të vendosur rezultatin final të sfidës. Për Bazelin, protagonistë ishin dy futbollistë shqiptarë.

Skuadra zvicerane fitoi thellë 1-5 përballë Mynih 1980. Edon Zhegrova shënoi golin e katërt për Bazelin në minutën e 67’, ndërsa futbollisti i talentuar, Tician Tushi, shënoi në minutën e 74’. Golin sot e ka gjetur dhe ish-futbollisti i Skënderbeut, Agim Zeka, i cili shënoi një nga golat për skuadrën e Sitardit.

Zhegrova: Ja pse zgjodha Bazelin, po përmirësohem pas çdo ndeshjeje

Sport Ekspres — Wed, 17 Apr 2019 18:13:15 +0000

Edon Zhegrova nuk e ka pasur të lehtë të gjejë minuta te skuadra e Bazelit, por ylli i kombëtares së Kosovës beson se do të përmirësohet me kalimin e ndeshjeve.

Në një intervistë për “Telebasel”, 20-vjeçari flet mbi arsyet e transferimit në Zvicër dhe premton se skuadra e tij do të rikthehet në majën e futbollit zviceran.

“Ishte bukur që të vija këtu e të luaja për klubin më të madh. Të gjithë e dinë që Bazeli është klubi më i madh në Zvicër. Shumë lojtarë të mëdhenj kanë luajtur këtu dhe unë synoj të bëhem si ata. Prandaj zgjodha Bazelin. Ky klub e meriton të jetë numri një”.

“Jang Bojs u shpallën kampin këtë vit, por vitin tjetër do përqendrohemi dhe do të bëjmë më mirë. Mendoj se mund të ndihmoj me kualitetin tim. Nuk kënaqem kurrë. Po përpiqem të përmirësohem ndeshje pas ndeshje”.

MIQËSIA ME ALBIAN AJETIN DHE TAULANT XHAKËN – “Jemi shokë të mirë dhe ata po më ndihmojnë shumë. Është diçka e mirë që ata janë këtu, pasi mund të mësojnë gjëra për skuadrën dhe qytetit”, përfundoi Zhegrova.

Zhegrova debuton në Zvicër, Lenjani spikat me asist te Sioni

Sport Ekspres — Sat, 23 Feb 2019 20:08:26 +0000

Edon Zhegrova ka debutuar me fanellën e Bazelit në përballjen e sotme kundër Ksamaksit. Skuadra e sulmuesit të përfaqësues së Kosovës u gjend në avantazhin e dy golave dhe me një lojtarë më shumë se vendasit. Në këto rrethana trajneri i Bazelit i besoi 10 minuta mëngjarashit duke e aktivizuar në minutën e 83-të.

Bazeli fitoi ndeshjen me rezultatin 2 – 0, ndërsa Taulant Xhaka luajti për 90 minuta në këtë takim. Në krahun e kundërshtarëve Arbnor Fejzullahu e pa të gjithë ndeshjen nga stoli rezervave, ndërsa mbrojtësi i Kosovës Arbenit Xhemajli luajti si titullar.

Ermir Lenjani spikati në takimin midis Sionit dhe St. Gallen. Lojtari i kombëtares shqiptare u aktivizua sërish si sulmues krahu, ku rezultoi efikas duke shërbyer shqiptarin tjetër të Sionit, Pajtim Kasamin, i cili çoi Sionin në avantazh 2 – 1. Megjithatë skuadra e Lenjanit nuk e mbajti dot avantazhin dhe ndeshje përfundoi barazim 2 – 2.

Zyrtare | Zhegrova largohet nga Genku, transferohet te “gjiganti” zviceran

Sport Ekspres — Mon, 04 Feb 2019 12:28:40 +0000

Edon Zhegrova është larguar nga skuadra e Genkut. Lojtari i përfaqësueses së Kosovës lë kampionatin belg për të provuar një eksperiencë të re te skuadra zvicerane e Bazelit.

Në një njoftimin e bërë nga klubi belg, njoftohet se 19-vjeçari është huazuar për një sezon e gjysmë te Bazeli, dhe se në marrëveshjen midis dy klubeve ekziston një opsion për blerjen përfundimtare të kartonit të lojtarit.

Succes Edon! ? #krcgenk #samengenk https://t.co/Fxclqx5LyL

— KRC Genk (@KRCGenkofficial) February 4, 2019

Gjatë pjesës së parë të sezonit, aktivizimet e Zhegrovës me Genkun ishin të pakta. Sulmuesi mëngjarash u aktivizua në vetëm shtatë takime, shumica prej të cilëve nga stoli i rezervave.

Vlerësim për Zhegrovën, pjesë e më të mirëve të ballkanit

Sport Ekspres — Sun, 30 Dec 2018 19:52:48 +0000

Edon Zhegrova nuk po kalon një moment të mirë te Genku, por s’duhet të harrojmë që lojtari i përfaqësueses së Kosovës është vetëm 19 vjecc dhe ka shumë vite para vetes.

