Zhang

“Falëminderit për gjithçka”, Spaleti rikthehet të flasë

Sport Ekspres — Fri, 31 May 2019 18:12:51 +0000

Antonio Konte u zyrtarizua sot si trajner i ri i Interit, duke zëvendësuar italianin tjetër, Luçiano Spaleti. Ky i fundit drejtoi Interin për dy sezone. Në fillim të sezonit 2017-18, Spaleti u largua nga Roma për të marrë drejtimin e zikaltërve, por nuk ia doli që të rivalizonte me Juventusin dhe Napolin për titullin kampion.

Pas dy sezonesh të plota, bordi drejtues i Interit vendosi të bëjë ndryshime në stol, duke marrë Konten në vend të Spaletit. Ky i fundit është rikthyer të flas pas divorcit me zikaltërit. Në një postim të tij në Instagram, falënderoi presidentin Zhang që i besoi, duke shkruar:

“Falëminderit president, që më dhe mundësinë të drejtoj Interin”. Në komentet e këtij postimi, shumë tifozë kanë shprehur mirënjohjen e tyre kundrejt trajnerit italian, që me shumë gjasa do të vazhdojë një aventurë të re në një të ardhme të afërt.

View this post on Instagram

GRAZIE PRESIDENTE per avermi concesso l’onore di allenare l’Inter. @stevenzhang91 @inter

A post shared by Luciano Spalletti (@lucianospalletti) on May 31, 2019 at 10:26am PDT

Presidenti i Interit: Milano jemi ne!

Sport Ekspres — Sun, 26 May 2019 22:30:33 +0000

Interi është ende shumë larg premtimeve të pronarëve kinezë, por ka mjaftuar fitorja ndaj Empolit dhe mbyllja e kampionatit në vendin e katërt, për të ndezur entuziazmin e presidentit Steven Zhang.

Pas fitores arritur me shumë vuajtje në ndeshjen e fundit të kampionatit, Zhang ka postuar një mesazh në rrjetet sociale, ku shkruan shkurt: “Milano jemi ne!”.

Një mesazh i fortë, që synon të vërë në lojë Milanin, i renditur i pesti, por zor se tifozët e Interit ndihen vërtet aq të lumtur sa tenton të shfaqet presidenti i vet, sepse Interi mbetet vite dritë larg Juventusit dhe pjesëmarrja në Champions është pa vlerë, nëse kujtohet sezoni aktual dhe eliminimi që në grup.

View this post on Instagram

Milano siamo Noi !!! ??? #WeAreINTER #PazzaInter #NotForEveryone #UCL #Amala

A post shared by Steven Zhang (@stevenzhang91) on May 26, 2019 at 2:06pm PDT

“Ikardi duhet të jetë pjesë e grupit”, te Interi ndryshojnë mëndje

Sport Ekspres — Mon, 18 Mar 2019 19:06:48 +0000

Fitorja në derbi 3-2 kundër Milanit duket se ka ndryshuar totalisht atmosferën në kampin zikaltër. Mauro Ikardi mungoi sërish edhe kundër kuqezinjve, për shkak të problemeve që ka pasur me klubin javët e fundit. Megjithatë, duket se sulmuesi argjentinas do të rikthehet shumë shpejt në fushat e blerta.

Këtë gjë e konfirmoi dhe vetë presidenti i klubit, Zhang, i cili foli për mediat italiane. Presidenti tha se Ikardi duhet të kthehet sa më shpejt në fushat e blerta dhe që të jetë pjesë e grupit. Po ashtu, numri një i zikaltërve dha dhe një datë se kur Ikardi do të jetë së bashku me ekipin: Jo më larg se të premten.

Edhe trajneri i Interit, Luçiano Spaleti pranoi se Ikardi e meriton të jetë pjesë e skuadrës: Mauro e meriton rikthimin. Ai është zikaltër dhe ne po presim me padurim rikthimin e tij. Jam gati për çdo detaj që mund ta zgjidhë këtë situatë. Duam të gjithë lojtarët të jenë të gatshëm për ekipin dhe Mauro nuk përbën përjashtim”, përfundoi Spaleti.

Takim kokë më kokë, Zhang “prenoton” Marotën

Sport Ekspres — Wed, 03 Oct 2018 09:47:22 +0000

Mbas tri javësh, bashkëpunimi 7-vjeçar midis Xhuzepe Marotës dhe Juventusit do të marrë fund, por drejtori ekzekutiv i Juventusit nuk ka ndërmend të lajë duart njëherë e përgjithmonë nga futbollit. Sipas “Tuttosport” drejtori në ikje të Juventusit shumë shpejt mund ta shohim në tribunën “VIP” të San Siros.

TAKIMI ME STIVEN ZHANG –Gazeta italiane raporton se Marota është takuar në person me djalin e pronarit të Interit, Stivën Zhang. I riu kinez më pas ka vazhduar kontaktet me Marotën me anë të një telefonate të gjatë dhe akordi mes palëvë është vetëm çështje kohë.

PROJEKTI DHE PAGA – Marota cilësohet si njeriu që mund të luajë një rol kyç në ngushtimin e hendekut financiar mes Interit dhe Juventusit. Për të siguruar shërbimet e italianit, kinezët e “Suning” i kanë ofruar atij një kontratë nga e cila do të përfitojë 3 milionë euro në sezon dhe do të ketë liri të plotë veprimi.