Standard Liezh fitoi 0-5 përballë Braine dhe golin e fundit të takimit, e shënoi mbrojtësi i Kosovës, Vojvoda. Dardani gjeti rrugën e rrjetës në minutën e 80’, për të vendosur rezultatin final të sfidës. Për Bazelin, protagonistë ishin dy futbollistë shqiptarë.

Skuadra zvicerane fitoi thellë 1-5 përballë Mynih 1980. Edon Zhegrova shënoi golin e katërt për Bazelin në minutën e 67’, ndërsa futbollisti i talentuar, Tician Tushi, shënoi në minutën e 74’. Golin sot e ka gjetur dhe ish-futbollisti i Skënderbeut, Agim Zeka, i cili shënoi një nga golat për skuadrën e Sitardit.

Hapësirat në ekipin e parë kanë qenë të pakta, por 20-vjeçari po e tregon më së miri veten në kampionatin e skuadrave U21.

Së fundmi mëngjarashi shqiptar ka shënuar një gol tejet të bukur që tregon pse drejtuesit e Lilës pranuan të derdhnin 300 mijë euro nga arkat e Skënderbeut dy vite më parë.

Shpejtësi, teknikë në driblim dhe një goditje e fuqishme që shtang në vend portierin, ky gol i ka të gjitha.

https://www.instagram.com/p/BxIA_vQBqxb/?utm_source=ig_web_copy_link

Që pas largimit të tij nga Skënderbeu, Zeka bërë ndërruar shumë skuadra. Fillimisht, ishte skuadra franceze e Lilës që pagoi 300 mijë euro për shërbimet e tij, para që mbushën arkat e Skënderbeut. Më pas, ekipi francez e shiti për gjysmën e kësaj shumë (150 mijë euro) te skuadra portugeze e Verzim.

Gjithsesi, Zeka do të rikthehej sërish te skuadra e Lilës, për t’u shitur përfundimisht te ekipi portugez i Leiksoes. Por as te kjo skuadër 20-vjeçari nuk arriti të jetë i rëndësishëm, për tu transferuar tashmë te Sitardi, skuadër që kërkon medoemos qëndrimin në elitën holandeze.

Vendimi u konfirmua nga Federata Shqiptare e Futbollit, që njoftoi se për shkak të dëmtimit, Abazaj nuk do të jetë pranë skuadrës për dy ndeshjet e radhës zyrtare. Gjatë mesditës, trajneri Bushi publikoi listën e lojtarëve që kishte grumbulluar, por pas bisedës së pasdites me mesushorin ofensiv, drejtuesi i stolit kuqezi u vu në dijeni të dëmtimit të futbollistit dhe menjëherë e zëvendësoi me Agim Zekën.

Dëmtimi e ka mbajtur Abazajn larg fushave edhe në Belgjikë, me lojtarin që po vuan për shkak të gjendjes fizike dhe ende nuk ka arritur të debutojë te Anderlehti. Në anën tjetër, Zeka, mesfushori i Leiksoes në Portugali, do ti bashkohet skuadrës, për të qenë në dispozicion të trajnerit dhe ekipit. 20-vjeçari, i cili është huazuar te luzitanët nga francezët e Lilës, do të jetë një alternativë e mirë për dy ndeshjet e fundit kualifikuese të Europianit U-21.

Përfaqësuesja Shpresa e Shqipërisë do të luajë më 11 tetor në shtëpi ndaj Spanjës kryesuese të Grupit 2, ndërsa më datë 16 tetor do të luajë në trasfertën me Estoninë, ekipin që mbyll grupin, duke u renditur në vendin e gjashtë me vetëm 1 pikë pas tetë ndeshjeve të luajtura.

Mesfushori i kombëtares shqiptare U-19 e U-21, i huazuar në janar nga Lila, shënoi golin e dytë të ndeshjes në minutën e 14-të, një supergol me një gjuajtje fantastike, që barazoi përkohësisht shifrat në 1-1.

Pak më vonë Zeka doli i dëmtuar, por Varzimi arriti të fitonte, edhe pse Penafieli e mbylli në avantazh në pjesën e parë.

Që atëherë Zeka ka luajtur në divizionin e katërt me Lilën II, ekipin e rezervave, duke shënuar gola në 20 ndeshje, por natyrisht niveli në atë kategori është i ulët dhe Zeka ka nevojë të luajë futboll profesionist, ndaj është arritur marrëveshja për të shkuar te Varzimi, skuadër që po lufton për mbijetesë në divizionin e dytë portugez dhe ka nevojë për lojtarë me cilësi në aspektin ofensiv.

