“Teuta ka një ngërç psikologjik. Unë kam një konsideratë të madhe me trajnerin Shkëmbi, por ndoshta këtu  ka të bëjë ajo mungesa e eksperiencës pasi është një trajner i ri, i cili nuk është përballur më parë me situata të tilla”.

“Një trajner duhet të dijë si të komunikojë me skuadrën e tij në momente të tilla. Kur kam qenë futbollist e kam vlerësuar shumë këtë gjë te trajnerët. Trajneri nuk është vetëm personi që vendos rreshtimet taktike, te Teuta nuk ka një problemi rreshtimi, por një problem psikologjik. Shkëmbi duhet të dijë se si të motivojë sërish skuadrën e tij”, tha Zeqiri.

Zeqiri ka shënuar 4 gola në 15 ndeshje në ligën e dytë zvicerane, por vetëm 6 sfida i ka startuar si titullar për Lozanën. Gjithmonë kur i është besuar, Zeqiri ka arritur të jetë protagonist.

Edhe në sfidën e sotme miqësore përballë Ksmaksit, talenti ka qenë ndër më të mirët, pasi ka arritur edhe të gjejë rrjetën. Në minutën e 25’, Zeqiri dyfishoi avantazhin për skuadrën e tij, që në fund triumfoi bindshëm 0-3.

Miqësore

Ksamaks – Lozanë   0-3
Shënues: Olivera 14’, Zeqiri 25’, Kura 70’

“Më nevojitet operacion, nëse nuk ndalem”, shprehet Zeqiri, i mërzitur, duke e pranuar se tashmë nuk mund të vazhdojë më te Kamza. “Nuk dua t’i bëhem barrë askujt dhe nuk dua të paguhem kot. Kam një problem që kërkon operacion, por nëse operohem, rrezikoj të mos luaj më të këtë sezon, ndaj qëndrimi te Kamza është pa asnjë vlerë. Do të flas me drejtuesit dhe do të kërkoj prishjen e kontratës”, shton vlonjati, i cili këtë sezon është përndjekur nga fati i keq, sepse ka munguar disa javë për dëmtim edhe te Kukësi dhe tashmë thotë “stop”, për një kohë të pacaktuar.

Nëse kontrollet mjekësore të detajuara do të arrijnë në përfundimin se problemi mund të zgjidhet thjesht me pushim absolut për disa javë, ndoshta Zeqiri do të tentojë të kapë formën optimale për sezonin e ardhshëm. Në të kundërt, ndonëse vetëm 29 vjeç, nuk përjashtohet edhe mbyllja e karrierës, për të mos përfunduar në sallën e operacionit.

Në krahun tjetër, Hair Zeqiri do të jetë jashtë fushave të blerta për tri javë. Siç u raportua dje nga gazeta, mesfushori vlonjat ka një problem në kofshë dhe tani është përcaktuar dhe periudha e riaftësimit. 28-vjeçari ka humbur veç ndeshjes me Lushnjën, edhe ato me Teutën dhe Luftëtarin, por dhe ndeshjen e parë të Kupës me Egnatian. Por nuk ka vetëm lajme të këqija për Kukësin. Nga sot me skuadrën do të bashkohet sulmuesi Elis Bakaj, i cili e ka lënë pas dëmtimin dhe do të jetë i gatshëm për ndeshjen me Lushnjën.

Jurgen Zela

Java e pestë rezervon një përballje interesante për Kukësin, që do të sfidojë Lushnjen. Vendasit rikthehen në fushën e tyre me moralin lart, çka bën që për Kukësin të rritet ndjeshëm shkalla e vështirësisë.. Verilindorët janë të dënuar për t’u rikthyer te fitorja pas humbjes në shtëpi me Skënderbeun. Vetë presidenti Safet Gjici ua ka bërë të qartë të tijve se duhet kthesa e menjëhershme, pasi tashmë korçarët janë tre pikë para tyre.

DËMTIMET – Përveç anës psikologjike, ku stafi teknik duhet të bëjë që sa më parë lojtarët ta harrojnë atë humbje në Kukës, që vinte pas më shumë se një viti e gjysmë në shtëpi. Trajneri Milinkoviç është me sy e veshë nga stafi mjekësor, nga ku pret lajme të mira. Ylli Shameti ka ende shqetësime në këmbë dhe vijon me intensitet fazën e rikuperimit, por duket e vështirë që të jetë në fushë me Lushnjen. Gjithashtu edhe sulmuesi Elis Bakaj është në luftë me kohën për të lënë pas dëmtimin që mori në ndeshjen e fundit. Situata për kryeqytetasin duket më e mirë dhe shanset janë që të luajë përballë Lushnjes, por ende 30-vjeçari nuk është bashkuar me ekipin. “Timonieri” i Kukësit ka marrë një tjetër lajm jo të mirë, që e bën jo pak me dhimbje koke. Hair Zeqiri ka qenë mungesa e madhe në seancën e djeshme, teksa vlonjati ka shfaqur probleme dhe me shumë gjasa nuk do të jetë i gatshëm për takimin e kësaj jave. 28-vjeçari ka probleme në kofshë, një shqetësim  që vjen edhe prej stërvitjes në fushë me bar artificial. Mungesa e vlonjatit kushtëzon zgjedhjet e stafit teknik, që ka afruar në ekip së fundmi edhe të riun Kristi Joti, që së bashku me Koldashin janë alternativa të Musollit dhe Kërkotiç.

