zhardim

VIDEO | Efekti Zhardim, Monako rikthehet të fitojë pas gati dy muajsh

Sport Ekspres — Sat, 02 Feb 2019 21:14:00 +0000

Monako ka grumbulluar tre pikë shumë të vlefshme, teksa mundi në Principatë Tuluzën me rezultatin 2 – 1. Talenti rus Golovin dhe mesfushori i njohur spanjoll Françesk Fabregas ishin autorët e golave për skuadrën vendase, që tani e gjen veten në vendin 18-të me po aq pikë.

Kjo ishte ndeshje e tretë që Monako e drejton trajneri Leonardo Zhardim, i cili u rikthye në stolin e skuadrës nënkampionë të Francës tre muaj pas shkarkimit që iu bë nga drejtuesit e klubit, të cilën e zëvendësuan me Tierri Henrinë. Ky i fundit nuk e justifikoi emrin e madh qe kishte krijuar në karrierën si lojtar.
Golovin 16′

Fabregas 62′

Mbijetesa do të jetë e vështirë për t’u arritur, por në letër Monako ka një ekip me emra të frikshëm, që nëse janë në një ditë të mirë, mund t’i hapin punë dhe një “gjiganti” si PSG-ja.

Monako 2 – 1 Tuluz
Shënues: Golovin 15′, Fabregas 62′ / Zhulien 20′

Zyrtare: Henri pa punë, Monako rikthen trajnerin kampion

Sport Ekspres — Fri, 25 Jan 2019 20:55:02 +0000

“Telenovela” Tierri Henri te skuadra e Monakos pati një fund të hidhur. Megjithatë, te klubi nga Principata nuk ka kohë për të “vajtuar”. Pasuesi i Henrisë do të jetë pikërisht ai që i liroi vendin francezit tre muaj më parë, Leonardo Zhardim.

https://t.co/kuNtsezQye

— AS Monaco ?? (@AS_Monaco) January 25, 2019

Në njoftimin zyrtar, drejtuesit e klubit falënderuan Henrinë për punën e bërë dhe u shprehën se Zhardim mund rikthejë klubin në “shina” klubin, që për momentin ndodhet në vendin e parafundit të tabelës së kampionatit francez.

Leonardo Zhardim

Gjatë këtyre tre muajve, Zhardim ishte shumë pranë firmës me një ekip arab dhe një ekip kinez, por detajet bënë që 44-vjeçari të refuzonte të hidhte firmën në kontratë në momentet e fundit.

Zhardim ka fituar statusin e një trajneri legjendar te Monako, pasi në udhëheqjen e tij, Monaku mundi “gjigantët” e PSG-në në garën për titull.

Zhardim i jep fund pushimeve, oferta e sheikëve është e parezistueshme

Sport Ekspres — Sat, 01 Dec 2018 19:58:32 +0000

Leonardo Zhardim ishte “arkitekti” i një prej arritjeve më të mëdha të futbollit modern. Dy vite më parë portugezi udhëhoqi Monakon drejt fitimit të titullit ta kampionatit francez, duke lënë në vend të dytë multimilionerët e PSG-së.

Çdo histori e ka një fund dhe, trajneri portugez u nda me skuadrën nga Principata pas ecurisë negative të fillimit të kampionatit. Por, puna e shkëlqyer ndër vite nuk ka se si të mos tërheqë interesin e shumë klubeve dhe ofertat për të kanë qenë shumta.

Sipas medieve në Arabinë Saudite, 44-vjeçari ka zgjedhur të vijojë në lindjen e mesme karrierën e tij. Al Nasr, një ndër klubet më të mëdha në mbretërinë e pasur me naftë. Ofertat nga Europa nuk kanë qenë të pakta, por mesa duket, oferta arabe do të ketë qenë shumë tunduese për t’i thënë jo.