“Sapo kam mbërritur, por grupi më ka pritur në mënyrë të shkëlqyer. E di situatën aktuale të Varzimit dhe kam ardhur të jap ndihmën time për të ndihmuar skuadrën të ngjitet në renditje. Shpresoj të jap ndihmën time dhe do të jap 100%-shin tim”, deklaroi Zeka pas prezantimit të sotëm në klubin e ri.

Zeka shënoi golin e barazimit, me një gjuajtje mjaft të zgjuar brenda zone, duke befasuar portierin kundërshtar, që priste një kros. Lila ende nuk ka fituar në 3 ndeshje, por Zeka i dha një pikë me vlerë në fushën e Sedanit dhe javën e ardhshme në Bastia shpresohet te fitorja e parë.

Gaspër Marku

E shtuna ka qenë dita e dytë e stërvitjes për skuadrën kuqeblu në këtë start të procesit të përgatitjeve për sezonin futbollistik 2017-2018. Ashtu si edhe një ditë më parë, seanca stërvitore është zhvilluar në fushën e stadiumit “Reshit Rusi”. Në ndryshim nga një ditë më parë, nga 22, dje numri i futbollistëve ka qenë 23.

Arlind Kalaja është emri që i është shtuar grupit kuqeblu, duke u vënë në dispozicion të teknikut Cungu ashtu si edhe kolegët e tjerë të skuadrës. Mungesa e Kalasë në seancën e parë stërvitore u shoqërua me komente nga më të ndryshmet, të cilat ndër të tjera bënin të ditur se me skadimin e afatit të kontratës në fund të majit, në këmbim të vazhdimit të bashkëpunimit me kuqeblutë ai kërkonte kushte të tjera kontrate me klubin Vllaznia.

Gjithsesi, edhe pse burimet në fjalë vinin nga brenda klubit kuqeblu, ka qenë drejtori sportiv Eugent Zeka që ka marrë përsipër të sqarojë situatën rreth futbollistit në fjalë. Në një prononcim të posaçëm për “Sport Ekspres”, Zeka tha dje teksa ndiqte nga afër seancën stërvitore të Vllaznisë në “Reshit Rusi”, se nuk ka asnjë çështje “Kalaja”. Sipas tij, mungesa e futbollistit në ditën e parë stërvitore ka pasur të bëjë me problemet familjare që shoqërojnë sportistin.

Për ta bërë edhe më bindëse deklaratën e tij rreth situatës që shoqëron Kalanë, drejtori Zeka konfirmoi se për mungesën e premtes ka pasur lejen e tij si zyrtar i klubit Vllaznia.

Përpos çështjes “Kalaja”, ka edhe diçka tjetër për të sqaruar. Kjo ka të bëjë me futbollistët Arenc Dibra, Bekim Erkoçeviç dhe Arsen Hajdari, të cilët duke qenë se nuk u panë të jenë të pranishëm në seancën stërvitore të ditës së parë, u aludua se mund të jenë larguar. Sipas Zekës, një gjë e tillë nuk është e vërtetë, sepse futbollistët në fjalë janë pjesë e klubit Vllaznia dhe për momentin janë llogaritur si kontigjent i Vllaznisë B”, por që në vazhdimësi mund të ketë edhe lëvizje të tjera në këtë drejtim.

Gaspër Marku

Vllaznia nuk ka zbritur ende në fushën e blertë dhe kjo ka bërë që të ketë shumë kritika në Shkodër, por në klub e përsëritin se janë në kohë. Një gjë të tillë e pati konfirmuar pak ditë më parë edhe administratori Astrit Gjyrezi, ndërkohë që të njëjtën gjë e përsërit edhe drejtori sportiv, Eugen Zeka. Në intervistën ekskluzive dhënë mbrëmjen e së dielës për “Sport Ekspres”, ai pohon se bazuar edhe në informacionet më të fundit marrë në FSHF, kampionati starton në shtator dhe Vllaznia është në kohën e duhur. Përpos anës organizative, Zeka prek edhe disa pika të tjera të komentuara jo pak në opinionin sportiv, si çështja e merkatos, largimi i Hebajt, marrëdhëniet me teknikun Cungu, si dhe komenton edhe kërkesat dhe pretendimet e disa klubeve të Superiores për shtimin e numrit të të huajve, duke e thënë hapur mendimin e tij që është kundër.

Ka kaluar mbi një muaj që nga mbyllja e kampionatit dhe skuadra vazhdon pushimet. Mendoni se jeni vonë me fillimin e procesit stërvitor, apo siç është shprehur edhe administratori Gjyrezi jeni akoma në kohë?