PËRGATITJET

Përgatitjet në kampin e kampionëve vijojnë me ritëm të lartë, ku për të tretën ditë radhazi janë aplikuar sërish dy seanca stërvitore. Paradite lojtarët kanë zhvilluar një seancë në palestër, ndërsa pasdite kanë zbritur në tapetin e fushës së kompleksit “Internacional” në Pezë-Helmës. Lojtarët po gëzojnë një formë të mirë, por duke nisur që nga sot pritet që ritmi të ulet, pasi ndeshja e radhës me Lushnjen luhet ditën e enjte.

“Kemi ndryshuar shumë këtë verë, edhe ardhja e trajnerit të ri kërkon kohë dhe skuadra duhet të përshtatet me skemat dhe lojën. Unë kam qenë edhe më parë te Kukësi, ndaj e njoh ambientin, por ka lojtarë të tjerë që kanë më shumë nevojë për kohë. Trajneri po punon shumë dhe flasim gjithë kohën për të mësuar idetë e tij, ndaj duhet pak kohë”.

Kukësi dhe titulli? “Kemi po aq shanse sa kishim një vit më parë dhe në fund Kukësi e fitoi titullin. Është ende herët për të dhënë gjykim për sezonin e ri, por duke parë përbërjen e skuadrës, synimi është fitimi i titullit kampionat dhe jemi në rrugën e duhur. Diferenca me Kukësin e vjetshëm? Janë bërë ndryshime në skuadër dhe kjo kërkon kohë, por lojtarët e afruar janë cilësorë, ndaj mendoj se i kemi shanset për t’u përmirësuar dhe për të shkuar te titulli”.

“Në futboll duhet parë gjithmonë përpara, ekipi ka pësuar ndryshime, kemi punuar shumë në Ohër. Tani kemi ndeshjen e Superkupës dhe duhet të japim maksimumin, sepse duam ta fitojmë sfidën kundër Tiranës. Do të jetë sezon më i vështirë, sepse kur je kampion duhet mbrojtur titulli dhe nuk është një mision i lehtë, ka shumë presion, duhet sakrifikuar shumë. Kemi ndryshuar trajner, kemi bërë shumë ndryshime në skuadër, por duhet të shohim përpara, duke punuar shumë, për të arritur objektivat.

“Kampionati? Ne do të mundohemi javë për javë të marrim maksimumin e pikëve. Në futboll ka tre rezultate, nuk është e thënë që të fitojmë ne gjithmonë. Sezonin e shkuar humbëm vetëm një ndeshje kampionati, kur e kishim fituar titullin, ndërsa këtë sezon zor do t’ia dalim sërish të qëndrojmë të pamposhtur, por pak rëndësi ka, titulli mund të fitohet edhe me disa humbje”.

Ndërkaq, mesfushori Hair Zeqiri kërkon Superkupën e parë në karrierë dhe e sheh si një hakmarrje të vogël naj Tiranës: “Superkupën nuk e kam fituar ende, kam luajtur një finale pikërisht kundër Tiranës dhe e kemi humbur, kur luaja për Flamurtarin. Për këtë arsye, dua një ndeshje të suksesshme, për mua dhe për ekipin.

Krahasimi mes Gjokës e Milinkoviçit: “Gjoka është një trajner fitues, ka fituar te Kukësi, por edhe te Flamurtari, ku unë e kisha trajner. Si ai, edhe Milinkoviç, janë trajnerë të suksesshëm, pastaj secili ka filozofinë e vet të lojës.

Sulmusi i talentuar 18-vjeçar do të kthehet në Zvicër, ku Lozana i garanton një vend në skuadrën e parë për sezonin e ri.

Kjo duket arsyeja që ka çuar te divorci me Juventusin, të paktën sipas menaxherit Valter Fernandez, i cili ka shpjeguar se Juventusi dëshironte ta mbante Zeqirin, por ishte vetë lojtari që preferoi të kthehej në Lozanë, për të luajtur në ekipin e parë, në Superligë.

Në sezonin e shkuar Zeqiri ishte titullar me skuadrën Primavera të Juventusit, drejtuar nga Fabio Groso, duke shënuar 9 gola në 29 ndeshje. Juventusi i ofroi edhe një vit huazim, por Lozana dëshironte një vendim përfundimtar: blerje, ose kthim në shtëpi.

Zeiqiri ka qenë një kërkesë e trajnerit Ernest Gjoka, i cili e ka pasur në planet e tij prej javësh, por klubi verilindor kishte qëndruar pasiv për një kohë të gjatë.

Afrimi i ndeshjeve në Champions League dhe largimi i disa titullarëve nxorrën zbuluar Kukësin, aq sa trajneri Gjoka u ankua publikisht, në një intervistë publikuar në “Sport Ekspres”, duke e pranuar me organikën aktuale nuk ka garanci për ndonjë sukses në Champions.