Talenti i “dardanëve” ka marrë së fundmi një vlerësim nga sajti i njohur “footballtalentscout.net”, që e ka renditur mëngjarashin në listën e 14 talenteve më premtues të ballkanit.

https://twitter.com/FTalentScout/status/1078990013646413824

Në përzgjedhjen e bërë nga dominon Serbia dhe Krocia me tre lojtarë secili, ndërsa të gjitha shtetet e tjera të ballkanit, përjashto Shqipërinë, përfaqësoheshin me nga një lojtar.

Guri i pafuqishëm ndaj kryesuesve, shkarkohet trajneri i Abazajt

Sport Ekspres — Sun, 16 Dec 2018 22:46:35 +0000

Sindrit Guri u rikthye të luajë si titullar në një ndeshje të kampionatit belg pas më shumë se një muaji. Në transfertën ndaj kryesuesve të Genkut, shkodrani luajti deri në minutën e 70-të, ndërsa takimi u mbyll me fitoren 2 – 0 të vendasve.

Në këtë takim ishte i grumbulluar dhe sulmuesi i përfaqësueses së Kosovës, Edon Zhegrova. Lufta e egër për titullin kampion ka bërë që minutat për mëngjarashin e talentuar të jenë të pakta.

Ndërkaq, një tjetër ngjarje e bujshme në futbollit belg është shkarkimi i trajnerit të Anderlehtit Hein Van Hazebruk. Vendimi erdhi pas humbjes 2 – 1 kundër Cercle Bruzh, në këtë takim iu dha shansi i debutimit sulmuesit shqiptar Kristal Abazaj, i cili edhe pse mori elozhe nga Van Hazebruk në fazën përgatitore, u la në harresë nga trajneri belg përgjatë katër muajve të fundit.

Le RSC Anderlecht met fin à la collaboration avec Hein Vanhaezebrouck: https://t.co/1XEQrVY2Cv

RSC Anderlecht beëindigt de samenwerking met Hein Vanhaezebrouck: https://t.co/5Z2dxzisLo pic.twitter.com/Wm0PbXzjdz

— RSC Anderlecht (@rscanderlecht) December 16, 2018

Çfarë spektakli Zhegrova, gol fantastik kundër Olimpiakosit!

Sport Ekspres — Sat, 21 Jul 2018 15:24:07 +0000

Sot Genk luajti një miqësore kundër Olimpiakosit dhe fitoi me rezultatin e bujshëm 4-0. Gjithsesi, ishte vetëm një miqësore verore, por interesante është se njeriu i ndeshjes ishte Edon Zhegrova.

Sulmuesi i talentuar i Kosovës luajti një ndeshje fantastike, duke shënuar një gol shumë të bukur me të majtën 15 minuta para fundit, duke dhënë një asist e duke dhënë pasime të bukura gjatë gjithë ndeshjes.

Trademark Edon Zhegrova. He just scored this beauty against Olympiacos.#GoldenBoy #KosovoPower pic.twitter.com/9pFTkzMKSX

— Kosovan Football?? (@kosovanfooty) July 21, 2018

Rritja e 19-vjeçarit po ecën me ritëm konstant dhe duket qartë që djaloshi nga Kosova ka një të ardhme të ndritur, nëse menaxhohet si duhet.

Duhet kujtuar se para pak kohësh trajneri Kristian Panuçi polemizoi në distancë me Zhegrovën, duke pretenduar se talenti i Genkut fillimisht i kishte dhënë fjalën Shqipërisë, por më pas zgjodhi të luajë për Kosovën.

Panuçi për Zhegrovën: Kush thotë “jo”, të ketë b… të zgjedhë vetë!

Sport Ekspres — Mon, 19 Mar 2018 10:52:11 +0000

Trajneri i Shqipërisë, Kristian Panuçi, ka qenë direkt dhe ka folur ashpër në lidhje me lojtarët që refuzojnë të luajnë për kombëtaren kuqezi. Më i zemëruar Panuçi duket se ka qenë me Edon Zhegrovën, talentin e Genkut në Belgjikë, i cili me sa duket zgjodhi ne, por më pas i ati e bindi të shkonte te Kosova, ku i premtohet një aktivizim më i rregullt.

“Kam biseduar me lojtarin, e donte Shqipërinë, por më pas prindërit në shumë raste janë shkatërrimi i fëmijëve”.

“Zhegrova tha ‘po’ fillimisht dhe më pas tha ‘jo’. Nuk është e drejtë të them emra të tjerë, për statusin e tyre personal, për situatat që i kanë çuar te këto vendime. Kush më thotë ‘jo’, nuk vjen më në kombëtare, uroj të luajnë gjetkë. Edhe grupi aktual më mjafton. Në jetë secili bën ç’të dojë, të shkojë te Brazili apo kudo tjetër, por duhet të kenë b… që të zgjedhin vetë, jo të vendosin babi, mami, xhaxhai e me radhë”.