Ndryshe nga skuadrat e tjera që marrin pjesë në kupat e Evropës, mendoj që përsëri nuk jemi vonë për fillimin e përgatitjeve, duke pasur parasysh këtu edhe udhëzimet e reja të FSHF-së, përmes së cilave informohemi që Kampionati i Superiores 2017-2018 me shumë mundësi mund të fillojë në muajin shtator dhe jo në fund të gushtit. Gjithsesi, vazhdoj të jem i mendimit që sa më herët aq më mirë do të ishte, në të gjitha aspektet.

Kur mendohet të fillojnë përgatitjet kuq e blu?

Në një mënyrë apo tjetër është bërë e qartë për të gjithë, që së shpejti do të jenë vendimet dhe direktivat e kryesisë së klubit, ato që do t’i japin pikënisjen sezonit të ri futbollistik për KF Vllaznia. Prandaj, çdo fjalë e tepërt nga ana e gjithsecilit deri në atë moment, nuk bën tjetër gjë, veç rrezikon të kthehet në objekt diskutimi apo montimi të ndonjë çështjeje që nuk ekziston.

Në lidhje me analizën teknike të stafit me drejtuesit e klubit dhe ato të baskisë, çfarë pritet nga ajo? Do të jetë thjesht konstatuese apo edhe ndëshkuese?

Analizat dhe mbledhjet me drejtuesit janë normale në çdo klub, jo vetëm në fund të sezonit, por edhe gjatë tij. Të njëjtën gjë, sapo e zhvilluam edhe me të gjithë pjesëtarët e stafeve të akademisë, ku jo vetëm evidentuam problematikat e ndryshme, por mbi të gjitha edhe i përgëzuam ato për arritjet dhe sukseset në punën e tyre gjatë këtij viti.

Largimi i talentit Hebaj, apo edhe i ndonjë tjetri, a ju shqetëson ndopak si drejtues?

Sulmuesi Hebaj ishte fat ta kishim mes nesh, siç do të jetë i tillë për çdo skuadër ku do të luajë. Një lojtar i mrekullueshëm dhe me shumë perspektive si ai, padyshim që është shumë e vështirë për ta zëvendësuar, por jo e pamundur. Përsa i përket lojtarëve të tjerë shkodranë, nuk ka asnjë largim tjetër, siç aludohet, përkundrazi sipas takimeve individuale të punës që kam bërë me ato, të gjithë pa përjashtim kanë shprehur dëshirën të qëndrojnë te Vllaznia. Më pas, gjatë merkatos është normale që gjithsecili të mendojë dhe kërkojë më të mirën e mundshme për karrierën e vet.

Çfarë bëhet me merkaton? Edon Hasani, a është më në listat e Vllaznisë? A ka emra të tjerë të lakuar për t’u afruar?

Lojtari Edon Hasani nuk ka nevojë të jetë në listë, pasi ka qenë dhe është në dëshirën dhe vullnetin e të gjithëve ne, për ta rikthyer në Shkodër dhe për ta admiruar duke luajtur në stadiumin “Loro Boriçi”, me ngjyrat kuq e blu mbi shpatulla. Patjetër që ka emra të tjerë, sidomos të atyre që në një mënyrë apo tjetër janë të lidhur me Shkodrën dhe vijnë me shumë dëshirë për të kontribuar pranë Vllaznisë.

Ditët e fundit janë shtuar shumë zërat për shtimin e numrit të huajve në kampionatin shqiptar, nga katër në gjashtë? Sa jeni dakord me këtë propozim dhe cili është mendimi juaj profesional për këtë çështje?

Kampionati ynë dhe futbolli shqiptar në përgjithësi, ka nevojë të formojë dhe forcojë përherë e më shumë identitetin e vet. Prandaj, në këtë këndvështrim, rritja e numrit të pjesëmarrjes së lojtarëve të huaj nuk ndihmon, për më tepër që ato shohin dhe përdorin kampionatin tonë vetëm si trampolinë drejt kampionateve të shteteve më të njohura. Unë mendoj që rritja dhe formimi i lojtarëve shqiptarë dhe promovimi sa më shumë i tyre, është rrugëzgjidhja më e përshtashtshme dhe më e drejtë për të mirën dhe të ardhmen e futbollit shqiptar.

Edhe diçka tjetër. Në media është përcjellë ideja e një konflikti mes jush si drejtor dhe teknikut Cungu. Sa e vërtetë është një gjë e tillë dhe sa dëmton imazhin e klubit, por edhe të vete profileve tuaja si individë?