Reagimi i klubit ka qenë i menjëhershëm dhe ka ardhur akordi me Zeqirin, i cili kishte disa muaj pa ekip, pas prishjes së kontratës me Flamurtarin. Tani mesfushori kthehet tek një nga ish-klubet e tij, sepse te Kukësi ka qenë një lojtar kyç në sezonin 2014/2015, para se të kthehej në Vlorë.

Në sezonin e fundit Zeqiri luajti 16 ndeshje kampionati si titullar në Vlorë, por pas humbjes 1-2 ndaj Besëlidhjes për kupë në Vlorë pati një debat të ashpër me administratorin kuqezi Sinan Idrizi. Aty u krijua një krisje që përfundoi me prishje kontrate dhe që atëherë Zeqiri ka qenë pa ekip, në pritje të ofertave kryesisht nga jashtë. Megjithatë, tashmë fantazisti kthehet në Kukës, ku është bindur edhe nga fakti se aty gjen një nga ish-trajnerët e tij, Ernest Gjokën.

Gëzim Beqiri

Vazhdojnë të jenë të gjithë me pushime aktorët e futbollit në Gjirokastër, ndoshta deri në përfundim të zgjedhjeve. Megjithatë,  mësohet se ka një skuadër në listë, ku numrit të futbollistëve aktualë i shtohen edhe shumë të tjerë, që janë në planet e Luftëtarit për sezonin e ardhshëm. Si në të gjitha rastet e deritanishme, deklarimi i tyre bëhet kur çdo gjë ka përfunduar, por nga burime të brendshme pranë klubit mësohet se janë në plane futbollistë pa shumë emër, shumica nga skuadra të Kategorisë së Parë, por me moshë të re. Përforcimet kërkohen nga ekipe si Pogradeci, Kamza, Dinamo dhe Flamurtari.

ZEQIRI – Ndër kandidatët për të veshur fanellën e Luftëtarit thuhet se bën pjesë edhe vlonjati Hair Zeqiri. Emri i tij qarkullon si një përforcim i mundshëm për gjirokastritët. Zeqiri ka shkëputur marrëdhëniet me Flamurtarin shumë javë para mbylljes së kampionatit që shkoi.

TAKTIKA – Edhe në merkaton e një viti më parë, drejtuesit e Luftëtarit përdorën të njëjtën taktikë në përzgjedhjen e futbollistëve dhe rezultuan të suksesshëm. Bregu, i lënë disi në hije nga ekipet e tjera, bëri emër pas aktivizimit me Luftëtarin, pavarësisht se ishte thënë më parë se ishte mjaft i talentuar. Abazaj luante me Elbasanin dhe talenti I tij u zbulua po nga teknikët e Luftëtarit, pa përmendur emra të tjerë, që tani janë shumë të kërkuar në Superligë. Jo pa qëllim të gjitha kontratat me futbollistët u firmosën për tre vjet (2+1) dhe shumica e futbollistëve të afruar janë me moshë të re. Rroca, Ruçi, Lamçe, Topi, Brahimaj, Rapo, Zogaj, bashkë me Bregun dhe Abazajn, përbëjnë pothuajse një skuadër të plotë të moshës 18-22 vjeç, por janë edhe 4-5 futbollistë vendas nga të rinjve, që e bëjnë grupin më të plotë. Pra, “skuadra në letër” është fillimi, pavarësisht se i vonuar, i përgatitjeve për sezonin e ri.

Në fakt, ishte Juventusi që eliminoi në një farë mënyre vetveten, sepse sulmuesi Kin, i cilësuar si fenomeni i ardhshëm i Juventusit, tentoi një penallti “alla Panenka”, por portieri i Fiorentinës e priti lehtësisht, duke vendosur gjysmëfinalen.

Juventusi kontrolloi ndeshjen në pjesën e parë dhe në minutën e 37-të Çelenca shënoi golin e avantazhit.

Në pjesën e dytë Kin humbi disa raste të pastra për të dyfishuar, ndërsa Fiorentina mbeti me 10 lojtarë, por habiti të gjithë në shtesë, sepse barazoi me anë të Sotil nga pika e bardhë, pas një faulli nga Semprini në vend të Gorit.

Ishte shenjë e fatit, sepse në shtesa nuk pati gola dhe u deshën 11-metërshat për të vendosur takimin. Pak minuta para mbylljes së shtesave u fut në fushë për Juventusin edhe talenti Andi Zeqiri, i cili i shkoi shumë pranë golit në minutën e 114-të.

Pikërisht Zeqiri shënoi 11-metërshin e parë të Juventusit, por Leris humbi penalltinë e dytë dhe Kin të katërtën në mënyrë qesharake dhe Fiorentina u kualifikua, sepse i shënoi 4 penalltitë që gjuajti.

#JuveFiorentina, #Kean sbaglia il cucchiaio! #Primavera ? @tvdellosport https://t.co/03ET2Ugavt pic.twitter.com/uBbghjnMvh

— Goal Italia (@GoalItalia) June 7, 2017