Mediat bëjnë punën e tyre me të drejtë, por ne duhet të dimë të bashkëjetojmë me ato edhe në raste të tilla gjatë profesionit tonë. Pavarësisht nga rolet dhe detyrat që mbulojmë, ne si profesioniste e kemi për detyrë, jo vetëm morale, por edhe ligjore në baze të kontratave, që vetëm të mbrojmë dhe rrisim imazhin e klubit tonë, gjë të cilën unë kam bërë e vazhdoj ta aplikoj me rigorozitet kudo në profesionin tim. Eksperienca më ka mësuar që, duke mbrojtur imazhin e klubit dhe interesin e përgjithshëm, automatikisht vetëm mbrohet edhe imazhi i profilit tim si individ.

Gaspër Marku

Te Vllaznia nuk ka vetëm merkato futbollistësh, por edhe në stafin drejtues. Vetëm një ditë pas konfirmimit të teknikut Armando Cungu në stolin kuqeblu, lajmi më i fundit që del nga brenda klubit ka të bëjë me një largim të mundshëm të drejtorit sportiv Eugent Zeka. Në fakt, për Cungun komentet dhe diskutimet në lidhje me hezitimin e tij për të qëndruar në krye të Vllaznisë kanë qenë të shumta, por tashmë gjithçka ka marrë drejtim. Ishte kryebashkiakja Voltana Ademi që konfirmoi trajnerin dhe më pas vetë Cungu lëshoi deklarata pohuese, duke i dhënë fund çdo lloj aludimi rreth kësaj çështje. Dhe tashmë trajneri Cungu është gati të vazhdojë punën për projektin, që ai ka në mendje për Vllazninë.

ZEKA – Por nga stafi drejtues i klubit Vllaznia pritet të largohet drejtori sportiv Eugent Zeka. Një informacion i tillë vjen nga burime pranë vetë Zekës dhe destinacioni i tij mund të jetë Durrësi. Me të gjitha mundësitë, kjo lëvizje do të bëhet realitet dhe Zeka do të punojë për Teutën. Realisht, durrsakët e kanë trajnerin e tyre, Gugash Maganin, i cili ka besimin dhe simpatinë e drejtuesve durrsakë, por për rastin konkret mund të jetë në lojë edhe posti i drejtorit sportiv pranë klubit bregdetar. Një detyrë, që Zeka e ka kryer më së miri deri tani pranë klubit shkodran, duke fituar një përvojë pozitive. Lajmi në fjalë konfirmohet edhe nga burime pranë presidentit Edmond Hasanbelliu, për të cilin thuhet se ka shprehur konsideratën e tij për figurën e Zekës. Ky i fundit, përveç Vllaznisë, ka provuar një aventurë të vogël në Superiore si trajner i Laçit. Prej vitesh Zeka ka punuar me ekipet e moshave në Itali, ku edhe është licencuar si trajner futbolli përkrah emrave të njohur.

Por, edhe pse Teuta mbetet pista kryesore për një lëvizje të mundshme të Zekës, burimet pranë tij bëjnë të ditur se ka edhe një ofertë tjetër. Nuk është zyrtare, por thuhet se është Flamurtari. Oferta këto, që gjatë ditëve në vazhdim pritet të bëhen publike nga vetë Zeka, i cili, me sa duket, ka vendosur t’i japë fund bashkëpunimit me kuqeblutë. Një veprim ky që komentohet në forma të ndryshme në qytetin verior. Zeka njihet si një njeri i përkushtuar pas futbollit dhe sidomos pas qytetit të tij të lindjes, ku krahas ekipit të parë, ka kontribuuar jo pak edhe te sektori i akademisë apo te Vllaznia B, që i kurorëzuan me sukses kampionatet e tyre. Ndaj një lëvizje e tillë, të paktën për aq sa komentohet në opinionin sportiv, nuk kuptohet fort mirë, nëse ka të bëjë me ambiciet e tij për një karrierë më të zgjeruar apo me ndonjë ambicie tjetër për të drejtuar Vlalzninë, pra për të zëvendësuar Cungun, nëse do të largohej. Emri i tij është lakuar jo pak, siç janë lakuar edhe një sërë emrash të njohur ish-futbollistësh shkodranë për pasuesin e mundshëm të Cungut.

Zeka luajti kundër shumë lojtarëve që i njeh mirë, duke i parë çdo javë në fushë në Francë: “Franca ka një ekip shumë të talentuar, janë lojtarë që luajnë në nivele të larta, nuk është e lehtë për ne”.